NEWS AND UPDATE

Ribbon Cutting of School Buildings | May 17, 2024

Dekalidad na Edukasyon para sa Lahat ng Kabataang Quezonian!
Sa pamumuno ng Gobernadora ng Lalawigan, Doktora Helen Tan, isinagawa ngayong araw ng Biyernes, ika-17 ng Mayo ang Ribbon Cutting para sa bagong Typhoon Resilient School Buildings para sa Pamatdan Elementary School at Languyin Elementary School na parehong matatagpuan sa bayan ng Polillo, Quezon.
Ang bagong school building ng Pamatdan Elementary School ay may kabuuang pondong mahigit 6.2 milyong piso, samantalang ang Languyin Elementary School ay nagkakahalaga ng 8 milyong piso.
Samantala, naipagkaloob din ang kaparehong proyekto sa bayan ng Burdeos na kung saan ay nakapagtayo ng 2 buildings – 5 classroms sa Calutcot Integrated School na nagkakahalaga ng mahigit 15.3 milyong piso at 2 buildings – 7 Classroom naman para sa Carlagan Integrated School na nagkakahalaga ng mahigit 21.7 milyong piso.
Pinapatakbo naman ng 12 panels na Solar Power at mayroon ding Water Collector ang nabanggit na mga bagong gusali.
Source: Quezon PIO

Pagpulong ni Governor Doktora Helen Tan sa mga Miyembro ng Bantay Dagat | May 17, 2024

Matapos ipagkaloob ang Patrol Boat para sa mga bayang Isla ng Polillo at Burdeos, pinulong ni Governor Doktora Helen Tan ang mga miyembro ng Bantay Dagat sa nasabing mga bayan ngayon araw ng Biyernes ika-17 ng Mayo.
Pinaalalahanan ng gobernadora ang mga Bantay Dagat na malaki ang kanilang ginagampanang tungkulin upang masugpo ang mga illegal na gawain sa karagatan lalo na ang illegal fishing na labis na nakakaapekto sa mga lokal na mangingisda ng Polillo Group of Islands.
Source: Quezon PIO

Blessing of Sea Ambulance and Patrol Boat | May 17, 2024

Sa inisyatibo ni Governor Doktora Helen Tan, isinagawa ngayong araw ng Biyernes, Mayo 17 ang pagbabasbas ng bagong Sea Ambulance at Patrol Boat para sa islang bayan ng Polillo na mapapakinabangan din ng iba pang island municipalities sa POGI Area.
Ayon sa gobernadora, ang pondo ng Sea Ambulance ay nagmula sa 20% Development Fund na magsisilbing daan para sa mas mabilis na pagtatawid ng mga pasyente patungo sa main land ng lalawigan, habang ang pondo ng Patrol Boat naman ay galing sa General Fund na napagdesisyonang may outrigger upang agarang makaresponde sa anumang ilegal na pangingisda at gawain sa Lamon Bay.
Target din na mabigyan ng Sea Ambulance ang bawat islang bayan sa POGI area, upang masigurong matutugunan ng mas maagap ang medikal na pangangailangan ng mga mamamayan nito.
Samantala, magbibigay naman ng rescue boat para sa bayan ng Burdeos na handog ng PDRMMO na magagamit sa pagtugon sa anumang sakunang maaaring mangyari sa karagatan
Source: Quezon PIO

Congratulations Ma’am Norli and to all the awardees! – 27th Gawad Parangal 2024

Congratulations Ma’am Norli and to all the awardees!
Ms. Norliza N. Labitigan of the Provincial Social Welfare and Development Office (PSWDO) received her award as the Outstanding LSWDO of the Philippines (PSWDO Rank and File) at the 27th National Social Welfare and Development Convention and General Assembly on Wednesday (May 15) at the Iloilo Convention Center, Megaworld Blvd., Mandurriao, Iloilo City.
Similarly, other awardees from Quezon are Mr. Leo James M. Portales. MSWDO Real – Outstanding MSWDO 1st to 3rd Class Municipality; Ms. Cepriana A. Montiero, MSWDO Dolores – Outstanding MSWDO 4th to 5th Class Municipality; Hon. Webster D. Letargo, LCE of Gumaca, Outstanding Municipal Mayor in Social Service 1st to 2nd Class Municipality; Hon. Orlan Calayag, LCE of Dolores – Outstanding Municipal Mayor in Social Service 4th to 5th Class Municipality; and Ms. Cristine Lacuna, Retiree and Former MSWDO of Polillo, Quezon.
The forum was organized by the Association of Local Social Welfare and Development Officers of the Philippines. Inc. (ALSWODOPI) with the theme, Unifying Forces: Local Government Units’ Catalyst of Collective Action, Social Movements, and Social Change”.
More than 2,000 local social welfare and development officers and social workers from different local government units attended.
Source: Quezon PIO

Pahiyas Festival | May 15, 2024

Yanong Rikit at Baling Ganda sa bayan ng Lucban, Quezon!
Napuno ng kulay at saya ang bayan ng Superstar sa pagdiriwang ng Pahiyas Festival ngayong taon, kung saan nakiisa si Governor Doktora Helen Tan upang personal na tunghayan ang magagarbong palamuti sa mga bahay tulad ng gulay at kiping.
Bahagi rin sa nasabing kapistahan ang pasasalamat at pagkilala sa kanilang patron na si San Isidro Labrador para sa masaganang ani at umaagos na yamang-kultural ng mga Lucbanin.
Samantala, nakasama rin ng gobernadora ngayong araw, Mayo 15 sina Sen. Imee Marcos, Congresswoman Camille Villar, Vice Governor Third Alcala, Congressman Mark Enverga, former Congresswoman Trina Enverga, at Lucban Mayor Tenten Villaverde.
Source: Quezon PIO

KADIWA ng Pangulo | May 15, 2024

Ginanap ang KADIWA ng Pangulo sa Kapitolyo ngayong araw ng Miyerkules, Mayo 15 sa Perez Park, Lucena City.
Ito na ang ika- limang pagkakataon na mabibili ang mga produktong lokal gaya ng bigas, itlog, gulay, prutas at iba pa sa murang halaga.
Patuloy ang suporta at pakikiisa ng Pamahalaang Panlalawigan sa programang ito ng Nasyunal na nagbibigay ng malaking tulong sa mga kababayang Quezonian upang makapamili ng mga bilihing bagsak presyo.
Abangan ang muling pagsasagawa ng proyektong inisyatibo ni Pangulong Ferdinand “Bongbong” Marcos Jr. sa mga sumusunod na petsa:
• June 14, 2024 (Friday)
• July 16, 2024 (Tuesday
• August 15, 2024 (Thursday)
• September 13, 2024 (Thursday)
• October 15, 2024 (Tuesday)
• November 15, 2024 (Friday)
• December 13, 2024 (Friday)
Source: Quezon PIO

Pagkortesiya sa tanggapan ni Governor Doktora Helen Tan ang National Commission on Indigenous Peoples (NCIP) kasama ang bagong halal na NCIP Provincial Officer Eddielito J. Sumangil | May 14, 2024

TINGNAN: Nagkortesiya nitong araw ng Martes, Mayo 14 sa tanggapan ni Governor Doktora Helen Tan ang National Commission on Indigenous Peoples (NCIP) kasama ang bagong halal na NCIP Provincial Officer Eddielito J. Sumangil upang ilahad ang mga programa at proyekto na makakatulong sa mga katutubo ng Lalawigan ng Quezon.
Source: Quezon PIO

Nakipagpulong kay Governor Doktora Helen Tan ang pamunuan ng Metro Pacific Agroventures Inc. | May 14, 2024

TINGNAN: Nakipagpulong kay Governor Doktora Helen Tan ang pamunuan ng Metro Pacific Agroventures Inc. para talakayin ang mais at dairy industry sa lalawigan ng Quezon kahapon, Mayo 14.
Malaking potensyal para sa mga magsasakang Quezonian ang pag-usbong ng industriya ng mais at dairy sa lalawigan, kung kaya’t natalakay sa pulong kung paano mahihikayat ang mga magsasaka sa dairy farming gayundin ang mga istratehiya kung paano mapapalago ito.

2024 SGLG Provincial Orientation | May 14, 2024

Nagsagawa ng 2024 SGLG o Seal of Good Governance Provincial Orientation na pinangunahan ng Department Interior and Local Government (DILG) – Quezon ngayong araw, Mayo 14 sa 3rd floor, Old Capitol Building, Lucena City.
Bahagi ito ng paghahanda ng Local Government Unit sa buong lalawigan ng Quezon upang maipasa ang 2024 SGLG para sa progresibong pag-unlad at mahusay na pamamahala ng bawat bayan.
Dito nakaayon ang isang LGU sa pagtupad at pag-abot ng mga adhikain tulad ng proyekto at programa sa mahusay na pamamaraan.
Source: Quezon PIO

Food and Drug Administration (FDA) Central Office | May 14, 2024

Produktibong nakapanayam ni Governor Doktora Helen Tan ang pamunuan ng Food and Drug Administration (FDA) Central Office sa isinagawang pagpupulong ngayong araw, Mayo 14.
Ilan sa napag-usapan sa pagpupulong ay ang kaugnay sa “Project Bigyang-halaga, Bangon MSMEs,” layunin ng nasabing programa na palakasin at tulungan ang mga lokal na negosyante partikular ang Micro, Small, and Medium sized Enterprises sa buong lalawigan ng Quezon sa pamamagitan ng pagbibigay ng karampatang trainings at seminar, at masiguro na sumusunod sa mga kinakailangang requirements upang mabigyan ng FDA authorization.
Sinisikap naman ng pamahalaang panlalawigan na matulungan ang MSME Sector, at makilala sa merkado ang mga lokal na produkto ng lalawigan ng Quezon.
Source: Quezon PIO

« Previous Page