NEWS AND UPDATE

Bumisita ngayong araw ng Lunes ika-13 ng Mayo si Governor Doktora Helen Tan kasama si 4th District Congressman Atorni Mike Tan sa Opisina ni Department of Social Welfare and Development Office (DSWD) Secretary Rex Gatchalian | May 13, 2024

Bumisita ngayong araw ng Lunes ika-13 ng Mayo si Governor Doktora Helen Tan kasama si 4th District Congressman Atorni Mike Tan sa Opisina ni Department of Social Welfare and Development Office (DSWD) Secretary Rex Gatchalian.

Isa ang DSWD sa matibay na kabalikatan ng Pamahalaang Panlalawigan ng Quezon sa paghahatid ng tulong sa bawat mamanmayang Quezonian na nangangailangan.

Source: Quezon PIO

Hindi naging hadlang ang matinding sikat ng araw upang masiguro ang paghahatid ng suporta sa mga masisipag na magsasaka ng Mulanay, Quezon | May 12, 2024

Hindi naging hadlang ang matinding sikat ng araw upang masiguro ang paghahatid ng suporta sa mga masisipag na magsasaka ng Mulanay, Quezon.

Pinangunahan ni Governor Doktora Helen Tan ang ginanap na turn-over ng nagkakahalagang P2.4 million na Agri-Inputs na lubos na mapakikinabangan ng mga magsasaka para sa kanilang pangunahing kabuhayan.

Samantala, kasabay namang naipamahagi sa 230 na residenteng benepisyaryo ng programang AICS ang tulong pinansyal na naisakatuparan sa pamamagitan ng Provincial Social Welfare and Development Office (PSWDO) at Provincial Treasurer’s Office (PTO).

Source: Quezon PIO

Blessing & Inauguration of Pasalubong Center & Turn-Over of Rescue Vehicle | May 11, 2024

Sa pagtutulungan nina Governor Doktora Helen Tan at 3rd District Congressman Reynan Arrogancia, malugod na isinagawa ngayong araw, Mayo 11 ang blessing at ribbon cutting ng bagong Pasalubong Center at Restroom na matatagpuan sa Brgy. Sta. Rosa, Mulanay, Quezon.

Ang nasabing pasilidad ay ang ika-apat ng Pasalubong Center sa Bondoc Peninsula at magsisilbing hintuan o rest station ng mga biyahero upang makapagpahinga sa kanilang paglalakbay sa mga naggagandahang lugar sa ikatlong distrito.
Malaki naman ang kapakinabangan ng mga mamamayan ng Mulanay dito sapagkat dagdag pagkakakitaan at pagkakataon ito upang maibida ang kanilang mga lokal na produkto.

Samantala, malugod ding naibigay sa nasabing bayan ang bagong rescue vehicle na makatutulong para sa pagresponde sa mga nangangailangan ng medikal na atensyon.

Source: Quezon PIO

Ang mga naging kaganapan sa paghahatid ng libreng serbisyong medikal ng Pamahalaang Panlalawigan ng Quezon sa pangunguna ni Governor Doktora Helen Tan | May 11, 2024

TINGNAN: Ang mga naging kaganapan sa paghahatid ng libreng serbisyong medikal ng Pamahalaang Panlalawigan ng Quezon sa pangunguna ni Governor Doktora Helen Tan sa bayan ng Mulanay, Quezon ngayong araw, Mayo 11.

Source: Quezon PIO

Lingap sa Mamamayan Libreng Gamutan | May 10, 2024

Sa layunin na mapaigting ang komprehensibong serbisyong pangkalusugan, walang humpay na iniikot ni Governor Doktora Helen Tan ang buong lalawigan ng Quezon kasama ang mga doktor, espesyalista, at kawani ng Pamahalaang Panlalawigan.
Nitong araw ng Biyernes, Mayo 10 ay personal na pinangunahan ng gobernadora ang ginanap na programang “Lingap sa Mamamayan, Libreng Gamutan” o Medical Mission sa bayan ng San Andres, Quezon.
Bitbit ang iba’t-ibang libreng serbisyong medikal, 3,234 na mamamayan ng nasabing bayan ang nakinabang at nabigyan tulong para sa kanilang mga iniindang karamdaman.
Samantala, kasama sa naghandog ng serbisyo ang Provincial Social Welfare and Development Office (PSWDO) at Provincial Treasurer’s Office (PTO) kung saan ay kanilang naipamahagi sa 385 na residente ang financial/medical assistance mula sa programang AICS.
Hatid din ng Office of the Provincial Veterinarian ang libreng konsultasyon, deworming, at pagbabakuna ng anti-rabies para sa mga may alagang hayop.
Malugod namang nakiisa upang magpakita ng suporta sa programa sina Vice Governor Third Alcala, Board Member John Josephn Aquivido, Mayor Ralph Lim, at Vice Mayor Nelson Ausa.

Source: Quezon PIO

Lingap sa Mamamayan Libreng Gamutan | May 11, 2024

Matagumpay na naisagawa sa bayan ng Mulanay, Quezon nitong Mayo 11 ang handog na libreng serbisyong medikal ng Pamahalaang Panlalawigan kung saan umabot sa 4,616 residente ang naging benepisyaryo.

Kasama ang mga doktor, espesyalista mula sa mga kilalang ospital sa bansa, gayundin ang mga kawani ng Pamahalaang Panlalawigan ay matagumpay na naihatid sa nasabing bayan ang dental, surgical, at iba’t-ibang medical services.
Samantala, malugod na ibinalita ni Governor Doktora Helen Tan na pinagplaplanuhan na ang pagtatayo ng Infirmary at Ambulatory Service Hospital sa bayan ng Mulanay upang mas maging abot-kamay ng mga mamamayan ang dekalidad na serbisyong pangkalusugan.

Kasama namang naghatid ng serbisyo ang Provincial Social Welfare and Development Office (PSWDO) at Provincial Treasurer’s Office (PTO) na nagsilbing daan upang maibigay ang financial/medical assistance para sa mga pasyente na hindi available ang niresetang gamot ng doktor.

Gayundin ay kasabay na nagsagawa ng Veterinary Medical Mission ang Office of the Provincial Veterinarian para naman sa mga may alagang hayop.

Nakiisa sa ginanap na programa sina Vice Governor Third Alcala, 3rd District Congressman Reynan Arrogancia, Board Member John Joseph Aquivido, Mayor Aris Aguirre, Vice Mayor Jay Castilleja, at ang lokal na pamahalaan.

Source: Quezon PIO

Kaalinsabay ng isinagawang Medical Mission sa bayan ng San Andres, Quezon | May 10, 2024

Kaalinsabay ng isinagawang Medical Mission sa bayan ng San Andres, Quezon, pinangunahan ni Governor Doktora Helen Tan ang ginanap na turn-over ceremony para sa bagong Barangay Health Center ng Brgy. Camflora ngayong araw, Mayo 10.
Malaking tulong ito upang magbigay tugon sa mga pangkalusugan na suliranin ng mga residente ng nasabing barangay.

Source: Quezon PIO

Distribution of Agricultural Inputs | May 10, 2024

Sa pagsisiguro ng Pamahalaang Panlalawigan sa pamumuno ni Governor Doktora Helen Tan na may maayos na kabuhayan ang mga nasa sektor ng sakahan at pangisdaan, isinagawa ngayong araw ng Biyernes, ika-10 ng Mayo ang Distribution of Agricultural Inputs para sa mga mangingisda at magsasaka ng bayan San Andres, Quezon.
Naipamigay ang iba’t-ibang kagamitan sa nasabing programa gaya ng Ammosul Fertilizer, PVC Hose, Manire Engine, Bottom Set Grill, Vegetables Seeds, Complete Fertilizer, Foliar Fertilizer, Seeding Tray, Knapsack Sprayer, at Grass Cutter.
Samantala, nagkaroon din ng oryentasyon para sa 20 na benepisyaryo ng Tulong Pangkabuhayan para sa Disadvantage/Displaced Workers (TUPAD).

Source: Quezon PIO

Lingap sa Mamamayan, Libreng Gamutan | May 10, 2024

TINGNAN: Mga kaganapan sa isinagawang “Lingap sa Mamamayan, Libreng Gamutan” o Medical Mission sa bayan ng San Andres, Quezon ngayong araw, Mayo 10.

Source: Quezon PIO

Provincial Climate Risk Diagnostic (PCRD) Technical Workshop | May 07-09, 2024

Sa patuloy na paghahanda tungo sa kaligtasan ng mga mamayan sa Lalawigan ng Quezon ginanap ang tatlong araw na Provincial Climate Risk Diagnostic (PCRD) Technical Workshop sa St. Jude Coop Hotel, Tayabas City.
Sa pagtutulungan ng Pamahalaang Panlalawigan, UNDP, at UN Habitat ay naisakatuparan ang PCRD workshop na sinimulan noong May 7 at nagtapos noong May 9.
Ito ay may kinalaman sa pagsiguro sa kaligtasan ng mga mamamayan sa pamamagitan ng mga proyekto at plano na dadaan sa tamang proseso ng risk assessment, identification of projects and programs na nakapaloob sa kalalabasan ng actual risk assessment sa table top assessment at actual conduct assessment sa mga bayan-bayan.
Layon ng tatlong araw na aktibidad na mas magiging maganda ang kolaborasyon sa iba’t ibang organisasyon gaya ng mga tanggapan sa kapitolyo, non-government organization at national government agencies.
Ibinahagi naman ni PDRRMO and SHIELD Program Focal point person na si Doc. Mel Avenilla Jr. na patuloy ang pagsasagawa ng aksyon ng Pamahalaang Panlalawigan ng Quezon sa pamumuno ng PDRRM Council sapagkat nagkaroon rin ng Incident Command Traning ang San Antonio at Rapid Damage Needs Assessment and Analysis Training ang Burdeos.
Source: Quezon PIO