HEAT INDEX FORECAST
Link: https://www.pagasa.dost.gov.ph/climate/climate-heat-index
Source: Quezon PDRRMO
NEWS AND UPDATE
Human Rights Stakeholder’s Forum | April 19, 2024
Ngayong araw ng Huwebes, Abril 18 nagkaroon ng Human Rights Stakeholder’s Forum na may temang “Protecting Human Rights, Uplifting Human Dignity, Advancing Human Progress” sa 3rd Floor ng Quezon Provincial Old Capitol Building na pinangunahan ng Philippine National Police kasama ang Commission on Human Rights, Local Government Unit at Civil Security Organizations.
Kasama ring dumalo sa naturang forum sina PNP Provincial Director PCOL Ledon Monte, Deputy Provincial Director for Administration PLTCOL William Angway Jr., Human Rights Affairs Office Chief PBGen Jerico Baldeo, Promotion and Advocacy Division Region IV-A Chief Ms. Aileen Edades, Provincial Police Human Rights Officer PCPT Christopher Reaño, Deputy Provincial Director for Operations PLTCOL Erickson Roranes, PGDH-PSWDO Ma’am Sonia Leyson, Local Government Operations Officer II (LGOO) Ms. Kathleen Potestades-Florendo at ang iba’t-ibang human rights stakeholders sa Lalawigan.
Ipinaabot ni Executive Assistant at Provincial Government Enviroment and Natural Resources Officer John Luzano ang mensahe ni Governor Doktora Helen Tan para sa bawat isang dumalo sa nasabing forum.
Sa huli, nagkaroon ng iba’t-ibang talakayan patungkol sa pag-institutionalize ng pamamaraan sa pagkamit ng inklusibo at napapanatiling kapayapaan gayundin ang mga usapin patungkol sa karapatang pantao at ng Barangay Human Rights Action Center.
Source: Quezon PIO
Coordination Meeting for Niyogyugan Festival 2024 | April 18, 2024
Sa nalalapit na selebrasyon ng Niyogyugan Festival sa Lalawigan ng Quezon, ginanap ngayong araw ng Huwebes, Abril 18 ang First Coordination Meeting sa Queen Margarette Hotel, Domoit.
Dinaluhan ito ng mga kinatawan ng Pamahalaang Lokal ng bawat Bayan, Tanggapan ng Provincial Agriculturists, Municipal Agriculturists, Municipal Tourism Officers at ng ilan pang mga tanggapan ng Pamahalaang Panlalawigan.
Tinalakay ang mga mechanics, guidelines at criteria ng iba’t-ibang kompetisyon para sa nasabing selebrasyon kung saan nagbahagi ng mga mungkahi at ilang concerns ang mga dumalong kinatawan ng bawat Bayan.
Patuloy ang pagsisikap ng Pamahalaang Panlalawigan sa pangunguna ng Quezon Provincial Tourism Office katuwang ang iba pang tanggapan sa lalawigan upang maging masigla at makabuluhan ang Niyogyugan Festival 2024.
Source: Quezon PIO
Paghahanda para sa nalalapit na Niyogyugan Festival 2024 | April 17, 2024
Sa diwa ng pagtutulungan, minarkahan ngayong ika-17 ng Abril, 2024 ang isang makabuluhang paghahanda para sa nalalapit na Niyogyugan Festival 2024. Nagsama-sama ang mga kawani mula sa iba’t ibang tanggapan ng Pamahalaang Panlalawigan para sa isang pulong ng pakikipag-ugnayan na naglalayong ihanay ang mga ideya at suhestiyon upang tiyak na ma-isasaayos ang pagsasagawa ng Niyogyugan Festival ngayong taon.
Pasasalamat sa mga nagsi-pagdalo sa naturang pag-pupulong:
Office of the Governor
Quezon Police Provincial Office
Lucena City Police Station
Department of Trade and Industry – Quezon
Office of Provincial Administrator
Office of the Provincial Agriculturist
Provincial Social Welfare and Development Office
Provincial Information and Communications Technology Office
Provincial Health Office
Provincial Budget Office
Provincial Assistance for Community and Sectroal Empowerment and Development Unit
Provincial General Service Office
Civil Security Division
Bids and Awards Committee
Provincial Government Environmental and Natural Resources Office
Provincial Planning and Development Coordinator’s Office
Provincial Assessor Office
Provincial Gender and Development Office
Public Information Office
Provincial Accountant’s Office
Provincial Legal Office
Provincial Treasurer’s Office
Provincial Employment Services Office
Provincial Internal Audit Services Office
Provincial Library Office
Provincial Sport Office
Provincial Veterinary Office
Provincial Disaster Risk Reduction Management Office
Provincial Engineer’s Office
TAra Na sa Quezon!
Source: Tourism Quezon Province
Earthquake Information No. 1 | April 17, 2024
Earthquake Information No.1
Date and Time: 17 April 2024 – 07:06 AM
Magnitude = 2.6
Depth = 025 km
Location = 15.15°N, 122.34°E – 046 km N 17° E of Patnanungan (Quezon)
Source: Quezon PDRRMO
Heat Index Forecast
https://www.pagasa.dost.gov.ph/climate/climate-heat-index
Source: Quezon PDRRMO
CHAMPIONS! Quezon Titans, Pilipinas Super League President’s Cup 2024.
CHAMPION!
Nagdiriwang ang buong Lalawigan para sa inyo, QUEZON TITANS!
Pilipinas Super League President’s Cup 2024!
Source: Quezon PIO
TINGNAN: Nagtungo sa tanggapan ni Governor Doktora Helen Tan si Real, Quezon Mayor Bing Diestro-Aquino kasama ang Philippine Ports Authority ngayong araw. | April 16, 2024
TINGNAN: Nagtungo sa tanggapan ni Governor Doktora Helen Tan si Real, Quezon Mayor Bing Diestro-Aquino kasama ang Philippine Ports Authority ngayong araw, Abril 16 upang ihayag ang pagnanais na mapalawak pa ang port ng bayan ng Real.
Dahil sa patuloy na nakikilala ang kagandahan ng mga isla sa lalawigan partikular sa Polillo Group of Islands, dumarami na rin ang mga dumarayong turista kung kaya’t malaking tulong ang expansion ng port upang mas maayos na ma-accomodate ang bumibiyahe patungo sa nasabing mga isla.
Source: Quezon PIO
Tara, BASA! Tutoring Program Launch & Signing of Memorandum of Agreement | April 16, 2024
“Sa pagbasa may pag-asa, kaya tara, basa!”
Pinangunahan ni Governor Doktora Helen Tan ang paglulunsad ng Tara, Basa Program at paglagda ng kasunduan sa pagitan ng Pamahalaang Panlalawigan, Department of Social Welfare and Development (DSWD) at ng Department of Education (DepEd) ngayong araw ng Martes, Abril 16.
Layunin ng mga nangungunang ahensya na masimulan na ang implementasyon ng programa para sa taong 2024 na target na matulungan ang 180,717 na mag-aaral sa pitong rehiyon ng bansa sa tulong ng 6,000 College Students at 1,076 Youth Development Workers.
Target naman na matulungan ang 3,600 na batang mag-aaral sa Quezon na nahihirapang sumulat at magbasa upang maitaas ang antas ng problemang kanilang kinahaharap pagdating sa edukasyon.
Magmumula sa DSWD Field Office IV-A CALABARZON ang kaukulang pondo sa pagpapatupad ng programang kinabibilangan ng mga sumusunod:
•DSWD Field Office IV-A CALABARZON
•Lalawigan ng Quezon
•Laguna State Polytechnic University Lopez Satellite
•Southern Luzon State University
•Philippine Normal University South Luzon
•PUP Mulanay
•PUP Lopez
•PUP Unisan
•Pambayang Kolehiyo ng Mauban
•Colegio de la Ciudad de Tayabas
Dumalo sina DSWD Undersecretary for Innovations Eduardo M. Punay at DSWD CALABARZON Regional Director Barry R. Chua upang ipakita ang kanilang dedikasyon sa pagpapatupad ng programa.
Dalangin naman ng gobernadora na maging matagumpay ang implementasyon ng programang ito para sa ikauunlad ng mga nangangailangang mag-aaral sa lalawigan at maisayos ang pundasyon ng mga bata sa dekalidad ng edukasyon upang maging produktibong mamamayan sa pagdating ng panahon.
Sa huli ay nagkaroon ng pagpasa ng pledge of commitment book o pagtatalaga sa sarili sa mga youth development workers bilang sagisag ng pakikipagtulungan ng mga ito para sa nasabing programa. Ito rin ay simbolo ng pakikibahagi na masolusyonan ang napapanahong suliranin na kinakaharap ng mga bata sa usapin ng edukasyon.
Source: Quezon PIO
2nd Quarter PDRRMC Full Council Meeting | April 16, 2024
Isinagawa ngayong araw ng Martes, Abril 16 ang pagpupulong ng Provincial Disaster Risk Reduction and Management Council (PDRRMC) sa pangunguna ni Governor Doktora Helen Tan.
Layon ng nasabing pulong na talakayin ang kasalukuyang klimang nararanasan ngayon sa lalawigan ng Quezon, mga naging accomplishments sa pagresponde ng konseho nitong nakaraang semana santa, gayundin ang updates ukol sa El Niño at ang epekto nito sa agrikultura at livestock.
Kabilang din sa naibahagi ang ginawang pagtugon ng Provincial Social Welfare and Development Office (PSWDO) para sa mga mamamayan na naging biktima ng iba’t-ibang insidente mula Enero hanggang Marso ngayong taon.
Samantala, dumalo sa ginanap na pagpupulong sina PDRRMO Head Dr. Melchor Avenilla Jr., Provincial Engineering Office Head Engr. Marichelle Ferrer, at ang iba pang kabilang sa konseho na nakiisa via Zoom Conference.
Source: Quezon PIO