NEWS AND UPDATE

Veterinary Medical Mission | February 28, 2025

Veterinary Medical Mission | February 28, 2025

Ang Office of the Provincial Veterinarian ay muling nakasama sa paghahatid ng mga serbisyo mula sa Pamahalaang Panlalawigan sa pamamagitan ng Governor’s Caravan na handog ng ating napakasipag na Governor Doktora Helen Tan, para sa mga Quezonians.

Nakapagbigay ang tanggapan ng veterinary services sa 149 nating kalalawigan sa mga bayan ng Calauag at Tagkawayan Quezon. May bilang na 14 na mga aso at pusa ang nabakunahan laban sa rabies at 3,325 na mga hayop ang nabigyan ng bitamina, pamurga, at nakinabang sa libreng konsultasyon.

Ang grupo mula sa tanggapan ay binubuo nina Dr. Camille Calaycay, at mga livestock technicians, sa pakikipag-ugnayan na rin sa mga Offices of the Municipal Agriculturist ng Calauag at Tagkawayan Quezon sa pangunguna nina MA Maybel Espino at MA Juanito Panganiban.

#provetquezon #ProvincialGovernmentofQuezon #VeterinaryServices

Quezon ProVet

Kalinga sa Mamamayan Libreng Gamutan sa Tagkawayan, Quezon | February 27, 2025

Kalinga sa Mamamayan Libreng Gamutan sa Tagkawayan, Quezon | February 27, 2025

Sa hangarin na makapaghatid ng serbisyong pangkalusugan sa bawat mamamayan ng Lalawigan ng Quezon, isinagawa ang Medical Mission, “Kalinga sa Mamamayan, Libreng Gamutan” sa Brgy. San Isidro Tagkawayan, Quezon, nitong araw ng Miyerkules Pebrero 26.

Ang medical mission ay inisyatibo ni Governor Doktora Helen Tan, katuwang ang Pamahalaang Panlalawigan ng Quezon, kasama sina Vice Governor Third Alcala, 4th District Congressman Atorni Mike Tan, Board Member Harold Butardo, Board Member Angelo Eduarte, mga Private Doctors, at mga espesyalista na nagmula sa East Avenue Medical Center, Rizal Medical Center, Batangas Medical Center, Quezon Medical Center, Southern Luzon Command, Bicol Medical Center, RAKKK Prophet Medical Center, at Provincial Health Office (PHO) upang mahatidan ng libreng gamutan ang mga mamamayan sa nasabing bayan.

Nahandugan ang 1799 na indibidwal ng Medical Consultation, Dental Extraction, Minor Surgery, Cholesterol, X-Ray, FBS/RBS, CBC, ECG Uric Acid, Urinalysis, Ultrasound, libreng Tuli at mga libreng gamot. Kabilang din sa naipagkaloob ang libreng pagpapatingin sa mata at libreng salamin para sa lubos na nangangailangan.

Kasama ring naghatid ng serbisyo ang Office of the Provincial Veterinarian, kung saan may 2513 benepisyaryo ang nakinabang sa libreng konsultasyon at pagbabakuna ng anti-rabies.

Samantala, asahan at abangan ang mga susunod na bayan na bababaan ng serbisyong medikal para sa mga Quezonian.

#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025

Quezon PIO

Local Recruitment Activity (LRA) – Supervalue, Inc. (SM Supermarket-Lucena) | February 27, 2025

Local Recruitment Activity (LRA) – Supervalue, Inc. (SM Supermarket-Lucena) | February 27, 2025

Matagumpay na naisagawa ng Quezon Provincial Public Employment Service Office ang Local Recruitment Activity (LRA) katuwang ang Supervalue, Inc. (SM Supermarket-Lucena) kahapon, ika- 26 ng Pebrero, 2025. Ang nasabing aktibidad ay idinaos sa Bulwagang Kalilayan, Governor’s Mansion Grounds na dinaluhan ng kabuuang bilang na apatnapung (40) aplikante na nagmula sa lalawigan ng Quezon.

Sa kabuuan ay nagkaroon ng labingwalo (18) na Hired-On-The-Spot na pinagkalooban ng mga posisyong Customer Service Assistants, Stock Clerks, Cashiers at Baggers. Ang pagsasakatuparan ng ganitong aktibidad ay kabilang sa pangunahing layunin ng tanggapan at ng Pamahalaang Panlalawigan ng Quezon na maiangat ang antas ng trabaho sa lalawigan at patuloy na makapaghandog ng oportunidad sa mga mamamayang Quezonian.

Quezon PIO

Oath-taking Ceremony and Basic Orientation Program of 4 re-appointed employees of Quezon Provincial Hospital Network (QPHN) | February 27, 2025

Oath-taking Ceremony and Basic Orientation Program of 4 re-appointed employees of Quezon Provincial Hospital Network (QPHN) | February 27, 2025

Sa pangunguna ni Governor Doktora Helen Tan, tagumpay na naisagawa ang Oath-taking Ceremony and Basic Orientation Program para sa 4 na re-appointed employees ng Quezon Provincial Hospital Network (QPHN) mula sa Sampaloc, Lopez, at Atimonan at empleyado mula sa Provincial Government Environment and Natural Resources Office (PGENRO), ngayong araw ng Huwebes, Pebrero 27.

Sa naturang programa, pormal na nanumpa ang mga empleyado at muling tinanggap ang responsibilidad na kaakibat ng kanilang pagseserbisyo. Kaugnay nito, nagkaroon din ng maikling oryentasyon patungkol sa inaasahang tungkulin na kanilang gagampanan bilang kawani ng gobyerno.

Samantala, masayang binati ni Governor Tan ang mga empleyado at umaasa na makakatuwang sila ng Pamahalaang Panlalawigan sa pagpapaabot ng dekalidad na serbisyo para sa mamamayang Quezonian.

Ang nasabing seremonya ay dinaluhan ng mga kawani mula sa Provincial Health Office (PHO) sa pangunguna ni Dra. Kristin Mae-Jean Villaseñor, mga kawani mula sa Provincial Human Resource Management Office sa pangunguna ni PHRMO Rowell Napeñas, at mga kawani mula sa Provincial Government Environment and Natural Resources (PGENRO).

Quezon PIO

Gov. Helen Tan visited Maria L. Eleazar General Hospital – Brgy. Munting Parang Tagkawayan, Quezon | February 27, 2025

Gov. Helen Tan visited Maria L. Eleazar General Hospital – Brgy. Munting Parang Tagkawayan, Quezon | February 27, 2025

Matapos ang Medical Mission sa Brgy. San Isidro nagtungo naman si Governor Doktora Helen Tan sa Brgy. Munting Parang Tagkawayan, Quezon para bisitahin ang Maria L. Eleazar General Hospital, nitong Miyerkules, Pebrero 26.

Sa kasalukuyan, ipinapagawa ng Department of Health (DOH) ang nasabing ospital upang maging level 3 Hospital. Sa paraang ito ay mas mapapalawak at mapaparami pa ang maseserbisyuhang mamamayan ng Tagkawayan at kalapit lalawigan; Camarines Sur, at Camarines Norte.

Samantala, laging handang tumulong at sumubaybay si Governor Doktora Helen Tan sa pagpapagawa ng Maria L. Eleazar General Hospital upang matapos ito sa lalong madaling panahon at mapakinabangan ng maraming mamamayan.

Quezon PIO

Distribution of Agricultural Inputs – Tagkawayan, Quezon | February 27, 2025

Distribution of Agricultural Inputs – Tagkawayan, Quezon | February 27, 2025

Hindi lang pangkalusuganan ang handog ng Pamahalaang Panlalawigan sa bayan ng Tagkawayan, namahagi rin si Governor Doktora Helen Tan ng mga Agri-inputs sa mga mangingisda at magsasaka sa Brgy. San Isidro Tagkawayan, Quezon nitong Pebrero 26.

Sa kasalukuyan, malaki ang hinaharap na problema ng mga maliit na mangingisda dahil sa Fisheries Code of 1998 (RA 8550) at sa naamyendahang batas na RA 10654 ito ay sa pagpayag ng Korte Suprema na mangisda na ang mga commercial Fishing vessels sa municipal water o 15 kilometro mula sa baybayin sa dagat, dahilan upang magkaroon ng kakumpetensya ang maliliit sa malalaking mangingisda.

Kaya naman, namahagi ang Pamahalaang Panlalawigan ng Bottom Set Gill Net #04, at Bottom Set Gill Net #07, para sa maayos at masaganang-huli ng mga maliliit na mangingisda.

Kasabay nito, namahagi rin ng mga Organic Fertilizer, Assorted Vegetables Seeds, Fertilizer at iba’t ibang equipment para sa mga coconut Farmer, at magsasaka para sa dagdag kagamitan sa kanilang pagtatanim.

Samantala, tuloy-tuloy ang Pamahalaang Panlalawigan sa pagbibigay ng serbisyo na tutugon sa pangangailangan ng mga mamamayang Quezonian.

Quezon PIO

Resilience Local Government System Scorecard (RLGSS) Contextualization and Baselining in Quezon | February 26, 2025

Resilience Local Government System Scorecard (RLGSS) Contextualization and Baselining in Quezon | February 26, 2025

Matagumpay na sinimulan ang unang araw ng 3-day workshop para sa Resilience Local Government System Scorecard (RLGSS) Contextualization and Baselining in Quezon na ginanap ngayong araw, Miyerkules, Pebrero 26, sa Queen Margarette Hotel, Brgy. Domoit, Lucena City.

Pinangunahan ito ng Provincial Disaster Risk Reduction Management Office (PDRRMO) sa ilalim ng pamumuno ni Dr. Melchor P. Avenilla, Jr. kasama ang Strengthening Institution and Empowering Localities Against Disasters and Climate Change (SHIELD).

Layunin ng programang ito na magkaroon ng masusing pag-unawa sa kahalagahan ng partisipasyon ng iba’t ibang sektor sa lalawigan na kaakibat para maabot ang “Resilience” sa Leadership at Governance (L&G), at sa Science and Technology (S&T) na makakatulong sa pagkamit ng “Resilience” sangayon sa Scorecards.

Tinalakay dito ni National Resilience Council (NCR) Resilience Officer, Mutya Camba, at UNDP-SHIELD Provincial Associate, Sandra Corpuz, ang mga proyekto ng SHIELD para sa taong 2025, ang kalahagahan ng pagiging resilient, at Stakeholder Mapping and Analysis upang masolusyunan ang pagkakaiba sa pagitan ng mga stakeholders. Habang nabigyang diin ang Scorecard na tatalakayin naman sa mga susunod na araw.

Dinaluhan ito ni Provincial Administrator Manuel Butardo kasama ang mga kinatawan mula sa iba’t ibang departamento ng Pamahalaang Panlalawigan, Southern Luzon State University (SLSU) CHERM, Philippine National Police (PNP), Philippine Chamber of Commerce and Industry (PCCI) Quezon Province, Department of the Interior and Local Government (DILG), Philippine Institute of Environmental Planners (PIEP) Quezon Chapter, National Food Authority (NFA), Tanggol Kalikasan, Department of Science and Technology (DOST), Girls Scout of the Philippines (GSP) Quezon Council, at Association of Local Social Welfare and Development Officers of the Philippines, Inc. (ALSWDOPI) Quezon.

Asahan na patuloy ang suporta ng Pamahalaang Panlalawigan para maging handa at matatag sa harap ng sakuna.

#SerbisyongTunayAtNatural #HEALINGQuezon #SHIELDResilience

Quezon PIO

Mga Ahensya sa Quezon, Nagsagawa ng Paghahanda para sa Semana Santa 2025 | February 26, 2025

Mga Ahensya sa Quezon, Nagsagawa ng Paghahanda para sa Semana Santa 2025 | February 26, 2025

Bilang paghahanda para sa nalalapit na Holy Week, nagsagawa ng Preparedness Measure for 2025 Semana Santa ngayong araw ng Miyerkules, Pebrero 26 ang iba’t ibang ahensya mula sa lalawigan ng Quezon.

Sa inisyatibo ni Governor Doktora Helen Tan pinangunahan ito ni QPDRRMO Dr. Melchor Avenilla Jr. katuwang ang Northern & Southern Philippine Coast Guard (PCG), Department of Public Works and Highways (DPWH), Quezon Provincial Disaster Risk Reduction and Management Office (QPDRRMO), Quezon Provincial Police Office (QPPO), Bureau of Fire Protection (BFP), Department of the Interior and Local Government (DILG), Maritime Police Station (MARPSTA), KABALIKAT CIVICOM, Tactical Operation Group (TOG), Provincial Health Office (PHO), District Engineering Office (DEO), at Provincial Social Welfare and Development Office (PSWDO).

Sa naturang pagpupulong tinalakay ang inisyal na plano patungkol sa kaayusan sa transportasyon at trapiko, Inspeksyon sa mga pantalan at pampublikong sasakyan, kahandaan sa sakuna at emerhensiya, pagbibigay ng gabay sa mga biyahero upang maiwasan ang anumang banta sa seguridad, tulad ng krimen o terorismo gayondin na matiyak ang kaligtasan at kaayusan sa mahal na araw.

Quezon PIO

« Previous Page Next Page »