NEWS AND UPDATE

Farmers & Fisherfolks Consultation | March 06, 2024

Bilang pagpapahalaga sa ating mga kalalawigan na magsasaka at mangingisda, dininig ni Governor Doktora Helen Tan ang kanilang kinahaharap na suliranin ngayong araw, Marso 6 sa Municipal Covered Court, Mulanay, Quezon.

Dinaluhan ng 250 mangingisda at 250 magsasaka na mula sa bayan ng Mulanay ang nasabing pulong kung saan naipagkaloob sa kanila ang iba’t-ibang kagamitan gaya ng fertilizer, drums, hose, mga pananim, at gasoline engine.

Kaalinsabay nito, naipamahagi sa 187 na mamayan ng Mulanay, Catanauan, San Narciso, at San Andres ang tulong pinansyal mula sa programang Aid to Individuals in Crisis Situation o AICS, at namigay rin ang DSWD ng mga relief package.

Naging katuwang naman sa paghahatid ng serbisyo sina Vice Governor Third Alcala, Board Member John Joseph Aquivido, Board Member Jacky Delimos, at Mayor Aris Aguirre.

Gayundin ang Provincial Social Welfare and Development Office (PSWDO), Provincial Treasurer’s Office (PTO), Office of the Provincial Agriculturist, at ang lokal na pamahalaan.

Source: Quezon PIO

Serbisyo para mga Mamayan ng Mulanay at Pagbisita ni Governor Doktora Helen kasama si Provincial Engineer Marichelle Ferrer ang Quezon Provincial Hospital Network – Bondoc Peninsula | March 06, 2024

TINGNAN: Matapos maghatid ng mga serbisyo para mga mamayan ng Mulanay, sunod na binisita ni Governor Doktora Helen kasama si Provincial Engineer Marichelle Ferrer ang Quezon Provincial Hospital Network – Bondoc Peninsula na matatagpuan sa bayan ng Catanauan.

Ito’y upang inspeksyonin ang kasalukuyang lagay ng mga ginagawang mga pasilidad, at siguraduhin na nananatiling maayos ang ibinibigay na serbisyo ng nasabing ospital.

Source: Quezon PIO

Blessing & Inauguration of Bagupaye-Latangan Hanging Bridge | March 06, 2024

Pinangunahan ni Governor Doktora Helen Tan ang pormal na pagbubukas ng pinaka-mahabang hanging bridge sa bayan ng Mulanay na magkokonekta sa Brgy. Bagupaye at Brgy. Latangan.

Ang nasabing tulay ay napakahalagang proyekto na mapapakinabangan ng mga residente mula sa Brgy. Bagupaye, Latangan at Cambuga sapagkat mas mapapadali ang kanilang access patungo sa mga paaralan, ospital, at sa sentro ng bayan, gayundin ay hindi na sila mababahala tuwing malakas ang ulan.

Masaya naman ang gobernadora na tuloy-tuloy na natutugunan ng Pamahalaang Panlalawigan ang pangangailangan ng mga Quezonian, kung saan ay siniguro rin na hindi hihinto sa pag-aabot ng serbisyong tunay at natural.

Source: Quezon PIO

Blessing and Inauguration of 6-Classroom 2-Storey School Building | March 06, 2024

Hangarin ng Pamahalaang Panlalawigan ng Quezon na may maayos, sapat, at komportableng pasilidad para sa pag-aaral ng bawat estudyante sa lalawigan kung kaya’t patuloy ang pagtugon ni Governor Doktora Helen Tan sa pagbibigay ng mga karagdagang silid-aralan.

Kabilang sa matagumpay na mapakikinabangan ng proyekto ang bagong 2-storey, 6-classroom school building sa San Isidro Elementary School, Mulanay, Quezon matapos isagawa ang pagbabasbas nito ngayong araw ng Miyerkules, Marso 6.

Mayroon itong water supply system, solar panel system, fire alarm system, slope protection, at typhoon resilient rin ang nasabing gusali kung saan naman ay nagmula ang pondo sa Special Education Fund.

Nakasama rin sa ginanap na inagurasyon sina Vice Governor Third Alcala, Board Member John Joseph Aquivido, Board Member Jacky Delimos, at Mayor Aris Aguirre.

Source: Quezon PIO

Blessing and Inauguration of Multi-purpose Building | March 06, 2024

Nagtungo si Governor Doktora Helen Tan sa bayan ng Mulanay ngayong araw ng Miyerkules, Marso 6 upang personal na pangunahan ang pagbabasbas ng bagong Multi-purpose Building/Covered Court na matatagpuan sa Barangay San Pedro, Mulanay, Quezon.

Ito na ang ikadalawampu’t isang multi-purpose building na naibigay para sa nasabing bayan na naisakatuparan sa pagtutulungan ng Pamahalaang Panlalawigan at ni 3rd District Congressman Reynan Arrogancia.

Lubos namang mapakikinabangan ang bagong imprakstura na magagamit para sa iba’t-ibang aktibidad at pagtitipon ng mga residente nito.

Samantala, kasabay ding naipagkaloob sa ang bagong multi-purpose vehicle na magagamit ng mga residente.

Source: Quezon PIO

Meeting with PhilHealth, QPHN Chief of Hospitals, Private Hospital & PMA | March 5, 2024

Nakipagpulong si Governor Doktora Helen Tan sa mga kawani ng PhilHealth, kasama ang bawat Chief of Hospital ng Quezon Provincial Hospital Network, mga pribadong ospital, at Philippine Medical Association – Quezon Chapter nitong nakaraang Martes, Marso 5 sa 3rd Floor, Capitol Building, Lucena City.

Layon ng nasabing ginanap na pagpupulong na mapag-usapan ang nga bagong tuntunin at regulasyon na ipinapatupad at ipapatupad pang mga serbisyong pangkalusugan upang patuloy na makamtan ang pangarap na malusog na lalawigan ng Quezon.

Source: Quezon PIO

Zumba Fitness and Wellness Program | March 05, 2024

Bigay-todo sa paggiling at pagkembot ang mga nakiisa sa ginanap na Zumba Fitness and Wellness Program nitong nakaraang Martes, Marso 5 sa pangunguna ng Provincial Sports Office na pinamumunuan ni Coach Aris Mercene.

Umabot sa 50 participants na empleyado ng pamahalaang panlalawigan, at ilang estudyante ang sama-samang humataw sa nasabing aktibidad na bahagi sa pagsulong ng mas malusog na lalawigan ng Quezon.

Isasagawa naman ang Zumba Program ng 30 days, tuwing 5:30pm ng Martes at Huwebes sa Quezon Convention Center, Lucena City.

Source: Quezon PIO

Ika-86 Pangkaraniwang Pulong ng Sangguniang Panlalawigan ng Quezon | March 4, 2024

Patuloy ang paglilingkod ng Sangguniang Panlalawigan ng Quezon sa Ginanap na Ika- 86 Pangkaraniwang Pulong nitong Lunes, Marso 4.

Nakasama sa ginanap na pagpupulong ang DPWH District Engineers upang magbigay ng updates sa mga kasalukuyang proyekto ng Department of Public Works and Highways na layong pagandahin ang mga kalsada at daan ng Lalawigan ng Quezon.
Binalangkas rin ang mga ordinansang bayan, mga atas tagapagpaganap at resolusyon na agarang inaprubahan para sa ikauunlad ng bawat bayan para sa kapakinabangan ng mga mamamayan nito.

Asahan pa ang tuloy-tuloy na pagbibigay ng magandang serbisyong pang lehislatura para sa pagpapalawig ng mga batas sa buong Lalawigan.

Source: Quezon PIO

Courtesy Call of Librarians Association of Quezon Province | March 4, 2024

Nagkortesiya sa tanggapan ni Governor Doktora Helen Tan ang Librarians Association of Quezon Province nitong Lunes, Marso 4.

Binubuo ang nasabing asosasyon ng mga librarian mula sa iba’t-ibang paaralan sa lalawigan ng Quezon, kung saan ay nakasama rin ang punong tanggapan ng Provincial Library na si Ma’am Ria Marelle Timbal.

Source: Quezon PIO

Oath-Taking of ALSWDOPI – Quezon Chapter Officials | March 4, 2024

Pinangunahan ni Governor Doktora Helen Tan ang panunumpa ng mga bagong halal na opisyal ng Association of Local Social Welfare & Development Officers of the Philippines Inc. (ALSWDOPI) – Quezon Chapter nitong Lunes, Marso 4.

Hangad ng Ina ng Lalawigan na nawa’y maging matibay na kabalikatan ng Pamahalaang Panlalawigan ang nasabing samahan para sa patuloy na paghahatid ng tulong at serbisyo sa bawat nangangailangang mamamayan ng Quezon.

Samantala, nakibahagi rin si Provincial Social Welfare and Development Officer Ma’am Sonia Leyson sa isinagawang Oath taking bilang pagsuporta sa mga bagong halal na mamumuno sa naturang asosasyon.

Source: Quezon PIO