NEWS AND UPDATE

Ika-89 Pangkaraniwang Pulong ng Sangguniang Panlalawigan | March 25, 2024

Sa pagsusumikap na maaprubahan ang mga ordinansang bayan, executive orders at resolusyong makakatulong sa bawat mamamayan sa Quezon, ginanap ang Ika- 89 Pangkaraniwang Pulong ng Sangguniang Panlalawigan ngayong araw ng Lunes, Marso 25.

Bilang pagbibigay pagpapahalaga sa bawat kababaihan, naipasa na ang Revised GAD Code of Quezon Province kung saan binalangkas ang mga bagong patakaran sa pagsusulong ng women’s empowerment at gender equality.

Samantala, nagkaroon naman ng sabayang pag-apruba sa mga liham mula sa Pamahalaang Panlalawigan ng Quezon na magbibigay daan sa paglagda ni Governor Doktora Helen Tan na pumasok sa mga kasunduang mapapakinabangan at ikauunlad ng bawat mamamayan.

Sa pangunguna ni Vice Governor Third Alcala katuwang ang miyembro ng Sangguniang Panlalawigan, asahan na tuloy-tuloy ang pagbibigay serbisyong pang-lehislatura para sa bawat mamamayan ng Quezon.

Source: Quezon PIO

ISO 9001:2015, 7s On Good Housekeeping and Work Attitude and Value Enhancement Seminar – QPHN-QMC | March 25, 2024

Kasalukuyang nag sasagawa ng seminar ang QPHN-QMC patungkol sa ISO 9001:2015, 7s On Good Housekeeping and Work Attitude and Value Enhancement Seminar.

Ito ay upang mabigayan ng sapat na kaalaman ang bawat empleyado ng hospital, na maibigay ang maayos at magandang serbisyo para sa mga Quezonian.

ito ay alinsunod sa Healing Agenda ng ating Gobernadora, Doktora Helen Tan, na patuloy pagandahin at ayusin ang serbisyong medikal, para sa ating mga ka-lalawigan.

Source: Quezon PIO

Beyond Borders: Innovations in Actions-Contributing to the Philippines’ Tuberculosis Case Finding Initiatives | March 20-21, 2024

Para sa makabagong Pilipinas, Pa-check ka Lungs!

Nakiisa ang Quezon Provincial Health Office sa isinagawang aktibidad noong March 20-21,2024 ang “Beyond Borders: Innovations in Actions- Contributing to the Philippines’ Tuberculosis Case Finding Initiatives sa Rizal Park Hotel, Ermita, Manila.

Pinangunahan ng United States Agency for International Development (USAID) TB Innovations and Health Systems Strengthening (TBHISS) Project ang aktibidad na ito at dinaluhan ng iba’t ibang public at private partners kagaya ng Department of Health, Local Government Units, Rural Health Units, Private and Public Hospitals sa Luzon, Visayas, at Mindanao, Philippine Business for Social Progress (PBSP), Culion Foundation Inc, at Community Based Organization for TB. Ang layunin ng aktibidad na ito ay upang maipahayag ang katuparan ng mga nagawang USAIDs TB Project sa ating bansa sa lumipas na pitong taon, matipon ang mga kaalaman at naging karanasan ng mga partners at stakeholders sa implementasyon ng FASTPlus Finding TB cases Actively, Separating safely, and Treating effectively at kung paano tinanggap ang mga makabagong kaalaman at teknolohiya upang mapabilis ang pagdadala ng sputum specimen, pagsusuri at ang agarang paglabas ng resulta. Sa huli, ang makabagong panahon ay sasabay sa makabagong teknolohiyang magdadala ng makabagong pagsusuri at paglunas sa sakit na TB.

Para Healthy Lungs, Pa-check ka Lungs! Tuloy ang bayanihan, TB ay Tuldukan!

Source: Quezon PHO

Quezon PDRRMO Traffic Advisory

𝐓𝐇𝐄 𝐏𝐔𝐁𝐋𝐈𝐂 𝐀𝐑𝐄 𝐀𝐃𝐕𝐈𝐂𝐄 𝐓𝐎 𝐂𝐇𝐄𝐂𝐊 𝐎𝐍 𝐓𝐇𝐄 𝐅𝐎𝐋𝐋𝐎𝐖𝐈𝐍𝐆 𝐓𝐑𝐀𝐅𝐅𝐈𝐂 𝐑𝐄𝐑𝐎𝐔𝐓𝐈𝐍𝐆 𝐒𝐂𝐇𝐄𝐌𝐄 𝐅𝐑𝐎𝐌 𝐌𝐃𝐑𝐑𝐌𝐎’𝐒 𝐀𝐋𝐎𝐍𝐆 𝐌𝐀𝐇𝐀𝐑𝐋𝐈𝐊𝐀 𝐇𝐈𝐆𝐇 𝐖𝐀𝐘 𝐌𝐀𝐍𝐈𝐋𝐀 𝐒𝐎𝐔𝐓𝐇 𝐑𝐎𝐀𝐃 (𝐌𝐒𝐑) 𝐃𝐔𝐑𝐈𝐍𝐆 𝐓𝐇𝐄 𝐎𝐁𝐒𝐄𝐑𝐕𝐀𝐍𝐂𝐄 𝐎𝐅 𝐒𝐄𝐌𝐀𝐍𝐀 𝐒𝐀𝐍𝐓𝐀 𝟐𝟎𝟐𝟒.

𝐓𝐇𝐄 𝐅𝐎𝐋𝐋𝐎𝐖𝐈𝐍𝐆 𝐓𝐑𝐀𝐅𝐅𝐈𝐂 𝐑𝐄𝐑𝐎𝐔𝐓𝐈𝐍𝐆 𝐒𝐂𝐇𝐄𝐌𝐄 𝐌𝐀𝐘 𝐕𝐀𝐑𝐘 𝐔𝐏𝐎𝐍 𝐓𝐇𝐄 𝐃𝐈𝐒𝐂𝐑𝐄𝐓𝐈𝐎𝐍 𝐎𝐅 𝐄𝐀𝐂𝐇 𝐌𝐔𝐍𝐈𝐂𝐈𝐏𝐀𝐋𝐈𝐓𝐈𝐄𝐒.

Link: https://www.facebook.com/QuezonPDRRMO/posts/pfbid0n9rmnadisiKaypxjP5bRasJudPEib9tn8U9i6hGvX3EqyQoi3zUHUEX1YeC8tkaJl

Source: Quezon PDRRMO

Top 5 Best Spirits in the World as of March 2024

SHOT PUNO, LAMBANOG!

Filipino drink Lambanog was named the second-best spirit in the world by the popular online food and travel guide TasteAtlas.

Lambanog went ahead of Scotland’s Islay Scotch, Serbia’s Viljamovka, and France’s Armagnac.

The local drink is a colorless fermented sap of the coconut palm.

Source: Philippine Star

Air to Ground Operations Seminar | March 20-22, 2024

Matagumpay ang isinagawang Air-to-Ground Operations Seminar (AGOS) sa pangunguna ng Philippine Air Force – Towsol at TOG4 at suporta ng Provincial Disaster Risk Reduction Management Office (PDRRMO) nitong nagdaang Marso 20-22, 2024 sa Camp Guillermo Nakar, Lucena City.

Layunin nitong magkaroon at maibahagi ang kaalaman kung paano ang tamang Loading, Unloading, Marshalling, at Vectoring tuwing papaalis at parating ang isang helicopter.

Dinaluhan ang nasabing Seminar ng iba’t ibang ahensya gaya ng Bureau of Fire and Protection (BFP), PAF Reservist, PDRRMO at LDRRMO sa lalawigan ng Quezon.

Ang mga pagsasanay ng AGOS ay magagamit kung may isang aircarft na maglalanding isang lugar at malaking tulong upang mapaghandaan ang mga hindi inaasahang pangyayare gaya ng emergency, sakuna at mga kalamidad.

Source: Quezon PIO

Electronic Waste Collection in Celebration of World Water Day | March 22, 2024

Bilang pakikiisa sa pagdiriwang ng World Water Day, isinagawa ng Provincial Government- Environment and Natural Resources Office (PG-ENRO) ang Electronic Waste Collection Activity ngayong araw ng Biyernes, Marso 22.

Pinangunahan ni PG-ENRO Acting Head EA John Francis Luzano ang pangongolekta ng mga recyclable na baterya, lumang telepono, mga kable at mga ibang electronic na kagamitan mula sa iba’t- ibang tanggapan ng Pamahalaang Panlalawigan.

Inaasahang magtutuloy-tuloy ang mga ganitong klaseng aktibidad para sa mas organisadong pamamaraan at pagtatapon ng mga electronic waste materials.

Source: Quezon PIO

Blessing of Covered Court | March 21, 2024

Kahit sa kasulok-sulokang Sitio o Barangay, basta nangangailangan, pilit itong aabutin ng serbisyo ng Pamahalaang Panlalawigan sa pamumuno ni Governor Doktora Helen Tan.

Nitong nakaraang araw ng Huwebes ika-21 ng Marso, personal na nagtungo si Governor Doktora Helen Tan kasama si Infanta Vice Mayor L.A. Ruanto sa Sitio Little Baguio, Brgy. Magsaysay, Infanta, Quezon upang pangunahan ang blessing at ribbon cutting ng bagong tayong Covered Court para sa nasabing Barangay.

Labis ang pasasalamat ni Barangay Captain Ulpiano Crisostomo hindi lamang para sa bagong Covered Court kundi sa pagpaparamdam sa kanila na hindi sila pinapabayaan at binibigyang pansin ni Governor Doktora Helen Tan ang pangangailangan ng mga mamamayan ng kanilang Barangay.

Source: Quezon PIO

Women’s Month Celebration 2024 | March 21, 2024

Kaugnay parin sa selebrasyon ng Women’s Month 2024 na may temang “Lipunang Patas sa Bagong Pilipinas, Kakayahan ng Kababaihan, Patutunayan”, nagtipon-tipon ang 1,300 na kababaihan mula sa mga bayan ng Real, Infanta at General Nakar nitong ika-21 ng Marso sa Northen Quezon Convention Center, Infanta, Quezon.

Ang nasabing selebrasyon ay pinangunahan ni Governor Doktora Helen Tan kasama sina Vice Governor Anacleto “Third” Alcala, 1st District Board Member Julius Luces, PSWDO Head Sonia Leyson at mga punong bayan ng REINA Area.

Binigyang pugay ni Governor Doktora Helen Tan ang mga kababaihan ng REINA Area para sa kanilang ginagampanang papel sa lipunan na kung saan ay nagpapatunay na kayang makipagsabayan ng mga kababaihan sa lahat ng larangan.

Samantala, handog din sa nasabing selebrasyon ang isang talakayan mula kay Mr. Chinkee Tan na malaki ang maitutulong sa pang araw-araw na pagbabadyet at pag-iipon para sa kinabukasan ng kanilang mga pamilya. Nakadagdag saya din ang munting regalo mula kay Senator Imee Marcos at mga food packs mula sa tanggapan ni DSWD Secretary Rex Gatchalian.

Source: Quezon PIO

Provincial Investment Promotions Orientation for Local Government Units | March 21, 2024

“Let’s make Lalawigan ng Quezon, the next Investment Destination.”

Ito ang pangunahing layunin ng Pamahalaang Panlalawigan ng Quezon sa ginanap na Provincial Investment Promotions Orientation for Local Government Units ngayong araw ng Huwebes, Marso 21 sa 3F Capitol Bldg., Quezon Capitol Compound, Lucena City.

Pinangunahan ni Provincial Administrator Manuel M. Butardo ang aktibidad na dinaluhan ng ilang mga Punong Bayan, Local Economic Development and Investment Promotions Officers (LEDIPO), Local Chief Executives, Municipal Treasurers, at mga kinatawan mula sa iba’t-ibang munisipalidad sa lalawigan.

Naging katuwang din sa nasabing oryentasyon ang Department of Trade and Industry (DTI), Department of the Interior and Local Government (DILG), Board of Investments (BOI) at Philippine Chamber of Commerce and Industry – Quezon Province Inc. (PCCI- QPI).

Ilan sa mga naipaliwanag sa nasabing aktibidad ay ang mahalagang papel ng lokal na pamahalaan sa investment promotion sa ating lalawigan, kung kaya’t patuloy ang pagsasagawa ng plano at proyekto na tiyak na magbibigay ng malaking kontribusyon sa paghikayat ng mga mangangapital sa bansa na piliin ang lalawigan ng Quezon.

Sa huli ay nagkaroon ng MOA Signing ang Pamahalaang Panlalawigan sa pagitan ng pamunuan ng Board of Investments (BOI), at nanumpa naman ang mga bagong halal na Quezon Association of Local Economic Development Investment Promotions Officers (LEDIPO).

Source: Quezon PIO