NEWS AND UPDATE

Pormal na Pagpapahayag ng Development Academy of the Philippines (DAP) na Isa ang Pamahalaang Panlalawigan ng Quezon sa mga “Beneficiary Institutions” ng Technical Assistance (TA) grants para sa Government Quality Management Program | March 01, 2024

Pormal na ipinahayag ng Development Academy of the Philippines (DAP) na isa ang Pamahalaang Panlalawigan ng Quezon sa mga “beneficiary institutions” ng technical assistance (TA) grants para sa Government Quality Management Program or GQMP na ipapatupad sa kabuuan ng Pamahalaang Panlalawigan ngayong taong 2024 tungo sa pagkakaroon ng ISO 9001:2015 Certification.

Ito ay pormal na iginawad sa isinagawang Management Briefing sa Virata Hall ng DAP sa Lungsod ng Pasig noong ika-29 ng Pebrero 2024 na kinapalooban ng Commitment Signing sa pagitan ng lalawigan at ng DAP. Ang Punong Lalawigan ng Quezon Angelina “Doktora” Helen Tan ay kinatawanan ni G. Manuel Butardo kasama ang Pangulo at Chief Executive Officer ng DAP Majah-Leah V. Ravago, PhD. Kasama rin na dumalo sa nasabing okasyon ay sina G. Alberto S. Bay, Jr, Provincial Government Department Head ng Internal Audit Service Office at G. John Francis L. Luzano, Officer-In-Charge ng Provincial Government Environment and Natural Resources Office. Sina G. Bay at G. Luzano ang magsisilbing focal person at alternate focal person para sa natatanging gawaing ito.

Ang pagkakaroon ng Quality Management System sa Pamahalaang Panlalawigan ay isa sa mga pagbabagong nais ihatid ng ating Punong Lalawigan sa kapitolyo upang lalong mapataas ang antas ng serbisyo para sa ating mga kalalawigan.

Ang nabanggit na grant na TA ay lubos na makakatulong sa lalawigan at hindi na kailangang gumastos para sa mga pagsasanay at ang pagsasakatuparan ng isang Quality Management System ay makakasagot upang tuparin ang pagkakaroon ng isang may pananagutan at inklusibong pamahalaan.

Source: Quezon PIO

Pawfect Captured Moments Flex your Furbabies! Rabies Awareness Photo Contest – March 01-24, 2024

I-FLEX mo na ang iyong PAWFECTLY CAPTURED MOMENTS kasama ang iyong FABULOUS FURBABY at ang kanyang UPDATED VACCINATION CARD.

Ano pang hinihintay mo I-COMMENT mo na yan at MANALO ng CASH PRIZES!!!

PAALALA: BASAHING MABUTI ang MECHANICS upang pumasok ang ENTRY mo!

Narito ang MECHANICS:

1. Ang paligsahan ay bukas sa lahat ng mga kalalawigang Quezonians. Maliban lamang sa mga empleyado ng Tanggapan ng Panlalawigang Beterinaryo.

2. I-FOLLOW ang Office of the Provincial Veterinarian – Quezon official Facebook Page at I-SHARE ang post na ito. Siguraduhing NAKA-PUBLIC ang post mo.

3. I-PHOTO COMMENT ang larawan ninyo kasama ang inyong FURBABY at ang kanyang UPDATED VACCINATION CARD. Mag TAG ng LIMANG FB FRIENDS at siguraduhing ang mga naka-tag ay NAKA-FOLLOW din sa official FB Page ng Office of the Provincial Veterinarian – Quezon.

4. Maaaring mag-entry ng ISA O HIGIT PA, siguraduhin lamang na ang iyong kasamang alagang aso o pusa ay IBA sa nauna mong Entry. Tiyakin din na IBANG FB FRIENDS ang naka-TAG sa iyong comment.

5. Sa ilalim ng mga pangalan ng naka-tag ay ilagay ang PANGALAN MO at ng iyong ALAGA at kung kelan ito huling NABAKUNAHAN ng KONTRA-RABIS at I-TYPE ang #PAWfectlyCapturedMoment at #AlagaKoResponsibilidadKo.

6. Magsisimula ang pagtanggap ng Photo Comment ng ika-1 ng Marso hanggang ika-24 ng Marso, 2024.

7. Pipili ng SAMPUNG (10) MANANALO ng 2,000 PESOS each via comment picker.

8. Makakatanggap din ng 2,000 PESOS each ang LIMANG (5) mahihirang na “OPV’s Choice” at ISANG (1) comment-entry na may PINAKAMARAMING REACTION. Ang mahihirang naman na “SPONSOR’S CHOICE” ay makakatanggap ng ISANG SAKONG DOG FOOD at TSHIRT.

9. TANDAAN: HINDI MAPIPILI ang mga WALANG SHARED POST at MGA TAGS na HINDI NAKA-FOLLOW sa official FB Page ng Office of the Provincial Veterinarian – Quezon.

10. Iaanunsiyo ang mga NANALO ng ika-1 ng ABRIL, 2024.

Source: Quezon ProVet

Philippine National Cancer Summit 2024 | February 29, 2024

Dinaluhan ni Governor Doktora Helen Tan ang ginanap na Philippine National Cancer Summit 2024 sa Novotel Manila, Araneta City nitong nakaraang araw, Pebrero 29 na may temang “Advancing Integrated Cancer Care System for the Filipino” upang ipakita ang pagsuporta sa mga programang makatutulong sa mga cancer patient.

Kasama ang iba’t-ibang stakeholders, layon ng nasabing summit na mapaigting ang pagtutulungan ng bawat isa kung paano pa mas pagbubutihin ang pamamahala sa pagtugon sa sakit na cancer sa Pilipinas, ito’y sa pamamagitan ng pagbabahagi ng mga inobasyon na nakabase sa implementasyon ng National Integrated Cancer Control Act (NICCA).

Lubos naman ang pagsisikap ni Governor Tan na maisasakatuparan at maibibigay ang maayos na access sa kinakailangang pangangalaga ng mga Quezonian na lumalaban sa sakit na cancer, upang patuloy na mabigyang pag-asa ang mga ito.

Source: Quezon PIO

South Luzon Conference – March 01-03, 2024

Mga Kalalawigan!

Suportahan natin ang mga manlalarong Quezonian sa “South Luzon Conference” ng National Basketball Training Center (NBTC) ngayong darating na March 1-3, 2024 na gaganapin sa Quezon Convention Center.

Libre po ang panunood!

Source: Quezon PIO

VAW Free Quezon Province | February 29, 2024

Ito ang adbokasiya ng Pamahalaan Panlalawigan na binigyan tugon sa isinagawang 1st Quarter Joint Provincial/ City/ Municipal Committee Against Trafficking, Child Pornography, and VAWC (P/C/MCAT-CP-VAWC) noong ika-27 ng Pebrero, 2024 sa St. Jude Multi-Purpose Cooperative Hotel & Event Center.

Naging katuwang sa pagpupulong ang mga kinatawan ng 23 munisipalidad sa Quezon at 14 na mga nasyonal na ahensya at pang-sibikong samahan.

Bahagi din ng nasabing pagpupulong ang pagbabalangkas ng mga proyekto, programa, at adbokasiya na tutugon sa tumataas na bilang ng pang-aabuso, lalo’t higit ang bilang ng panggagahasa. Sa pagbubuod, naipasa ng komitiba ang Resolution 2024-001 “Recommending the Approval and Adoption of Annual Work and Financial Plan (AWFP)” na nagtatakda ng mga proyekto at programa para matugunan, lalo’t higit ay maiwasan ang mga pang-aabuso sa kababaihan at kabataan.

Source: Quezon PIO

Executive Course on Incident Command System | February 28, 2024

“Thankful tayo sa PDRRMO at Office of Civil Defense sa pag-impart sa atin ng kaalaman upang maging isang effective na Incident Command Officer”

Ito ang sinabi ni Governor Doktora Helen Tan sa ginanap na Executive Course on Incident Command System Training ng Quezon PDRRMO katuwang ang Office of Civil Defense na dinaluhan ni Governor Doktora Helen Tan at ng mga punong tanggapan ng Pamahalaang Panlalawigan nitong nakaraang araw ng Miyerkules, Pebrero 28 sa Queen Margarette Hotel, Brgy. Domoit, Lucena City.

Ipinakita sa aktibidad ang pagsasagawa ng tamang desisyon, angkop na pagpaplano, at tamang pamamaraan sa pagresponde sa panahon ng pangangailangan mula sa mga paksang inihanda ng pamunuan ng PDRRMO, gaya na lamang ng Incident Command System, ICS Organization and Staffing, ICS Facilities, Organizing ICS and Managing Incidents and events at Common Responsibilities.

Hangad naman ng gobernadora na ang bawat isa ay matuto ng angkop na kaalaman, kasanayan, at saloobin na kinakailangan pagdating sa aplikasyon ng mga pangkalahatang konsepto at prinsipyo ng Incident Command System (ICS) at magamit ang mga ito sa anumang sitwasyon.

Source: Quezon PIO

1st Quarter Meeting of Prov’l GAD Focal Point System Technical Working Group and GAD Monitoring & Evaluation Team | February 28, 2024

Isinagawa ang 1st Quarter Meeting ng Provincial GAD Focal Point System-Technical Working Group (PGADFPS-TWG) and GAD Monitoring and Evaluation (M&E) ngayong ika-28 ng Pebrero.

Pinag-usapan sa pagpupulong ang naging accomplishment ng nasabing grupo noong nakaraang taon, at ang pagkakaloob sa Quezon Gender and Development Office ng mga parangal tulad ng Re-Certification of GAD Local Learning Hub, Outstanding GAD Implementer during 2015-2021 Search for Outstanding GAD Implementer.

Kabilang din sa tinalakay ang pagdiriwang ng Provincial Women’s Month Celebration, at mga plano para sa mga susunod pang aktibidad.

Dinaluhan naman ang nasabing pulong ng iba’t ibang ahensya at partner agencies na miyembro ng nasabing samahan.

Asahan na nananatili ang pagsusumikap ng Pamahalaang Panlalawigan at Provincial Gender and Development Office upang mailapit ang serbisyo sa ating mga kalalawigan, at isang patunay na rito ang mga parangal na patuloy na kanilang nakakamtan.

Source: Quezon PIO

Capacity Development Training/Workshop for Planning Officers Batch 3 | February 28, 2024

Sa pangunguna ng Provincial Planning and Development Coordinator (PPDC), ginanap ngayong araw ng Miyerkules, Pebrero 28 ang Capacity Development Training/Workshop for Planning Officers batch 3 sa Queen Margarette Hotel, Brgy. Domoit, Lucena City.

Dinaluhan ito ni Governor Doktora Helen Tan, kung saan nagkaroon ng talakayan ukol sa Local Development Planning Process (LDDP) na magsisilbing gabay upang malaman at masiguro na tama ang pagpoproseso ng paglalaan ng pondo ng bawat tanggapan sa Pamahalaang Panlalawigan ng Quezon.

Source: Quezon PIO

Patuloy ang Pagsasanay para sa Ikalawang Batch ng mga Planning Officers | February 27, 2024

Upang gabayan ang mga tanggapan sa pagpaplano ng mga proyekto at programang ipatutupad para sa kasalukuyan at susunod na taon, nagpatuloy ang pagsasanay para sa ikalawang batch ng mga Planning Officers ngayong araw ng Martes, Pebrero 27.

Ipinresenta ng ilang piling planning officers ang Annual Investment Plan (AIP) ng kani-kanilang tanggapan na sinuri ng mga kawani ng OPPDC. Sinundan ito ng talakayan sa synchronized planning at budgeting process sa pangunguna ni Budget Officer Diego Salas, at mga usapin ukol sa pondo at pananalapi sa pangunguna ng Office of the Provincial Accountant.

Nakiisa rin ang Provincial Human Resource Management Office upang ibahagi ang ilang pagbabago sa Strategic Performance na naglalayong mas mapabuti ang ginagampanang tungkulin ng bawat empleyado sa Pamahalaang Panlalawigan.

Source: Quezon PIO

CPD Provider | February 27, 2024

GOOD NEWS || Office of the Provincial Planning and Development Coordinator is now accredited by the Professional Regulation Commission (PRC) Continuing Professional Development (CPD) Council of Environmental Planning.

This accreditation reaffirms our commitment to quality work and our goal of giving environmental planners access to expert knowledge and skills.

Source: Quezon PPDC