138th Sangguniang Panlalawigan Regular Session | March 10, 2025

Sa patuloy na pagsusumikap na mas mapalakas at mapalawig pa ang mga makabuluhang inisyatibang nagtataguyod ng matapat, may malasakit, at epektibong pamamahala para sa mas maunlad at matatag na Lalawigan ng Quezon, pormal na ginanap ang ika-138 Pangkaraniwang Pulong ng Sangguniang Panlalawigan ngayong araw ng Lunes, Marso 10.
Sa pangunguna ni Vice Governor Third Alcala katuwang ang mga Board Member na kinatawan ng bawat distrito sa lalawigan ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa mas lalo pang pag-unlad ng lalawigan ng Quezon.
Samantala, inaprubahan na ng Sangguniang Panlalawigan ng Quezon ang liham mula sa tanggapan ni Governor Doktora Helen Tan patungkol sa isang resolusyon na magbibigay-awtoridad upang lumagda sa isang Memorandum of Agreement sa ngalan ng Pamahalaang Panlalawigan ng Quezon, kasama ang mga kinikilalang paaralan, kolehiyo, at unibersidad para sa pagbibigay ng praktikal na pagsasanay sa Clinical Clerkship at Medical Internship.
Layunin nitong mas mapalakas ang sistemang pangkalusugan sa pamamagitan ng paglinang ng mga susunod na henerasyon o mga mag aaral sa propesyon ng medisina ng sa gayon ay mas mapahusay at mapabuti pa ang serbisyong pangkalusugan sa lalawigan ng Quezon.

Quezon PIO

1st Quarter Men Opposed to Violence Against Women and their Children Everywhere (MOVE) Quezon Chapter Meeting | March 10, 2025

Nagsagawa ng 1st Quarter Men Opposed to Violence Against Women and their Children Everywhere (MOVE) Quezon Chapter Meeting sa bayan ng Macalelon, Quezon noon nakaraang Pebrero 28, 2025.
Ilan sa mga tinalakay sa nasabing pagtitipon ang 2024 Accomplishment ng Men’s Day Celebration na dinaluhan ng 2,500 MOVE Members and Officers at VAWC Officers sa buong lalawigan.
Tinalakay din ang mga magiging aktibidades para sa taong 2025.
Nagbahagi naman ng kaalaman si Mr. Sedfrey Potestades, Assistant Department Head ng PGAD Office ng Financial Literacy Training.
Samantala, nagbigay naman ng mensahe at pasasalamat si Municipal Social Welfare Officer Ludivina Sentillas at Macalelon Vice Mayor Carmen Vidal para sa mga MOVE Members at Officer na nakarating sa nasabing pagtitipon.
Ang tanggapan ng Provincial Gender and Development (PGAD) sa pangunguna ni Acting PGAD Officer Ms. Sonia S. Leyson ay taos pusong nagpapasalamat sa bayan ng Macalelon, Quezon sa mainit na pagtanggap upang maging matagumpay ang isinagawang 1st Quarter Meeting.

Quezon PIO

Position Paper ng Pamahalaang Lalawigan at ang Mosyon sa Korte Suprema | March 10, 2025

Nilagdaan ngayong araw, Marso 10 ni Governor Doktora Helen Tan ang Position Paper ng Pamahalaang Lalawigan at ang mosyon sa Korte Suprema hinggil sa maaaring maging epekto sa mga maliliit na mangingisda ng desisyon ng nasabing korte hinggil sa pagpapawalang bisa ng ilang probisyon ng Fisheries Code, partikular ang probisyon hinggil sa paggamit ng Municipal Waters.
Inaasahang maihahain sa Korte Suprema ang nasabing mosyon sa mga susunod na araw.

Quezon PIO

Community Service Project – March 10, 2025

Ilan sa mga paraan upang maiwasan ang sakit na rabies ay ang pagbabakuna para sa mga hayop, gayundin ang pagkakapon sa mga aso at pusa upang mabawasan ang mabilis na pagdami ng mga ito.
Sa pagdiriwang pa rin ng Rabies Awareness Month ngayong Marso ay nagtutulung-tulong ang Provincial Government of Quezon sa pamamagitan ng Office of the Provincial Veterinarian, Quezon Veterinary Medical Association, University of the Philippines Alumni Association, at ang LGU Sampaloc para sa isang Veterinary Medical Mission sa bayan ng Sampaloc, Quezon.
Ang mga nabigyan ng mga serbisyong pang Beterinaryo ay ang mga sumusunod:
Kabuuang bilang ng mga pet owners: 313
Lalaki: 153
Babae: 160
Kabuuang bilang ng hayop na nabakunahan laban sa Rabies: 280
Aso: 216
Pusa: 64
Kabuuang bilang ng hayop na na-spay at nakapon: 31
Aso: 10
Pusa: 21
Pagbibigay ng iba pang serbisyong pambeterinaryo (hal. pagpupurga, konsultasyon, pagbibigay ng bitamina)
Kabuuang bilang ng mga hayop: 273
Aso: 206
Pusa: 67
Photo credits to: LGU Sampaloc & QVMA
#provetquezon
#ProvincialGovernmentofQuezon
#VeterinaryServices

Quezon PIO / ProVet

Gov. Helen Tan, BFAR IV-A, at mga Punong-bayan Nagpulong Hinggil sa Kahandaan para sa Turnover ng Multi-purpose Marine Hatchery | March 10, 2025

Upang malaman ang estado ng kahandaan ng mga bayan patungkol sa turnover ng Multi-purpose Marine Hatchery, nakipagpulong si Governor Doktora Helen Tan sa Bureau of Fisheries and Aquatic Resources (BFAR) IV-A at mga Punong-bayan sa ilang munisipalidad sa ika-apat na Distrito, ngayong araw ng Lunes, Marso 10.
Sa nasabing pagpupulong, nagbigay ng update ang mga punong-bayan sa estado ng kanilang kahandaan sa proyekto at isinangguni ang ilang mga hamon na kinakaharap kaugnay nito.
Samantala, patuloy na aagapay at susuporta ang Pamahalaaang Panlalawigan hanggang sa opisyal nang maiturn-over ang nasabing hatcheries sa mga munisipalidad sa lalawigan ng Quezon.

Quezon PIO

Free Rabies Vaccination, Consultation, and Deworming | March 10, 2025

Muling nakiisa ang Office of the Provincial Veterinarian sa Governor’s Caravan na pinangunahan ni Gobernadora “Doktora Helen” Tan na ginanap sa Sariaya at Infanta, Quezon nitong Marso 4-6, 2025.
Hatid ng tanggapan ang mga veterinary services kung saan 141 na mga aso at pusa ang nabakunahan laban sa rabies at 2,971 na mga hayop ang nabigyan ng libreng bitamina, pamurga, at nakinabang sa libreng konsultasyon. Sa kabuoan, 211 na mga kalalawigan natin ang libreng naserbisyuhan.
Kinatawanan ito nina Dr. Adel Ambrocio, Dr. Philip Maristela kasama ang mga technical staff ng tanggapan katuwang ang Office of the Municipal Agriculturist Sariaya at Infanta, Quezon sa pangunguna nina MA OIC-Marissa L. Pestañas at MA Carmelo S. Francia.
#provetquezon
#ProvincialGovernmentofQuezon
#VeterinaryServices

Quezon PIO / ProVet

Nagsagawa ang Office of the Provincial Veterinarian ng Free Anti-Rabies Vaccination – San Francisco, Quezon | March 10, 2025

Bilang bahagi ng Rabies Awareness Month Celebration ay nagsagawa ang Office of the Provincial Veterinarian ng Anti-Rabies Vaccination sa bayan ng San Francisco, Quezon, katuwang ang Office of the Municipal Agriculturist. Ang mga nabigyang serbisyo ay ang mga sumusunod:
Total # of Clients Served: 1456
• Male – 644
• Female – 812
Total # of Animals Vaccinated: 2,702
• Dog – 1,914
• Cat – 786
• Monkey – 2
Barangays Covered: 16
Poblacion, Pagsangahan, Nasalaan, Pugon, Butanguiad, Casay, DJV, Inabuan, Silongin, Huyon-uyon, Sto. Nino, Mabunga, Cawayan I, Cawayan II, Ibabang Tayuman, Ilayang Tayuman.
#SerbisyongTunayAtNatural
#HEALINGQuezon
#provetquezon
#ProvincialGovernmentofQuezon
#VeterinaryService

Quezon PIO / ProVet / Agri

Ika-138 Pangkaraniwang Pulong ng Sangguniang Panlalawigan ng Quezon | March 10, 2025

March 10, 2025 | Sangguniang Panlalawigan Building, Governor’s Mansion Compound, Lucena City

Recorded Live Link

Quezon PIO

Quezonians Nagtulungan sa Malawakang Cleanup Drive Kontra Dengue | March 8, 2025

Upang pigilan ang patuloy na pagdami ng kaso ng dengue, sama-samang naglinis ng komunidad ang mga mamamayang Quezonian mula sa iba’t ibang munisipalidad sa lalawigan ng Quezon. Ito ay bilang pagpapakita ng aktibong pakikiisa sa isinagawang “Province-wide Search and Destroy Campaign to Combat Dengue” ngayong araw ng Sabado, Marso 8.
Ang aktibidad na ito ay inilunsad kasunod nang nakakaalarmang bilang ng kaso ng dengue sa Lalawigan ng Quezon. Layunin nito na magsagawa ng isang malawakang paglilinis ng paligid partikular na sa mga lugar na maaaring pagmulan at pamahayan ng lamok.
Isang malaking hakbang ang gawaing ito upang maprotektahan ang kalusugan ng bawat pamilyang Quezonian, kaya’t patuloy pa ring hinihikayat ang lahat na makiisa sa pagpapanatili ng isang ligtas at malinis na komunidad. Kasabay nito, mahalaga ring itaas ang kamalayan ng mga mamamayan sa mga sintomas ng dengue upang maagapan ang sakit bago pa ito lumala.
Muli, sama-sama nating labanan ang dengue sa pamamagitan nang aktibong pakikilahok sa mga gawain upang masugpo ito.
#QuezonDenguePrevention
#SerbisyongTunayAtNatural
#HEALINGQuezon

Quezon PIO

HAPPY INTERNATIONAL WOMEN’S DAY! | March 8, 2025

Sama-sama natin ipakita ang pagpapahalaga sa tagumpay, kontribusyon, at karapatan ng mga kababaihan sa buong mundo sa pagdiriwang ng International Women’s Day ngayong araw ng Sabado, Marso 8.
Ang inyong hindi matatawarang kontribusyon sa bawat larangan—mula sa pamilya, komunidad, hanggang sa iba’t ibang sektor ng lipunan ay hindi malilimutan.
#InternationalWomen’sDay
#HEALINGQuezon
#SerbisyongTunayAtNatural
#WEcanbeEqual

Quezon PIO