NEWS AND UPDATE

Turnover of Barangay Service Vehicles | June 07, 2024

Sa pagtungo ni Governor Doktora Helen Tan sa bayan ng General Luna, naipagkaloob din kahapon ng Hunyo 7 ang bagong 10 units na barangay service.

Ang nasabing service vehicles ay natanggap ng sampung barangay ng nasabing bayan kung saan malaki ang kapakinabangan nito sa bawat residente para sa kanilang transportasyon tuwing sila’y may kinakailangan.

Kasama namang dumalo sa isinagawang turnover ceremony sina Board Member John Joseph Aquivido, Mayor Matt Florido, at Vice Mayor Melaica Batariano.

Source: Quezon PIO

Agricultural Inputs Para sa mga Samahan ng Mangingisda at Magsasaka | June 07, 2024

Personal na pinangunahan ni Governor Doktora Helen Tan kahapon, Hunyo 7 ang pamamahagi ng iba’t-ibang Agricultural Inputs para sa mga samahan ng mangingisda at magsasaka mula sa bayan ng General Luna, Quezon.

Ito’y bilang bahagi ng pagpapadama ng Pamahalaang Panlalawigan na ang kanilang sektor ay kabilang sa tinututukan upang masiguro ang pagpapayabong ng kanilang pangunahing hanapbuhay.

Ilan sa mga kagamitan na naipamahagi ay PVC Hoses, Fertilizers, Blue Drums, Knapsack Sprayers, Crates, Grasscutter, iba’t-ibang gulay, Marine Engines, at Bottom Set Gill Nets.

Source: Quezon PIO

Turnover & Blessing of Multi-purpose Hall | June 07, 2024

Sa pagtutulungan nina Governor Doktora Helen Tan at 3rd District Congressman Reynan Arrogancia, naisakatuparan na ang bagong Multi-Purpose Hall para sa Barangay Sumilang, General Luna matapos isagawa ang Turnover at Blessing Ceremony nito kahapon, Hunyo 7.

Kaisang dumalo at nagbigay suporta sa ginanap na seremonya sina Board Member John Joseph Aquivido, Mayor Matt Florido, at Vice Mayor Melaica Batariano.

Source: Quezon PIO

Blessing of Covered Courts | June 07, 2024

Kasabay ng isinagawang Medical Mission sa General Luna kahapon, Hunyo 7 ay masayang binigyang basbas din ang bagong tayong Covered Court para sa mga estudyante at guro ng General Luna Central Elementary School.

Samantala, sunod ding binasbasan ang isa pang Covered Court na matatagpuan naman sa Brgy. San Nicolas na lubos ding mapapakinabangan ng mga residenteng malapit sa nasabing barangay.

Pinangunahan naman ni Governor Doktora Helen Tan ang ginanap na mga maikling programa kasama sina Board Member John Joseph Aquivido, Mayor Matt Florido, Vice Mayor Melaica Batariano, at iba pang kawani ng lokal na pamahalaan.

Source: Quezon PIO

Lingap sa Mamamayan Libreng Gamutan | June 07, 2024

“Aalalayan kayo ng Pamahalaang Panlalawigan, walang papabayaan at maiiwan na mamamayan ng lalawigan”

Sa pagpapatuloy ng paghahatid ng libreng serbisyong gamutan na pinapangunahan ni Governor Doktora Helen Tan, sunod na dinala ito sa bayan ng General Luna kahapon, Hunyo 7.

Bitbit pa rin ang iba’t-ibang serbisyong medikal ay libreng napakinabang ng 4,104 na mamamayan ng nasabing bayan ang medical check-up, bunot ng ngipin, minor surgery sa may maliit na bukol, tuli, cervical and breast screening, ENT, eye check-up, derma, PCV 23 Vaccination, at laboratory examinations gaya ng ECG, X-RAY, Ultrasound, CBC, at FBS/RBS.

Nakapagbigay naman ng medical assistance ang Provincial Social Welfare and Development Office (PSWDO) at Provincial Treasurer’s Office (PTO) para sa mga pasyenteng hindi available ang iniresetang gamot o palaboratoryo ng kanilang doktor.

Samantala, umabot naman sa 100 na may alagang hayop ang nakapagpakonsulta at nakapagpaturok ng anti-rabies sa pamamagitan ng Office of the Provincial Veterinarian na kasamang naghatid ng libreng serbisyo.

Malugod namang pinasasalamatan ni Mayor Matt Florido ang Pamahalaang Panlalawigan ng Quezon dahil naibaba ang ganitong klaseng programang para sa kanyang mga kababayan.

Source: Quezon PIO

Libreng Serbisyong Gamutan na Hatid ng Pamahalaang Panlalawigan at ni Governor Doktora Helen Tan | June 07, 2024

TINGNAN: Mga kaganapan sa isinagawang Libreng Serbisyong Gamutan na hatid ng Pamahalaang Panlalawigan at ni Governor Doktora Helen Tan para sa mga mamamayan mula sa bayan ng General Luna ngayong araw, Hunyo 7.

Source: Quezon PIO

Personal Financial Management Seminar | June 07, 2024

Nagsagawa ng Personal Financial Management Seminar ang Provincial Human Resource Management Office (PHRMO) sa pamumuno ni PGDH-PHRMO Rowell A. Napeñas sa ilang mga kawani ng pamahalaang panlalawigan ngayong araw, Hunyo 7.

Layunin nitong magbahagi ng financial planning na makakatulong upang maiwasan ang labis na paggastos sa mga hindi kinakailangan at magamit ng tama ang mga kinikita sa araw-araw.

Natalakay din sa seminar ang kahalagahan ng pag-iipon at pagkakaroon emergency fund na kinakailangan tuwing may mahalagang bayarin, usaping medikal, at kawalan ng trabaho.

Sa huli, nagkaroon ng pagkakataon na maipaliwanag ang ilang mga benepisyo na maaaring matanggap ng isang empleyado.

Source: Quezon PIO

Emergency Shelter Assistance Payout | June 6, 2024

Hindi natatapos ang Pamahalaang Panlalawigan sa pangunguna ni Governor Doktora Helen Tan na maghatid ng tulong sa mga lubhang naapektuhan ng bagyong Aghon.
Ngayong araw, Hunyo 6 personal na nagtungo ang ina ng lalawigan sa bayan ng Pagbilao upang ipagkaloob sa 700 benepisyaryo ng Emergency Shelter Assistance (ESA) mula sa pinagsamang programa ng Provincial Social Welfare and Development Office (PSWDO) at Deparment of Social Welfare and Development (DSWD) dahil sa maigting na pakikipagbalikatan ni Quezon 1st District Congressman Mark Enverga.
Nagpapasalamat naman ang lokal na pamahalaan sa pangunguna ni Mayor Gigi Portes – Tatlonghari sapagkat malaking tulong ito sa mga mamamayan ng nasabing bayan.

Electronic Waste Collection | June 05-06, 2024

Isa sa pinakamabilis dumaming basura sa buong mundo ay electronic waste gaya ng baterya, computer, smartphone at appliances na mapanganib sa kalikasan at tao kapag napabayaan at hindi naitapon ng wasto.

Kung kaya’t ngayong araw ng Biyernes, Hunyo 7 nakiisa ang Provincial Government – Environment and Natural Resources Office (PG-ENRO) sa pamumuno ni PGDH-PGENRO John Francis Luzano sa pagdiriwang ng Environmental Month at nagsagawa ng E-waste collection sa mga kawani ng pamahalaang panlalawigan.

Masaya namang nakiisa ang mga kawani mula sa iba’t ibang tanggapan ng pamahalaang panlalawigan tungo sa malinis at balanseng kalikasan.

Governor Doktora Helen Tan sa pamunuan ng PhilHealth upang mapag-usapan ang patungkol sa estado ng programang Konsulta sa lalawigan ng Quezon | June 6, 2024

Nakipagpulong ngayong araw ng Huwebes, Hulyo 6 si Governor Doktora Helen Tan sa pamunuan ng PhilHealth upang mapag-usapan ang patungkol sa estado ng programang Konsulta sa lalawigan ng Quezon.
Ibinahagi rin ng PhilHealth ang kanilang accomplishment report kaugnay sa Konsulta-PCPN, kung saan isa sa matagumpay na ikinatuwa ng bawat isa ang pagtaas ng bilang ng mga nakapagparehistro na sa nasabing programa.
Binigyang-linaw naman ng gobernadora ang ilang hamon na kinahaharap, lalo na sa online system para magtuloy-tuloy ang pagdami ng mga Quezonian na nakarehistro sa Konsulta Program na tanging hangarin ay mas mapadali ang pagbibigay ng medikal na tulong sa kanila.
Samantala, nakasama sa ginanap na pulong sina Provincial Health Officer Dr. Kristin Mae-Jean Villaseñor, Executive Assistant John Francis Luzano, Provincial Information and Communication Technology Officer Leney Laygo, at ilang kawani mula sa PHO, PhilHealth, at CareSpan Asia Inc.