NEWS AND UPDATE

Province-Wide Search and Destroy Campaign to Combat Dengue | March 7, 2025

Province-Wide Search and Destroy Campaign to Combat Dengue | March 7, 2025

Inaanyayahan ang lahat ng mga punong-bayan at mga punong-barangay sa Lalawigan ng Quezon na maki-isa sa “Province-wide Search and Destroy Campaign to Combat Dengue”, sa darating na Sabado, Marso 8 ganap na ika-4 ng hapon.
Layunin ng nasabing aktibidad na alisin ang mga pinamamahayan ng lamok dahil sa pagtaas ng kaso ng dengue sa Lalawigan ng Quezon.
Inaasahan ang pagkakaisa ng bawat pinuno kasama ang kanyang nasasakupan sa paglaban at pagprotekta sa kalusugan ng bawat Quezonian.
#Let’sCombatDengue
#SerbisyongTunayAtNatural
#HEALINGQuezon

Quezon PIO

Estrus Synchronization/Artificial Insemination on Large Ruminants | March 7, 2025

Estrus Synchronization/Artificial Insemination on Large Ruminants | March 7, 2025

Upang mabigyan ng kaukulang serbisyo ang mga magsasaka sa lalawigan ng Quezon ay muling nagsagawa ang Office of the Provincial Veterinarian ng Estrus Synchronization/Artificial Insemination on Large Ruminants at iba pang veterinary services para sa mga kalabaw at baka sa iba’t ibang barangay ng Perez, Macalelon, at Lucban nitong Pebrero 25-28, at Marso 4-5, 2025.
May kabuuang bilang na 377 mga baka at kalabaw na pag-aari ng 247 na kalalawigan natin ang naserbisyuhan sa mga naturang bayan.
Nais namang magpasalamat ng OPV Quezon sa mga katuwang na ahensya ng pamahalaan upang mapalawig pa ang Ruminant Development Program sa lalawigan, gaya ng Department of Agriculture (PCC, BAI, PCA, NDA, DARFO4A), gayundin sa mga Local Government Units ng mga nabanggit na bayan.
#provetquezon
#ProvincialGovernmentofQuezon
#VeterinaryServices

Quezon PIO

PRIORITY COURSES SCHOLARSHIP & RETURN SERVICE PROGRAM FOR DESERVING STUDENTS | March 7, 2025

PRIORITY COURSES SCHOLARSHIP & RETURN SERVICE PROGRAM FOR DESERVING STUDENTS | March 7, 2025

Narito ang mga pangalan na kabilang sa “Shortlisted Applicants” para sa PRIORITY COURSES SCHOLARSHIP & RETURN SERVICE PROGRAM FOR DESERVING STUDENTS ng Pamahalaang Panlalawigan ng Quezon.

Ang listahang ito ay awtomatikong nabuo batay sa mga sagot na ibinigay sa Online Assessment Tool at isang formula na idinisenyo alinsunod sa umiiral na Scholarship Ordinance.

Kaugnay nito, magsasagawa ang Pamahalaang Panlalawigan ng Quezon ng paunang beripikasyon ng inyong kwalipikasyon upang makapagpatuloy sa susunod na antas ng pagsusuri o panayam.

Samantala, ipadadala sa inyong email ang iskedyul at mga tagubilin para sa susunod na antas ng pagsusuri.

Narito ang buong listahan:

https://drive.google.com/file/d/1n-YqwkiIZBwKxdi-_zgxyrYNz0Ta_Vh0/view?usp=drivesdk&usp=embed_facebook

Quezon PIO

STAN Kabuhayan Livelihood Assistance Program | March 7, 2025

STAN Kabuhayan Livelihood Assistance Program | March 7, 2025

𝗠𝗚𝗔 𝗦𝗔𝗥𝗜-𝗦𝗔𝗥𝗜 𝗦𝗧𝗢𝗥𝗘 𝗢𝗪𝗡𝗘𝗥𝗦, HANDA NA BA KAYO?

Ikaw ba ay may sari-sari store at nangangailangan ng dagdag napangkabuhayan upang mapalago ang iyong negosyo? Ito na ang pagkakataon mo!

Sumali sa STAN-KABUHAYAN Livelihood Assistance Program, isa sa mga programa ng Pamahalaang Panlalawigan ng Quezon sa pangunguna ni Governor Doktora Helen Tan, nanaglalayong palaguin ang antas ng pagnenegosyo sa atinglalawigan.

𝗔𝗡𝗢 𝗔𝗡𝗚 𝗕𝗘𝗡𝗘𝗣𝗜𝗦𝗬𝗢 𝗡𝗚 𝗣𝗥𝗢𝗚𝗥𝗔𝗠𝗔?

• Pangkabuhayan Assistance

• Libreng Pagsasanay: Entrepreneurial Mindsetting, Financial Literacy, at Digitalization

• Libreng Signages at QR Code para ma-upgrade ang negosyo

𝗣𝗔𝗔𝗡𝗢 𝗠𝗔𝗞𝗔𝗦𝗔𝗟𝗜?

Ihanda ang sumusunod na requirements:

1. Photocopy ng ALIN MAN sa mga sumusunod:

• Barangay Permit 2025

• Barangay Certification 2025

• Mayor’s Permit 2025

2. Printed picture ng sari-sari store kasama ang may-ari

3. Photocopy ng Valid ID

𝗗𝗘𝗔𝗗𝗟𝗜𝗡𝗘 𝗡𝗚 𝗦𝗨𝗕𝗠𝗜𝗦𝗦𝗜𝗢𝗡:

– Maaari ng magpasa ng requirements mula March 7, 2025hanggang March 28, 2025

𝗦𝗔𝗔𝗡 𝗜𝗣𝗔𝗣𝗔𝗦𝗔?

– Sa pinakamalapit na STAN Satellite Office sa inyong lugar.

Huwag palampasin ang oportunidad na ito! Baka ikaw na ang mapili at makatanggap ng STAN-Kabuhayan Pangkabuhayan Assistance!

I-share ito sa iba pang kakilalang sari-sari store owners!

#STANKabuhayan

Quezon PIO

Benificiaries ng “Kalinga sa Mamamayan Libreng Gamutan” – Brgy. Dinahican, Infanta, Quezon | March 6, 2025

Benificiaries ng “Kalinga sa Mamamayan Libreng Gamutan” – Brgy. Dinahican, Infanta, Quezon | March 6, 2025

Dala ang hangaring makapaghatid ng libreng serbisyong pangkalusugan sa mga Quezonian, matagumpay na naisagawa ang “Kalinga sa Mamamayan, Libreng Gamutan” o Medical Mission sa Brgy. Dinahican, Infanta, Quezon nitong araw ng Huwebes, Marso 6.

Sa inisyatibong ito ni Governor Doktora Helen Tan, umabot sa 3551 na indibidwal ang nahandugan ng serbisyo medikal sa nasabing bayan. Naging katuwang ng Pamahalaang Panlalawigan sina Vice-Governor Third Alcala, Board Member Julius Luces, mga Private Doctors, at iba’t ibang espesyalista na mula pa sa loob at labas ng Quezon.

Ilan sa serbisyong naibigay sa mga benepisyaryo ay ang Medical Consultation, Dental Extraction, Minor Surgery, FBS, Laboratory, Ultrasound, at ECG. Handog din ang bagong idinagdag na optical service kung saan may konsultasyon sa mata at libreng salamin para sa mga higit na nangangailangan.

Kasama ring naghandog ng serbisyo ang Office of the Provincial Veterinarian, kung saan may 188 na benepisyaryo ang nakinabang sa libreng konsultasyon at bakuna sa anti-rabies.

Samantala, asahang hindi titigil ang Pamahalaang Panlalawigan sa pagbibigay ng libreng serbisyo na tiyak na mapapakinabangan ng lahat ng mamamayan sa Quezon.

#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025

Quezon PIO

Kalinga sa Mamamayan Libreng Gamutan – Brgy. Dinahican, Infanta, Quezon | March 6, 2025

Kalinga sa Mamamayan Libreng Gamutan – Brgy. Dinahican, Infanta, Quezon | March 6, 2025

Ang mga naging kaganapan sa isinagawang “Kalinga sa Mamamayan, Libreng Gamutan” o Medical Mission sa Brgy. Dinahican, Infanta, Quezon ngayong araw ng Huwebes, Marso 6.

Ang serbisyong pangkalusugan na ito ay inisyatibo ni Governor Doktora Helen Tan katuwang sina Vice Governor Third Alcala, Board Member Julius Luces, Provincial Health Office (PHO), mga Private Doctors, at mga espesyalista na nagmula pa sa iba’t ibang bahagi ng Pilipinas.

#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025

Quezon PIO

Kalinga sa Mamamayan Libreng Gamutan sa Infanta Quezon | March 6, 2025

Kalinga sa Mamamayan Libreng Gamutan sa Infanta Quezon | March 6, 2025

Para sa patuloy na pagsasakatuparan ng isang malusog at maunlad na Lalawigan, tagumpay na naisagawa ang “Kalinga sa Mamamayan, Libreng Gamutan” o Medical Mission sa Brgy. Magsaysay, Infanta Quezon ngayong araw ng Miyerkules, Marso 5.

Ang libreng serbisyong pangkalusugan ay naisagawa sa inisyatibo ni Governor Doktora Helen Tan, katuwang ang Provincial Health Office (PHO), at sina Vice Governor Third Alcala, Board Member Julius Luces, mga Private Doctors, at mga espesyalista na nagmula sa iba’t ibang lugar sa Pilipinas.

Tinatayang nasa 1885 na indibidwal ang libreng nahatiran ng mga gamot at iba’t ibang serbisyo medikal gaya ng Medical Consultation, Dental Extraction, Minor Surgery, FBS, Laboratory, Ultrasound, at ECG. Handog din ang bagong idinagdag na optical service kung saan may konsultasyon sa mata at libreng salamin para sa mga higit na nangangailangan.

Asahan naman ang patuloy na pag-ikot ng medical team sa bawat sulok ng lalawigan upang masiguro na nahahatiran ng libreng serbisyong pangkalusugan ang lahat ng mamamayang Quezonian.

#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025

Quezon PIO

« Previous Page Next Page »