TINGNAN: Personal na nagtungo si Governor Doktora Helen Tan sa Quezon Provincial Hospital Network (QPHN) – Claro M. Recto, nitong araw ng Lunes, Abril 22 upang inspeksyonin ang kasalukuyang kalagayan ng nasabing ospital.
Source: Quezon PIO
Dahil sa hirap ng mga pasaning kinahaharap ng bawat Quezonian, mas naninindigan ang Pamahalaang Panlalawigan sa pagbibigay tulong at tugon upang mabawasan ang kanilang mga suliranin.
Sa inisyatibo ni Governor Doktora Helen Tan naipamahagi kahapon, Abril 22 ang tulong pinansyal para sa 533 na mamamayan ng bayan ng Real, Infanta, at General Nakar na mula sa programang AICS o Aid to Individuals in Crisis.
Ang nasabing tulong ay educational, medical, at burial assistance na naibigay sa pamamagitan ng Provincial Social Welfare and Development Office (PSWDO) at Provincial Treasurer’s Office (PTO).
Source: Quezon PIO
Sa mahalagang papel na ginagampanan ng mga Barangay Health Workers, siniguro ni Governor Doktora Helen Tan na nabibigyang importansya ang kanilang ambag na ibinibigay upang maiangat ang kalagayan ng kalusugan sa lalawigan ng Quezon.
Nitong araw ng Lunes, Abril 22, masayang nagtipon-tipon ang 1,111 na BHWs mula sa REINA-POGI Area ng lalawigan kung saan binigyang-pugay ng gobernadora ang dedikasyon sa pagkalinga ng mga ito sa kanilang kababayan na lubos na nangangailangan ng atensyon sa kalusugan.
Naibahagi naman na hindi pababayaan ng Pamahalaang Panlalawigan ang bawat BHWs sa pamamagitan ng pagpapatupad ng iba’t-ibang polisiya na magbibigay proteksyon sa kanilang karapatan.
Samantala, kinilala at ginawaran ng parangal ang mga BHWs na apat na dekada ng nagseserbisyo para sa bayan at patuloy na nagsisilbing pundasyon upang maihatid ang dekalidad na serbisyong pangkalusugan.
Handog rin sa ginanap na programa ang talakayan na naglalayong makatulong para sa mas maayos na paglilingkod, at nakatanggap din sila ng food packs na mula sa DSWD Sec. Rex Gatchalian. Habang mas nagbigay ngiti sa mga BHWs ang isinagawang raffle draw kung saan nag-uwi ng iba’t-ibang papremyo ang mga nanalo.
Source: Quezon PIO
Sa pagpapatuloy ng isinasagawang Libreng Serbisyong Gamutan na layong maabot ang bawat mamamayan ng lalawigan ng Quezon, sunod na tutungo ang Medical Team sa bayan ng Tagkawayan (April 27) at Guinayangan (April 28).
Bitbit pa rin ang iba’t-ibang serbisyong medikal gaya ng libreng check-up, bunot ng ngipin, minor surgery, tuli, anti-pneumonia vaccination, laboratory examinations, at iba pa ay inaanyayahan ang mga residente ng nasabing mga bayan na ‘wag palampasin ang pagkakataong makapagpatingin ng kalagayan ng kanilang kalusugan.
Muling isinagawa ang pagpapatuloy ng pagsusuri sa mga resolusyon sa ika-93 Pangkaraniwang Pulong ng Sangguniang Panlalawigan ng Quezon sa pamumuno ni Vice Governor Third Alcala ngayong araw, Abril 22.
Mga atas tagapagpaganap, panukalang resolusyon, lokal na ordinansa, at liham ang naging usapin ng mga miyembro ng Sangguniang Panlalawigan ng Quezon na may kinalaman sa iba’t ibang sektor gaya ng agrikultura, kalusugan, edukasyon at iba pa.
Samantala, nagpaabot ng liham ang Department of Public Works and Highways (DPWH) Quezon 4th District na tumutukoy sa SP Resolution No. 2024-038 o mga pangunahing kalsada sa ika-apat na distriro ng Quezon na kailangan sumailalim sa pagaayos at nais ipabatid na ito ay kasama na sa rekomendasyon ng Proposed Projects under the National Expenditure Program 2025.
Bumisita naman sa Sangguniang Panlalawigan ng Quezon si Gracelle Distura na kakatawan sa Lungsod ng Lucena sa nalalapit na Binibining Pilipinas 2024 at nagpaabot ng suporta ang mga miyembro ng Sangguniang Panlalawigan.
Source: Quezon PIO
Link: https://www.pagasa.dost.gov.ph/climate/climate-heat-index
Source: Quezon PIO
Mga Kalalawigan, muling nagbabalik ang pinaka-prestihiyosong parangal para sa natatanging anak ng lalawigan ng Quezon, ang “QUEZON MEDALYA NG KARANGALAN.”
Ang QMK ay iginagawad sa mga natatanging indibidwal na nagpamalas ng angking galing at kontribusyon sa mga larangan ng Public Service, Health and Science, Humanities and Philanthropy, Agriculture, Environment, Education, Sports, at Culture, Music, and the Arts
Nahahati sa dalawang kategorya ang nasabing parangal:
1. Quezon Gintong Medalya ng Karangalan Life Achievement Award – iginagawad sa Quezonian na nagpamalas ng katangi-tanging husay na kinikilala sa national at international field sa kanilang larangan dahil sa mahalagang kontribusyon nito.
2. Quezon Medalya ng Karangalan Special Achievement Award – iginagawad sa mga Quezonian na nagpamalas ng katangi-tanging kontribusyon na kinikilala sa local at provincial field ng kanilang larangan.
Kung ikaw ay may kakilalang kwalipikado na nais maparangalan, bukas ang nominasyon hanggang Mayo 31, 2024.
Para sa ibang katanungan at impormasyon, makipag-ugnayan sa Tourism Quezon Province
Source: Quezon PIO
Isa ka ba sa mga Quezonian na mahilig maglaro ng anumang larangan ng isports?
Halina’t makiisa sa gaganaping QUEZON SPORTS CAMP 2024 na layong magbigay dagdag kaalaman at upang muling mabalikan ang mga dapat tandaan sa paglalaro ng iyong piniling larangan ng isports.
Pwedeng-pwede makilahok ang mga kabataang may edad 9 hanggang 18, babae man o lalaki, basta’t may nag-aalab na puso at nais mas mapalawak ang kanilang kagalingan.
Para naman sa mga coaches at basketball officials, handog sa inyo ang konsultasyon upang lalo mapabuti at maiangat ang antas kaalaman ng mga manlalaro.
Tandaan lamang ang mga sumusunod na lugar at petsa kung saan gaganapin ang nasabing sports camp:
* April 22-29 (Polillo Group of Islands)
* May 3-4 (Sampaloc, Quezon)
* May 10-12 (San Antonio, Quezon)
* May 17-19 (San Francisco, Quezon)
* May 24-26 (San Andres, Quezon)
* June 7-9 (Plaridel, Quezon)
* June 10-14 (Mauban, Quezon)
* June 15 & 16 (Plaridel, Quezon)
Kita-kits!
Source: Quezon Sports Office
NGCP may implement Manual Load Dropping (MLD) in the following areas today, 19 April, to maintain the integrity of the power system:
LUZON
6:00PM – 7:00PM
INEC (parts of Ilocos Norte)
First Bay Power Corporation (parts of Batangas Province)
QUEZELCO I (parts of Quezon Province)
ALECO (parts of Albay)
PENELCO (parts of Bataan)
VISAYAS
6:00PM-7:00PM
CEBECO II (parts of Cebu)
CEBECO III (parts of Cebu)
MECO (parts of Mactan Island)
VECO (parts of Cebu City)
CENECO (parts of Negros Occidental)
NOCECO (parts of Negros Occidental)
NONECO (parts of Negros Occidental)
NORECO I (parts of Negros Oriental)
NORECO II (parts of Negros Oriental)
SOLECO (Southern Leyte)
LEYECO V (parts of Leyte)
LEYECO II (parts of Leyte)
SAMELCO II (parts of Samar)
ESAMELCO (Eastern Samar)
NORSAMELCO (Northern Samar)
MORE (parts of Iloilo City)
AKELCO (parts of Aklan)
ANTECO (parts of Antique)
CAPELCO (parts of Capiz)
ILECO II (parts of Iloilo Province)
ILECO III (parts of Iloilo Province)
GUIMELCO (parts of Guimaras)
Schedule may be cancelled if system condition improves, such as if actual demand falls below projections.
NGCP encourages everyone to exercise prudence in using electricity.
Source: Quezon PIO
Matagumpay na natapos ngayong araw ng Sabado, Abril 20 ang isinagawang Basketball at Swimming Clinic sa Alcala Sports Complex sa pangunguna ng Quezon Provincial Sports Office na pinamumunuan ni Coach Aris Mercene katuwang ang Philippine Sports Commission.
Ang nasabing aktibidad ay naglalayong makapagsanay at makapag-develop ng mga bagong atleta at upang maitaas ang antas ng kaalaman ng mga Batang Quezonian patungkol sa larangan ng mga larong pampalakasan.
Umabot sa mahigit 500 na mga kabataan na may edad 6 hanggang 16 na taong gulang ang nakilahok sa nasabing Sports Clinic na isinagawa sa loob ng apat na magkakaibang araw kung saan karamihan ay nagmula sa ikalawang distrito ng Lalawigan ng Quezon.
Lubos ang pagsisikap ng Pamahalaang Panlalawigan na maging kabahagi sa pagpapaunlad ng angking talento at kakayahan ng bawat manlalaro tungo sa mas malusog at aktibong Kabataang Quezonian.
Source: Quezon PIO