NEWS AND UPDATE

SHIELD Round Table Discussion & Technical Workshop Meeting | February 21, 2024

Sa patuloy na paghahangad na mas mapatibay at mapatatag pa ang kakayahan ng Lalawigan ng Quezon laban sa mga sakuna at pagbabago ng klima, nagkaroon muli ng talakayan at pagpupulong sa ilalim ng programang Strengthening Institutions and Empowering Localities Against Disasters and Climate Change (SHIELD) nitong Pebrero 21 sa Queen Margarette Hotel Domoit, Lucena City sa pangunguna ng Provincial Disaster Risk Reduction and Management Office (PDRRMO).

Dinaluhan ang nasabing pagpupulong ng iba’t-ibang tanggapan ng Pamahalaang Panlalawigan, kasama rin ang mga kinatawan mula sa Sangguniang Panlalawigan, Department of Interior and Local Government (DILG), Philippine Red Cross, DepEd Lucena at Tayabas, Southern Luzon State University (SLSU), Quezon ARMOR, Quezon Federation and Union of Cooperatives at United Nations Development Programme (UNDP) sa pangunguna ni UNDP Quezon Provincial Associate Ms. Sandra Corpuz.

Ilan sa pangunahing adyenda ng naturang pagpupulong ay ang talakayan patungkol sa Public-Private-People Partnerships for Resilience o tinatawag na Sambayanihan na ibinahagi ni National Resilience Council Program Officer Mutya Camba at ang diskusyon tungkol sa Value Chain Analysis na ibinahagi naman ni Mr. Jay Arididon, Program Coordinator mula sa Philippine Business for Social Progress – Luzon.

Sa huli, naging matagumpay ang maikling programa at nakapagbalangkas ng mga hakbang tungo sa mas maayos na komunikasyon at pagtutulungan ng bawat tanggapang kabahagi sa pagpapalakas ng laban kontra sa mga natural na sakuna na tiyak na magiging kapaki-pakinabang para sa mga mamamayan ng Lalawigan.

Source: Quezon PIO

Veggie-Ful Valentine’s Day – Bouquet Making Contents Top 10 Finalist

VOTING STARTS NOW for the most beautiful and creative Veggie-ful Bouquet!!!

Score will be divided into two category:

50% from the judges

50% from the most number of reactions here on Facebook (any reaction will be counted)

Prizes:

1st place: Php 3,000.00

2nd place: Php 2,000.00

3rd place: Php 1,000.00

7 consolation prizes worth Php 500.00 each.

Voting is until February 25, 2024 at 12mn.

Announcing of winners will be on February 27, 2024

VOTE NOW and don’t forget to like our page!

Link:
https://www.facebook.com/OfficialAgricultureQuezon/posts/pfbid022EJ7MrAc73vvQNXcqC2SWcy4Ag4oAg3SBbuodpxUYxqC3VZgE5nnz4opRoBEbKmul

Source: Quezon OPA

Orange Tourism Festival | February 21, 2024

Bilang pakikiisa ng Pamahalaang Panlalawigan ng Quezon sa pagdiriwang ng National Arts Month ngayong taon, isinagawa ngayong Pebrero 21 ang unang araw ng Orange Tourism Festival.

Sa pangunguna ng Provincial Tourism Office na pinamumunuan ni Nesler Louies Almagro, kanilang inihanda ang mga workshop na may kaugnayan sa sining upang maibida ang malikhaing talento ng mga Quezonian.

Kasama ang iba’t-ibang personalidad na nagpapamalas ng kahusayan sa mundo ng sining, kanilang ibinahagi ang mga kaalaman at karanasan upang magbigay inspirasyon sa mga aspiring artists na mahulma ang kagalingan nila sa musika, sayaw, teatro, at iba pa.

Samantala, naibahagi ni Board Member John Joseph Aquivido bilang Chairperson on Committee on Tourism ang magandang balita na magiging ganap na ordinansa na ang Quezon Provincial Culture, Arts and Tourism Code kung saan magsisilbing matibay na batayan para sa mas maunlad na turismo sa lalawigan.

Kasabay namang inanunsyo ang muling pagbabalik ng Quezon Medalya ng Karangalan (QMK) 2024 at binuksan ang nominasyon para rito.

Source: Quezon PIO

1st Quezon 2024 Cacao Summit

Isinagawa ngayong araw ng Lunes, Pebrero 19 ang kauna-unahang Quezon Cacao Summit 2024 sa pangunguna ng Office of the Provincial Agriculturist na pinamumunuan ni Dr. Lisa Mariano.

Layon ng nasabing programa na mabigyang suporta ang mga magsasakang Quezonian na nagtatanim ng cacao, upang mas mapalakas at mas mapaunlad ang kalagayan ng kanilang sektor.

Naibahagi naman ni Governor Doktora Helen na kanyang hangad na makilala ang Quezon hindi lamang bilang nangunguna sa produksyon ng niyog kundi pati na rin sa cacao. Masaya rin ang gobernadora sapagkat ang cacao isa sa pandagdag na mapagkikitaan ng mga magsasaka.

Samantala, nagkaroon ng Exhibit of Cacao/Chocolate Products kung saan makikita ang iba’t-ibang klaseng pagkain at inumin na gawa sa cacao na maaari ring mabili sa mismong booths ng mga manufacturers.

Source: Quezon PIO

Management Committee Meeting

Sa patuloy na pagsisikap ng Pamahalaang Panlalawigan na mas mapabuti pa ang serbisyong inihahatid sa mga mamamayan ng Quezon, muling nagkaroon ng ManCom Meeting ang bawat punong-tanggapan sa pangunguna ni Gobernor Doktora Helen Tan ngayong araw ng Lunes, Pebrero 19.

Ito ay sa paglalayong mapag-usapan ang ilang mahahalagang ulat patungkol sa mga kaganapan na isasagawa sa mga susunod na buwan gayundin, ang ilang concerns ng bawat opisina. Nagpaalala rin si Provincial Administrator Manny Butardo sa mga pananagutan ng bawat punong-tanggapan.

Nais naman ng Gobernadora na mas mapalawig pa ang pagpapakalat ng impormasyon na may kaugnayan sa mga proseso ng tulong na ibinababa ng Pamahalaang Panlalawigan upang mas mapadali ang paghahatid ng serbisyo para sa mga nangangailangang mamamayan ng Quezon.

Source: Quezon PIO

Quezon Women’s Volleyball Team Tryout | February 18, 2024

Buo na ang kuponan ng mga taga ika-tatlong distrito sa isinagawang volleyball tryout ngayong araw ng Linggo sa Pitogo Town Plaza, Pebrero 18.

Pinangunahan ng Provincial Sports Office ang muling pagsasagawa ng tryout para makabuo ng team ang mga taga ikatlong distrito ng Quezon na lalaro sa one day league para sa selection ng Quezon Women’s Volleyball Team (year born 2006).
Inaasahan na magpapakitang gilas din ang mga taga ika-apat na distrito sa huling tryout na gaganapin sa Pebrero 24 sa Gumaca Municipal Gym.

Source: Quezon PIO

Quezon Women’s Volleyball Team Tryout | February 17, 2024

Sa pangunguna ng Provincial Sports Office, muling nagsagawa ng volleyball tryout para sa mga kabataang babae na nais mapabilang sa binibuong Quezon Women’s Volleyball Team na ginanap ngayong araw ng Sabado, Pebrero 17 sa Quezon Convention Center, Lucena City.

Umabot sa 100 kabataang babae na ipinanganak mula sa taong 2006 ang nagpakitang gilas at husay sa paglalaro ng volleyball, at nagmula naman ang mga ito sa una at ikalawang distrito ng lalawigan.
Ang mga napiling manlalaro ay sunod na sasabak sa tinatawag na one day league, kung saan ay pipillin ang mga karapat-dapat na mapabilang sa binubuong nasabing kuponan.

Abangan naman bukas, Pebrero 18 sa Pitogo Town Plaza ang volleyball tryout para sa mga kabataang babae (year born 2006) ng ikatlong distrito.

Source: Quezon PIO

Benchmarking Activity of Men Opposed to Violence Against Women Everywhere (MOVE) – Laguna Chapter | February 16, 2024

Bumisita sa tanggapan ng Pamahalaang Panlalawigan ng Quezon ang Men Opposed Violence Against Women & Children Everywhere (MOVE) LAGUNA Chapter para sa Benchmarking Activity ngayong araw ng Biyernes, Pebrero 16.

Masayang pinaunlakan ng tanggapan ng Provincial Gender and Development sa pangunguna ni PGAD OIC Ms. Sonia Leyson kasama si PGAD Asst. Department Head Mr. Sedfrey Potestades na nagbahagi naman ng mga accomplishments at mga programa ng MOVE Quezon Chapter.

Matatandaang nagawaran ang lalawigan ng Quezon bilang Best GAD Implementor sa buong CALABARZON sa loob ng tatlong magkakasunod na taon kung kaya’t hangad ng MOVE Laguna na makakuha ng mga epektibong pamamaraan mula sa lalawigan na may kaugnayan sa implementasyon ng iba’t-ibang programa ukol sa Gender and Development.

Patuloy ang pagsusumikap ng Pamahalaang Panlalawigan na maipatupad nang maayos ang mga programang tumutugon sa karapatan ng bawat indibidwal sa Quezon, upang makapaghatid rin nang higit pang inspirasyon sa mga karatig lalawigan.

Source: Quezon PIO

Provincial Council for the Protection of Children (PCPC) 1st Quarterly Meeting | February 16, 2024

Isinagawa ngayong araw, Pebrero 16 sa Kalilayan Hall, Lucena City ang 1st Quarterly Meeting ng Provincial Council for the Protection of Children (PCPC).

Sinimulan ang agenda nina Denise Ann F. Reselloza LGOO II at Ashton Salra B. Garcia LGOO V mula sa DILG Quezon, sa pamamagitan ng discussion patungkol sa Child-Friendly Local Governance Audit (CFLGA ) at Local Council for the Protection of Children( LCPC) Funcionality Audit.

Layunin nito na matulungan ang bawat munisipalidad at siyudad na mapataas ang grado upang mapasama sa Child Friendly LGUs kung saan kailangan ito sa pagkakamit ng Seal Good and Local Governance (SGLG ),Gayun din ang probinsya ng Quezon.

Samantala, nagmungkahi naman ng resolution na isama sa Provincial Council for the Protection (PCPC ) ang additional members Council reperestative mula sa PDAO,LYDO, PTA , Council of Elders for the PLGU’s with IP program at harvest of hope foundation.

Tinalakay rin dito ang iba pang usapin upang maisaayos, bigyang prayoridad at proteksyon ang mga kabataan sa Lalawigan ng Quezon lalo na pagdating sa kanilang mga kalusugan.

Source: Quezon PIO

ika-73 taong Anibersaryo ng Department of Social Welfare and Development Office (DSWDO) | February 15, 2024

Tumanggap ang Provincial Social Welfare and Development Office at ang Provincial Government of Quezon ng iba’t-ibang parangal mula sa Department of Social Welfare and Development Office bilang bahagi ng kanilang ika-73 taong Anibersaryo na ginanap nitong Pebrero 15 sa Batangas Provincial Auditorium, Batangas City.

Dinaluhan ito nina Provincial Administrator Manue Butardo, PGDH-PSWDO Sonia Leyson, at PGDH-APSWDO Norliza Labitigan kung saan ay kanilang tinanggap ang mga sumusunod na parangal:

• Gawad Serbisyong Masigasig – bilang pagkilala sa pinakamataas na naging pagtaas ng puntos sa isinagawang “2023 Service Delivery Capacity Assessement” or SDCA

• Gawad Paglilingkod sa Sambayanan (GAPAS) Award – Gawad Serbisyong Mapagkalinga 2023 – Quezon Provincial Social Welfare and Development Office

• Gawad Paglilingkod sa Sambayanan (GAPAS) Award – Gawad Serbisyong Mapagkalinga 2023 – Local Government of Quezon Province.

Ang GAPAS Award ay ang pagkilala ng ahensya ng DSWD sa mga katuwang na Lokal na pamahalaan sa epektibong paghahatid ng mga programa at serbisyo para sa kapakanang panlipunan at pagpapaunlad.

Source: Quezon PIO