NEWS AND UPDATE

Quezon Titans vs Nueva Ecija Capitals Finals – Game Four Free Ticket Distribution

Ang Game 4 ng Finals at ang inaasahan nating Championship Clinching Game ng ating Quezon Titans laban sa Nueva Ecija Capitals ay gaganapin sa Quezon Convention Center sa darating na Martes April 16, 2024, 6 PM.

Kaya naman mamimigay po tayo bukas ng libreng upper bleacher tickets upang sama-sama nating masuportahan patungo sa kampeonato ang pambato ng Quezon!

Narito po ang schedule ng free ticket distribution sa mga bayan na nakalista sa ibaba:

Lucena City (2,000 tickets) – Quezon Convention Center (April 15 – 9 AM onwards)

Tayabas (150 tickets) – Tayabas Band Stand Barangay San Roque Zone 1 (April 15 – 8 AM onwards)

Sariaya (150 tickets) – Sariaya Complex Covered Court, Brgy. Poblacion 6 (April 15 – 8 AM onwards)

Lucban (150 tickets) – Patio Rizal (In front of Municipal Hall (April 15 – 8 AM onwards)

Gumaca (150 tickets) – Southern Quezon Convention Center (April 15 – 8 AM onwards)

Agdangan (150 tickets) – STAN Satellite Office Brgy. 1, Agdangan, Quezon (April 15 – 8 AM onwards)

Catanauan (150 tickets) – STAN Satellite Office Brgy. 8, Catanauan, Quezon (April 15 – 8 AM onwards)

PAALALA

1. Ang pagbibigay ng ticket ay isa lamang sa kada tao.

2. Limitado lang ang ticket na ipinamamahagi.

3. Mahigpit na ipinagbabawal ang pagbebenta o pagbili ng ipinamahaging libreng upper bleacher ticket.

Sugod na Quezonians!

Source: Quezon PIO

Heat Index Forecast

https://www.pagasa.dost.gov.ph/climate/climate-heat-index

Source: Quezon PDRRMO

President’s Cup 2024 Finals

Ating ang GAME 3! 2-1

Source: Quezon PIO

Lingap sa Mamamayan Libreng Gamutan – Calauag, Quezon | April 13, 2024

Sa pagpapatuloy ng pag-iikot sa lalawigan ng Quezon upang maihatid ang programang “Lingap sa Mamamayan, Libreng Gamutan” sunod na nagtungo ang Medical Team sa bayan ng Calauag ngayong araw, Abril 13.

Pinangunahan ni Governor Doktora Helen Tan ang Medical Mission kung saan umabot sa 3,359 ang naging benepisyaryo ng iba’t-ibang serbisyong medikal gaya libreng konsultasyon para sa matanda at bata, eye check-up, ENT, derma, ob-gyne, tuli, minor surgery at screening sa may maliit na bukol, bunot ng ngipin, cervical cancer screening, breast exam, pagbabakuna ng PCV 23, at iba’t-ibang laboratory examinations.

Mayroon ding handog na Veterinary Medical Mission ang Office of the Provincial Veterenarian kung saan naibigay ang libreng konsultasyon, deworming, at pagpapaturok ng anti-rabies vaccine sa may mga alagang hayop ng nasabing bayan.

Samantala, sa pamamagitan ng Provincial Social Welfare and Development Office (PSWDO) ay nakatanggap ng medical assistance ang mga pasyente na hindi available ang iniresetang gamot ng doktor.

Kaisa naman sa ginanap na programa sina Vice Governor Third Alcala , 4th District Congressman Atorni Mike Tan, Board Member Sonny Ubana, Board Member Angelo Eduarte, Board Member Harold Butardo, Mayor Rosalina Visorde, at ang lokal na pamahalaan ng Calauag.

Source: Quezon PIO

Barangay Tanod Convention – Calauag, Quezon | April 13, 2024

Sa ginanap na Barangay Tanod Assembly and Consultation sa bayan ng Calauag ngayong ika-13 ng Abril, ipinakita ng Pamahalaang Panlalawigan sa pamumuno ni Governor Doktora Helen Tan ang kahalagahan ng mga Barangay Tanod at ang kanilang tungkulin sa pagpapanatili ng kapayapaan at katiwasayan sa Lalawigan ng Quezon.

Binigyang diin ng Gobernadora ang kanilang papel bilang “First Responders” dahil sa kanilang kontribusyon sa pagpigil ng mga hindi kanais-nais na pangyayari sa kanilang mga nasasakupang mga barangay. Pinapaalala rin niya na mahalaga ang kanilang pakikipagbalikatan sa kapulisan upang mapanatili ang kaayusan sa lalawigan.

Naibahagi naman na isa sa mga isinusulong ni Governor Doktora Helen Tan kasama si Vice Governor Third Alcala at ang Sangguniang Panlalawigan ang pagbibigay ng dagdag na insentibo sa mga Barangay Tanod sa buong lalawigan ng Quezon.

Nakatanggap din ng mga bagong Uniporme at Heavy Duty Flashlights ang bawat Barangay Tanod na makatutulong sa kanilang trabaho gayundin ang mga food packs mula kay DSWD Secretary Rex Gatchalian.

Source: Quezon PIO

Distribution of Agricultural Inputs – Calauag, Quezon | April 13, 2024

Isa sa pangunahing layunin ng Pamahalaang Panlalawigan sa pamumuno ni Governor Doktora Helen Tan ay iparamdam sa bawat mamamayan ng Quezon na walang sektor ang mapababayaan o mapag-iiwanan sa mga programa at proyekto ng kapitolyo.

Kaya naman ngayong araw ng Sabado, Abril 13, personal na nakipagtalakayan ang Ina ng lalawigan sa mga mangingisda at magsasaka ng bayan ng Calauag upang alamin ang mga kinahaharap nilang suliranin at bigyan ito ng solusyon.

Naipamahagi rin ang mga kagamitang pang-agrikultura tulad ng pananim na Niyog, Grass Cutter, Knapsack Sprayer, Engine Motor ng Bangka, at DSWD Food Packs mula kay Sec. Rex Gatchalian para sa mga samahan ng mangingisda at magsasaka ng Calauag na tiyak na makatutulong sa kanilang pang-araw-araw na kabuhayan.

Siniguro ng Gobernadora na hindi titigil ang Pamahalaang Panlalawigan at ang tanggapan ng Office of the Provincial Agriculturist sa pagbibigay ng serbisyong magpapataas ng antas ng pamumuhay ng mga Quezonian na nasa sektor ng pangisdaan at sakahan.

Source: Quezon PIO

Blessing of Barangay Hall – Poblacion Cuatro, Calauag, Quezon | April 13, 2024

Malugod na ipinaabot ng Brgy. Poblacion Cuatro, Calauag, Quezon ang kanilang pasasalamat sa pamumuno ni Brgy. Captain Razel Barrera kay Governor Doktora Helen Tan matapos isagawa ang pagbabasbas sa kanilang bagong bihis na Barangay Hall ngayong araw ng Sabado, ika-13 ng Abril.

Ayon kay Brgy. Captain Razel Barrera, lubos ang kanilang tuwa sa mabilis na pagtugon ng gobernadora sa kanilang kahilingan na pagpapaganda at pagpapaayos ng kanilang Barangay Hall.

Pinangako naman ng punong barangay na sa pamamagitan ng proyektong ito, mas mapapabilis at mas mararamdaman ang epektibong pagseserbisyo para sa kanilang nasasakupang Barangay.

Source: Quezon PIO

Blessing of Academic Building – Southern Luzon State University (SLSU) – Gumaca, Quezon | April 12, 2024

Para sa hangarin na maitaas ang kalagayan ng edukasyon sa lalawigan ng Quezon, ang pagdaragdag ng silid-aralan ang isa sa mga proyektong isinasakatuparan ni Governor Doktora Helen Tan para mas malawak at komportableng pag-aaral ng mga estudyanteng Quezonian.

Nitong Biyernes, Abril 12 masayang pinangunahan ni Governor Doktora Helen Tan ang pormal na pagbabasbas ng bagong Academic Building na matatagpuan sa Southern Luzon State University – Gumaca Campus.

Inaasahang magsisilbing daan ang nasabing gusali upang ma-establish ang College of Nursing sa bayan ng Gumaca gayundin ang other allied medicine courses para sa mas malawak na pangarap na malusog na kinabukasan ng mga mag-aaral at lalawigan.

Nakasama naman sa ginanap na maikling prorgama sina 4th District Congressman Atorni Mike Tan, SLSU Gumaca OIC Campus Director Dr. Nilo Dator, DPWH 4th District Engr. Rodel Florido, SLSU President Frederick Villa, at ang mga residente at kawani ng Brgy. Villa Nava.

Source: Quezon PIO

Barangay Health Workers Convention 2024 | April 12, 2024

Bilang pagkilala sa pagiging kasungga ng Pamahalaang Panlalawigan sa paghahatid ng mga serbisyong pangkalusugan, masayang nakiisa si Governor Doktora Helen Tan sa isinagawang Barangay Health Workers Convention na ginanap sa bayan ng Gumaca ngayong araw ng Biyernes, Abril 12.

Dumalo sa pagtitipon ang 3,922 BHWs na mga nagmula sa ikatlo at ikaapat na distrito ng lalawigan ng Quezon, kung saan hinarap at dininig ng ina ng lalawigan ang ilang sa mga hinaing dinaranas ng mga ito sa pagseserbisyo.

Siniguro namang bibigyang proteksyon ang bawat Barangay Health Workers sa pamamagitan ng isinusulong na ordinansang lubos na makatutulong para sa kanilang maayos na karapatan at benepisyo.

Kasamang nabigay ng suporta sa ginanap na programa sina Vice Governor Third Alcala, 3rd District Congressman Reynan Arrogancia, 4th District Congressman Atorni Mike Tan, Board Member John Joseph Aquivido, Board Member Harold Butardo, at Board Member Derick Magbuhos.

Samantala, upang bigyang pugay ang mga Barangay Health Workers na 40 years na sa serbisyo’y ginawaran sila ng tinatawag na Ruby Service Award para sa ipinakita nilang dedikasyon at kagalingan sa pagpapanatili ng maayos na kalusugan sa kanilang kapwa Quezonian.

Nagkaroon din ng tagisan ng kaalaman o quiz challenge, lecture, at raffle draw na ikinatuwa ng mga dumalong BHWs.

Source: Quezon PIO

Lingap sa Mamamaya Libreng Gamutan – April 13, 2024

Mga kalalawigan, magkakaroon ng libreng serbisyong gamutan na gaganapin sa bayan ng Calauag (April 13), at Lopez (April 14), kung saan maaaring makapagpatingin o magpakonsulta ng kalagayan ng kanilang kalusugan ang mga residente ng nasabing mga bayan.

Ilan sa mga hatid na serbisyo ng Medical Team ang libreng Medical Check-up (Adult and Pedia), Derma Check-Up, ENT Check-up, Eye Check-up, Orthopedic Check-up, OB Gyne, Dental Extraction, Ultrasound, X-Ray, ECG, FBS/RBS, Urinalysis, CBC, Lipid Profile, Creatinine, PCV 23 Vaccination, HPV Vaccination, Surgical Screening, Minor Surgery, Tuli, HIV Counseling and Testing, Cervical Cancer Screening, Family Planning Implant, at Physical Therapy.