NEWS AND UPDATE

Blessing of Municipal Building & Municipal Police Station | March 14, 2024

Napuno ng ligaya ang isla ng Panukulan matapos na opisyal nang naisakatuparan ang mas maayos at bagong munisipyo sa ginanap na pagbabasbas nito noong Huwebes, Marso 14.

Ito’y pinangunahan ni Governor Doktora Helen Tan kasama sina Vice Governor Third Alcala, Mayor Alfred Rigor Mitra, at Vice Mayor Herminio “Kinda” Peñamante.

Kaalinsabay nito ay isinagawa rin ang pagbabasbas ng bagong PNP Building para sa mga kapulisan ng nasabing isla.

Source: Quezon PIO

Lingap sa Mamamayan Libreng Gamutan | March 14, 2024

Sa hangarin na mailapit ang serbisyo ng kapitolyo sa bawat mamamayan ng Quezon lalo na sa mga hindi madali ang access sa iba’t-ibang tulong at pasalidad gaya ng ospital, siniguro ng Pamahalaang Panlalawigan na kabilang ang mga mamamayan mula sa Polillo Group of Islands ang maaabot ng programang tutugon sa kanilang pangangailangan.

Upang maisakatuparan ito, personal na nagtungo si Governor Doktora Helen Tan sa isla ng Panukulan kung saan kanyang pinangunahan ang muling pag-arangkada ng “Lingap sa Mamamayan, Libreng Gamutan” nitong nakaraang araw ng Huwebes, Marso 14.

Kasama ang mga doktor, nurse, at espsyalista mula sa RAKKK Prophet Medical Center Inc., Provincial Health Office, QPHN-QMC, Rizal Medical Center, East Avenue Medical Center, Batangas Medical Center, at iba pang private doctors ay umabot sa 2,100 na residente ng Panukulan ang naging benipesyaryo ng nasabing programa.

Ilan sa mga serbisyong medikal na naihatid ay libreng medical check-up, tuli, bunot ng ngipin, minor surgery sa maliit na bukol, eye check-up, ENT, FBS/RBS, UTZ, Cervical Screening, X-ray, ECG, CBC, Urinalysis, at pagpapabakuna ng PCV 23. Nakapamahagi rin ng mga basic medicines para sa bawat Barangay ng Panukulan.

Bukod sa medical mission, handog naman ng Office of the Provincial Veterinarian ang libreng pagpapaturok ng anti-rabies, deworming, at consultation para sa mga may alagang hayop.

Samatala, nakasama sa paghahatid ng serbisyong medikal sina Vice Governor Third Alcala, Mayor Alfred Rigor Mitra, Vice Mayor Herminio “Kinda” Peñamante, gayundin ang Provincial Social Welfare and Development Office (PSWDO) at Provincial Treasurer’s Office.

Source: Quezon PIO

GAD Capability Development Training and Move Reorganization & Orientation | March 14, 2024

Sa patuloy na pagbibigay ng kahalagahan para sa karapatan ng mga kababaihan, ginanap ang Seminar patungkol sa Gender and Development Legal Mandates at Special Leave Benefits ng mga kababaihan ngayong araw ng Huwebes, Marso 14 sa Audio Visual Room, Quezon Convention Center.

Pinangunahan ng Provincial Gender And Development Office (PGAD) katuwang ang Human Resource Management Office (HRMO) at Provincial Legal Office (PLO) ang pagtalakay sa iba’t-ibang uri ng leave at benepisyo nito para sa mga kawani ng Pamahalaang Panlalawigan, gayundin ang patungkol sa importansya ng pagkakaroon ng tamang kaalaman sa paggamit ng mga ito.

Tinalakay rin sa nasabing seminar ang mga mandato at batas ukol sa sexual harassment at ang mahalagang papel ng bawat empleyado na ipagpaban ang karapatan nila mula sa mga taong mapang-abuso.

Sa huli, nagkaroon ng oryentasyon tungkol sa Men Opposed to Violence Against Women Everywhere (MOVE), at election of officers na magiging kinatawan ng Pamahalaang Panlalawigan sa aktibong organisasyon na ito ng mga kalalakihan na poprotekta at makikibahagi sa pagwakas ng lahat ng uri ng karahasan laban sa mga kababaihan.

Source: Quezon PIO

Barangay Tanod Workers Assembly | March 14, 2024

Kasabay ng isinasagawang Medical Mission sa Bayan ng Panukulan, Polillo Group of Islands nitong araw ng Huwebes, Marso 14, pinasinayaan rin ni Governor Doktora Helen Tan ang Barangay Tanod Worker Assembly kasama sina Vice Governor Third Alcala, Deputy Regional Director for Administration PBGEN Alegre Martinez, at ang pamunuan ng Lokal na Pamahalaan ng nasabing bayan.

Naging kabahagi sa naturang assembly ang Provincial Legal Office sa pangunguna ni Provincial Legal Officer Atty. Jette Salvacion kung saan kaniyang tinalakay ang ilang mahahalagang batas at kaalaman patungkol sa tungkulin ng isang Brgy. Tanod. Nagbigay kaalaman rin si LDRRM Officer I Neil Parco patungkol naman sa Philippine Disaster Risk Reduction and Management System at ilang mga kailangang tandaan sa paghahatid ng tulong sa panahon ng sakuna.

Sa huli, namahagi ng mga bagong uniporme at flashlight sa bawat Brgy. upang magamit sa pagseserbisyo ng mga Brgy. Tanod sa kanilang komunidad, gayundin ng food packs na handog ni DSWD Secretary Rex Gatchalian at ilang raffle draw mula sa Gobernadora na nagbigay ngiti sa mga Brgy. Tanod ng Panukulan.

Source: Quezon PIO

NGCP ADVISORY

Scheduled power interruption in parts of Quezon and Camarines Sur Provinces on Sunday, 17 March 2024.

Time: 06:00AM-6:00PM

Affected: QUEZELCO I

Reasons: Maintenance works and wood pole replacement along Gumaca-Lopez-Tagkawayan 69kV Line

Specific areas affected shall be determined by the electric coop. NGCP shall exert all efforts to restore power earlier or as scheduled.

Source: Quezon PIO

NGCP ADVISORY

Scheduled power interruption in parts of Quezon Province on Saturday, 16 March 2024

Time: 06:00AM-6:00PM

Affected: QUEZELCO I

Reasons: Maintenance works, wood pole replacement, and electrical testing of primary equipment along Gumaca-Pitogo-Mulanay 69kV Line

Specific areas affected shall be determined by the electric coop. NGCP shall exert all efforts to restore power earlier or as scheduled.

1st Quarter Regional Peace and Order Council Meeting | March 13, 2024

Sa hangarin na patuloy na mapanatili ang kapayapaan at kaayusan sa buong rehiyon ng CALABARZON, ginanap ngayon araw ng Miyerkules ika-13 ng Marso sa Seda, Nuvali, Sta. Rosa City, Laguna ang 1st Quarter Regional Peace and Order Council Meeting.

Bilang Chairperson ng nasabing konseho, siniguro ng gobernadora na mananatiling matatag ang RPOC Calabarzon sa kanilang misyon na labanan ang kriminalidad, droga at karahasan upang siguraduhin ang mapayapa, maayos at ligtas ng pamayanan sa buong rehiyon.

Source: Quezon PIO

Pagpupulong para sa Review on Consignment Policy Draft | March 12, 2024

Isinagawa nitong araw ng Martes, Marso 12 ang pagpupulong para sa Review on Consignnment Policy Draft sa pangunguna ni Governor Doktora Helen Tan.

Kasama ang mga namumuno mula sa Provincial Health Office, QPHN-Quezon Medical Center, Provincial Government Financial Department, at Provincial Legal Office ay nagkaroon ng talakayan para sa pagrerebisa ng consignment policy upang mas maayos na maisakatuparan ang layunin ng nasabing polisiya.

Samantala, target namang matapos at maaprubahan ang naturang polisiya bago matapos ang buwan ng Marso.

Source: Quezon PIO

Provincial Youth Development Consultative Forum & Assembly | March 12, 2024

Pinangunahan ni Provincial Youth Development Officer, Mr. John Carlo L. Villasin ang ginanap na Provincial Youth Development Consultative Forum and Assembly nitong nakaraang Martes, Marso 12 sa St. Jude Cooperative Hotel and Event Center, Tayabas City.

Dinaluhan ni PPSK Board Member Jackelyn Delimos ang aktibidad na layong mas mapaunlad ang mga sektor ng kabataan ng ating lalawigan kung saan ipinakita rin ang mga matagumpay na naisakatuparang programa ng Provincial Youth Development Office, gayundin ay naibahagi ang mga planong proyekto para sa taong kasalukuyan.

Sa patuloy na pagbibigay pansin at importansya ng Pamahalaang Panlalawigan sa mga nagsisilbing pag-asa ng bayan, asahan pa ang mga kapaki-pakinabang na serbisyo para sa mga kabataang Quezonian.

Source: Quezon PIO

Provincial CMCI Forum & Awarding Ceremony | March 12, 2024

Binigyang parangal ang iba’t ibang bayan sa lalawigan ng Quezon para sa kanilang maayos na pagpapaunlad ng ekonomiya sa kanilang bayan sa ginanap na Provincial Cities and Municipality Competitivenes Index (CMCI) nitong araw ng Martes, Marso 12.

Malugod na binigyang pugay ni Governor Doktora Helen Tan ang bawat munisipalidad na dumalo at nakakuha ng parangal sa nasabing pagtitipon, kung saan naman ay kanyang hinamon na mas mapataas pa ang ranking ng bawat bayan, gayundin ang lalawigan na target na makapasok sa top 15 province para 2024 CMCI.

Kasama sa nagpaabot pagbati sa nasabing programa sina Regional Director ng Region 4A DTI Marissa C. Argente, Director Lilian G. Salonga- DTI Bureau of Industry Planning and Innovation, Judy Anne R. Chan- CMCI Program Officer, Provincial Director DTI Quezon Julieta L. Tadiosa, CESO V, Abigail N. Andres- DILG Provincial Director at Engr. Russell C. Narte, Enp- Provincial Planning and Development Coordinator.

Samantala, bukod sa pagkilala bilang most competitive cities and municipalities, pinarangalan din ang bawat Local Government Unit base sa limang competitiveness pillars – Economic Dynamism, Government Efficiency, Infrastructure, Resiliency, and Innovation.

Source: Quezon PIO