Maraming salamat Rotary Club Foundation Cosmopolitan Lucena!
Watch here: https://www.facebook.com/share/r/1AWiQchEpP/
#QuezonProvince
#SerbisyongTunayAtNatural
#HEALINGQuezon
Quezon PIO
Congratulations 1st Batch Graduates ng STAN on SKILLS!
Tagumpay na idinaos ngayong araw ng Lunes, Hunyo 16, sa pangunguna ni Project Development Officer III Lawrence Joseph Velasco katuwang si Provincial PESO Assistant Department Head Genecille P. Aguirre ang STAN on SKILLS: Graduation and Livelihood Kits Distribution.
Ang nasabing programa ay binuo sa pangunguna ni Governor Doktora Helen Tan para solusyunan ang problema ng unemployment sa Lalawigan ng Quezon.
Tinanggap dito ng 209 na benepisyaryo ang kanilang mga National Certificate para sa Barista, Housekeeping, Organic Agriculture Production, SMAW, Bread and Pastry, HILOT (WELLNESS MASSAGE), at Plumbing.
Kaugnay nito ay nakatanggap rin ang mga benepisyaryo ng livelihood kits gaya ng:
Bread and Pastry
Hilot Wellness Massage
Housekeeping
Organic Agricultural Crop Kits
Plumbing
SMAW
Barista
Kung may Sipag, Tiwala, Abilidad, at Naisin, makakaasa tayo na ang Pamahalaang Panlalawigan ay patuloy na susuporta sa mga programang may layuning masapatan ang mga pangangailangan ng mga Quezonian.
#SerbisyongTunayAtNatural
#QuezonProvince
#HEALINGQuezon
#stanonskills
Quezon PIO
TINGNAN: Ang ika-152 Pangkaraniwang Pagpupulong ng Sangguniang Panlalawigan ng Quezon.
Sa lalo pang pagpapatibay ng mga makabuluhang inisyatibang nagsusulong ng tapat, may malasakit, at epektibong pamamahala sa Lalawigan ng Quezon, pormal na idinaos ang ika-152 na Pangkaraniwang Pulong ng Sangguniang Panlalawigan nitong araw ng Lunes, Hunyo 16 sa Sangguniang Panlalawigan Building Governor’s Mansion Compound, Lucena City.
Sa naturang sesyon, naaprubahan ang mga Ordinansa, Resolusyon, Atas tagapag paganap at iba pang liham sa pangunguna ni Vice Governor Third Alcala kasama ang mga Board Member na kinatawan ng bawat distrito sa lalawigan ng Quezon.
Kaugnay nito, idiniklarang wasto ang resolusyon mula sa tanggapan ni Governor Doktora Helen Tan patungkol sa pagbibigay ng awtorisasyon sa Gobernadora na lumagda sa isang Memorandum of Understanding (MOU) sa ngalan ng Pamahalaang Panlalawigan ng Quezon, kasama ang Philippine American Group of Educators and Surgeons (PAGES), para sa pagpapatupad ng 2026 Surgical and Medical Mission katuwang ang Quezon Provincial Hospital Network – Quezon Medical Center (QPHN-QMC).
Aprobado din sa ikalawang pagbasa ang ordinansa mula sa tanggapan ni Governor Doktora Helen Tan, ang programang STAN KALINGA NG KAPITOLYO PARA SA MGA QUEZONIAN ito ay panukala na nagsisilbing tuwirang pag-amyenda sa AICS Program ng Pamahalaang Panlalawigan upang mas mapabilis ang pagtugon sa iba’t ibang uri ng pangangailangan o krisis, kasama rin sa layunin ng programa ang pagtatatag ng mga STAN Kalinga Centers sa lahat ng ospital na kabilang sa Quezon Provincial Hospital Network, gayundin sa mga Provincial Government Satellite Office sa bawat bayan sa lalawigan.
Gayundin, pinagtibay sa ikatlong pagbasa ang panlalawigang ordinansa blg. 2025-008 na may pamagat na “Isang ordinansa na nagtatatag at nagpapasagana sa ORANGE TOURISM, Culture and Arts Festival sa lalawigan ng Quezon at nagtatatag ng Quezon Province Creative Industries Oraganization.
#Ika-152PangkaraniwangPulong
#SerbisyongaTunayAtNatural
#HEALINGQuezon
#QuezonProvince
Quezon PIO
Kasabay ang pagbibigay ng NC II training sa mga mamamayan ng Lucban, dinaluhan din nina PGO-Livelihood sa pamumuno ni Project Development Officer III Lawrence Joseph Velasco at Quezon Provincial Public Employment Service Office (QPPESO) na pinamumunuan ni Genecille P. Aguirre, ang pakikipagpulong kay Mayor Agustin Villaverdere upang ipakilala at maipatupad ang PalengQR Program sa nasabing bayan nitong araw, Hunyo 16.
Kasama ang kinatawan ng Bangko Sentral ng Pilipinas ipinaliwanag nila ang pagpapatupad ng Paleng-QR Ph na naglalayong maisulong ang PalengQue Digitalization Program ng mga transaksyon sa mga pampublikong pamilihan at transportasyon ng komunidad sa buong bansa.
Laking pasasalamat naman ni Mayor Agustin kay Governor Doktora Helen Tan dahil agarang nabigyan ang kanilang bayan ng Star Link na magbibigay ng Internet sa pampublikong pamilihan para sa online transaction.
Samantala, patuloy ang pakikipag-ugnayan ng Pamahalaang Panlalawigan sa mga bayan ng Quezon para maisakatuparan ang nasabing programa na layuning mapabilis at mapadali ang paraan ng pagbabayad ng mga mamamayan.
#Let’sGetDigital
#SerbisyongTunayAtNatural
#HEALINGQuezon
#QuezonProvince
Quezon PIO
Isa sa tinututukan ng Pamahalaang Panlalawigan ay ang pagpapataas ng ekonomiya sa lalawigan ng Quezon, kaya naman katuwang ang PGO-Livelihood sa pamumuno ni Project Development Officer III Lawrence Joseph Velasco at Quezon Provincial Public Employment Service Office (QPPESO) na pinamumunuan ni Genecille P. Aguirre, nitong araw, Hunyo 16 ang Food and Beverage Services NC II Training sa Brgy. Tinamnan, Lucban Quezon.
Ang nasabing pagsasanay ay sa ilalim ng Kalinga sa Mamamayan, Tulong Pangkabuhayan, Trabaho at Negosyo Program (Stan on Skills Mobile Training) kabalikat ang TESDA at Quezon National Agricultural School (QNAS). Tinatayang 20 benepisyaryo ang sasailalim sa loob ng 45 na araw upang magsanay sa propesyonal na pagbibigay serbisyo sa pagkain at inumin.
Samantala, hindi dito natatapos ang paghahatid ng serbisyong may malasakit at oportunidad para sa bawat Quezonian. Abangan ang mga susunod na TESDA Training sa inyong bayan.
#SerbisyongTunayAtNatural
#HEALINGQuezon
#QuezonProvince
Quezon PIO
𝐈𝐬𝐬𝐮𝐞𝐝 𝐚𝐭: 𝟓:𝟎𝟎 𝐀𝐌, 𝟏𝟕 𝐉𝐮𝐧𝐞 𝟐𝟎𝟐𝟓(𝐓𝐮𝐞𝐬𝐝𝐚𝐲)
Katamtaman hanggang sa malakas na pag-ulan na may kasamang pagkidlat at malakas na bugso ng hangin ay nararanasan sa Quezon sa loob ng susunod na dalawang oras.
Pinapayuhan ang lahat na mag-ingat at maging alerto sa posibleng panganib ng pagbaha at pagguho ng lupa.
Patuloy na mag-monitor sa mga karagdagang updates.
Quezon PDRRMO
Isinagawa ngayong araw ng Lunes, Hunyo 16, ang isang makabuluhang Oathtaking Ceremony para sa mga na-promote, na-reappoint, at bagong itinalagang empleyado ng Pamahalaang Panlalawigan ng Quezon. Pinangunahan ang seremonya ni Governor Doktora Helen Tan, na may layuning kilalanin at pormal na pagtibayin ang panibagong yugto ng paglilingkod ng mga kawani sa lalawigan.
Sa kabuuan, tatlumpung (30) kawani mula sa iba’t ibang tanggapan ang nanumpa sa harap ng Gobernadora, bilang tanda ng kanilang pagtanggap sa mga bagong tungkulin at responsibilidad bilang mga lingkod-bayan.
Masiglang binati ni Governor Tan ang mga nanumpa at ipinahayag ang kanyang taos-pusong pasasalamat sa patuloy nilang dedikasyon. Hinikayat din niya ang mga ito na magsilbing huwaran ng integridad, sipag, at malasakit sa publiko. Kasabay nito ay isabuhay ng bawat isa ang prinsipyo ng malinis, maayos, at tapat na serbisyo para sa ikauunlad ng buong lalawigan.
#SerbisyongTunayAtNatural
#HEALINGQuezon
#QuezonProvince
Quezon PIO
Mabuhay ang mga bagong liderato!
Para sa panibagong yugto ng paglilingkod, pormal na isinagawa ang panunumpa ng katungkulan ng mga bagong halal na opisyal mula sa iba’t ibang bayan sa lalawigan ng Quezon sa pangunguna ni Governor Doktora Helen Tan ngayong araw ng Lunes, Hunyo 16.
Samantala, 60 na opisyal naman mula sa mga bayan ng Buenavista, Jomalig,Polillo, Pitogo, Macalelon, San Francisco, Panukulan, Catanauan,Lucban at lungsod ng Tayabas, ang mga nanumpa para sa kanilang tungkulin upang ipakita ang kanilang kahandaan na magsilbi nang tapat, may malasakit, at may tunay na puso para sa bayan.
#SerbisyongTunayAtNatural
#QuezonProvince
#HEALINGQuezon
Quezon PIO
Quezon Convention Center, Lucena City
https://www.facebook.com/share/v/16iMDPfULe/
Quezon PIO
Maraming Salamat Rotary Foundation Cosmopolitan Lucena sa walang sawang pagsuporta sa Pamahalaang Panlalawigan!
Sa patuloy na pakikipag-ugnayan ng Pamahalaang Panlalawigan sa iba’t ibang ahensya at sa pagbibigay ng serbisyong medikal sa lalawigan ng Quezon, ngayong araw Hunyo 16 ay ipinagkaloob ng Rotary Foundation sa pamumuno ni Club President RS Cosmopolitant Lucena and PSWD Officer Sonia S. Leyson ang Mobile Maternal and Children Clinic, na ginanap sa Quezon Capitol Compound, Lucena City
Ang ibinigay na Customized Mobile Clinic na nagkakahalagang 2 milyon kasama ang mga gamot ay makakatulong sa serbisyong medikal gaya ng check-up; pap smear, screening for breast and cervical, ultrasound at iba pa para sa mga kababaihan at sa mga barangay na may kalayuan.
Taos-pusong ipinapaabot ni Governor Doktora Helen Tan ang pasasalamat sa tulong ng Rotary Foundation at sa mga Sponsor mula sa Korea, dahil dito tuloy-tuloy ang serbisyo medikal ng Pamahalaang Panlalawigan para sa mga Quezonian.
#SerbisyongTunayAtNatural
#HEALINGQuezon
#QuezonProvince
Quezon PIO