Pagpupugay sa sipag at dedikasyon ng mga mangagagawa upang maitaguyod ang pangangailangan sa buhay! Ang inyong pagsusumikap ay malaking kontribusyon sa pagpapaunlad ng bayan.
Mula sa Pamahalaang Panlalawigan ng Quezon, isang maligayang araw ng manggagawa!
Source: Quezon PIO
EYES HERE!
Share and spread out the P50 off PROMO of GOLDILOCKS on selected greeting and premium cakes at any branches within QUEZON PROVINCE.
Exclusive on May 1-31, 2024 ONLY! (Except May 11-12).
Promo Mechanics
1. P50 discount to all Quezon Province residents on every purchase of Greeting Cake 8×12 and Premium Cake 8rd upon presentation of valid resident ID on May 1-31, 2024 (except May 11-12)
2. Promo is not valid in conjunction with any promotion or discount.
3. Valid on All Goldilocks stores in Quezon Province
4. May 1-31, 2024 (except May 11-12)
5. In the purchase of goods and services, which are on promotional discount, the senior citizen and person with disability can avail the promotion discount, or the discount provided under expanded Senior Citizen Act of Magna Carta for Persons with disability, whichever is higher.
per DTI Fair trade No.R4A – QXN 064, series of 2024
Source: Quezon PIO
BASAHIN: Pinaalalahanan ang lahat ng Quezon Provincial Hospital Networks, Chiefs of Hospitals, Medical Officers, Nurses, Pharmacists, at iba pang Medical Professionals sa ilalim ng Provincial Government ng Quezon na sumunod sa Circular No. 2024-0141 na inilabas ng Department of Health (DOH).
Ito’y bilang pagtugon sa mga kamaikailang ulat kaugnay sa pharmaceutical companies na gumagamit ng multi-level marketing scheme upang hikayatin ang mga medical professionals na mag-advertise at magreseta ng mga medical products.
Source: Quezon PIO
TINGNAN: Nagkortesiya kay Governor Doktora Helen Tan ang dalawang mahusay na estudyante mula sa Luis Palad Integrated High School na sina Mark Lynard S. Napagal at Chlomen Kysh T. Oabel ngayong araw ng Martes, Abril 30.
Ang naturang mga estudyante ay nakakuha ng ikatlong pwesto bilang Best in Robot Design – Innovation Design Award (PALADIAN POLARISYSTECH) sa ginanap na 2023 MakeX World Championship noong nakaraang Disyembre 7-11, 2023 sa Yantai, China.
Ginawaran ng Gobernadora ang dalawang estudyante ng sertipiko ng pagkilala at insentibo sa mahusay na pagrepresenta ng bansang Pilipinas at lalo’t higit ng Lalawigan ng Quezon.
Tunay ngang kahanga-hanga ang angking galing, talino, at talento ng bawat kabataang Quezonian, kaya naman lubos ang paghanga at suporta ng Pamahalaang Panlalawigan sa mga estudyanteng patuloy na nagsusumikap upang maabot ang kanilang mga minimithing pangarap.
Source: Quezon PIO
TINGNAN: Bumisita sa tanggapan ni Governor Doktora Helen Tan si MGen Facundo Palafox IV, ang bagong Commander ng Southern Luzon Command (SOLCOM) ngayong araw ng Martes, Abril 30.
Source: Quezon PIO
“KALUTONG FILIPINO; Lakas ng Kabataang MAKABAGO!”
Bilang pagdiriwang ng Filipino Food Month 2024, nakiisa si Governor Doktora Helen Tan sa ginanap na Palengke Tour and Cooking Contest ngayong araw ng Martes, Abril 30 sa bayan ng Sariaya.
Masayang nilibot ng gobernadora kasama sina Atty. Aleix Alcala, Provincial Tourism Officer Nesler Louies Almagro, Provincial Agriculturist Doc Liza Mariano ang pamilihang bayan ng Sariaya, isang pamamaraan upang kumustahin ang mga ito at ipabatid na kasama sila sa pagpapalawig ng turismo ng Lalawigan, dahil ani ng gobernadora ang pagkain ay isang pangunahing binibida sa Quezon at ito’y matatagpuan sa mga pamilihang bayan.
Samantala tatlumpung kalahok mula sa iba’t-ibang bayan ng Lalawigan ng Quezon ang naglaban laban upang ibida ang kanilang mga ipinagmamalaking lutong pinoy.
Source: Quezon PIO
Nakiisa ang Quezon Provincial Library sa isinagawang Quenamnam 2024 sa CITHM Covered Court, Manuel S. Enverga University Foundation, Lucena City noong Abril 29, 2024.
Bilang pagtatapos ng Buwan ng Kalutong Filipino, nagkaroon ng talakayan ng mga lutuing Quezonian, paligsahan ng mga piling mag-aaral sa Senior High School na nakatuon sa lutuin at sangkap mula sa lalawigan ng Quezon at pagpaparangal sa mga natatanging lutuing lokal.
Maraming salamat po sa Konseho ng Herencia ng Lucena at mga tagatangkilik. Sa pamamagitan ng gawaing ito, patuloy nating napapahalagahan, napapagyaman, naiingatan at naiisulong ang mga kalutong Quezonian.
Source: Quezon PIO
Animal Stranding Operation & Necropsy
Sitio Dulong Buhangin, Brgy. Dalahican, Lucena City
April 29, 2024
Alas kwatro ng hapon sa baybaying dagat ng Sitio Dulong Buhangin, Brgy. Dalahican, Lucena City ng matagpuan ang isang buntis na Pantropical Spotted Dolphin na wala ng buhay. Mabilis itong nirespondehan ng City Agriculture Office ng Lucena City at agad namang ipinagbigay alam sa Bureau of Fisheries and Aquatic Resources-Provincial Fisheries Office (BFAR 4A-PFO-Quezon).
Matapos nilang masuri ang kalagayan ng stranded animal ay nakipag-ugnayan naman ang naturang ahensya, sa pangunguna ni Mr. Allan Castillo, Chief Fishing Regulations Officer ng BFAR-4A-PFO-Quezon, sa Office of the Provincial Veterinarian.
Agaran namang nagtungo si Dr. Camille C. Calaycay, Veterinarian II, ng tanggapan upang makita at masuri ang naturang hayop. Kasama ni Dr. Calaycay sina Dr. Michelle Anne Javier, Dr. Melanie Hernadez at iba pang mga technical personnel ng City Veterinary Office ng Lucena City upang magsagawa ng necropsy. Ang mga organ samples at specimen na nakolekta ay ipapadala pa sa isang laboratoryo sa Quezon City upang sumailalim sa masusing pagsusuri at upang matukoy ang sanhi ng pagkamatay ng naturang hayop.
Source: Quezon ProVet
TINGNAN: Nagkortesiya kay Governor Doktora Helen Tan ang pamunuan ng Philippine Coast Guard Station Southern Quezon at Northern Quezon upang ibahagi ang mga plano at programang kanilang handog nitong Lunes, Abril 29.
Source: Quezon PIO
Pinangunahan ni Governor Doktora Helen Tan ang Signing and Confirmation of the Memorandum of Understanding and Formalization of the Establishment of Quezon Coconut Industry Tripartite Council (QCITC) kahapon, Abril 29.
Bilang pangunahing pinagkakakitaan ng Quezon ang niyog, nais ng ina ng lalawigan na isa ito sa maging hakbang upang matulungan ang industriya ng niyog sa lalawigan.
Sa papamgitan ng QCITC, magkakaroon ng sariling roadmap ang lalawigan ng Quezon na tutugon sa mga aktwal na problema ng mga magsasaka ng niyog, gayundin ang pagpasok ng mga investor para sa pag-unlad.
Dumalo din sa paglagda sina DOLE CALABARZON Regional Director Atty. Roy L. Buenafe, DOLE Quezon Provincial Head, Engr. Edwin T. Hernandez, Provincial Agriculturist Dr. Liza Mariano, at iba pang miyembro ng konseho.
Inaasahan na sa pagtutulungan ng bawat miyembro ng konseho ay magiging mahusay at epektibo ang mga programa na direktang magbebenepisyo sa sektor ng magsasaka ng niyog.
Source: Quezon PIO