NEWS AND UPDATE

AICS Payout | June 11, 2024

Nagtungo si Governor Doktora Helen Tan sa lungsod ng Tayabas upang makiisa sa pamamahagi ng tulong pinansyal at food packs sa 2,816 benepisyaryo na naapektuhan ng bagyong Aghon ngayong araw ng Martes, Hunyo 11.
Nagpapasalamat din ang ina ng lalawigan kay DSWD Secretary Rex Gatchalian sa walang sawang pagtulong sa mga kalalawigan nating naapektuhan ng nasabing bagyo.
Kasama rin sa paghahatid ng tulong sina Quezon 1st District Cong. Mark Enverga, Vice Governor Third Alcala, BM Jerry Talaga, BM Julius Luces, Tayabas City Mayor Lovely Reynoso-Pontioso, at mga Punong Barangay.
Patuloy na naghahatid ng tulong ang pamahalaang panlalawigan sa ating mga kalalawigan lalo’t higit sa panahon ng pangangailangan.

Nagkortesiya sa tanggapan ni Governor Doktora Helen Tan ang bagong Commander ng Air Logistics Command – Clark Airbase, Pampanga na si Major General Dennis G. Estrella mula sa Philippine Airforce | June 11, 2024

Personal na Pagbisita ni Governor Doktora Helen Tan sa Purok Ipil 2, Brgy. 9, Lucena City | June 10, 2024

TINGAN: Sa nakakalungkot na nangyaring sunog nitong nakaraang Hunyo 8 sa Purok Ipil 2, Brgy. 9, Lucena City, personal na binista ni Governor Doktora Helen Tan ngayong araw, Hunyo 10 ang kalagayan ng mga residenteng nawalan ng tirahan.

Bitbit ang mga kagamitan tulad ng kumot, unan at higaan, mga kagamitang panluto at mga damit na nagmula sa mga nagmalasakit nating mga kalalawigan na dinala sa Kapitolyo ay naipamahagi ito sa 26 na pamilya na lubos na apektado ng insidente.

Nauna ng nakapag-abot ng tulong ang Ina ng Lalawigan kahapon, Hunyo 9 na kung saan ay naipamahagi naman ang mga relief food packs.

Asahan na hindi titigil ang Pamahalaang Panlalawigan sa pag-aabot ng sapat na tulong sa mga nasunugan upang muli silang makabangon sa nangyaring sunog.

Source: Quezon PIO

Pagpupulong sa Pagitan ng Pamahalaang Panlalawigan, Provincial Health Office (PHO) at Provincial Legal Office | June 10, 2024

Isa sa mga isinusulong ni Governor Doktora Helen Tan ay ang malusog at masiglang Lalawigan ng Quezon, kung kaya’t nagkaroon ng pagpupulong sa pagitan ng Pamahalaang Panlalawigan, Provincial Health Office (PHO) at Provincial Legal Office sa pamunuan ng Imagine Law sa tanggapan ng gobernadora ngayong araw ng Lunes, Hunyo 10.

Ipinakilala ng mga kinatawan ng Imagine Law na sina Atty. Anna Bueno at Atty. Kim Areño ang kahalagahan ng isinusulong nilang polisiya para sa kapakanan ng mga batang Quezonian. Isang polisiya na layong maipromote ang consumption ng healthy food and beverages at mabawasan ang marketing at promotion ng unhealthy food gaya ng high in fats, at salt and sugar na mga pagkain.

Hangad din ng Imagine Law na makapagbigay ng tulong sa Pamahalaang Panlalawigan upang madagdagagan ang kaalaman ng mga ito sa polisiya lalo’t higit sa may kaugnayan sa kalusugan ng mga kabataang Quezonian.

Source: Quezon PIO

Management Committee Meeting | June 10, 2024

Muling pinangunahan ni Governor Doktora Helen Tan ang Management Committee Meeting kasama ang mga punong tanggapan sa Pamahalang Panlalawigan ngayong araw, Hunyo 10.

Ang mga pagpupulong na ito ay nagbibigay daan upan matalakay ang mga plano at istratehiya sa proyekto at programa ng pamahalaang panlalawigan upang matiyak na ang bawat tanggapan ay nasa maayos na pamamahala tungo sa iisang direksyon ng pag-unlad ng lalawigan ng Quezon.

Source: Quezon PIO

ika-100 Pangkaraniwang Pulong ng Sangguniang Panlalawigan ng Quezon | June 10, 2024

Sa patuloy na pagbalangkas ng mga batas na makakatulong sa bawat mamamayan sa Lalawigan ng Quezon, ginanap ang ika-100 Pangkaraniwang Pulong ng Sanggunian ngayong araw ng Lunes, Hunyo 10.

Inaprubahan ng Sangguniang Panlalawigan ang mga ordinansang bayan, executive orders at resolusyon na makakatulong sa pag- unlad ng probinsya ng Quezon at isa na rito ang paglagda ni Governor Doktora Helen Tan sa pagitan ng Pamahalaang Panlalawigan at ng lokal na pamahalaan ng General Luna, Quezon sa pagpapagawa ng San Vicente-Malaya Farm-to-Market Road.

Binigyang awtoridad din ang gobernadora na tanggapin ang 4 na Solar Pump Irrigation System para sa SIPAG-Jomalig at Panukulan Multi-Sectoral Fishers and Farmers Association gayundin ang pagtanggap ng 3,000 relief packs na donasyon mula sa Philippine Amusement and Gaming Corporation (PAGCOR) para sa mga mamamayang nasalanta ng nagdaang sakuna.

Pagdating sa usaping panglehislatura, asahan pa ang tuloy-tuloy na pagbibigay ng katuparan ng Sangguniang Panlalawigan para sa bawat mamamayan.

Source: Quezon PIO

Blessing & Awarding of Barangay Service Vehicles | June 10, 2024

Pinangunahan ni Governor Doktora Helen Tan ang Turnover Ceremony ng labing dalawang bagong service vehicle mula sa Pamahalaang Panlalawigan at sa kanyang Sariling Sikap Program ngayong araw, Hunyo 10, 2024.

Malugod ng tinanggap ng Brgy. 5, Brgy. 9, Brgy. Abang, Brgy. May-it, Brgy. Kakawit, at Brgy. Tiawe ng bayan ng Lucban at mga Barangay mula sa bayan ng Sampaloc kabilang ang Brgy. Bayongon, Brgy. Ilayang Owain, Brgy. San Bueno, Brgy. San Isidro, Brgy. San Roque, at Brgy. Taquico.

Mahalaga ang mga service vehicle sa isang barangay sapagkat mabilis nitong matutuguan ang mga emergency, paghahatid ng mga serbisyo ng pamahalang barangay, at pagpapalaganap ng impormasyon sa mga nasasakupan.

Nakiisa naman sina Vice Governor Third Alcala, Lucban Mayor Tenten Villaverde kasama ang mga opisyal ng mga nasabing Barangay.

Source: Quezon PIO

Lingap sa Mamamayan Libreng Gamutan | June 09, 2024

Dinagsa ng 5,642 na mamamayan mula sa bayan ng Atimonan ang isinagawang “Lingap sa Mamamayan, Libreng Gamutan” kahapon, Hunyo 10 sa pangunguna pa rin ni Governor Doktora Helen Tan.

Ilan sa mga napakinabangan na serbisyo ng mga Atimonanin ang libreng medical check-up, dental extraction, tuli, minor surgery ng maliit na bukol, cervical cancer and breast screening, eye check-up, ENT, derma, PCV 23 Vaccination, at iba’t-ibang Laboratory Services.

Naging possible ang nasabing medical mission dahil sa patuloy na pakikipagbalikatan ng mga doktor at espesyalista mula sa Provincial Health Office, QPHN-Quezon Medical Center, RAKKK Prophet Medical Center Inc., Batangas Medical Center, Quirino Memorial Medical Center, Rizal Medical Center, East Avenue Medical Center, SOLCOM, University of Sto. Thomas Hospital, Bicol Medical Center, at Private Doctors.

Kabilang din sa naghandog ng libreng serbisyo ang Office of the Provincial Veterinarian, Provincial Social Welfare and Development Office (PSWDO) at Provincial Treasurer’s Office (PTO).

Samantala, nakatanggap naman ang bawat barangay sa Atimonan ng nagkakahalagang P55,000 na esensyal na mga gamot upang magsilbing patawid na tugon para sa mga residenteng may iniindang karamdaman.

Nakasama sa ginanap na programa sina 4th District Congressman Atorni Mike Tan, Board Member Sonny Ubana, Board Member Angelo Eduarte, Board Member Harold Butardo, Board Member Derick Magbuhos, at Mayor Rostiko Mendoza.

Source: Quezon PIO

Barangay Tanod Assembly | June 09, 2024

Masayang pinaunlakan ni Governor Doktora Helen Tan ang Barangay Tanod Convention sa Bayan ng Atimonan nitong araw ng Linggo, Hunyo 9.

Kasamang nakibahagi sa maikling programa sina 4th District Congressman Atorni Mike Tan, Bokal Sonny Ubana, Bokal Derick Magbuhos, Bokal Harold Butardo, PCL President Bokal Ola Eduarte, Mayor Rustico Joven Mendoza at mga miyembro ng Sangguniang Bayan sa pangunguna ni Vice Mayor Nida Veranga.

Nagbigay paalala ang Gobernadora sa mahigit 400 na Barangay Tanod na naghahatid ng serbisyo sa 42 barangay ng nasabing bayan na dapat palaging inilalagay sa puso’t isipan ang kahalagahan ng kanilang ginagawa sa komunidad. Dagdag pa niya na kapag may kailangan at nahihirapan, huwag mahihiyang lumapit upang matugunan ang kanilang pangangailangan sapagkat aniya ayaw niyang masasakitin ang mga katuwang sa Barangay. Sa huli, ibinilin ng Gobernadora na patuloy na magkaisa para sa kaayusan sa Brgy. upang makamit ang pangarap na matahimik na lalawigan ng Quezon.

Samantala, nagbigay naman ng dagdag kaalaman ang Provincial Disaster Risk and Management Office sa pangunguna ni Mr. Omar Gajo at Atty. Rey Baligod mula naman sa Provincial Legal Office.

Namahagi rin ng mga bagong uniporme, heavy duty flashlights at food packs mula sa DSWD gayundin ng handog na raffle draw na nakadagdag ngiti sa bawat isang Brgy. Tanod ng Bayan ng Atimonan.

Source: Quezon PIO

Assistance to Individual in Crisis Situation – Atimonan, Quezon | June 09, 2024

Kasabay ng ibinabang libreng gamutan sa Bayan ng Atimonan nitong araw ng Linggo, Hunyo 9 namahagi rin ng tulong pinansiyal sa ilalim ng programang AICS o Assistance to Individual in Crisis Situation ang Pamahalaang Panlalawigan sa pangunguna ng tanggapan ng Provincial Social Welfare and Development.

Kasamang nakibahagi sa maikling programa sina Governor Doktora Helen Tan, 4th District Congressman Atorni Mike Tan, Bokal Sonny Ubana, Bokal Harold Butardo, Bokal Derick Magbuhos, PCL President Bokal Ola Eduarte at Mayor Rustico Joven Mendoza.

Bakas naman ang saya sa mukha ng 590 benepisyaryong nakatanggap ng educational, medical at burial assistance na magiging kapaki-pakinabang sa kanilang mga pangangailangan. May ilan ring mga estudyante mula sa isla ng Balesin ang nakatanggap ng tulong pinansiyal.

Batid ng Gobernadora ang mga pangangailangan ng bawat mamamayan sa lalawigan kung kaya’t patuloy ang pakikipagtulungan ng Pamahalaang Panlalawigan sa iba’t-ibang tanggapan upang maihatid ang mga tulong na tutugon sa pinagdaraanan ng mga Quezonian.

Source: Quezon PIO