Scheduled power interruption in parts of Quezon Province on Saturday, 13 April 2024.
Time: 06:00AM-11:59PM
Affected: QUEZELCO I
Reasons: Oil leak correction at Pitogo 5MVA Transformer
Specific areas affected shall be determined by the electric coop. NGCP shall exert all efforts to restore power earlier or as scheduled.
Source: Quezon PIO
Magkakaroon na ng katuparan ang maluwag, matibay, at naayon sa komportableng silid-aralan ang mga estudyante at guro ng Lucena City National High School, Mayao Crossing Extension sapagkat isinagawa na ang Groundbreaking Ceremony sa itatayong 2-Storey 8-Classroom sa nasabing paaralan ngayong araw, Abril 11.
Masayang pinangunahan ni Governor Doktora Helen Tan ang nasabing aktibidad na ikinatuwa ng mga guro, mag-aaral at residente ng barangay sapagkat malaking tulong ito sa pagpapabuti ng kalagayan ng sektor ng edukasyon lalo na sa mga kabataan.
Dinaluhan ang nasabing aktibidad nina Vice Governor Third Alcala, 2nd District Board Member Yna Liwanag, School Division Superinented Susan D.L Oribiana at Lucena City Nationhal High School Mayao Crossing Extension School Head Rebecca L. Recto.
Ang proyektong ito ay climate resilient, solar powered, may automatic fire protection and fire alarm system, rain water collector, may water pump and tank, kumpletong mga lamesa at upuan para sa mga guro at estudyante, mga silid-aralan na may kanya-kanyang palikuran at installed wall fans.
Kinokonsidera na ito’y pinakamalaking proyektong pang-edukasyon ng Pamahalaang Panlalawigan ng Quezon na nagkakahalaga ng P24.5 million pesos mula sa Special Education Funds na sisimulan sa buwan ng Mayo o Hunyo ngayong taon.
Source: Quezon PIO
TINGNAN: Pinangunahan ni Governor Doktora Helen Tan ang panunumpa ng mga bagong opisyal ng Quezon Federation of Public and Private Schools Retired Teachers and Employees Association, Inc. ngayong araw ng Huwebes, Abril 11.
Lubos ang pagpupugay ng Pamahalaang Panlalawigan sa hindi matatawarang serbisyo ng mga kaguruan sa buong Lalawigan!
Source: Quezon PIO
TINGNAN: Ginanap ngayong araw ng Huwebes, Abril 11 ang unang bahagi ng Signing ng Agreements at Donation sa pagitan ng Pamahalaang Panlalawigan ng Quezon at Lokal na Pamahalaan ng Lungsod ng Tayabas para sa itatayong Quezon Complex sa pangunguna ni Governor Doktora Helen Tan kasama si Tayabas Mayor Maria Lourdes Pontioso.
Nakiisa rin sa nasabing seremonya sina Vice Governor Third Alcala, 1st District Board Members Hon. Julius Luces at Hon. Jerry Talaga gayundin ang mga miyembro ng Sangguniang Bayan ng nasabing lungsod.
Source: Quezon PIO
Nakikiisa ang Pamahalaang Panlalawigan ng Quezon sa pagdiriwang ng Eid’l Fitr. Nawa ay maging masagana at mapuno ng biyaya ang araw na ito.
Eid Mubarak sa ating mga kapatid sa Islam!
Source: Quezon PIO
Pagpupugay sa mga bayaning nag-alay ng kanilang buhay para sa kalayaan ng ating bansa.
Maligayang Araw ng Kagitingan sa ating lahat! 
Source: Quezon PIO
Pormal ng binuksan ng Pamahalaang Panlalawigan ang Provincial Employees Unity Game 2024 na pinangunahan ni Governor Doktora Helen Tan ngayong araw, Abril 8.
Bukod sa pagiging epektibong mangagawa, nais din ng palaro na mapalakas ang pagkakaibigan, pwersa at pagkakaisa bilang isang kawani ng pamahalaang panlalawigan upang makamit ang minimithing layunin sa mga proyekto at serbisyo.
Magtutunggali ang anim na Cluster sa iba’t ibang larangan ng sports na pangagasiwaan ng Provincial Sports Office sa pamumuno ni Coach Aris Mercene.
Samantala, nagpaabot ng mensahe at suporta si Provincial Administrator Manny Butardo at mga pinuno ng bawat tanggapan.
Source: Quezon PIO
Tuloy-tuloy ang pag-apruba ng mga ordinansa at resolusyon ng Sanguniang Panlalawigan sa ginanap na ika-91 Pangkaraniwang Pulong nito ngayong araw ng Lunes, Abril 8.
Kabilang sa naaprubahan sa pagpupulong ang mga liham mula sa tanggapan ni Governor Doktora Helen Tan na nagpapahintulot na pumasok sa iba’t-ibang kasunduan upang masiguro ang mas maayos na kalagayan ng buong lalawigan.
Wala namang humpay na pinagtutuunan ng pansin ng Sanggunian ang paghahatid ng panglehisturang serbisyo para sa mas maunlad na pamumuhay ng bawat mamamayang Quezonian.
Source: Quezon PIO
Isinagawa ang Turn-Over Ceremony ng mga bagong Medical Equipment para sa Quezon Provincial Hospital Network ngayong araw, Abril 8 sa QPHN – Quezon Medical Center.
Ikinatuwa ni Governor Doktora Helen Tan ang pagbibigay ng TeaM Energy Corporation ng Bagong Anesthesia Machine na ilalagay sa QPHN-Quezon Medical Center at bagong 15 na digital ECG machine para sa labing limang ospital na pinapatakbo ng QPHN.
Nagkakahalaga ang mga bagong medical equipment ng mahigit 7 milyong piso na malaking tulong upang mapabuti pa ang pagbibigay ng serbisyong medikal sa ating mga kalalawigan.
Inanunsyo naman ang mga bagong Clinical Department sa nasabing ospital gaya ng Opthalmology, ENT, Orthopedic, at Rehabilitation na makapagbibigay ng mas malawak na serbisyo sa mga pasyente.
Samantala, nagkaroon din ng signing of contract ang mga bagong resident doctor ng QPHN at binigyang pagkilala ang 3 Doktor na pumasa sa Philippine Specialty Board of Internal Medicine.
Source: Quezon PIO
Sa pagsisiguro na patuloy ang paghahatid ng kalidad at kapakipakinabang na mga programa at serbisyo sa Lalawigan ng Quezon, pinulong ni Governor Doktora Helen Tan ang mga puno ng tanggapan ng Pamahalaang Panlalawigan ngayong araw ng Lunes ika-8 ng Abril.
Inisa-isa ng Gobernadora ang kasalukuyang estado ng mga programang hinahatid ng bawat tanggapan sa Pamahaalang Panlalawigan upang malaman kung paano pa mapagbubuti ang pagseserbisyo ng mga opisina at masiguro na nailalapit ang kapitolyo sa bawat mamamayang Quezonian na nangangailangan.
Source: Quezon PIO