Quezon Sports Camp 2024 Day 1 | April 24, 2024
Basketball official, Referees, Boxing, Players Camp
Jomalig, Quezon (POGI AREA)
Source: Quezon Sports Office
NEWS AND UPDATE
QPHN-QMC Centennial Celebration Kick-off Ceremony | April 23, 2024
Sinimulan na ang pagbibilang para sa ISANG DAANG ARAW tungo sa Ika-100 Taong Kagalingan ng Quezon Provincial Hospital Network – Quezon Medical Center (QPHN-QMC) sa ginanap na programa ngayong araw, Abril 23.
Ang ika-100 taon ng QPHN-QMC ay patunay lamang ng kanilang matibay na pundasyon para sa ikagagaling at maayos na kalusugan ng mga mamamayan sa buong lalawigan sa kabila ng mga pinagdaanan at sakripisyo ng bawat isa.
Ipinaabot naman ng Pamahalaang Panlalawigan ng Quezon ang pasasalamat at pakikiisa sa pagdiriwang ng makasaysayang taon ng nasabing ospital para sa walang sawang pagsusumikap na maibigay ang sapat at maayos na kalidad na serbisyong medikal para sa ating mga kalalawigan.
Source: Quezon PIO
PTF-ELCAC Executive Meeting | April 23, 2024
Pinangunahan ni Governor Doktora Helen Tan ang Provincial Task Force To End Local Communist Armed Conflict (PTF-ELCAC) Executive Meeting ngayong araw ng Martes, Abril 23.
Dinaluhan ang nasabing pagpupulong ng mga kinatawan ng bawat ahensiya at tanggapan na kabilang sa naturang konseho.
Ilan sa mga tinalakay ay ang Order Revitalizing and Reorganizing the Provincial Task Force To End Local Communist Armed Conflict of Quezon o PTF-ELCAC, Roles of PTF-ELCAC Clusters, mga suportang kailangan at ilang mga prayoridad na proyekto.
Asahan ang tuloy-tuloy na pakikipagbalikatan ng Pamahalaang Panlalawigan sa iba’t-ibang sangay ng Pamahalaan upang masiguro na mapapatili ang katiwasayan sa buong Lalawigan ng Quezon.
Source: Quezon PIO
Provincial Anti-Drug Abuse Council Executive Meeting | April 23, 2024
Nagsagawa ng Provincial Anti-Drug Abuse Council (PADAC) Executive Meeting ngayong araw ng Martes, Abril 23 na pinangunahan ni Provincial Administrator Manuel Butardo.
Kasamang dumalo ang ilang mga kinatawan mula sa iba’t-ibang tanggapan at ahensya ng pamahalaan na kabilang sa naturang konseho.
Ilan sa nabigyang diin sa nasabing pagpupulong ay ang pagpapatibay ng koneksyon sa pagitan ng PADAC at ng Municipal/Barangay Anti-Drug Abuse Council, mga parameters sa pagpili at pagkilala sa mga Outstanding Municipal ADACs, at ang presentasyon patungkol sa PADAC Vision at Mission draft.
Hangad ng Pamahalaang Panlalawigan sa pangunguna ni Governor Doktora Helen Tan na mas mapaigting pa ang mga programa at pamamaraan na isinasagawa laban sa ilegal na droga tungo sa tahimik at mas ligtas na komunidad para sa mga mamamayan ng Lalawigan.
Source: Quezon PIO
HEAT INDEX FORECAST
https://www.pagasa.dost.gov.ph/climate/climate-heat-index
Source: Quezon PDRRMO
AICS Payout | April 23, 2024
Sa pakikipagbalikatan ni Governor Doktora Helen Tan kay Senator Mark Villar at Congresswoman Camille Villar, naisakatuparan ang pamamahagi ng Aid to Individual in Crisis Situation (AICS) na programa ng Department of Social Welfare and Development (DSWD) ngayong araw ng Martes, Abril 23 sa Quezon Convention Center.
Katuwang ang Provincial Social Welfare and Development Office (PSWDO) at Provincial Treasurer’s Office (PTO) nabigyan ng tulong pinansyal ang 2549 benepisyaro mula sa Lucena, Sariaya, Candelaria at Tiaong kung saan 1272 sa mga ito ay nakatanggap ng Educational Assistance samantalang 1277 naman ang nakatanggap ng medical, burial at iba pang tulong pinansyal.
Sinisiguro ng gobernadora na hindi siya hihinto na makipag ugnayan sa nasyunal na pamahalaan para makapaghatid ng nararapat na tulong at serbisyo sa bawat Quezonian.
Source: Quezon PIO
Rice Agricultural Service Provider (ASP) Program | April 23, 2024
ASP Project Update: 5 Tons of palay per heactare to be harvested this Dry Season
The Office of the Provincial Agriculturist has reported to harvest 465,000 kilos (fresh wt.) or five (5) tons of palay with mostly NSIC Rc222 variety this March to June 2024, on its first cycle.
The first harvest will be sold during the next Kadiwa ng Pangulo trade fair this April 16, 2024 at Quezon Capitol Grounds, Lucena City with 20% lesser price than the market. It will be open to consumers from the Provincial Government employees and passersby from nearby towns.
The Provincial Government of Quezon together with the Department of Agriculture and National Irrigators Association eye the Agricultural Service Provider (ASP) Project to produce high quality rice seeds among farmers in the region after five (5) years of successful implementation.
As of February 12, 2024 around 75Has. of planted palay will be harvested for the upcoming month of March to June 2024 (first cycle) with most of variety is NSIC Rc222.
Next planting season (2nd cycle) will be on May to July 2024.
Source: monitoringopastan.notion.site
Meeting with PhilHealth RO4A for Quezon Primary Care Provider Network (QPCPN) | April 22, 2024
Nakipagpulong kay Governor Doktora Helen Tan ang pamunuan ng PhilHealth Regional Office 4A at Provincial Health Office para talakayin ang Quezon Primary Care Provider Network (QPCPN) nitong Abril 22.
Layunin ng QPCPN na mabigyan ng access ang bawat Quezonian sa libreng konsulta, laboratoryo, at mga gamot at matutukan ang estado ng kanilang kalusugan sa pamamagitan ng programang Konsulta.
Napag-usapan din sa pagpupulong ang istratehiya kung paano mabibigyan ng tamang profiling ang bawat indibidwal at makapagrehistro sa nasabing programa.
Bahagi pa din ito ng pagsusumikap ng pamahalaang panlalawigan sa pangunguna ni Governor Doktora Helen Tan na mabigyan ng tamang serbisyong medikal at walang maiiwan na Quezonian.
Source: Quezon PIO
SANG DAANG ARAW Tungo sa 100 Taong Kagalingan ng Quezon Provincial Hospital Network – Quezon Medical Center
Nais naming ipabatid sa ating mga kalalawigan, na ngayong araw ay sisimulan na natin ang pagbibilang ng ISANG DAANG ARAW Tungo sa 100 Taong Kagalingan ng Quezon Provincial Hospital Network – Quezon Medical Center (QPHN-QMC).
Source: Quezon PIO
HEAT INDEX FORECAST
Link: https://www.pagasa.dost.gov.ph/climate/climate-heat-index
Source: Quezon PDRRMO