NEWS AND UPDATE

Office of the Provincial Veterinarian ng Veterinary Medical Mission w/ Spay and Neuter | January 20, 2025

Nagsagawa ang Office of the Provincial Veterinarian ng Veterinary Medical Mission w/ Spay and Neuter sa Pitogo, Quezon nitong

January 17, 2025. Nagbigay ang tanggapan ng libreng pagtuturok ng antirabies, pagpupurga, check-up, at pagkakapon para sa mga alagang aso at pusa ng mga kakalawigan natin mula sa nasabing bayan.

Ang aktibidad ay pinangunahan nina Dr. Philip Augustus Maristela at Dr. Camille Calaycay kasama ang mga technical personnel ng OPV Animal Health and Welfare Division, sa pakikipagtulungan ng Office of the Municipal Agriculturist ng Pitogo na pinamumunuan ni MA German Candido.

Quezon PIO

131st Sangguniang Panlalawigan Regular Session | January 20, 2025

Para sa patuloy na pagbalangkas ng mga alituntuning nakaayon sa mas maunlad na lalawigan, muling nagtipon-tipon ang mga miyembro ng Sangguniang Panlalawigan upang pormal na isagawa ang ika-131 Pangkaraniwang Pulong ngayong araw ng Lunes, Enero 20 via Zoom Conference.

Layunin ng pagpupulong na makapagpasa ng mga resolusyon at kautusan, gayundin ay linawin ang mga ordinansa na nais ipatupad ng mga bayan sa lalawigan ng Quezon. Kabilang sa mga naaprubahan ay ang panukala mula sa tanggapan ng Punong Lalawigan hinggil sa resolusyon na nagpapahintulot sa Pamahalaang Panlalawigan na pumasok sa kasunduan o Terms and Partnership sa Department of Health (DOH)- Center for Health and Development No. IV-A, para sa implementasyon ng Annual Operational Plan for CY 2025 sa ilalim ng Local Investment Plan for Health 2023-2025.

Samantala, ang nasabing sesyon ay pinangunahan ni Acting Vice Governor and Presiding Officer Vinnette Alcala-Naca kasama ang mga Board Members na kinatawan ng bawat distrito sa lalawigan.

Asahang patuloy ang pagbasa at pag-apruba ng Sangguniang Panlalawigan sa mga batas na makapagsusulong ng mas mataas na kalidad ng pamumuhay sa Quezon at makatutulong sa mga mamamayang Quezonian.

Quezon PIO

Overall Official Result ng Medal Tally para sa PALARONG QUEZON 2025 na ginanap mula Enero 13-18 | January 18, 2025

CONGRATULATIONS!

Narito ang Overall Official Result ng Medal Tally para sa PALARONG QUEZON 2025 na ginanap mula Enero 13-18.

Ipinagmamalaki natin ang lahat ng mga atleta at kalahok na nagpakita ng kanilang kahusayan at dedikasyon sa bawat laban.

Nawa’y magsilbing inspirasyon ang tagumpay na ito upang patuloy pang pagyamanin at suportahan ang ating sports program at mapalakas ang samahan ng bawat isa sa ating lalawigan.

Mabuhay ang mga Atletang Quezonian!

Source: DepEd Quezon Game Records and Results Committee

#AtletangQuezonian #PalarongQuezon2025 #SerbisyongTunayAtNatural

Quezon PIO

Partial and Unofficial Result ng Medal Tally ng Palarong Quezon 2025 para sa Elementary at Secondaryo | January 17, 2025

Mga Kalalawigan!

Narito ang Partial and Unofficial Result ng Medal Tally ng Palarong Quezon 2025 para sa Elementary at Secondaryo ngayong January 17, 1:45 pm.

Facebook Post Link: https://www.facebook.com/QuezonGovPh/posts/pfbid02Vjbzsxo8VAx92VcBchc4WdC4qJCDppbs2R5Q93Y6uaEtmymLBk3JfimudmQH3Eagl?rdid=Ck0IxZm7vSoq6tut#

Source: DepEd Game Records and Results Committee

#SerbisyongTunayAtNatural #AtletangQuezonian #PalarongQuezon2025

Quezon PIO

Mga kaganapan sa PALARONG QUEZON 2025 | January 17, 2025

TINGNAN: Mga kaganapan sa PALARONG QUEZON 2025 na ginanap sa bayan ng Lucban, San Antonio, Pagbilao, Lucena City at Tayabas City kung saan hindi nagpatinag sa sama ng panahon ang nag-aalab na puso ng mga manlalaro na sabik na ipanalo ang kani-kanilang bayan upang maiuwi ang tagumpay sa larangan ng isports na kanilang kinabibilangan.

Abangan naman ang mga susunod na anunsyo para sa mga mananalong manlalaro o kuponan sa bawat isports.

#SerbisyongTunayAtNatural #HEALINGQuezon #PALARONGQUEZON2025 #AtletangQuezonian

Quezon PIO

Recognition of Active Surveillance for ASF ( RAS- ASF) | January 17, 2025

Recognition of Active Surveillance for ASF ( RAS- ASF)

Padre Burgos, Quezon

Ang mga personel ng Office of the Provincial Veterinarian ay naimbitahan ng Office of the Municipal Agriculturist sa bayan ng Padre Burgos, Quezon upang magbigay ng assistance sa pagsasagawa ng blood collection para sa kanilang aplikasyon para sa kanilang RAS-ASF.

Total # of blood samples from : 50

Total # of farmers: 50

• : 29

• : 21

Barangays Covered: 11

• Cabuyao Sur

• Cabuyao Norte

• Kinagunan Ilaya

• Kinagunan Ibaba,

• Marao

• Rizal

• Sipa

• San Vicente

• Hinguiwin

• Marquez

• Danlagan

Quezon PIO

Cattle Raising Credit and Financing Program for Out of School Youth | January 17, 2025

Matagumpay na naisagawa ang pamamahagi ng panimulang puhunan at pananim na forages, isang uri ng halaman na pakain sa mga alagang hayop, para sa anim (6) na kabataan mula sa Lungsod ng Lucena at bayan ng Padre Burgos. Ito ay sa ilalim ng ‘Cattle Raising Credit and Financing Program for Out of School Youth’ na kung saan binibigyan ng oportunidad ang mga kabataan na makahiram ng panimulang pangnenegosyo sa pagbabakahan sa mababang interest.

Katuwang ang Agriculture Credit Policy Council (ACPC), Department of Agriculture RFO-4A, Philippines Crop Insurance Corporation (PCIC), Office of the Provincial Veterinary at ang Cooperative Bank of Quezon Province bilang lending conduit, ay inaasahan na sa darating na Pebrero ang opisyal na pamamahagi ng mga baka na kanilang gagamitin na panimula sa kanilang pagnenegosyo.

#OPAQuezon #livestockproduction #cattleraising

Quezon PIO

Kadiwa ng Pangulo (KNP) sa Kapitolyo | January 17, 2025

Tuluy-tuloy ang pagbibigay ng dekalidad at abot-kayang fresh and ready-to-eat na pagkain, hatid ng Kadiwa ng Pangulo (KNP) sa Kapitolyo nitong ika-15 ng Enero, 2025.

Sa pagbubukas ng panibagong taon ay 13 iba’t-ibang farm owners sa Lungsod ng Lucena at mga kalapit na bayan, ang nakilahok sa unang araw ng KNP sa Quezon Capitol Compound, Lucena City. Hatid dito ang sariling aning gulay, organic eggs, mga lutong pagkain tulad ng: pansit habhab, burgers, at processed products gaya ng: gourmet tinapa, chips, buko pie, suka, toyo, catsup at marami pang iba.

Nagkaroon din ng pagbisita sa iba’t-ibang opisina at departamento ang mga farm owners kasama ang kinatawan ng tanggapan mula sa marketing unit upang maipakilala ang iba pang produktong hatid sa Kadiwa ng Pangulo sa Kapitolyo.

Quezon PIO

Stage 1 Initial Audit Quality Management System (QMS) ISO 9001:2025 | January 17, 2025

CONGRATULATIONS Pamahalaang Panlalawigan ng Quezon !!

Nakapasa ang Pamahalaang Panlalawigan ng Quezon sa ginanap na Stage 1 Initial Audit at tutuloy sa Stage 2 Audit, para sa QMS ISO 9001:2015, sa pangunguna ng Certification Partner Global (CPG) FZ LLC, nitong araw ng Huwebes, Enero 16, sa Provincial Capitol Building.

Sa ngalan ni Governor Doktora Helen Tan, ito ay dinaluhan ni Vice Governor Third Alcala kasama ang mga Department Heads, Internal Quality Auditors, Quality Management System Core Team Members, at Administrative Officers mula sa iba’t ibang departamento ng Pamahalaang Panlalawigan ng Quezon.

Ang CPG ay isang nangungunang certification company na nakatuon sa pagbibigay ng mga serbisyong pagsasanay at sertipikasyon patungkol sa sistema ng pamamahala ng mga Industriya, Komersyo, at Gobyerno.

Matatandaan na nitong nakaraang 2024, ay masusi nang pinaghahandaan ng Pamahalaang Panlalawigan ang nasabing audit upang makuha ang ISO certification.

Ang pagpasa sa Initial Audit o Stage 1 na ito ay patunay na handa na ang Pamahalaang Panlalawigan na makipagsabayan sa Global Standard may kaugnayan sa pamamahala.

Asahan na patuloy pa ang pagsisikap ng Pamahalaang Panlalawigan ng Quezon para sa pagpapabuti ng kalidad at pagiging epektibo ng mga serbisyo para sa mga mamamayan. At ang tagumpay sa proseso ng ISO certification ay magiging isang mahalagang hakbang patungo sa mas mataas na antas ng pamamahala at serbisyo sa publiko.

Quezon PIO

ORANGE TOURISM FESTIVAL | January 16, 2025

Inaanyayahan namin ang Quezonian Artists!!!

Sumali na sa ORANGE TOURISM FESTIVAL na programa ng Pamahalaang Panlalawigan ng Quezon at ng Quezon Provincial Tourism Office bilang pakikiisa sa pagdiriwang ng NATIONAL ARTS MONTH 2025.

Makakasama natin dito ang yaman ng lalawigan sa sining bilang ating RESOURCE PERSONS na sina: MAESTRO NILO B. ALCALA- MUSIC, JONAZ EVORA- DANCE, AR. DOLAN REYES- ARCHITECTURE, SIR VIM NADERA- LITERATURE-TULA, SININGNING REYNALES- PAINTING, DIREK LEM LORCA- FILM, DIREK MARCO ANTONIO RODAS- THEATER ARTS at GINOONG CHEF COCOY VENTURA- COCOLINARY.

Isang magandang pagkakataon sa magiging kalahok ng palihan upang mapaunlad ang angking galing sa kinabibilangang sining at pagkakataon na makasama ang iba pang kalahok na mga alagad ng sining. Isang pambihirang karanasan din ng magiging kalahok ang hatid na ganda ng AGRI-TOURISM FARM ng lalawigan bilang lugar ng palihan na magaganap sa magkakaibang schedule ngayong darating na ika-5, 6 at 7 ng Pebrero at ika-11, 12 at 13 ng Pebrero. At sa Quezon Convention Center sa ika-19 at 20 ng Pebrero.

Pipili lamang ng hanggang 20 kalahok sa bawat kategoriya ng palihan.

TINGNAN ANG IBA PANG DETALYE AT MAGREGISTER NA SA GOOGLE FORM LINK:

https://forms.gle/zDaC2ektpseY4y7t5

#orangetourismfestival

#nationalartsmonth2025

#agritourismfarm

#TAraNasaquezon

Quezon Tourism

« Previous Page