Lingap sa Mamamayan Libreng Gamutan | March 16, 2024
Bilang parte pa rin ng misyong maipadama at mailapit ang programang tutugon sa pangkalusugan na suliranin ng mga Quezonian ay nagpatuloy sa bayan ng Burdeos ang pagbibigay ng libreng serbisyong gamutan nitong araw ng Sabado, Marso 16.
Dinagsa ng 2,786 na mamamayan ng nasabing bayan ang handog na medical mission ng Pamahalaang Panlalawigan sa pangunguna ni Governor Doktora Helen Tan katuwang si Vice Governor Third Alcala.
Iba’t-ibang serbisyong medikal ang natanggap ng mga taga-Burdeos gaya ng libreng check-up, dental extraction, tuli, minor surgery sa may maliit na bukol, check-up sa buto (Orthopedic), derma, eye check-up, ENT, FBS/RBS, Ultrasound, Cervical Cancer Screening, X-ray, ECG, CBC, Urinalysis, gayundin ng pagpapabakuna ng PCV 23 at HPV.
Namahagi din ng nagkakahalagang 55,000 na libreng mga gamot para sa bawat Barangay ng Burdeos na makatutulong upang pangtawid na tugon sa mga sakit sa ulo, tiyan, at iba pa.
Kasabay ring nagsagawa ng Veterinary Medical Mission ang Office of the Provincial Veterenarian kung saan kanilang handog ang konsultasyon, pagpapaturok ng anti-rabies, at deworming para sa may mga alagang hayop.
Umabot naman sa 351 na mamamayan ng Burdeos ang nakatanggap ng medical assistance na ipinamahagi sa pamamagitan ng Provincial Social Welfare and Development Office (PSWDO) at Provincial Tresurer’s Office (PTO).
Samantala, nakasama rin sa paghahatid ng libreng gamutan sina Vice Governor Third Alcala, Mayor Freddie Aman, Vice Mayor Gina Gonzales gayundin ang iba’t-ibang doktor at espesyalista mula sa mga ospital na parating kabalikatan ng Pamahalaang Panlalawigan ng Quezon.
Source: Quezon PIO