NEWS AND UPDATE

Nakipagpulong kay Governor Doktora Helen Tan ang pamunuan ng Metro Pacific Agroventures Inc. | May 14, 2024

TINGNAN: Nakipagpulong kay Governor Doktora Helen Tan ang pamunuan ng Metro Pacific Agroventures Inc. para talakayin ang mais at dairy industry sa lalawigan ng Quezon kahapon, Mayo 14.
Malaking potensyal para sa mga magsasakang Quezonian ang pag-usbong ng industriya ng mais at dairy sa lalawigan, kung kaya’t natalakay sa pulong kung paano mahihikayat ang mga magsasaka sa dairy farming gayundin ang mga istratehiya kung paano mapapalago ito.

2024 SGLG Provincial Orientation | May 14, 2024

Nagsagawa ng 2024 SGLG o Seal of Good Governance Provincial Orientation na pinangunahan ng Department Interior and Local Government (DILG) – Quezon ngayong araw, Mayo 14 sa 3rd floor, Old Capitol Building, Lucena City.
Bahagi ito ng paghahanda ng Local Government Unit sa buong lalawigan ng Quezon upang maipasa ang 2024 SGLG para sa progresibong pag-unlad at mahusay na pamamahala ng bawat bayan.
Dito nakaayon ang isang LGU sa pagtupad at pag-abot ng mga adhikain tulad ng proyekto at programa sa mahusay na pamamaraan.
Source: Quezon PIO

Food and Drug Administration (FDA) Central Office | May 14, 2024

Produktibong nakapanayam ni Governor Doktora Helen Tan ang pamunuan ng Food and Drug Administration (FDA) Central Office sa isinagawang pagpupulong ngayong araw, Mayo 14.
Ilan sa napag-usapan sa pagpupulong ay ang kaugnay sa “Project Bigyang-halaga, Bangon MSMEs,” layunin ng nasabing programa na palakasin at tulungan ang mga lokal na negosyante partikular ang Micro, Small, and Medium sized Enterprises sa buong lalawigan ng Quezon sa pamamagitan ng pagbibigay ng karampatang trainings at seminar, at masiguro na sumusunod sa mga kinakailangang requirements upang mabigyan ng FDA authorization.
Sinisikap naman ng pamahalaang panlalawigan na matulungan ang MSME Sector, at makilala sa merkado ang mga lokal na produkto ng lalawigan ng Quezon.
Source: Quezon PIO

KADIWA ng Pangulo

Halina sa KADIWA ng Pangulo sa Kapitolyo, ngayong ika-16 ng Abril sa Perez Park,Lucena City! Mula 7am hanggang 6pm, maaring makabili ng mura at sariwang gulay at prutas, mga food and non-food products na gawang-Quezonian, at mga lutong pagkain.
Ito ay pangungunahan ng Pamahalaang Panlalawigan ng Quezon katuwang ng iba’t ibang mga ahensya ng pamahalaan bilang pakikiisa sa paghahangad ng ating Pangulong Ferdinand “Bongbong” Marcos Jr. na mailapit ang mga lokal at abot-kayang produkto ng ating mga magsasaka at maliliit na negosyante sa mga konsyumer.
Upang masulit ang pamimili ninyo, narito ang ilang paalala:
1. Ang mga gulay at perishables ay hanggang 12 ng tanghali lamang.
2. Mas mainam na magdala ng sariling ecobag ang mga mamimili.
Narito naman ang dapat tandaang mga petsa para sa muling pagsasagawa ng nasabing programa sa lalawigan ng Quezon:
• June 14, 2024 (Friday)
• July 16, 2024 (Tuesday
• August 15, 2024 (Thursday)
• September 13, 2024 (Thursday)
• October 15, 2024 (Tuesday)
• November 15, 2024 (Friday)
• December 13, 2024 (Friday)
Maraming salamat po!
Source: Quezon PIO

Pagbisita sa Pamahalaang Panlalawigan ng Bureau of Fire Protection – Quezon Provincial Office | May 14, 2024

Masayang pinaunlakan ni Governor Doktora Helen Tan ang pagbisita sa Pamahalaang Panlalawigan ng Bureau of Fire Protection – Quezon Provincial Office sa pangunguna na kanilang bagong Provincial Fire Marshal FSUPT Santos C. Gawongna kasama ang iba pang mga kawani ng nasabing tanggapan ngayong araw ng Martes, Mayo 14.
Naging bahagi ng usapan sa naturang kortesiya ang ilang mga kahilingan ng Provincial BFP sa paglalayong makapaghatid ng mas mabilis at epektibong pagtugon sa mga insidente partikular sa sunog na nangyayari sa iba’t-ibang parte ng lalawigan.
Patuloy na nagsisikap ang Pamahalaang Panlalawigan sa pangunguna ng Gobernadora na isa-isang matugunan ang mga kinakailangang tulong ng bawat ahensya sa lalawigan upang tuloy-tuloy na maihatid ang serbisyong aangkop sa mga pangangailangan ng bawat mamamayang Quezonian lalo na sa usaping seguridad at kaligtasan.
Source: Quezon PIO

Pagbisita sa Tanggapan ni Governor Doktora Helen Tan ang Philippine Rice Research Institute – Los Baños | May 14, 2024

Bumisita ngayong araw ng Martes, Mayo 14 sa tanggapan ni Governor Doktora Helen Tan ang Philippine Rice Research Institute – Los Baños upang magbigay ulat ng kanilang accomplishments gayundin ang estado ng pagsasaka ng palay sa lalawigan ng Quezon.
Naibahagi rin ang patungkol sa rice programs na nais maipatupad ng gobernadora, at paghahangad na magkaroon ng development registry system upang magkaroon ng monitoring sa sektor ng agrikultura.
Samantala, nakasama sa pagpupulong si Provincial Agriculturist Dr. Liza Mariano, Department of Agriculture Regional Director IV-A Fidel Libao, PhilRice Los Baños Director I Rhemilyn Relado-Sevilla, at iba pang kawani mula sa PhilRice Los Baños.
Source: Quezon PIO

Japanese Melon Harvest | May 14, 2024

TINGNAN: Nagtungo si Governor Doktora Helen Tan sa Bukid Amara na matatagpuan sa bayan ng Lucban, Quezon upang personal na anihin ang masusustansyang Japanese Melon at alamin kung paano nga bang matagumpay itong napalago.
Ayon kay Mr. Mike Caballes – may ari ng Bukid Amara, naging malaking hamon ang pagtatanim ng ganitong klaseng prutas, ngunit dahil sa pakikipagtulungan sa Department of Science and Technology (DOST) ay napalago at nagbunga ang iba’t-ibang variety ng melon gamit ang scientific farming method at fully operated greenhouse.
Hangad naman ng gobernadora na ma-adapt ang ginamit na teknolohiya o pamamaraan sa pagpapalago ng nasabing prutas upang makatulong na mas mapaunlad pa ang sektor ng agrikultura sa lalawigan ng Quezon.
Source: Quezon PIO

Governor Doktora Helen Tan visited the Senate today Monday, May 13 to meet and have a strong relationship with some senators for the betterment of the province of Quezon | May 13, 2024

Ika-96 Pangkaraniwang Pulong ng Sangguniang Panlalawigan ng Quezon | May 13, 2024

TINGNAN: Ika-96 Pangkaraniwang Pulong ng Sangguniang Panlalawigan ng Quezon
Sa pangunguna ni Vice Governor Third Alcala, ginanap ang ika-96 Pangkaraniwang Pulong ng Sangguniang Panlalawigan ng Quezon ngayong araw ng Lunes, Mayo 13 para sa patuloy na pag-aapruba ng iba’t-ibang ordinansa, resolusyon, atas tagapagpaganap, at panukala na naglalayong makatulong upang mapaunlad ang pamumuhay ng mga mamamayan sa lalawigan ng Quezon.

Isa sa napagtibay ang liham ay mula sa tanggapan ni Governor Doktora Helen Tan, ang Supplemental Budget No. 2 (General Fund and Economic Enterprise) para sa kasalukuyang taon.

Samantala, nagkortesiya naman sa nasabing pulong si Ms. Joyce Anne Garduque na pasok sa mga opisyal na kandidata ng Binibining Pilipinas 2024.

Source: Quezon PIO

Swim for A Cause | Mauban, Quezon | May 13, 2024

Ating tunghayan ang isa na namang makabuluhang aktibidad na magaganap sa Bayan ng Mauban at Lalawigan ng Quezon.

Tatawirin ni Mr. Niel A. Parco ang Cagbalete Island patungong Brgy Cagsiay II sa bayan ng Muaban Quezon, sa pamamagitan ng “Paglangoy” sa distansya na 6.9km.

Layunin ng aktibidad na ito na (1) mai-promote ang Turismo sa bayan ng Mauban at lalawigan ng Quezon, (2) makapagbigay ng kaalaman patungkol sa maayos na kalusugan, at (3) tulong sa rehabilitasyon ng Stroke patient na si Mr. Darren De Gala.

Sa Tulong ng mga katuwang na Ahensya ay naging posible ang aktibidad na ito!

Click Video’s Link