NEWS AND UPDATE

Tax Compliance Training & Workshop | April 29, 2024

Dumalo si Governor Doktora Helen Tan sa Tax Compliance Training and Workshop ng mga Municipal at City Assessors sa 3rd Floor, Old Capitol Building, Lucena City kahapon, Abril 29.
Inorganisa ng Provincial Assessor’s Office sa pamumuno ni Atty. Melojean M. Puache ang Training and Workshop para sa mga Municipal at City Assessors upang magbahagi ng kaalaman patungkol sa proseso ng tax compliance base sa Real Property Tax Payment.
Isa itong paraan upang siguraduhin na sumusunod o nagbabayad ng tama ang mga may Real Property sa buong lalawigan na isa din sa pinagkukunan ng pondo para sa mga iba’t ibang proyekto gaya ng School building sa pamamagitan ng Special Education Fund.
Sa huli, nag-iwan ng mensahe ang ina ng lalawigan na mahalaga ang pagtutulungan ng bawat isa upang maging compliant sa mga patakaran.

Source: Quezon PIO

Quezon Provincial MSME Development Council Meeting | April 29, 2024

Pinangunahan ni Governor Doktora Helen Tan ang ginanap na Quezon Provincial Micro, Small and Medium Enterprise Development Council meeting nitong araw ng Lunes, Abril 29.
Tinalakay sa pulong ang nalalapit na Presidential Awards for Outstanding MSMEs at ang Recognition for Outstanding Development Partners ngayong taon.

Ibinida naman sa pamamagitan ng virtual presentation ang Pinagdanlayan Rural Improvement Club Multipurpose Cooperative (PRIC- MPC), isang turmeric manufacturing business na kakatawan sa lalawigan ng Quezon sa medium enterprise category sa nalalapit na Presidential Awards.

Ani ng gobernadora na dapat mas palakasin pa ang konseho at mas maging aktibo ito sa paghahatid ng impormasyon sa mga local government units at business entrepreneurs upang sa susunod na taon ay mas marami pa ang makasali na nasabing timpalak.

Source: Quezon PIO

Management Committee Meeting | April 29, 2024

Muling nagsagawa ng Management Committee Meeting ang mga pinuno ng tanggapan ng Pamahalaang Panlalawigan na pinangunahan ni Governor Doktora Helen Tan ngayong araw, Abril 29.
Bahagi ito ng pagpapabuti pa ng mga programa at polisiya na hinahatid ng bawat tanggapan sa ating mga kalalawigan. Gayundin ang mga proyektong may kinalaman sa imprastraktura, kalusugan, agrikultura, kalikasan, social services, at iba pa na malaki ang naititutulong sa bawat Quezonian.

Source: Quezon PIO

Personal na Pagbisita ni Governor Doktora Helen Tan sa Itinatayong Tulay na Magdurutong sa Bayan ng Guinayangan at Tagkawayan | April 28, 2024

TINGNAN: Personal na binisita ni Governor Doktora Helen Tan ang itinatayong tulay na magdurutong sa bayan ng Guinayangan at Tagkawayan na magbibigay daan para sa mas mabilis na transportasyon patungo sa iba’t-ibang serbisyo at pasilidad tulad na lamang ng dekalidad na health care.
Source: Quezon PIO

Pagtungo ni Governor Doktora Helen Tan sa Quezon Provincial Network (QPHN)-Guinayangan | April 28, 2024

TINGNAN: Nagtungo si Governor Doktora Helen Tan sa Quezon Provincial Network (QPHN)-Guinayangan ngayong araw ng Linggo, Abril 28 upang inspeksyonin ang kinakailangang pang isaayos para mas dekalidad na pagbibigay ng serbisyong pangkalusugan.
Nakasama sa paglilibot ng nasabing ospital sina Vice Governor Third Alcala, 4th District Congressman Atorni Mike Tan, Provincial Administrator Manny Butardo, at Board Member Harold Butardo.
Source: Quezon PIO

Barangay Tanod Assembly & Consultation | April 28, 2024

Sa kabila ng matinding init, nagpatuloy ang ibinababang Medical Mission ngayong araw ng Linggo, Abril 28 sa Bayan ng Guinayangan kung saan kasabay nito ang isinagawang Barangay Tanod Convention na masayang pinaunlakan ni Governor Doktora Helen Tan.
Dinaluhan rin ang nasabing pagpupulong nina 4th District Congressman Atorni Mike Tan, Vice Governor Third Alcala, Bokal Sonny Ubana, Bokal Harold Butardo, Bokal Derick Magbuhos, PA Manny Butardo, Guinayangan Mayor Mariden Isaac, Vice Mayor Norman Dublois at mga miyembro ng Sangguniang Bayan.
Nagbigay ng paalala ang Gobernadora sa mga Tanod ng Bayan ng Guinayangan na mas maging mapanuri sa ginagawa ng mga kabarangay para sa mas tahimik, payapa at maayos na komunidad kung saan kaniyang binigyang diin ang mga pagnanakaw na aniya hindi dapat baliwalain. Giit pa niya na di baleng mahirap basta’t hindi nagnanakaw sapagkat kaya naman mapagtagumpayan ang mga pagsubok sa maayos at marangal na pamamaraan.
Nagbahagi rin ng dagdag kaalaman sina PDRRMC Officer Dr. Mel Avenilla, Jr. ukol sa mga paraan ng tamang pagresponde sa mga sakuna at panganib sa Barangay gayundin si Atty. Kristin Joy Narsoles mula sa Provincial Legal Office patungkol naman sa saklaw, limitasyon at benepisyo ng isang Brgy. Tanod.
Naging masaya ang pagtatapos ng maiksing programa sa pamamahagi ng mga bagong uniporme, heavy duty flashlights, food packs mula sa DSWD at sa raffle draw na handog ng Gobernadora.
Source: Quezon PIO

Pagbisita ni Doktora Helen Tan kasama sina 4th District Congressman Atorni Mike Tan at Board Member Harold Butardo ang Maria L. Eleazar General Hospital | April 27, 2024

TINGNAN: Maagang binisita ni Governor Doktora Helen Tan kasama sina 4th District Congressman Atorni Mike Tan at Board Member Harold Butardo ang Maria L. Eleazar General Hospital sa Brgy. Munting Parang Tagkawayan, Quezon nitong araw ng Sabado, Abril 27.
Ito’y upang kamustahin ang kalagayan ng nasabing ospital, lalo na’t nasa ilalim na ito ng pamamahala ng Department of Health CALABARZON.
Source: Quezon PIO

Lingap sa Mamamayan Libreng Gamutan | April 28, 2024

Para sa pagpapatuloy na pagseserbisyo sa ika-apat na distrito, sunod na umarangkada si Governor Doktora Helen Tan kasama sina Congressman Atorni Mike Tan, Vice Governor Third Alcala, Board Member Sonny Ubaña, BM Harold Butardo, BM Derrick Magbuhos, Provincial Administrator Manny Butardo at Mayor Mariden Isaac sa bayan ng Guinayangan ngayong araw ng Linggo, Abril 28 upang maghandog ng libreng serbisyong gamutan.
3,254 mamamayan ng nasabing bayan ang nabigyan ng libreng serbisyong medikal gaya ng medical check up, dental extraction, minor surgery, eye check up, UTZ, X-RAY, ECG, FBS/RBS, Cholesterol, Uric Acid, Urinalysis, CBC, Tuli, PCV 23 Vaccination, at Cervical Cancer Screening na naisakatuparan sa tulong ng mga pampubliko at pribadong doktor mula sa RAKKK Prophet Medical Center, Provincial Health Office, Quezon Medical Center, East Avenue Medical Center, SOLCOM, at Rizal Medical Center.
Umabot naman sa 353 na pasyente ang nabigyan ng medical assistance ng Provincial Social Welfare and Development Office (PSWDO) upang maging tulong na pambili ng gamot na hindi available.
Kasabay ring namahagi ng libreng konsultasyon, bakuna, mga gamot at bitamina ang Office of the Provincial Veterinarian na napakinabang ng 128 na may mga alagang hayop ng nasabing bayan.
Sa mga ganitong klaseng programa, mas pinagtitibay ang hangarin ni Governor Doktora Helen Tan para sa ating mga kababayan, na mapaigting ang mas malusog at mas masiglang Lalawigan ng Quezon.

Source: Quezon PIO

Distribution of Agricultural Input, Tupad Orientation & AICS Payout | April 28, 2024

Sa pangalawang araw ng paglilibot ni Governor Doktora Helen Tan sa ika-apat na distrito, isinagawa ang distribution ng Agricultural at Fishery Inputs, gayundin ang TUPAD Orientation sa bayan ng Guinayangan ngayong araw ng Sabado, Abril 28.

Namahagi ang Pamahalaang Panlalawigan ng mga kagamitan sa 100 magsasaka at mangingisda ng Guinayangan tulad ng PCV Hose, Foliar Fertilizer, Organic Fertilizer, Marine Engine, Bottom Set Gill Net, Crab Pot, Knapsack Sprayer, Crates, Grasscutter at mga pananim na gulay.

Habang umabot naman sa 40 TUPAD beneficiaries ang dumalo sa ginanapa na oryentasyon sa pangunguna ng Department of Labor and Employment (DOLE).

Samantala, sa kaparehong araw ay isinagawa rin ang pamamahagi ng tulong pinansyal para sa 274 beneficiaries ng Aid to Individual in Crisis Situation kung saan 215 dito ay nakatanggap ng Educational Assistance at 59 naman ang nakatanggap ng tulong para sa kanilang pagpapagamot at iba pang mga pangangailangan.

Source: Quezon PIO

JAPAN WATA OPEN INTERNATIONAL TAEKWONDO CHAMPIONSHIP 2024 | April 28, 2024

Pagbigay Pugay sa mga atletang Quezonian!
Mula sa ating minamahal na Gov. Angelina “Doktora Helen” D.L. Tan.
Na Lumahok sa “JAPAN WATA OPEN INTERNATIONAL TAEKWONDO CHAMPIONSHIP 2024, ginanap noong ika-28 ng Abril 2024 sa Ohama Arena, Sakai, Osaka, Japan.
Nagkamit ng Ginto, Silver, Bronze na Medalya ang WILDCATS TAEKWONDO CLUB na pinangungunahan ng ating LIGASTAN Taekwondo Head Coach na si Coach Shiela M. Tarray.
Nag-uwi ng Gintong Medalya at Best Player Award si Julius Frank Tarray Tano sa Male Under 87kg. Black belt Category, Kyurugi Event mula sa Bayan ng Pitogo, Quezon.
Mula naman sa bayan ng Lucena, Nag-uwi sila Harvey Zsion A. Ros ng Silver medal sa Colored Category Pomsae, Bronze medal sa Kyurugi event At si Elize Rhaily F. Garcia ng Bronze Medal sa Pomsae Event.
Hindi naman magpapahuli at Sumungkit ng Silver Medal sa Pomsae event si Jedidiah Prancis R. Tacardon mula sa Bayan ng Lucban, Quezon.
Pagbati mula sa QUEZON PROVINCIAL SPORTS OFFICE
Source: Quezon Sports Office