Leveling-Off Meeting for the Conduct of Waste Analysis and Characterization Study (WACS) | January 14, 2025

Leveling-Off Meeting for the Conduct of Waste Analysis and Characterization Study (WACS) || January 14, 2025

Isinagawa ng Provincial Government Environment & Natural Resources Office sa pamumuno ni EnP John Francis L. Luzano (PGDH-ENRO) at Emmanuel A. Calayag (PGADH-ENRO) sa pamamagitan ng Environmental Management Division staffs, ang Leveling-Off Meeting for the Conduct of Waste Analysis and Characterization Study (WACS) para sa taong kasalukuyan.

Dinaluhan ito ng ibat-ibang kagawaran at MENRO ng bawat bayan sa ating lalawigan (DENR-EMB-CALABARZON Representatives, DOST-Quezon Representatives, MENROs of Pre-Identified LGUs (Burdeos, General Luna, Jomalig, Lopez, Padre Burgos, Perez, Plaridel, San Andres, San Narciso at Unisan).

Layunin ng aktibidad na makapagbigay ng pisikal na tulong, kaalaman at gabay ang Provincial Government ENRO sa lahat ng munisipalidad at lungsod ng ating lalawigan upang mapagtagumpayan ang 10-Year Solid Waste Management Plan (SWMP) at bilang ito ay pagpapasiya rin sa nakaraang pagpupulong na ginanap noong ika 11-12 ng Disyembre nang nakalipas na taon.

Ang pagpupulong ay nag-resulta ng pagtatala sa inisyal na iskedyul na nais itakda ng bawat MENRO ng mga bayan sa ating lalawigan. Gayunpaman, hinihintay ang opisyal na kasulatan upang pormal ng maitala at maisakatuparan ang 10-Year Solid Waste Management Plan.

Quezon PG-ENRO 

Distribution of Detergents and Disinfectants to Farmers and LGUs for Farm Cleaning and Disinfection | January 14, 2025

Patuloy ang pagsasagawa ng mga Seminar ng Office of the Provincial Veterinarian (OPV) sa iba’t-ibang barangay ng mga bayang tinamaan ng African Swine Fever (ASF) nitong nakaraang taon, gaya ng Tiaong, San Antonio, Dolores, at Gumaca.

Tinalakay sa seminar ang ASF Prevention, Control, and Recovery na naglalayong ipaalam sa mga naapektuhang swine farmers kung paano ang mga dapat gawin kung sila ay nagkaroon ng ASF at kung paano maiwasan na muling tamaan ang kanilang mga alagang baboy kung sakaling sila ay magsisimula muli.

Namigay din ng mga disinfectants at detergents sa mga kalalawigan nating nagkaroon ng ASF upang magamit nila sa cleaning and disinfection ng mga nakontaminadong babuyan.

Nagsimula ang gawaing ito noong Nobyembre 2024 hanggang sa buwang kasalukuyan, sa pangunguna ni Dr. Adelberto Ambrocio at Dr. Flomella Caguicla.

Sa mga darating na araw ay sa mga piling barangay naman ng General Luna, Mulanay, Macalelon, at Mauban magsasagawa ng naturang seminar.

Quezon PIO

Palarong Quezon 2025 Opening Ceremonies | January 13, 2025

“Isports at Atletang Quezonian: Pinasisigla, Pinalalakas, at Pinauunlad ng Pagkakaisa”

Masiglang ginanap ngayong araw, Enero 13 sa Southern Luzon State University (SLSU) ang official opening ceremony ng PALARONG QUEZON 2025 sa pangunguna ng Department of Education (DepEd) Quezon Division Office.

Naging masama man ang panahon at nakansela ang parada ay hindi ito naging hadlang upang ibandera ng mga atletang mula sa iba’t-ibang bayan ng lalawigan ng Quezon ang kanilang kahusayan sa isports.

Dinaluhan rin ni Governor Doktora Helen Tan ang nasabing kompetisyon kung saan kanyang naihayag na ngayon pa lang ay panalo na ang lahat ng lumahok na atleta sapagkat malaking karangalan ang kanilang naipapakita para sa lalawigan.

Dagdag pa rito’y binigyang-diin ng Gobernadora ang patuloy na pagbibigay suporta ng Pamahalaang Panlalawigan upang maiangat ang sektor ng edukasyon at ang laging pamamayagpag sa larangan ng palakasan.

Sama-sama nating suportahan ang nasabing pagtutunggali ng mga atletang Quezonian hanggang Enero 18 na gaganapin sa iba’t-ibang pasilidad sa bayan ng Lucban at lalawigan ng Quezon.

Quezon PIO

130th Sangguniang Panlalawigan Regular Session | January 13, 2025

Para sa patuloy na pagdinig sa mga usaping pang lehislatura sa lalawigan, muling nagtipon-tipon ang mga miyembro ng Sangguniang Panlalawigan upang pormal na isagawa ang ika-130 Pangkaraniwang Pulong ngayong araw ng Lunes, Enero 13 via Zoom Conference.

Sa pangunguna ni Vice Governor Third Alcala kasama ang mga Board Members na kinatawan ng bawat distrito sa lalawigan ay tagumpay na naaprubahan ang mga Ordinansa, Kautusan at Resolusyon tungo sa mas progresibong lalawigan ng Quezon.

Kaalinsabay ng mga ordinansa at kautusan na naaprubahan sa sesyon ay ang presentasyon ni SK Provincial Federation President Jackelyn Delimos ng Quezon Youth Code of 2025 kung saan nakapaloob ang mga karapatan, responsibilidad, mga programa at proyekto ng nasabing organisasyon.

Samantala, sa pangunguna ni Chairperson Committee on Health and Sanitation, at 3rd District Board Member John Joseph Aquivido pormal na nailahad ang presentasyon ukol sa Nutrition Code of Quezon Province 2025. Layunin nito na mas paigtingin pa ang seguridad sa nutrisyon at kalusugan ng mamamayang Quezonian, ilan sa mga programang nakapaloob dito ay ang Infant and Young Child Feeding (IYCF), First 1000 days Program, at Provincial Micronutrient Supplementation Program.

Quezon PIO

Flag Raising Ceremony hosted by the Provincial Governor’s Office | January 13, 2025

Kalakip ng pagpasok ng panibagong linggo ay ang masiglang panimula ng pagseserbisyo sa lalawigan.

Sa pangunguna ng Provincial Governor’s Office (PGO) na pinamumunuan ni Governor Doktora Helen Tan maayos na naisagawa ang regular na pagtataas ng watawat ng Pilipinas ngayong araw ng Lunes, Enero 13.

Masayang ibinahagi ni Governor Doktora Helen Tan na matagumpay ang isinagawang Quezon’s Year End Assessment and Strategic Planning ng lahat ng punong tanggapan ng Pamahalaang Panlalawigan at masusing natalakay ang mga programa at proyektong tiyak na makatutulong sa mga mamamayang Quezonian.

Pinaalalahanan din ng Gobernadora na malaki ang ginagampanang tungkulin ng bawat kawani ng Pamahalaang Panlalawigan sa pagpapanatili ng maayos at dekalidad na serbisyo publiko kaya’t hinikayat niya ang bawat isa na palaging isaisip ang higit na makabubuti sa tanggapan lalo’t higit sa lalawigan.

Sa pagtatapos, nagbigay ng paalala ang Quality Management System (QMS) ng Provincial Government of Quezon ukol sa preparasyon sa Stage 1 and 2 QMS External Audit sa darating na Huwebes, Enero 16.

Kaugnay nito, hinihikayat ang bawat empleyado na makiisa at panatilihing handa, malinis, at presentable ang bawat tanggapan.

Quezon PIO

Pagbati para sa maaasahan at maayos na pagbibigay serbisyo ng Quezon Provincial Public Employment Service Office (PESO) nitong nakaraang taong 2024! | January 7, 2025

Pagbati para sa maaasahan at maayos na pagbibigay serbisyo ng Quezon Provincial Public Employment Service Office (PESO) nitong nakaraang taong 2024!

Asahan naman ang patuloy na paghahatid ng nararapat na serbisyo at oportunidad para sa mga mamamayan ng Quezon sa pamamagitan na rin ng pakikipagbalikatan sa iba’t-ibang ahensya at tanggapan.

Narito ang ilang mga natanggap na pagkilala na matagumpay na naisakatuparan ng PESO na pinamumunuan ni Genecille Aguirre:

Quezon PIO

IKA-129 Pangkaraniwang Pulong ng Sangguniang Panlalawigan ng Quezon | January 6, 2025

TINGNAN: 129th Sangguniang Panlalawigan Regular Session

Kasabay ng panibagong taon ng pagseserbisyo sa lalawigan ng Quezon ay ang pormal na pagbubukas ng ika-129 Pangkaraniwang Pulong ng Sangguniang Panlalawigan na ginanap ngayong araw ng Lunes, Enero 6 sa Kalilayan Hall, Lucena City.

Sa pangunguna ni Vice Governor Third Alcala kasama ang mga Board Members na kinatawan ng bawat distrito sa lalawigan ay tagumpay na naaprubahan ang mga Ordinansa, Kautusan at Resolusyon tungo sa mas progresibong lalawigan ng Quezon.

Samantala, dahil sa sunod-sunod na pag-ulan sa nakalipas na mga linggo na siyang nagdulot ng pagbaha at pagkasira ng ilang mga kalsada, minabuting imbitahan ng Sangguniang Panlalawigan ang mga kinatawan ng Provincial Engineering Office (PEO), Provincial Disaster Risk Reduction and Management Office (PDRRMO) at Department of Public Roads and Highways (DPWH) Quezon mula sa apat na District Engineering Office upang magbigay ng ulat sa kasalukuyang estado ng mga pambansang lansangan sa lalawigan.

Sa ulat ng DPWH Quezon, natalakay ang mga hakbang na kanilang isinagawa upang matugunan ang mga problemang idinulog sa kanilang tanggapan. Ilan sa mga ito ay ang paglalagay ng temporary road patching at crack sealing sa mga kalsada. Tiniyak din na kahit limitado lamang ang pondo ay hindi tumitigil ang kanilang tanggapan sa pag-aayos ng mga kalsada at tulay na kinakailangan ng rehabilitasyon.

Sa huli, napagpasyahan at naaprubahan ang resolusyon tungkol sa paggawa ng liham sa kinauuukalan upang mailahad ang sitwasyon ng kalsada sa lalawigan at humihingi ng karampatang tulong o pondo upang maisaayos ito.

Quezon PIO

Flag Raising Ceremony hosted by the Provincial Government Department Heads | January 6, 2025

Bagong Taon! Bagong Simula! Bagong Pag-asa!

Upang simulan ang Manigong Bagong Taon ng paglilingkod at pagbibigay serbisyo sa mamamayang Quezonian, pinasimulan ng mga Punong tanggapan ng pamahalaang panlalawigan ang regular na pagtataas ng watawat ng Pilipinas ngayong araw ng Lunes, Enero 6 sa Quezon Convention Center, Lucena City.

Sa ngalan ni Governor Doktora Helen Tan dinaluhan ito ni Vice Governor Third Alcala kasama ang mga board member ng bawat distrito at mga kawani ng pamahalaang panlalawigan.

Sa pagtatapos ng nasabing seremonya nagbigay ng anunsyo at mensahe ang Bise Gobernador na asahang mas pag-iibayuhin ang pagseserbisyo para sa lalawigan ng Quezon sa taong 2025.

Quezon PIO

Sea Travel Advisory No. 5 | January 6, 2025

Philippine Coast Guard – Coast Guard Station Northern Quezon

Sea Travel Advisory No. 1 | January 5, 2025

PABATID!

Sinuspinde ng Coast Guard Station Southern Luzon ang lahat ng mga biyahe ng sasakyang-dagat na may 250 Gross Tonnages at pababa na dumaraan sa silangang baybayin sa lalawigan ng Quezon (Mauban, Atimonan, Plaridel, Gumaca, Lopez, Calauag, Quezon, Alabat, at Perez) dahil sa Amihan o Northeast Monsoon na inaasahang malalakas na hangin ang epekto nito sa nasabing mga lugar.

Ayon din ito sa inilabas na Weather Forecast ng DOST PAGASA as of 5:00 PM ngayong araw ng Enero 5.

Source: Philippine Coast Guard – Coast Guard Station Northern Quezon

Philippine Coast Guard – Coast Guard  Station Northern Quezon