NEWS AND UPDATE

AICS Payout – Perez, Quezon | April 07, 2024

Kalakip ng pagtugon sa kinakailangang tulong ng mga residente mula sa AlQueRez Islands nitong nakaraang Abril 7 ay namahagi rin ng tulong pinanysal para bawat Quezonian mula sa nasabing mga isla.

Umabot sa 358 ang naging benepisyaryo mula sa programang AICS, kung saan ay 198 ay educational assistance habang ang 160 ay subsistence assistance para sa mga indibidwal na lubos na kinakailangan tulong upang mabawasan ang kanilang mga pasanin.

Siniguro naman ni Governor Doktora Helen Tan na hindi titigil ang Pamahalaang Panlalawigan upang maibaba at maibibigay ang mga programa at serbisyong mapakikinabangan ng bawat Quezonian lalo na sa mga nainirahan sa pinakamalalayong lugar sa Quezon.

Source: Quezon PIO

Lingap sa Mamamayan Libreng Gamutan – Perez, Quezon | April 07, 2024

Sa huling araw ng paghahatid ng Libreng Serbisyong Gamutan para sa mga naninirahan sa AlQueRez Islands, masayang nagtungo ang Medical Team sa bayan ng Perez nitong nakaraang araw ng Linggo, Abril 7 sa pangunguna ni Governor Doktora Helen Tan.

Handog ang iba’t-ibang serbisyong medikal para sa mga mamamayan ng nasabing bayan ay nakapagtala ng 2,417 ang naging benepisyaryo na labis na nakatugon sa pangkalusugan nilang pangangailangan.

Kabilang sa mga naihatid na serbisyo ang libreng medical check-up, tuli, family planning implant and consultation, cervical cancer screening, breast screening exam, physical therapy, eye check-up, ENT, ob-gyne, ultrasound, X-ray, minor surgery, PCV 23 Vaccination, CBC, FBS/RBS, Urinalysis, at Blood Uric Acid.

Para naman sa mga hindi available ang gamot na iniresetang ng doktor, sa pamamagitan ng Provincial Social Welfare and Development Office (PSWDO) ay nakatanggap sila ng medical assistance.

Samantala, handog ng Office of the Provincial Veterenarian ang libreng konsultasyon, deworming, at pagbabakuna ng anti-rabies para sa mga may alagang hayop.

Namahagi rin sa ginanap na maikling programa ang 55,000 worth of essential medicines para sa bawat barangay ng isla ng Perez.

Nakasama naman sa paghahatid ng serbisyo sina Vice Governor Third Alcala, 4th District Congressman Atorni Mike Tan, Board Member Angelo Eduarte, Board Member Harold Butardo , Board Member Derick Magbuhos, Mayor Charizze Escalona, Vice Mayor Ryan Panol, at mga doktor na mula sa iba’t-ibang lokal at nasyonal na ospital.

Asahan na sa mga susunod na buwan ay magpapatuloy ang pagdaloy at paghahatid ng mga serbisyong medikal para sa mga mamamayan ng Quezon tungo sa mas malusog na pamumuhay sa lalawigan.

Source: Quezon PIO

Pagbisita ni Governor Doktora Helen Tan sa Super Health Center sa Bayan ng Perez, Quezon | April 07, 2024

TINGNAN: Sa layuning matugunan ang mga suliraning pangkalusugan ng ating mga kalalawigan sa isla, binisita ni Governor Doktora Helen Tan ang Super Health Center sa bayan ng Perez na matatandaang isinagawa ang groundbreaking noong nakaraang taon.

Ang nasabing pasilidad ay mapapalawig sa serbisyong pangkalusugan para bayan ng Perez sapagkat hindi na nila kinakailangang tumawid ng kabilang bayan at isla para maabot ang basic health services.

Source: Quezon PIO

Distribution of Agricultural Inputs & TUPAD Orientation – Perez, Quezon | April 07, 2024

Mahalaga sa Pamahalaang Panlalawigan ng Quezon na tinututukan ang sektor ng mga mangingisda at magsasaka kung kaya’t nitong nakaraang Linggo, Abril 7 ay namahagi ng mga kagamitan na makakatulong sa paghahanap-buhay ng mga nainirahan sa Perez, Quezon.

Sa pangunguna ni Governor Doktora Helen Tan naipamahagi ang PVC Hoses, Fertilizers, Blue Drums, Knapsack Sprayers, Crates, Grasscutter, iba’t-ibang gulay, Marine Engines, at Bottom Set Gill Nets.

Kaalinsabay nito ay nagkaroon din ng oryentasyon para sa mga kabilang sa programang TUPAD ng DOLE.

Source: Quezon PIO

Barangay Tanod Convention – Perez, Quezon | April 07, 2024

“Gusto natin matiwasay, matahimik at mapayapa ang mga barangay.”

Dahil sa malaki ang gampanin ng mga Barangay Tanod upang mapanatiling ligtas ang pamumuhay ng bawat mamamayan, ito ang naging pahayag at paalala ni Governor Doktora Helen Tan sa ginanap na pagtitipon ng mga Barangay Tanod mula sa isla ng Perez nitong nakaraang araw ng Linggo, Abril 7.

Nakiisa naman sa nasabing pagtitipon sina Vice Governor Third Alcala, 4th District Congressman Atorni Mike Tan, Board Member Angelo Eduarte, Board Member Harold Butardo , Board Member Derick Magbuhos, Mayor Charizze Escalona, at Vice Mayor Ryan Panol.

Samantala, nagbigay kaalaman sina Atty. Angelica Naca mula sa Provincial Legal Office at PDRRMO Head Dr. Mel Avenilla mula naman sa Provincial Disaster Risk Reduction and Management Office sa mga Brgy. Tanod magsisilbing malaking tulong upang patuloy nilang magampanan ng maayos ang kanilang mga tungkulin.

Masaya ring umuwi ang mga Brgy. Tanod sa isinagawang raffle draw kung saan sila’y nanalo ng iba’t-ibang papremyo, at nakatanggap din sila ng food packs na mula sa Department of Social Welfare and Development (DSWD).

Source: Quezon PIO

Visitation of Multi-Species Marine Hatchery – Perez, Quezon | April 07, 2024

TINGNAN: Sa pagtungo ni Governor Doktora Helen Tan sa isla ng Alabat, siniguro ng gobernadora na bumista sa Multi-Species Marine Hatchery na malaking ang kapaki-pakinabang para sa mga mamamayan ng nasabing isla.

Kasamang naglibot sa naturang hatchery sina Bureau of Fisheries and Aquatic Resources (BFAR) 4A Regional Director Sammy Malvas, Vice Governor Third Alcala, 4th District Congressman Atorni Mike Tan, Provincial Agriculturist Dr. Lisa Mariano, at Mayor Charizze Escalona.

Source: Quezon PIO

Pagbisita ni Governor Doktora Helen Tan sa Super Health Center sa Alabat, Quezon | April 06, 2024

TINGNAN: Walang sinayang na oras si Governor Doktora Helen Tan sa kanyang pagtungo sa isla ng Alabat, at kanyang minirapat na bisitahin ang kalagayan ng Super Health Center upang masiguro na maayos na inihahatid ang serbisyo para sa mga residente ng nasabing bayan nitong araw ng Sabado, Abril 6.
Source: Quezon PIO

Visitation of Quezon Provincial Hospital Network (QPHN) – Alabat | April 06, 2024

TINGNAN: Upang masiguro na maayos na naibibigay ang serbisyong pangkalusugan sa mga mamamayan ng isla ng Alabat ay personal na binisita ni Governor Doktora Helen Tan ang Quezon Provincial Hospital Network (QPHN)-Alabat nitong araw ng Sabado, Abril 6.

Source: Quezon PIO

Pagbisita ni Governor Doktora Helen Tan sa Legislated Multi-Species Marine Hatchery sa isla ng Alabat, Quezon | April 06, 2024

TINGNAN: Binisita ni Governor Doktora Helen Tan ang Legislated Multi-Species Marine Hatchery na matatagpuan sa isla ng Alabat kasabay ng isinasagawang Medical Mission nitong Sabado, Abril 6.

Nakasama sa nasabing pagbisita ng pasilidad sina Bureau of Fisheries and Aquatic Resources (BFAR) 4A Regional Director Sammy Malvas, Vice Governor Third Alcala, Provincial Agriculturist Dr. Lisa Mariano, Board Member Angelo Eduarte, Board Member Harold Butardo, at Mayor Ramil Arquiza.

Source: Quezon PIO

Barangay Tanod Convention – Alabat, Quezon | April 06, 2024

“Ayaw natin ng komunidad na may nangyayaring krimen.”

Iyan ang mensaheng binitawan ni Governor Doktora Helen Tan sa mga Barangay Tanod ng Bayan ng Alabat sa kaniyang pagbisita nitong araw ng Sabado, Abril 6.

Dagdag pa ng Gobernadora na mahalaga ang ginagampanang tungkulin ng bawat barangay tanod kung kaya’t hinikayat ang bawat isa na maging aktibo sa pakikipagtulungan sa mga kapulisan at Lokal na Pamahalaan ng kanilang Bayan upang masiguro na maiiwasan ang mga krimen at panganib.

Kasamang nakibahagi sa naturang Assembly sina Vice Governor Third Alcala, Bokal Harold Butardo, Bokal Ola Eduarte at Alabat Mayor Ramil Arquiza.

Nagkaroon rin ng talakayan patungkol sa saklaw at limitasyon ng tungkulin ng mga tanod sa pangunguna nina Atty. Angelica Naca mula sa Provincial Legal Office at PDRRMO Head Dr. Mel Avenilla mula naman sa Provincial Disaster Risk Reduction and Management Office.

Nagbigay ngiti naman sa mga Barangay Tanod ang isinagawang raffle draw na handog ng Gobernadora at pamamahagi ng food packs mula sa Department of Social Welfare and Development bilang pangwakas sa naturang pagtitipon.

Source: Quezon PIO