NEWS AND UPDATE

Barangay Tanod Assembly & Consultation | April 27, 2024

Sa patuloy na paglibot ng Pamahalaang Panlalawigan upang maibaba ang iba’t-ibang serbisyong pangkalusugan sa buong lalawigan, pinaunlakan ni Governor Doktora Helen Tan ang Barangay Tanod Convention kasabay ng isinasagawang Medical Mission nitong araw ng Sabado, Abril 27 sa bayan ng Tagkawayan.
Kasamang nakiisa sina Vice Governor Third Alcala, 4th District Congressman Atorni Mike Tan, Bokal Sonny Ubana, Bokal Harold Butardo, Tagkawayan Mayor Carlo Eleazar at Vice Mayor Danny Liwanag.
Nagbigay bilin ang Gobernadora sa mga Barangay Tanod na patuloy na protektahan ang kani-kanilang barangay, at maging katulong ng mga kapulisan para sa kaayusan ng bawat komunidad sa Lalawigan. Aniya, hangad niya na makilala rin ang Quezon bilang ligtas at tahimik na lalawigan para sa mga mamamayan at mga turistang bibisita rito.
Samantala, nagbahagi naman ng dagdag kaalaman sina PDRRM Officer Dr. Melchor Avenilla Jr. at Provincial Legal Officer Atty. Jette Salvacion sa diskusyon patungkol sa mga tungkulin ng bawat Tanod.
Bagaman matindi ang init ng panahon, nangibabaw pa rin ang ngiti ng mga Barangay Tanod dahil sa mga mensaheng narinig at sa ipinamahaging mga bagong uniporme at heavy duty flashlights, gayundin sa handog ng Gobernadora na raffle at food packs na mula naman sa DSWD.
Source: Quezon PIO

Distribution of Agricultural Inputs & TUPAD Orientation | April 27, 2024

Sa pangunguna ni Governor Doktora Helen Tan, isinagawa nitong araw ng Sabado, Abril 27 ang Distribution of Agricultural Inputs at Tupad Orientation para sa mga magsasaka at mangingisda sa bayan ng Tagkawayan, Quezon.
Kabilang sa mga naipamahaging gamitan para sa 120 magsasaka at mangingisda ang PCV Hose, iba’t-ibang fertilizers, Marine Engines, Bottom Set Gill Nets, Crab Pots, Knapsack Sprayers, Crates, Grasscutters, at mga pananim na gulay na layong makatulong para sa kanilang kabuhayan.
Samantala, kasabay ding ginanap ang oryentasyon ng Department of Labor and Employment (DOLE) para sa 30 TUPAD beneficiaries ng nasabing bayan.
Source: Quezon PIO

Lingap sa Mamamayan Libreng Gamutan – Tagkawayan, Quezon | April 27, 2024

Ginanap ang “Lingap sa Mamamayan, Libreng Gamutan” o Medical Mission sa bayan ng Tagkawayan nitong araw ng Sabado, Abril 27 kung saan umabot sa 2,893 ang naging benepisyaryo ng iba’t-ibang serbisyong medikal.
Mainit man ang panahon ay sinimulan ni Governor Doktora Helen Tan ang pagbibigay ng libreng serbisyong tutugon sa suliraning pangkalusugan ng mga mamamayan sa nasabing bayan kasama sina Vice Governor Third Alcala, 4th District Congressman Atorni Mike Tan, Board Member Harold Butardo, Mayor Carlo Eleazar, at Vice Mayor Danny Liwanag.
Ilan sa mga naihandig ang medical check up, dental extraction, minor surgery, eye check up, ENT, derma, UTZ, X-RAY, ECG, FBS/RBS, Cholesterol, Uric Acid, Urinalysis, CBC, Tuli at PCV 23 Vaccination.
Naging matagumpay naman ang programang ito dahil sa pakikipagbalikatan ng Pamahalaang Panlalawigan ng Quezon sa mga pampubliko at pribadong mga ospital gaya ng RAKKK Prophet Medical Center, Provincial Health Office, QPHN-Quezon Medical Center, East Avenue Medical Center, SOLCOM, Rizal Medical Center, at Private Doctors.
Samantala, namahagi rin ng tulong pinansyal mula sa programang AICS o Aid to Individual in Crisis Situation para sa 257 na mamamayan na nangangailangan gayundin sa mga hindi available ang niresetang gamot ng doktor sa pamamagitan ng Provincial Social Welfare and Development Office (PSWDO) at Provincial Treasurer’s Office (PTO).
Nakasama ring naghandog ng libreng serbisyo ang Office of the Provincial Veterenarian, kung saan 146 na may alagang hayop ang nakapagpakonsulta at nagpaturok ng anti-rabies.
Sa pagpapaigting ng malusog na lalawigan at pagbibigay ng kinakailangan ng bawat mamamayan, asahan pa ang tuloy-tuloy na pagbibigay ng lingap para sa bawat Quezonian sa ika-apat na distrito.
Source: Quezon PIO

E-Konsulta Orientation | April 26, 2024

Upang mas maging epektibo ang pagpapatupad ng Konsulta program, isinagawa ang E-Konsulta Orientation kahapon, Abril 26 sa Quezon Convention Center, Lucena City.
Layun ng Pamahalaang Panlalawigan sa pangunguna ni Governor Doktora Helen Tan katuwang ang PhilHealth na may inisyatibo ng programa na mas mapalawak pa ang Konsulta program sa buong lalawigan ng Quezon, kung kaya’t pinaghahandaan na ang malawakang pagrerehistro ng ating mga kalalawigan sa nasabing programa para maging benepisyaryo ng libreng serbisyong medikal.
Ito ay tutugon sa libreng Konsultasyon, Laboratoryo, at mga Gamot na maaring ma-avail ng ating mga kalalawigan kasama na din ang tamang datos at estado ng kalusugan ng bawat isa.
Hinihikaya ang lahat ng Quezonian na magparehistro sa Konsulta program at magtungo sa pinakamalapit na Konsulta Package Provider o ospital sa inyong lugar.
Source: Quezon PIO

Mensahe ni Governor Doktora Helen Tan ukol sa pagpapatigil sa quarrying sa bayan ng Sariaya Quezon | April 26, 2024

PANOORIN: Mensahe ni Governor Doktora Helen Tan ukol sa pagpapatigil sa quarrying sa bayan ng Sariaya Quezon.

Click the Link

Tulay sa Progreso (Day 2) | April 25, 2024

Sa ikalawang araw ng isinagawang “TULAY SA PROGRESO: Bridging NG-LGU Partnership Towards a Healthy and Prosperous Province of Quezon & UGNAYAN Tungo sa Aktibo, Matatag at Tumutugon na BalikaTAN Congress-NG-LGU Leadership Dialogue and Tripartite Cooperation” produktibong nakiisa ang iba’t-ibang rehiyon na tanggapan ng pamahalaan.
Nagbigay presentasyon ang bawat dumalong regional directors gayundin ang provincial directors ukol sa mga programa at proyektong naisakatuparan sa lalawigan ng Quezon.
Malugod ding hinarap ng mga ito ang mga katanungan na nais bigyang-linaw ng mga punong bayan sa ilang proyektong magpapabuti pa ng kalagayan ng pamumuhay para sa kanilang mga nasasakupan.
Source: Quezon PIO

First Joint National Peace and order Council – Regional Peace and Order Council (NPOC-RPOC) Meeting for 2024 | April 25, 2024

TINGNAN: Dinaluhan ni Gov. Doktora Helen Tan ang isinagawang 1st Joint National Peace and Order Council – Regional Peace and Order Council Meeting for 2024 na pinangunahan ni Pangulong Ferdinand R. Marcos Jr. ngayong Ika-25 ng Abril sa Heroes Hall Malacañan Palace, Manila
Photo Credits to: Presidential Communications Office
Source: Quezon PIO

TULAY SA PROGRESO: Bridging NG-LGU Partnership Towards a Healthy and Prosperous Province of Quezon & UGNAYAN Tungo sa Aktibo, Matatag at Tumutugon na BalikaTAN Congress-NG-LGU Leadership Dialogue and Tripartite Cooperation Day 1 | April 25, 2024

TINGNAN: Mga kaganapan sa unang araw ng “TULAY SA PROGRESO: Bridging NG-LGU Partnership Towards a Healthy and Prosperous Province of Quezon & UGNAYAN Tungo sa Aktibo, Matatag at Tumutugon na BalikaTAN Congress-NG-LGU Leadership Dialogue and Tripartite Cooperation”
Source: Quezon PIO

HEAT INDEX FORECAST

https://www.pagasa.dost.gov.ph/climate/climate-heat-index
Source: Quezon PDRRMO

TULAY SA PROGRESO: Bridging NG-LGU Partnership Towards a Healthy and Prosperous Province of Quezon & UGNAYAN Tungo sa Aktibo, Matatag at Tumutugon na BalikaTAN Congress-NG-LGU Leadership Dialogue and Tripartite Cooperation | April 24, 2024

Para sa pangarap na progresibong kaunlaran ng lalawigan ng Quezon, sama-samang dumalo ang mga namumunong opisyal sa isinagawang unang araw ng “TULAY SA PROGRESO: Bridging NG-LGU Partnership Towards a Healthy and Prosperous Province of Quezon & UGNAYAN Tungo sa Aktibo, Matatag at Tumutugon na BalikaTAN Congress-NG-LGU Leadership Dialogue and Tripartite Cooperation” sa pangunguna ni Governor Doktora Helen Tan na ginanap sa lungsod ng Makati ngayong araw, Abril 24.
Layon ng nasabing programa na magkaroon ng matibay na ugnayan ang lahat ng bayan sa lalawigan tungo sa aktibo at matatag na pamamalakad upang makamtan ang mataas na kalagayan ng pamumuhay sa Quezon, sa pamamagitan na rin ng pakikipagbalikatan sa iba’t-ibang tanggapn ngnasyonal na pamahalaan.
Masigasig namang dininig ng gobernadora ang mga presentasyong ibinahagi ng bawat punong bayan, kung saan binigyang-pansin ang mga kinahaharap na suliranin ng kanilang mga nasasakupan na nais mabigyang solusyon.
Source: Quezon PIO