TINGNAN | May na kakapa ka bang bukol sa iyong dibdib? hindi ka ba nakakasiguro kung ano ito? Mag punta na sa tanggapan ng Quezon Provincial Hospital Network – Quezon Medical Center (QPHN-QMC) upang malaman at mabigyan ng agarang lunas.
Para sa iba pang mga katanungan, makipag-ugnayan sa (042) 717-6323 o bumusita sa ating hospital sa Quezon Ave. Ext., Barangay XI, Lucena, Philippines.
Sa ginanap na Ika-99 Pangkaraniwang Pulong ng Sanggunian Panlalawigan, binigyang pagkilala ang mga natatanging punong barangay officials, llang PNP personnel, BFP Quezon, ilang mga punong bayan at kawani ng lokal na pamahalaan na nagbigay karangalan para sa Lalawigan ng Quezon ngayong araw ng Lunes, Hunyo 3.
Binigyang parangal at pagkilala ang Barangay 1, Barangay Anahawan, Barangay Binutas at Barangay Santo Domingo ng Calauag Quezon, Barangay Masalukot IV ng Candelaria, Barangay Cabay ng Tiaong at Barangay Binulasan ng Infanta mula sa pagiging National Awardee para sa 2023 Seal of Good Local Governance para sa barangay.
Kinilala naman ang katapangan at kagalingan ni Sergeant Romeo Lustado, Patrolman Kent Gabriel Laureles Mendoza at City Police Station Mayao Substation Lucena sa kanilang husay sa pag protekta sa kanilang nasasakupan.
Nagbigay karangalan rin ang Bureau of Fire Protection Quezon bilang kampeon sa katatapos lang na 8th National Fire Olympics na ginanap sa Baguio City gayundin ang mga nagwagi ng 2024 Gawad Parangal na sina Mayor Webster Letargo ng Gumaca, Mayor Orlan Calayag ng Dolores, Ms. Norliza Labitigan ng PSWDO Quezon, Mr. Leo James Portales ng Real, Ms. Cipriana Montierro ng Dolores at Ms. Christine Llacuna ng Pollilo.
Samantala inaprubahan naman sa sesyon ang mga kautusang bayan at resolusyon at ordinansa na layong makapaghatid ng magandang serbisyong panglehislatura para sa bawat mamamayan ng Lalawigan.
Muling nanumpa si Governor Doktora Helen Tan bilang Chairperson ng Boy Scouts of the Philippines – Quezon Council sa pangalawang pagkakataon ngayong araw, Hunyo 3.
Sa ginanap na Annual Council Meeting, nanumpa rin ang mga miyembro ng Local Council Executive Board at Newly Elected Officers ng nasabing konseho.
Bilang Chairperson ng BSP-Quezon Council, nais ni Governor Doktora Helen Tan na patuloy na masuportahan ang mga aktibidad ng BSP upang makapaghikayat pa ng mga miyembro at maging pagkakataon ito para mahulma ang tamang kaugalian ng kabataan at magsilbing isang mabuting halimbawa na mamamayan.
Sa huli, nagpatuloy ang pagpupulong para matalakay ang mga mahahalagang usapin na magpapabuti sa takbo ng samahan.
Labis ang pasasalamat ni Governor Doktora Helen Tan sa tanggapan ni Senator Lorna Regina “Loren” Bautista Legarda sa kanilang pakikipagtulungan sa Pamahalaang Panlalawigan ng Quezon para sa mga mamamayan ng Dolores sa ginanap na pamamahagi ng Emergency Shelter Assistance (ESA) ngayong araw ng Lunes, Hunyo 2.
698 na benificiaries ang nabigyan ng lingap ng Nasyunal at Pamahalaang Panlalawigan katuwang ang Provincial Social Welfare and Development Office (PSWDO) at Provincial Treasurer Office (PTO) kung saan 589 mula rito ay bahagyang nasalanta at 59 sa mga ito ay lubos na nasalanta ng bagyong Aghon.
Nabigyang lingap rin ang 50 dialysis patients bilang tulong sa kanilang suliraning pinansyal para sa kanilang agarang pagpapagamot.
Patuloy ang pagbibigay ng Pamahalaang Panlalawigan ng nararapat na tulong at serbisyo para sa bawat Quezonian lalo’t higit sa oras ng kanilang matinding pangangailangan.
Sa patuloy na pag-iikot ni Governor Doktora Helen Tan sa lalawigan ng Quezon upang mailapit ang serbisyo ng kapitolyo partikular na programang pangkalusugan, sunod na tutungo ang Pamahalaang Panlalawigan kasama ang medical team sa bayan ng GENERAL LUNA (June 7), PLARIDEL (June, at ATIMONAN (June 9).
Kung kaya’t sa mga kalalawigan nating nais magpatingin ng kalagayan ng kanilang kalusugan, magkita-kita tayo sa gaganaping medical, surgical, at dental caravan sa mga nabanggit na bayan.
TINGNAN: Malugod na tinanggap nina Vice Governor Third Alcala, PDRRM Officer Dr. Melchor P. Avenilla, Jr. at PSWD Officer Sonia S. Leyson ang kaloob na 3,000 food packs mula sa Philippine Amusement and Gaming Corporation (PAGCOR) Community Relations and Services Department at 1,000 hygiene packs mula sa Office of Civil Defense CALABARZON ngayong araw, Mayo 31.
Ang mga natanggap na hygiene at food packs ay agaran namang ihahatid sa ating mga kalalawigang higit na napinsala sa paghagupit ng bagyong Aghon.
Samantala, ipinapaabot ng Pamahalaang Panlalawigan ng Quezon ang pasasalamat sa Philippine Air Force, PAGCOR gayundin kay Office of Civil Defense (OCD) IV-A Regional Director Carlos Eduardo Alvarez III na naging daan upang maihatid ang nasabing mga kagamitan.
“The health and welfare of our young ones are crucial in nation building and well- being of our society.” ito ang sinabi ni Board Member JJ Aquivido sa ginanap na Ika- 98 Pangkaraniwang Pulong ng Sangguniang Panlalawigan ng Quezon ngayong araw ng Biyernes, Mayo 31.
Isinulong sa sesyon ni Committee on Health Chairperson Hon. John Joseph Aquivido ang pag implementa ng Mandatory Infants and Children Health Immunization Act of 2011 bilang ordinansang panlalawigan na layong mabigyan ng libreng bakuna ang mga sanggol at mga batang hindi lalagpas ng limang taong gulang upang makaiwas sa mga sakit gaya ng tuberculosis, diptheria, tetanus and pertussis, poliomyelitis, measles, mumps, rubella o german measles, hepatitis-b, influenza type b (HIB).
Samantala inaprubahan naman ang mga ordinansang bayan, resolusyon at liham mula sa Pamahalaang Panlalawigan na ang hangarin ay ang mapanatili ang tuloy- tuloy na pagpapaganda at pagpapalawig ng serbisyong panglehislatura para sa bawat mamamayan.
Source: Quezon PIO
Ang lalawigan ng Quezon sa pangunguna ng Provincial Social Welfare and Development Office na pinamumunuan ni PSWD Officer Ma’am Sonia Leyson ay aktibong nakikibahagi sa pagsusulong ng legal na proseso ng foster family care at legal adoption kung kaya’t sa nalalapit ng taunang selebrasyon ng Adoption and Child Care Week (ACCW) na ipinagdiriwang tuwing ikalawang linggo ng buwan ng Hunyo, ginanap ang Foster Care and Adoption Forum sa 3rd Floor ng Provincial Capitol Building, Lucena City ngayong araw ng Biyernes, Mayo 31.
Ang inisyatibang ito ay nakahanay upang palakasin ang implementasyon ng Alternative Child Care Program na pinamamahalaan ng Regional Alternative Child Care Office (RACCO) sa Region IV-A CALABARZON na pinapatakbo sa ilalim ng National Adoption and Coordinating Council (NACC).
Dinaluhan ito ng mga kinatawan mula sa iba’t-ibang bayan sa Lalawigan kabilang na ang ilang mga kawani ng Pamahalaang Panlalawigan at Social Work Students mula sa Sacred Heart College at Dalubhasaang Lungsod ng Lucena.
Layon ng forum na ito na makapagbigay ng dagdag kaalaman para sa mga indibidwal at couples na interesado sa proseso ng pag-aalaga at pag-aampon. Pinangunahan ng Regional Alternative Child Care Office (RACCO) ang talakayan patungkol sa Foster Care, Simulated Birth Rectification Act (SIBRA) or RA 11222, Regular Adoption, at Domestic Administrative Adoption or RA 11642 na nagbigay linaw sa mga tanong at concerns ng mga kalahok ukol sa mga bagong batas at regulasyon sa pag-aampon.
Lubos ang suporta ng Pamahalaang Panlalawigan sa pangunguna ni Governor Doktora Helen Tan bilang isang Licensed Foster Parent sa lalawigan para sa mga indibidwal at couple na nais maging kabahagi sa pangangalaga at pagbibigay ng ligtas at mapagmahal na pamilya para sa mga batang nangangailangan ng pagkalinga.
Source: Quezon PIO
TINGNAN: Tuloy-tuloy ang pagtugon ng Pamahalaang Panlalawigan ng Quezon sa ating mga kalalawigang walang mapagkunan ng malinis na tubig para sa kanilang pang-araw araw na pangangailangan dulot na rin ng pagsalanta ng Bagyong Aghon. Mula Mayo 27 (Lunes) ay walang tigil ang Provincial Disaster Risk Reduction Management Office sa paghahatid ng rasyon na tubig sa mga kabahayan sa bayan ng Pagbilao, Tayabas, Sariaya, at lungsod ng Lucena.
Source: Quezon PIO
PABATID: Pormal ng naipasa ng Sangguniang Panlalawigan ang Provincial Resolution No. 2024-130 na nagdedeklara ng STATE OF CALAMITY sa ika-una at ikalawang distrito ng lalawigan ng Quezon dulot ng malawakang pinsala ng bagyong Aghon.
Source: Quezon PIO