QPHN-Unisan (Visitation) | March 11, 2025

Unisan, Quezon

Recorder Live: Click Me

Quezon PIO

Local Recruitment Activity – Tierra Verdosa Services Corp | March 11, 2025

Pinangunahan ng Quezon Provincial Public Employment Service Office (PESO) katuwang ang mga PESO ng LGU Tagkawayan at Calauag ang Local Recruitment Activity kaagapay ang Tierra Verdosa Services Corp noong ika-5 ng Marso sa Ating Kooperatiba Multi-Purpose Cooperative, Tagkawayan Quezon at noong ika-6 ng Marso sa Calauag Livelihood Center, Calauag Quezon.
Dinaluhan ng kabuuang bilang na isang daan at tatlumpu’t dalawang (132) registered applicants na kinabibilangan ng apatnapu’t siyam (49) lalaki at walumpu’t tatlong (83), at mula sa kabuuang bilang ay mayroong pitumpu’t anim (76) qualified applicants para sa mga posisyong Administrative Assistant, Documentation Assistant, at Resesarch and Documentation Assistant. Ang mga napabilang sa qualified applicants ay kinakailangan pang sumailalim sa medical examination at pagsusumite ng iba pang requirements.
Ito ay patunay na patuloy na isasagawa ng Quezon Provincial PESO at ng Pamahalaang Panlalawigan ang mithiin na makapaglaan ng mga trabaho at oportunidad sa mga mamamayang Quezonian.
Samantala, abangan naman ang mga anunsyo hinggil sa mga aktibidad na isasagawa ng tanggapan upang maging kabahagi sa mga susunod pang programa.
#SerbisyongTunayAtNatural
#HEALINGQuezon
#PESOLocalRecruitmentActivity

Quezon PIO

Local Recruitment Activity – Foodsphere, Inc (CDO) | March 11, 2025

Isang panibagong tagumpay ang naisakatuparan ng Quezon Provincial Public Employment Service Office matapos ang isinagawang Local Recruitment Activity katuwang ang Foodsphere, Inc (CDO). Ginanap ang nasabing aktibidad nitong, ika-4 ng Marso, 2025 sa Bulwagang Kalilayan, Governor’s Mansion Grounds, Lucena City.
Dumalo sa nasabing aktibidad ang dalawampu’t walong (28) aplikante at lima sa kanila ang na-hired-on-the-spot para sa posisyong Production Crew. Samantala, labing-pito (17) pang aplikante ang sasailalim sa interbyu at ebalwasyon na maaaring mapabilang sa mga newly hired jobseekers ng nasabing kumpanya.
Bilang pagsuporta sa hangarin ng Pamahalaang Panlalawigan ng Quezon ay patuloy na isasakatuparan ng tanggapan ng Quezon Provincial PESO na makapaghandog ng oportunidad para sa mga mamamayang Quezonian. Para magkaroon ng pagkakataong maging kabahagi sa mga programa ng tanggapan, magtungo sa Official FB Page ng Quezon Provincial PESO para laging updated hinggil sa mga susunod pang aktibidad.
#SerbisyongTunayAtNatural
#HEALINGQuezon
#PESOLocalRecruitmentActivity

Quezon PIO

Joint 1st Quarter Meeting ng Office of the Senior Citizens Affairs (OSCA) League at Quezon Provincial Federation of Senior Citizens Association (QPFSCA) | March 11, 2025

Tagumpay na naisagawa ang Joint 1st Quarter Meeting ng Office of the Senior Citizens Affairs (OSCA) League at Quezon Provincial Federation of Senior Citizens Association (QPFSCA) na ginanap sa Culture Arts Center, Lucena City ngayong araw ng Martes, Marso 11.
Ang programa ay pinangunahan ng Provincial Social Welfare and Development Office (PSWDO), sa ilalim ng pamumuno ni Sonia S. Leyson at dinaluhan ng mga Focal Persons, Pangulo ng OSCA, at mga kinatawan ng QPFSCA mula sa iba’t ibang bayan ng Lalawigan ng Quezon.
Dito ay tinalakay ang lagay ng pondo sa Pederasyon, Accomplishment report sa nakaraang taong 2024, mga plano para sa taong 2025, at mga updates patungkol sa Non-agenarian/ Centenarian distributions. Nabanggit din ang bagong by-laws at ipinaliwanag ang ilang Memorandum Circular para sa nasabing Pederasyon.
Asahan na ang Pamahalaang Panlalawigan ay tuloy-tuloy ang suporta sa pagsusumikap at kontribusyon ng mga Senior Citizens sa Lalawigan ng Quezon.

Quezon PIO

Doña Marta Memorial District Hospital (Visitation) | March 11, 2025

Atimonan, Quezon

Link 1: https://www.facebook.com/share/r/199WkDqog9/
Link 2: https://www.facebook.com/share/r/15FG414krj/

Quezon PIO

Provincial Veterinarian Office is Hiring !!! | March 11, 2025

We’re hiring 🔎👨‍⚕️🧑‍⚕️👩‍⚕️
We are looking for Licensed Veterinarian for Quezon Province.
Join our Team! 👇

Quezon ProVet

Skills Training on Pineapple and Banana Processing | March 11, 2025

Matagumpay na naisagawa ang Skills Training on Banana and Pineapple Processing nitong Marso 4-7, 2025 para sa Panukulan Multi-Sectoral Fishers and Farmers Association (PAMUSEFFA). Ang nasabing pagsasanay ay pinangunahan ng mga kawani mula sa Office of the Provincial Agriculturist-Food Processing Unit, Agricultural Support Services Division.
Layunin ng pagsasanay na maturuan ang mga miyembro ng Samahan ng pagroseso ng iba’t-ibang produkto tulad ng banana chips, banana strings at pineapple wine upang magkaroon ng karagdagang kita at kabuhayan.
Ang Office of the Provincial Agriculturist sa pamamagitan ng Food Processing Unit ay patuloy na nagsasagawa ng mga ganitong pagsasanay upang matulungan ang mga local na magsasaka ng Quezon. Sa pamamagitan ng mga pagsasanay sa pagpoproseso ng pagkain, mas lalo pang mapapalakas ang sektor ng agrikultura sa ating lalawigan at matutulungan ang mga komunidad na magkaroon ng mas matatag at pang matagalang kabuhayan.
Pasasalamat naman ang ipinaabot ng PAMUSEFFA at ni Municipal Agriculturist Mr. Delfin H. Del Rio sa Panlalawigang Agrikultor at kay Gov. Doktora Helen Tan sa patuloy na pagsuporta sa kanila at ipinapangakong palalaguin at pagyayamanin ang mga produktong natutunan sa pagsasanay.

Quezon PIO

Meat Inspector Meeting | March 11, 2025

Ang Office of the Provincial Veterinarian ay nagdaos ng regular na pagpupulong kasama ang mga Meat Inspectors sa Quezon nitong ika-7 ng Marso, 2025 sa OPV Conference Hall, Pagbilao, Quezon.
Nagbigay ng ulat ang tanggapan hinggil sa kasalukuyang sitwasyon ng mga bahay katayan sa lalawigan. Iniharap naman ng mga kinatawan ng National Meat Inspection Service Region 4A na sina Dr. Gabriel Ronnie Dimafiles, Dr. Karl Philip Ocampo, at Ms. Agnes Liberty Cabanisan ang mga kinakailangan dokumento para maging slaughterhouse double A Accredited.
Layunin ng pagpupulong na mabigyang-pansin ang mga problemang kinakaharap ng mga bahay-katayan sa lalawigan at kung anong mga hakbangin ang makakatulong sa mga Meat Inspectors para mapaigting pa ang ginagawang inspeksiyon alang-alang sa kalinisana at kaligtasan ng mga karneng dinadala sa merkado.
#provetquezon
#ProvincialGovernmentofQuezon
#VeterinaryServices

Quezon PIO / ProVet

1st Provincial Development Council Meeting para sa taong 2025 | March 10, 2025

Sa pangunguna ni Governor Doktora Helen Tan, naisagawa ang unang Provincial Development Council Meeting para sa taong 2025 ngayong araw ng Lunes, Marso 10.
Sa nasabing pagpupulong, naglahad ng presentasyon patungkol sa Proposed Infrastructure Project CY 2026 ang mga kinatawan ng Department of Public Works and Highways (DPWH) mula sa apat na District Engineering Office sa lalawigan ng Quezon. Nakapaloob dito ang alokasyong pondo para sa mga proyektong naglalayong magkaroon ng konstruksyon at rehabilitasyon para sa mga kalsada, tulay, at iba pang proyekto na may kinalaman sa imprastruktura at pasilidad sa lalawigan gaya ng water supply and drainage system at multi-purpose buildings.
Naaprubahan din sa pagpupulong ang Supplemental Annual Investment Plan No. 2 CY 2025 at Provincial Commodity Investment Plan (PCIP), kasunod nang ieendorso ang mga ito sa Sangguniang Panlalawigan at ahensyang may kinalaman sa nasabing investment plan.
Samantala, ang nasabing pagpupulong ay dinaluhan nina Executive Assistant John Francis Luzano, Provincial Project and Development Coordinator Engr. Russell Narte, Board Member Sonny Ubana, mga Punong-bayan at kinatawan mula sa iba’t ibang munisipalidad sa lalawigan.
#SerbisyongTunayAtNatural

Quezon PIO

138th Sangguniang Panlalawigan Regular Session | March 10, 2025

Sa patuloy na pagsusumikap na mas mapalakas at mapalawig pa ang mga makabuluhang inisyatibang nagtataguyod ng matapat, may malasakit, at epektibong pamamahala para sa mas maunlad at matatag na Lalawigan ng Quezon, pormal na ginanap ang ika-138 Pangkaraniwang Pulong ng Sangguniang Panlalawigan ngayong araw ng Lunes, Marso 10.
Sa pangunguna ni Vice Governor Third Alcala katuwang ang mga Board Member na kinatawan ng bawat distrito sa lalawigan ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa mas lalo pang pag-unlad ng lalawigan ng Quezon.
Samantala, inaprubahan na ng Sangguniang Panlalawigan ng Quezon ang liham mula sa tanggapan ni Governor Doktora Helen Tan patungkol sa isang resolusyon na magbibigay-awtoridad upang lumagda sa isang Memorandum of Agreement sa ngalan ng Pamahalaang Panlalawigan ng Quezon, kasama ang mga kinikilalang paaralan, kolehiyo, at unibersidad para sa pagbibigay ng praktikal na pagsasanay sa Clinical Clerkship at Medical Internship.
Layunin nitong mas mapalakas ang sistemang pangkalusugan sa pamamagitan ng paglinang ng mga susunod na henerasyon o mga mag aaral sa propesyon ng medisina ng sa gayon ay mas mapahusay at mapabuti pa ang serbisyong pangkalusugan sa lalawigan ng Quezon.

Quezon PIO