NEWS AND UPDATE

Provincial Anti-Drug Abuse Council Action Planning, Training & Workshop | February 27, 2024

Keep it drug-cleared!

Para sa pagpapaigting ng mga programa at pagbibigay ng pagkakataon sa mga kababayang nalulong sa droga, ginanap ang Action Planning, Training at Workshop ng Provincial Anti- Drug Abuse Council (PADAC) sa St. Jude Coop Hotel, Isabang Tayabas City.

Dinaluhan ng mga representatives mula sa DILG, PDEA, QPPO, QPPPO, DepEd, IPHO, DTI, DOLE, PESO, PYDO, PSWDO, at QPIO ang nasabing aktibidad ngayong araw ng Martes, Pebrero 27 na layong matulungan ang bawat Quezonian tungo sa pagbabago upang makamit ang payapa, produktibo, at ligtas na pamayanan ng lalawigan.

Samantala, ibinahagi ng konseho ang kanilang mga naging tagumpay noong nakaraang taon, gayundin ang mga plano, programa, at proyekto para sa kasalukuyang taon na layong maging daan upang makuha ang Anti- Drug Abuse Council o ADAC award.

Target naman na maging drug-related free ang lalawigan ng Quezon, at nais na mabigyan ng kabuhayan at hanapbuhay ang mga dating gumagamit ng ipinagbabawal na gamot para sa kanilang mas maayos na kinabukasan.

Source: Quezon PIO

Turn-over of Garbage Dump Truck to Brgy. Marketview, Lucena City | February 27, 2024

Ang malinis na kapaligiran ay malaking parte upang mapanatili ang maayos na kalusugan, kung kaya’t mahalaga na mayroong maayos na segregation ng ating mga basura.

Kaugnay nito, ipinagkaloob sa mga residente ng Brgy. Marketview, Lucena City ang bagong Garbage Dump truck na mula sa Sariling Sikap Program ni Governor Doktora Helen Tan.

Nakasama naman sa ginanap na maikling progama sina Vice Governor Anacleto Third Alcala, Barangay Capt. Joven Gunday, at ang iba pang opisyal mula sa Barangay Marketview.

Source: Quezon PIO

Pagbisita sa tanggapan ni Governor Doktora Helen Tan ang pamunuan ng Landbank of the Philippines sa pangunguna ni LBP- SELBG Vice President Hansen Chu | February 27, 2024

TINGNAN: Nagkortesiya ngayong araw, Pebrero 27 sa tanggapan ni Governor Doktora Helen Tan ang pamunuan ng Landbank of the Philippines sa pangunguna ni LBP- SELBG Vice President Hansen Chu kasama ang mga branch manager mula sa Lucena City.

Source: Quezon PIO

Pagbisita ng Jollibee Area at Lucena Branch Managers sa Pamahalaang Panlalawigan | February 27, 2024

TINGNAN: Masayang pinaunlakan ni Governor Doktora Helen Tan ang pagbisita ng Jollibee Area at Lucena Branch Managers sa Pamahalaang Panlalawigan ngayong araw ng Martes, Pebrero 27.

Source: Quezon PIO

Pagbisita sa tanggapin ni Governor Doktora Helen Tan ang Bureau of Internal Revenue Region No. 9B – LaQueMar | February 27, 2024

TINGNAN: Bumisita sa tanggapan ni Governor Doktora Helen Tan ang Bureau of Internal Revenue Region No. 9B – LaQueMar (Laguna, Quezon, Marinduque) sa pangunguna ng kanilang bagong Regional Director Mr. Rodel Buenaobra kasama ang mga kawani ng Revenue District Office – Lucena ngayong araw ng Martes, Pebrero 27.

Source: Quezon PIO

Soft Opening of New 3-Storey Camp Nakar Station Hospital Building | February 27, 2024

Malugod na nakiisa si Governor Doktora Helen Tan sa idinaos na soft opening at blessing ng bagong 3-storey Camp Nakar Station Hospital Building na ginanap ngayong araw, Pebrero 27 sa Camp General Guillermo Nakar, Lucena City.

Dinaluhan ang ginanap na programa nina Department of National Defense Senior Undersecretary Irineo Cruz Espino, Department of Health (DOH) Regional Director IV-A, Dr. Ariel Valencia, SOLCOM Commander LTGEN Efren P Baluyot, AFO HSCtr-SL Acting Commander Armand P Lacanilao MC, at AFP HSCtr-SL Acting Chief COL Nerio C Zabala.

Sa ngayon, ang unang palapag pa lamang ng DOH level 1 hospital ang maaaring magamit na malaki ang kapakinabangan upang matugunan ng maayos ang pangangailangan na health services ng mga kasundaluhan.

Siniguro naman ng gobernadora na katuwang ng AFP ang Pamahalaang Panlalawigan upang matapos na ang nasabing proyekto, at hinahangad na maging parte ito sa provincial hospital network para sa mas malawak na serbisyong medikal.

Source: Quezon PIO

PABATID | February 27, 2024

Source: Quezon PIO

QPLO Free Legeal Consultation and Notarial Services | February 26, 2024

Nagkaroon ng free legal consultation at notarial services ang Quezon Provincial Legal Office para sa mga kawani ng Pamahalaang Panlalawigan ng Quezon.

Pinangunahan ni Acting Provincial Legal Officer Atty. Julienne Therese V. Salvacion kasama sina Atty. Angelica Marie S. Naca, Atty. Monique Allen V. Loria, Atty. Kristine Joy P. Narsoles at Atty. Rei C. Baligod ang libreng serbisyong pang legal para sa mga empleyado ng Kapitolyo nitong hapon ng Lunes, Pebrero 26.

Sa mga ganitong klase ng aktibidad, naipapakita ng pamunuan ng Provincial Legal Office na patuloy ang kanilang ginagawang pamamaraan upang mabigyan ng serbisyo hindi lamang ang mamamayan, kundi pati na rin ang mga kawaning naglilingkod para sa mga ito.

Source: Quezon PIO

Capacity Development Training For Planning Officers | February 26, 2024

Ngayong araw ng Lunes, Pebrero 26 ginanap ang Capacity Development Training/Workshop for Planning Officers batch 2 sa Queen Margarette Hotel, Brgy. Domoit, Lucena City.

Sa pangunguna ni PPDC Head Engr. Russel C. Narte, tinalakay dito ang Local Development Planning Process (PDDP) gaya ng Comprehensive Land Use Plan(CLUP), Comprehensive Development Plan( CDP ), Annual Investment Plan( AIP ), at iba pang usapin tungkol sa planning process.

Magsisilbing gabay naman ito upang malaman kung ano ang mga kinakailangan gawin upang masiguro na maayos at tama ang proseso ng paglalaanan ng pondo para sa taong 2025.

Provincial Health Board Meeting | February 26, 2024

Sa pangunguna ni Governor Doktora Helen Tan, masusing napag-usapan sa ginanap na Provincial Health Meeting nitong Pebrero 26 ang ilang updates na may kaugnayan sa kalusugan ng lalawigan.

Isa sa tinalakay ang kasalukuyang datos ng mga nakapagrehistro nang Quezonian sa Konsulta Program ng PhilHealth, kung saan ay umabot na ng mahigit tatlongdaang libo at hinahangad na patuloy na darami ang magpaparehistro pa ngayong taon.
Siniguro naman ng bawat nakiisa sa pagpupulong na tuloy-tuloy ang pagpapatupad ng mga programa at serbisyong magpapataas pa ng kalagayan kalusugan sa Quezon.

Source: Quezon PIO