DISCLAIMER: I hereby declare that I do not own the rights to this music/song. All rights belong to the owner. No Copyright Infringement Intended.
Livestream: https://www.facebook.com/QuezonGovPh/videos/1238225477398460/
Quezon PIO
Taos-pusong ipinapaabot ng Pamahalaang Panlalawigan ng Quezon sa pamumuno ni Governor Doktora Helen Tan ang pasasalamat kay Pangulong Ferdinand “Bongbong” Marcos Jr. sa ipinamahaging E-titles at Certificate of Condonation with Release of Mortage (COCROM) para sa Agrarian Reform Beneficiaries (ARBs) mula sa lalawigan ng Quezon ngayong araw, Nobyembre 29.
May kabuuang halagang P441.71 milyon ang na-condone para sa lalawigan, kung saan ay nasa 11,497 COCROMS ang naipamahagi sa paglalayon na mabawasan ang pinansyal na pasanin ng mga magsasaka.
Bukod dito, kasama ring naipamahagi ang 15 E-Titles sa ilalim ng Support to Parcelization of Lands for Individual Titling (SPLIT) na mahalagang tulong dahil sa pamamagitan nito ay magkakaroon na ng sariling titulo sa lupa ng sinasakahan ang ating mga magsasakang Quezonian.
Samantala, ang nasabing inisyatibo ay alinsunod sa Republic Act. 11953 o ang bagong Emancipation Act na inaasahang magdadala ng malaking pinansyal na ginhawa dahil hindi na aalalahanin ng mga magsasaka ang bayarin sa kanilang lupaing sinasaka upang masiguro ang pagpapalakas sa seguridad ng pagkain ng bansa.
Naihayag naman ng Presidente na patuloy ang nasyonal na pamahalaan sa pagsusulong ng mga pang-agrikulturang proyekto para sa kaunlaran ng bawat Pilipino.
Quezon PIO
Isinagawa nitong araw ng Huwebes, Nobyembre 28 ang Pangalawang Batch ng STEP-UP Entrepreneurship Development Program na ginanap sa Bulwagang Salakot Restaurant and Rosarian Hotel Gumaca, Quezon.
Katulad ng naunang batch ng STEP-UP Program, layunin ng nasabing programa na suportahan at i-angat ang antas ng pagnenegosyo ng mga Micro, Small and Medium Enterprises (MSMEs) ng lalawigan sa pamamagitan ng lingguhang coaching at mentoring sessions kasama ang mga bagong henerasyon ng negosyante.
Magsasagawa ng 15 araw na pagsasanay mula sa Philippine Trade Training Center (PTTC) ang mga MSMEs, at ang kanilang makakasama na mag-aaral ay kumukuha ng business related courses mula sa Philippine Polytechnic University Lopez Branch (PUP). Nasa 50 MSMEs at 50 mag-aaral ang kalahok sa Batch 2 ng nasabing programa.
Bukod sa 15-Days Intensive training sila ay tatanggap ng Free Packaging Design, Negosyo Kits, Business Pitching Opportunity, at Exposure sa Trade Fairs para sa mga MSMEs.
Samantala, isinagawa rin ang paglagda ng Memorandum of Agreement (MOA) sa pagitan ng Pamahalaang Panlalawigan at Philippine Polytechnic University (PUP) Lopez Branch.
Nakiisa naman sa nasabing programa ang mga panauhin mula sa Philippine Trade Training Center (PTTC), Department of Trade and Industry (DTI) Quezon, at mga kinatawan mula sa Pamahalaang Panlalawigan
Quezon PIO
As a testament to the Administration’s unwavering dedication to bolstering agrarian reform and empowering farmers, President Ferdinand R. Marcos Jr. leads the distribution of Electronic Titles (E-Titles) and Certificates of Condonation with Release of Mortgage (COCROMs) in Lucena City, Quezon on November 29, 2024.
A total of 11,497 certificates will be distributed to 9,811 agrarian reform beneficiaries (ARBs) from the Province of Quezon. These certificates will be accompanied by PhP441.71 million in condoned funds.
This initiative aims to relieve farmers’ financial burdens by formally releasing their debts and mortgage obligations. Additionally, it provides 15 E-Titles covering 30.8 hectares of agricultural land under the Support to Parcelization of Lands for Individual Titling (SPLIT) Project.
This effort aligns with Republic Act (R.A.) No. 11953, known as the New Emancipation Act, that is expected to offer substantial financial assistance to farmers, motivate them and contribute to the nation’s food security.
Livestream: https://www.facebook.com/QuezonGovPh/videos/1252753479272565/
Quezon PIO
Nagsagawa ng Veterinary Medical Mission with Spay and Neuter ang Office of the Provincial Veterinarian sa Calauag, Quezon nitong Nobyembre 26-27, 2024. Ang mga serbisyo na libreng ibinigay sa mga furparents ng nasabing bayan ay ang mga sumusunod: spay & neuter, anti-rabies vaccination, deworming, at consultation. Ang aktibidad ay pinangunahan nina Dr. Flomella Caguicla, Dr. Philip Augustus Maristela, at Dr. Camille Calaycay kasama ang ilang mga technical personnel ng tanggapan.
May kabuoang bilang na 213 na aso at pusa ang nabigyan ng serbisyo na pag-aari ng 138 na kalalawigan natin.
Ang nasabing aktibidad ay naging posible sa tulong ng Office of the Municipal Agriculturist ng Calauag sa pamumuno ni MA Maybel Espino.
Quezon PIO
Ang Pamahalaang Panlalawigan ng Quezon sa pamamagitan ng Office of the Provincial Veterinarian ay nagsagawa ng Estrus Synchronization/Artificial Insemination on Large Ruminants at iba pang veterinary services sa bayan ng Lopez at San Andres.
May kabuuang 173 na mga baka at kalabaw na pag-aari ng 115 na kalalawigan natin ang naserbisyuhan sa dalawang bayan.
Naisakatuparan ang aktibidad na ito sa pakikipagtulungan ng tanggapan sa DA-PCC UPLB, BAI,NDA,DARFO4A, RAIC, LGU San Andres, at LGU Lopez.
Quezon PIO
Sa patuloy na paghahanda tungo sa kaligtasan ng mga mamamayan sa Lalawigan ng Quezon, isinagawa ng Quezon Resilience Council ang SHIELD (Strengthening Institutions and Empowering Localities Against Disasters and Climate Change) Integrated Approach in Understanding, Planning, and Developing Resilience Actions ng probinsya na ginanap mula Nobyembre 26 hanggang 28 sa M.I. Sevilla’s Resort Domoit, Lucena City.
Layunin ng tatlong araw na aktibidad na mapabilis at mapabuti ang implementasyon ng mga programang pagpapalakas ng institusyon at magbibigay ng kaalaman laban sa mga sakuna, natural na kalamidad at pagbabago ng klima.
Dagdag pa rito’y nagkaroon ng talakayan ukol sa pag-unawa sa pangunahing konsepto ng Risk, Resilience at Bridging Leadership. Binigyang-diin din ang pagnanais na maging matatag at matibay ang industriya ng Abaca Fiber sa lalawigan ng Quezon.
Naisakatuparan ang naturang workshop sa pakikipagbalikatan ng Pamahalaang Panlalawigan sa Australian Aid, United Nations Development Programme (UNDP), UN-Habitat, Philippine Business and Social Progress (PBSP), at National Resilience Council.
Quezon PIO
Bumisita ngayong araw, Nobyembre 28 sa tanggapan ni Governor Doktora Helen Tan ang mga kinatawan ng Philippine Long Distance Telephone (PLDT) Company, Inc upang ipagkaloob ang tatlong bagong laptop na ilalagay sa Quezon Preparedness Operation Center (QPOC).
Ang nasabing mga laptop ay magsisilbing gamit para sa emergency response at information dissemination tuwing may kalamidad sa lalawigan ng Quezon kung kaya’t malugod na pinasalamatan ng Gobernadora ang PLDT sa pagkakaloob nito.
Nakasama sa ginanap na pulong sina Mr. Arman Garcia at Robert Talag na mula sa PLDT, gayundin si Provincial Disaster Risk Reduction and Management Officer (PDRRMO) Dr. Melchor Avenilla Jr.
Quezon PIO
augnay sa 18-Day Campaign to End Violence Against Women, ginanap ngayong araw ng Nobyembre 28 sa Quezon Convention Center, Lucena City ang Men’s Day Celebration sa pangunguna ng Provincial Gender and Development (PGAD) Office.
Layunin ng nasabing programa na maisulong ang adbokasiya na mawakasan ang pang-aabuso sa mga kababaihan at kabataan, kung saan naman ay dinaluhan ito ng mahigit 2,000 mga kasapi ng MOVE o Men Opposed to Violence Everywere.
Samantala, bilang Chairperson ng Regional Peace and Order Council (RPOC) ay binigyang-diin at hinikayat ni Governor Doktora Helen Tan ang partipisipasyon ng bawat pampubliko at pribadong institusyong dumalo na maging isa sa magsusulong ng kamalayan at kaalaman na masugpo ang anumang klaseng karahasan sa mga kababaihan at kabataan.
Kaalinsabay nito’y iginawad ang parangal at pagkilala sa 14 Local Government Units (LGUs) na nakakuha ng Highly Functional Rating sa 2024 Local Committee on Anti-Trafficking and Violence Against Women and their Children (LCAT-VAWC).
Nakasama naman sa ginanap na programa sina DILG Provincial Director Abigail Andres, Board Member Yna Liwanag, Board Member Angelo Eduarte, Fourth Alcala bilang kinatawan ni Vice Governor Third Alcala, Doc Kim Tan bilang kinatawan ni DPWH Region I Regional Director Ronnel Tan, MOVE Quezon Chapter President Bernardino P. Torno, at mga kawani mula sa Regional Inter-Agency Committee on Anti-Trafficking – Violence Against Women and Children (RIACAT – VAWC).
Quezon PIO
Congratulations, Lalawigan ng Quezon!
Kaugnay ng isinagawang 3rd General Membership Meeting ng Philippine Chamber of Commerce and Industry – Quezon Province Inc. (PCCI-QPI) taos-puso ang pasasalamat ni Governor Doktora Helen Tan sa kanilang iginawad sa Pamahalaang Panlalawigan ng Quezon bilang isa sa mga finalist ng 2024 Most Business-Friendly Local Government Unit Awards Provincial Level ngayong araw ng Huwebes, Nobyembre 28 sa 3rd Floor, Provincial Capitol Bldg. Lucena City.
Ang naturang parangal ay bunga ng kapuri-puring mga inisyatibo tungo sa mabuting pamamahala na nagtataguyod ng kalakalan, pamumuhunan, at nagbibigay ng mahalagang ambag sa lokal na pag-unlad ng ekonomiya.
Asahang mas pagbubutihin at patuloy na maghahatid ang Pamahalaang Panlalawigan ng dekalidad na serbisyong pang-ekonomiya sa ating mga kalalawigan.
Quezon PIO