NEWS AND UPDATE

Nagsagawa ng 1st Quarterly Meeting ang Provincial Council for the Protection of Children (PCPC) | February 21, 2025

Upang higit na mabantayan ang karapatan ng mga bata at matiyak ang kanilang kapakanan, nagsagawa ng 1st Quarterly Meeting ang Provincial Council for the Protection of Children (PCPC) ngayong araw ng Biyernes, Pebrero 21, sa Kalilayan Hall, Lucena City.

Layunin ng pagpupulong na patuloy na magplano at magpatupad ng mga proyekto upang mas mapalakas at maprotektahan ang kabataan laban sa pang-aabuso, kalupitan, diskriminasyon, at iba pang anyo ng paglabag sa kanilang mga karapatan.

Ito ay isinasakatuparan sa pamamagitan ng pakikipag-ugnayan sa mga LGUs sa bawat munisipalidad ng Quezon at mga lokal na stakeholders tulad ng mga Non-Government Organizations (NGOs), Youth Organizations, at iba pang child-focused institutions, upang matiyak na naisusulong ang mga programang nakaangkla sa mga batas na nagpoprotekta sa mga bata.

Asahan ang patuloy na pagsusumikap ng Pamahalaang Panlalawigan sa pangunguna ni Governor Doktora Helen Tan upang matiyak ang isang ligtas at maayos na kapaligiran para sa lahat ng batang Quezonian.

Quezon PIO

Kaunahang Urgent Care Center sa Quezon Province pinasinayaan na | February 21, 2025

Malugod na pinasinayaan ang kaunahang Urgent Care Center sa Lalawigan ng Quezon, Emergency Room, at Outpatient Pharmacy ng Lucena United Doctors Hospital and Medical Center (LUDHMC), ngayong araw ng Biyernes, Pebrero 21, sa LUDHMC Brgy. Isabang, Lucena City.

Ang programa ay pinangunahan ni LUDHMC President and CEO Maria Louzel Diaz-Tiozon, kung saan, dinaluhan ito ni Governor Doktora Helen Tan kasama sina Vice Governor Third Alcala, QPHN-QMC Chief of Hospital Dr. Juan Eugenio Fidel B. Villanueva at iba pang Department Heads mula sa Pamahalaang Panlalawigan, LUDHMC Board of Directors, Group Chief Executive of Metro Pacific Health (MPH) Mr. Harish Pillai, at mga delegado mula sa MPH.

Layunin ng LUDHMC na mas mapabilis pa ang kanilang pagaabot ng serbisyong medikal sa pamamagitan ng newly upgraded Emergency Room, Outpatient Pharmacy at Urgent Care Center. Ang all-in-one na pasilidad ay magbibigay daan upang mabawasan ang gastos at biyahe ng mga pasyente dahil lahat ng kanilang pangangailangan ay nasa isang lugar na.

Nabigyan diin din, na ang LUDHMC ay kinilala bilang First MARINA-accredited hospital sa Quezon Province at nasa Tier 2 na ng Acute Stroke Accreditation mula sa Stroke Society of the Philippines.

Asahan ang “Mas Pinabilis, Mas Pinadali, at Mas Maasahan” na pagaabot ng serbisyong medikal para sa mga nangangailan nito.

#LUDHMCURGENTCARECENTER #LUDHMCINAUGURATION #HEALINGQuezon

Quezon PIO

MABUHAY ANG MGA QUEZONIAN ARTISTS! | February 21, 2025

MABUHAY ANG MGA QUEZONIAN ARTISTS!

Narito ang mga naging kaganapan sa matagumpay na pagdiriwang ng ORANGE TOURISM FESTIVAL 2025 bilang pakikiisa sa National Arts Month ngayong taon, kung saan nama’y buong-pusong namayagpag ang malikhaing talento at kagalingan ng mga Quezonian artist sa iba’t ibang sining.

Video Link: https://www.facebook.com/share/v/1QWafoGirF/

#OrangeTourismFestival2025 #SerbisyongTunayAtNatural #HEALINGQuezon

Quezon PIO

Lucena United Doctors Hospital and Medical Center (LUDHMC) Emergency Room and Urgent Care Center Inauguration | February 21, 2025

Lucena United Doctors Hospital and Medical Center (LUDHMC) Emergency Room and Urgent Care Center Inauguration.

February 21, 2025 | Lucena City

Link: https://www.facebook.com/share/v/1DCmXjYSAs/

Quezon PIO

Orange Tourism Festival – Culminating Performance | Febraury 20, 2025

BIDA ANG MALIKHAING PUSO AT KAISIPAN NG MGA QUEZONIAN!

Matagumpay na naidaos ang huling araw ng aktibidad kaugnay sa pagdiriwang ng Orange Tourism Festival bilang pakikiisa sa National Arts Month 2025 sa pangunguna ng Quezon Provincial Tourism Office sa pamumuno ni Nesler Louies Almagro ngayong araw ng Huwebes, Pebrero 20 sa Quezon Convention Center, Lucena City.

Sa naturang selebrasyon, nagkaroon ng presentasyon at pagtatanghal ang mga nakilahok mula sa iba’t-ibang larangan ng sining kabilang ang Dance, Music, Painting, Literature, COCOlinary, Film, Theatre Arts, at Architecture kung saan ipinakita ang kanilang mga natutunan sa loob ng dalwang araw na talakayan at workshop sa tulong ng mga kaalaman na ibinahagi ng mga eksperto.

Ang mga ito ay pagpapakita ng muling pagpapasigla at pagbuhay ng sining sa lalawigan, isang patunay na patuloy na ipinagmamalaki at pinangangalagaan ang malikhaing diwa ng bawat Quezonian.

Kaya’t asahan pa ang mas maraming proyekto at programang magbibigay ng mas malawak na pagpapahalaga at puwang para sa mga talento, ideya, at obra na sumasalamin sa mayamang kultura at sining sa lalawigan ng Quezon.

Quezon PIO

Jail Inspector Ma. Stephanie Matira, Pinarangalan sa Pagbisita kay Governor Helen Tan | February 20, 2025

Malugod na tinanggap ni Governor Doktora Helen Tan ang pagbisita ni Jail Inspector Ma. Stephanie C. Matira sa Kapitolyo ngayong Huwebes, Pebrero 20.

Nagdala ng karangalan sa lalawigan si Jail Inspector Matira nang kilalanin siya bilang Top 2 ng pioneer batch na “Sandata ng Diyos na Gagabay sa Mamamayan Tungo sa Layuning Mag-alay ng Serbisyong Tapat at Mahusay” o “SANDIGMANLAYA” Class of 2024.

Si Jail Inspector Matira ay nagmula sa bayan ng Padre Burgos, Quezon, at nagtapos sa Philippine Public Safety Academy (PPSA). Matapos ang dalawang taon ng cadetship, siya ay magseserbisyo bilang kawani ng Bureau of Jail Management and Penology (BJMP).

Samantala, saludo ang Pamahalaang Panlalawigan sa mga kahanga-hangang Quezonian na patuloy na nagpapamalas ng hindi matatawarang dedikasyon upang makapaglingkod sa bayan at lalawigan.

Quezon PIO

Job Opening – Supervalue Inc. (SM Supermarket) | February 20, 2025

Ang Quezon Provincial Public Employment Service Office ay magsasagawa ng Local Recruitment Activity sa pakikipagtulungan ng Supervalue Inc. sa ika-26 ng Pebrero, 2025 (Miyerkules) na gaganapin sa Bulwagang Kalilayan, Governor’s Mansion Grounds sa ganap na ika-8:00 ng umaga hanggang ika-4:00 ng hapon. Isasagawa ang nasabing aktibidad para sa pagbubukas ng trabaho para sa mga posisyong Customer Assistant, Cashier, Bagger, at Store Clerk.

MGA KWALIPIKASYON:

(10) CUSTOMER ASSISTANTS

• Female

• 23 years old and above

• Any Bachelor’s degree

• With or without experience

(10) CASHIERS

• Female

• 18 years old and above

• High School Graduate/ College Level Graduate (any course)

• With or without experience

(20) BAGGERS

• Male

• 18 years old and above

• High School Graduate/ College Level Graduate (any course)

• With or without experience

(10) STORE CLERKS

• Male

• 18 years old and above

• High School Graduate/ College Level Graduate (any course)

• With or without experience

LOCATION/ AREA OF ASSIGNMENT: LUCENA, CITY

Para sa mga nais makibahagi sa aktibidad, i-scan ang QR na makikita sa ibaba para sa link ng Pre-Registration. Magdala ng RESUME, ID at panulat.

Quezon PIO / PESO

Mga Bagong Opisyal ng LIKAS-QUEZON Inc., Opisyal nang Nanumpa kay Governor Helen Tan | February 20, 2025

Opisyal nang nanumpa sa tanggapan ni Governor Doktora Helen Tan ang mga miyembro ng Liga ng mga Kalihim ng Sanggunian ng Quezon (LIKAS-QUEZON) Inc. para sa taong 2025-2026, ngayong araw ng Huwebes, Pebrero 20.

Ang LIKAS-QUEZON Inc. ay kabilang sa Philippine League of Secretaries to the Sanggunian Inc. (PLEASES)–Quezon Chapter. Sa kanilang panunumpa, buong puso nilang tinanggap ang tungkulin at responsibilidad na kaakibat ng pagkakaluklok sa puwesto.

Samantala, umaasa ang Pamahalaang Panlalawigan na patuloy na maglilikod ang mga opisyal upang maging kaisa ng probinsya sa pagbibigay ng serbisyo para sa kapakinabangan ng bawat mamamayan sa lalawigan.

Quezon PIO

Young Local Artist ng Quezon, Kinilala at Pinarangalan ni Governor Helen Tan | February 20, 2025

Nagkortesiya sa tanggapan ni Governor Doktora Helen Tan ang Young Local Artist ng Quezon Province na si Carl Anthony I. Catapang, ngayong araw, Pebrero 20.

Masayang pinaunlakan ng Gobernadora ang pagbisita at hinangaan ang angking galing at talento ng nasabing local artist.

Si Carl Anthony Catapang ay mula sa bayan ng Padre Burgos at kamakailan ay kinilala bilang local artist sa lalawigan. Ito ay matapos siyang magpakita ng natatanging talento sa larangan ng arts and culture at makatanggap ng iba’t ibang parangal at pagkilala sa loob at labas ng bansa. Ilan sa kanyang natanggap ay ang Natatanging Sinag Quezonian 2024, Natatanging Kabataan na Alagad ng Sining at Kultura ng Timog-Katagalugan Region 4A at 4B, at Featured Artist sa Le Des en Arte sa Mexico para sa kanyang obra na “Ugly Duckling”.

Asahan namang patuloy na ipagmamalaki at susuportahan ng Pamahalaang Panlalawigan ang mga Quezonian na namamayagpag sa kani-kanilang piling larangan.

Quezon PIO

Provincial Health Office Matagumpay na Nagsagawa ng Consignment Consultative Meeting sa Quezon | February 20, 2025

Sa inisyatibo ng Provincial Health Office tagumpay na ginanap ngayong araw ng Huwebes, Pebrero 20, ang Consignment Consultative Meeting, sa 3rd floor Capitol Building, Lucena City.

Layunin ng pagpupulong na matalakay ang kalagayan ng consignment report ng bawat district hospital sa lalawigan ng Quezon. Gayundin ay mabigyang linaw at kasagutan ang mga suliranin patungkol dito.

Bilang parte ng pagpupulong, isa sa nagbigay ng presentasyon ang kinatawan mula sa Office of the Provincial Accountant kung saan nagpakita siya ng halimbawa ng sales summary at inventory monitoring consignment na maaaring makatulong upang maayos at organisadong maisagawa ang report at inventory ng mga ospital.

Samantala, muling ipinaalala ni Governor Doktora Helen Tan na mahalagang magkaroon ng maayos na record ng report at inventory sa bawat ospital upang agad na makatugon kapag ito’y kinailangan.

Ang pagpupulong ay dinaluhan ng mga kawani mula sa Provincial Health Office sa pangunguna ni Dra. Kristin Mae-Jean Villaseñor, mga kawani mula sa Office of the Provincial Accountant, Provincial General Service Office, at mga kawani mula sa iba’t ibang district hospital sa lalawigan ng Quezon.

Quezon PIO

« Previous Page