NEWS AND UPDATE

Farmers and Fisherfolks Consultation & Turnover of Agricultural Inputs | June 09, 2024

Hindi sinayang ni Governor Doktora Helen Tan ang kanyang pagtungo sa bayan ng Atimonan kahapon, Hunyo 9 dahil minabuti niyang harapin din ang mga residenteng mangingisda at magsasaka upang personal na maipagkaloob ang iba’t-ibang kagamitan na makakatulong sa kanilang paghahanapbuhay.

Ang Agricultural Inputs na natanggap ng samahan ng mga mangingisda at magsasaka sa nasabing bayan ay PVC Hoses, Fertilizers, Knapsack Sprayers, Seedling Tray, Grasscutter, iba’t-ibang gulay, Hooks, at Bottom Set Gill Nets.

Samantala, nakiisa naman sa ginanap na maikling programa sina 4th District Congressman Atorni Mike Tan, Board Member Sonny Ubana, Board Member Angelo Eduarte, Board Member Harold Butardo, Board Member Derick Magbuhos, at Mayor Rostiko Mendoza.

Source: Quezon PIO

Ang Ilang Kaganapan sa Isinagawang Libreng Serbisyong Gamutan sa Bayan ng Atimonan | June 09, 2024

TINGNAN: Ang ilang kaganapan sa isinagawang libreng serbisyong gamutan sa bayan ng Atimonan ngayong araw, Hunyo 9 sa pangunguna ni Governor Doktora Helen Tan kasama ang mga doktor at espesyalista na mula sa Maynila at iba’t-ibang parte ng lalawigan ng Quezon.

Bagong Pilipinas Hymm and Pledge

TINGNAN: Ipinag-utos ni Pangulong Ferdinand “Bongbong” R. Marcos Jr. sa lahat ng National Government Agencies at State Universities and Colleges (SUCs) kabilang ang Government-Owned and Controlled Corporation (GOCCs) ang pagre-recite ng “Bagong Pilipinas Hymm and Pledge” sa regular na pagtataas ng watawat ng Pilipinas o Flag Ceremony.

Samantala, hinihikayat din ang lahat ng Local Government Unit (LGU) na gawin ang kaparehong recital.

Link: https://www.facebook.com/QuezonGovPh/posts/pfbid0374UpstmitAMNCszgiPWV7B7qrSJG3nX9WFLpJRAs9tx3vs9NMuLoHv8KdNgNFEnzl?rdid=1cGQ846IYH4a1tEC

Source: Quezon PIO

Multi-species Hatchery | June 09, 2024

TINGNAN: Sa pagtungo ni Governor Doktora Helen Tan sa bayan ng Plaridel kahapon, Hunyo 8, kanya ring binisita ang Multi-species Hatchery upang alamin ang kasalukuyan nitong kalagayan.

Isa sa sampo (10) pang legislative hatchery sa lalawigan ang nasabing pasalidad kung nasaan malalaking hipon o sugpo ang nilalaman nito.

Sa ngayon ay nasa ilalim pa ito ng pamamahala ng nasyunal na ahensya at inaasahan namang maipapasa o maipagkakalaoob sa bayan ng Plaridel pag-opisyal na itong fully operated.

Ayon naman kay Mayor Jose Zaldy Saavedra, malaking bagay ang hatchery na ito dahil maraming kababayan niyang mangingisda ang matutulungan at makikinabang.

Source: Quezon PIO

Barangay Tanod Convention & Distribution of Agricultural Inputs | June 08, 2024

Masayang pinaunlakan ni Governor Doktora Helen Tan ang Barangay Tanod Convention kahapon, Hunyo 8 kasabay ng isinagawang Medical Mission sa Bayan ng Plaridel.

Nagbigay paalala ang Gobernadora sa mga Barangay Tanod na patuloy na panatilihin ang kapayaan at kaayusan sa bawat komunidad na kanilang nasasakupan sapagkat tumataas na naman ang bilang ng mga krimen sa iba’t-ibang lugar. Aniya, nais niyang patuloy na makipagtulungan ang mga tanod sa kapulisan sa paghahatid ng mga mahahalagang impormasyon patungkol sa kaganapan sa bawat Barangay.

Namahagi rin ng mga bagong uniporme at flashlight para sa mga Barangay Tanod gayundin ng mga food packs na mula kay DSWD Sec Rex Gatchalian.

Samantala, kasabay nito ay kinumusta ng Gobernadora ang mga magsasaka at mangingisda sa nasabing bayan. Namahagi rin ng iba’t-ibang Agricultural Inputs para sa mga samahan ng magniniyog, maggugulay at mangingisda.

Batid ni Governor Doktora Helen Tan ang mga kakulangan ng kagamitan ng naturang mga samahan kung kaya’t pinagsusumikapan ng Pamahalaang Panlalawigan katuwang ang tanggapan ng Provincial Agriculturist na matugunan ang mga ito na magiging kapaki-pakinabang para sa pagpapayabong ng hanapbuhay ng mga magsasaka at mangingisda.

Ilan sa ipinamahaging kagamitan ay PVC Hoses, Fertilizers, Fish Cages, Hook & Line, Seeding Tray, Knapsack Sprayer, Grass Cutter at iba’t-ibang gulay na pananim.

Kasama namang nakibahagi sa maikling programa sina 4th District Congressman Atorni Mike Tan, Bokal Harold Butardo, Bokal Derick Magbuhos, Bokal Ola Eduarte at Mayor Jose Saavedra.

Source: Quezon PIO

Lingap sa Mamamayan Libreng Gamutan | June 08, 2024

Maliit man o malaking bayan, sinisiguro ng Pamahalaang Panlalawigan ng Quezon sa pangunguna ni Governor Doktora Helen Tan na may maihahatid na tulong para sa ating mga kalalawigan.

Matapos magtungo sa bayan ng General Luna, ang bayan naman ng Plaridel ang nahandugan ng libreng serbisyong gamutan na ginanap kahapon, Hunyo 8.

Nakapagtala ng 3,274 na benepisyaryo ng medical, dental, at surgical caravan mula sa nasabing bayan. Lubos naman ang pasasalamat ng mga ito dahil kahit na sila ang pinakamaliit na bayan sa lalawigan ay hindi sila kinalilimutan.

Kasama pa ring naghatid ng libreng serbisyo sa mga mamamayan ng Plaridel ang Office of the Provincial Veterinarian, Provincial Social Welfare and Development Office (PSWDO) at Provincial Treasurer’s Office (PTO).

Samantala, naipamahagi naman ang nagkakahalagang P55,000 na mga gamutan para sa bawat barangay ng Plaridel na magsisilbing pangtawid tugon sa ilang karamadaman iniinda ng isang indibidwal.

Nakiisa sa ginanap na programa sina 4th District Congressman Atorni Mike Tan, Board Member Angelo Eduarte, Board Member Harold Butardo, Mayor Jose Zaldy Saavedra, at ang lokal na pamahalaan.

Source: Quezon PIO

Casting of Artificial Legs and Arms | June 08, 2024

Sa pakikipagtulungan ng Provincial Social Welfare and Development Office (PSWDO) sa pangunguna ni PGDH-PSWDO Sonia Leyson sa PhilHealth, naisakatuparan ang pagkakaroon ng Artificial Leg and Arms sa 35 na benepisyaryo ngayong araw, Hunyo 8.

Sinukatan na ng Mediwalk Corporation ang mga benepisyaryo na putol ang paa at kamay kung saan pagkalipas ng dalawang buwan ay inaasahan na magagamit na nila ginawang mga artificial leg and arms.

Sa pamamagitan nito ay mas magiging maalwan na ang kanilang pagkilos at ang pang araw-araw na gawain.

Nagpapasalamat naman ang mga benepisyaryo dahil bukod sa libre nila itong matatangap ay puspusan din ang pagsisikap ng PSWDO upang mapabilis ang tulong na maibibigay sa kanila.

Source: Quezon PIO

Pinisita ni Governor Doktora Helen Tan ang Plaridel Port sa Brgy. Siain na Kasalukuyang Kategoryado Bilang “International Port” | June 08, 2024

Kaalinsabay ng isinagawang Medical Mission ngayong araw, ika-8 ng Hunyo, binisita ni Governor Doktora Helen Tan ang Plaridel Port sa Brgy. Siain na kasalukuyang kategoryado bilang “International Port”.

Noong 2021, nagsimula ang pagsasaayos ng nasabing pier sa inisyatiba ng Ina ng Lalawigan noong siya ay kongresista pa lamang ng ika-apat na distrito ng Quezon.

Ayon sa Gobernadora, ang proyektong ito ay makapagbibigay ng trabaho at magbubukas ng oportunidad sa negosyo, na maglilingkod bilang daan patungo sa pag-unlad ng Lokal na Pamahalaan ng Plaridel at ng mga kalapit na bayan nito.

Source: Quezon PIO

Medical Mission – Plaridel, Quezon | June 08, 2024

TINGNAN: Sa pangunguna ni Governor Doktora Helen Tan, sunod na nagtungo ngayong araw ng Sabado, Hunyo 8 ang buong Medical Team sa bayan ng Plaridel upang ihatid ang mga libreng serbisyong gamutan.

Narito ang ilang kaganapan sa isinagawang Medical Mission.

Source: Quezon PIO

Medical Mission – General Luna, Quezon | June 07, 2024

TINGNAN: Ilang pasyente sa isinagawang Medical Mission nitong Hunyo 7 sa bayan ng General Luna, agarang dinala sa QPHN-Quezon Medical Center para sa mas komprehensibong gamutan.

Bilang hangarin pa rin ni Governor Doktora Helen Tan ang maisaayos ang kalusugan ng ating mga kalalawigan, sa bawat bayan na pinupuntahan ng buing Medical Team ay parating sinisiguro na ang mga pasyenteng lubos na nangangailan ng medikal na atensyon ay nabibigyan sapat na tulong.

Asahan naman na hindi papabayan at walang dapat na isiping gastudin ang mga pasyenteng dinala sa nasabing ospital dahil hanggang sila ay gumaling, ang Pamahalaang Panlalawigan ay parating nandyan upang kumalinga.

Source: Quezon PIO