NEWS AND UPDATE

Oath-taking Ceremony and Basic Orientation Program of 4 re-appointed employees of Quezon Provincial Hospital Network (QPHN) | February 27, 2025

Sa pangunguna ni Governor Doktora Helen Tan, tagumpay na naisagawa ang Oath-taking Ceremony and Basic Orientation Program para sa 4 na re-appointed employees ng Quezon Provincial Hospital Network (QPHN) mula sa Sampaloc, Lopez, at Atimonan at empleyado mula sa Provincial Government Environment and Natural Resources Office (PGENRO), ngayong araw ng Huwebes, Pebrero 27.

Sa naturang programa, pormal na nanumpa ang mga empleyado at muling tinanggap ang responsibilidad na kaakibat ng kanilang pagseserbisyo. Kaugnay nito, nagkaroon din ng maikling oryentasyon patungkol sa inaasahang tungkulin na kanilang gagampanan bilang kawani ng gobyerno.

Samantala, masayang binati ni Governor Tan ang mga empleyado at umaasa na makakatuwang sila ng Pamahalaang Panlalawigan sa pagpapaabot ng dekalidad na serbisyo para sa mamamayang Quezonian.

Ang nasabing seremonya ay dinaluhan ng mga kawani mula sa Provincial Health Office (PHO) sa pangunguna ni Dra. Kristin Mae-Jean Villaseñor, mga kawani mula sa Provincial Human Resource Management Office sa pangunguna ni PHRMO Rowell Napeñas, at mga kawani mula sa Provincial Government Environment and Natural Resources (PGENRO).

Quezon PIO

Gov. Helen Tan visited Maria L. Eleazar General Hospital – Brgy. Munting Parang Tagkawayan, Quezon | February 27, 2025

Matapos ang Medical Mission sa Brgy. San Isidro nagtungo naman si Governor Doktora Helen Tan sa Brgy. Munting Parang Tagkawayan, Quezon para bisitahin ang Maria L. Eleazar General Hospital, nitong Miyerkules, Pebrero 26.

Sa kasalukuyan, ipinapagawa ng Department of Health (DOH) ang nasabing ospital upang maging level 3 Hospital. Sa paraang ito ay mas mapapalawak at mapaparami pa ang maseserbisyuhang mamamayan ng Tagkawayan at kalapit lalawigan; Camarines Sur, at Camarines Norte.

Samantala, laging handang tumulong at sumubaybay si Governor Doktora Helen Tan sa pagpapagawa ng Maria L. Eleazar General Hospital upang matapos ito sa lalong madaling panahon at mapakinabangan ng maraming mamamayan.

Quezon PIO

Distribution of Agricultural Inputs – Tagkawayan, Quezon | February 27, 2025

Hindi lang pangkalusuganan ang handog ng Pamahalaang Panlalawigan sa bayan ng Tagkawayan, namahagi rin si Governor Doktora Helen Tan ng mga Agri-inputs sa mga mangingisda at magsasaka sa Brgy. San Isidro Tagkawayan, Quezon nitong Pebrero 26.

Sa kasalukuyan, malaki ang hinaharap na problema ng mga maliit na mangingisda dahil sa Fisheries Code of 1998 (RA 8550) at sa naamyendahang batas na RA 10654 ito ay sa pagpayag ng Korte Suprema na mangisda na ang mga commercial Fishing vessels sa municipal water o 15 kilometro mula sa baybayin sa dagat, dahilan upang magkaroon ng kakumpetensya ang maliliit sa malalaking mangingisda.

Kaya naman, namahagi ang Pamahalaang Panlalawigan ng Bottom Set Gill Net #04, at Bottom Set Gill Net #07, para sa maayos at masaganang-huli ng mga maliliit na mangingisda.

Kasabay nito, namahagi rin ng mga Organic Fertilizer, Assorted Vegetables Seeds, Fertilizer at iba’t ibang equipment para sa mga coconut Farmer, at magsasaka para sa dagdag kagamitan sa kanilang pagtatanim.

Samantala, tuloy-tuloy ang Pamahalaang Panlalawigan sa pagbibigay ng serbisyo na tutugon sa pangangailangan ng mga mamamayang Quezonian.

Quezon PIO

Resilience Local Government System Scorecard (RLGSS) Contextualization and Baselining in Quezon | February 26, 2025

Matagumpay na sinimulan ang unang araw ng 3-day workshop para sa Resilience Local Government System Scorecard (RLGSS) Contextualization and Baselining in Quezon na ginanap ngayong araw, Miyerkules, Pebrero 26, sa Queen Margarette Hotel, Brgy. Domoit, Lucena City.

Pinangunahan ito ng Provincial Disaster Risk Reduction Management Office (PDRRMO) sa ilalim ng pamumuno ni Dr. Melchor P. Avenilla, Jr. kasama ang Strengthening Institution and Empowering Localities Against Disasters and Climate Change (SHIELD).

Layunin ng programang ito na magkaroon ng masusing pag-unawa sa kahalagahan ng partisipasyon ng iba’t ibang sektor sa lalawigan na kaakibat para maabot ang “Resilience” sa Leadership at Governance (L&G), at sa Science and Technology (S&T) na makakatulong sa pagkamit ng “Resilience” sangayon sa Scorecards.

Tinalakay dito ni National Resilience Council (NCR) Resilience Officer, Mutya Camba, at UNDP-SHIELD Provincial Associate, Sandra Corpuz, ang mga proyekto ng SHIELD para sa taong 2025, ang kalahagahan ng pagiging resilient, at Stakeholder Mapping and Analysis upang masolusyunan ang pagkakaiba sa pagitan ng mga stakeholders. Habang nabigyang diin ang Scorecard na tatalakayin naman sa mga susunod na araw.

Dinaluhan ito ni Provincial Administrator Manuel Butardo kasama ang mga kinatawan mula sa iba’t ibang departamento ng Pamahalaang Panlalawigan, Southern Luzon State University (SLSU) CHERM, Philippine National Police (PNP), Philippine Chamber of Commerce and Industry (PCCI) Quezon Province, Department of the Interior and Local Government (DILG), Philippine Institute of Environmental Planners (PIEP) Quezon Chapter, National Food Authority (NFA), Tanggol Kalikasan, Department of Science and Technology (DOST), Girls Scout of the Philippines (GSP) Quezon Council, at Association of Local Social Welfare and Development Officers of the Philippines, Inc. (ALSWDOPI) Quezon.

Asahan na patuloy ang suporta ng Pamahalaang Panlalawigan para maging handa at matatag sa harap ng sakuna.

#SerbisyongTunayAtNatural #HEALINGQuezon #SHIELDResilience

Quezon PIO

Mga Ahensya sa Quezon, Nagsagawa ng Paghahanda para sa Semana Santa 2025 | February 26, 2025

Bilang paghahanda para sa nalalapit na Holy Week, nagsagawa ng Preparedness Measure for 2025 Semana Santa ngayong araw ng Miyerkules, Pebrero 26 ang iba’t ibang ahensya mula sa lalawigan ng Quezon.

Sa inisyatibo ni Governor Doktora Helen Tan pinangunahan ito ni QPDRRMO Dr. Melchor Avenilla Jr. katuwang ang Northern & Southern Philippine Coast Guard (PCG), Department of Public Works and Highways (DPWH), Quezon Provincial Disaster Risk Reduction and Management Office (QPDRRMO), Quezon Provincial Police Office (QPPO), Bureau of Fire Protection (BFP), Department of the Interior and Local Government (DILG), Maritime Police Station (MARPSTA), KABALIKAT CIVICOM, Tactical Operation Group (TOG), Provincial Health Office (PHO), District Engineering Office (DEO), at Provincial Social Welfare and Development Office (PSWDO).

Sa naturang pagpupulong tinalakay ang inisyal na plano patungkol sa kaayusan sa transportasyon at trapiko, Inspeksyon sa mga pantalan at pampublikong sasakyan, kahandaan sa sakuna at emerhensiya, pagbibigay ng gabay sa mga biyahero upang maiwasan ang anumang banta sa seguridad, tulad ng krimen o terorismo gayondin na matiyak ang kaligtasan at kaayusan sa mahal na araw.

Quezon PIO

Maria L. Eleazar General Hospital (Visitation) | February 26, 2025

Munting Parang, Tagkawayan Quezon

Link 1: https://www.facebook.com/share/v/1Bb6W8H8Ui/

Link 2: https://www.facebook.com/QuezonGovPh/videos/2038818936587418/

Quezon PIO

Kalinga sa Mamamayan, Libreng Gamutan sa Tagkawayan, Quezon | February 26, 2025

PANOORIN: Ang taos-pusong pasasalamat ng mga residente ng Tagkawayan Quezon sa paghahatid sa kanilang bayan ng Kalinga sa Mamamayan, Libreng Gamutan” o Medical Mission

Link: https://www.facebook.com/share/v/18PYxH1LoL

#SerbisyongTunayAtNatural #HEALINGQuezon #KalingaSaMamamayanLibrengGamutan #MedicalMission2025

Quezon PIO

Local Recruitment Activity | February 26, 2025

Magsasagawa ng Local Recruitment Activity (LRA) ang Quezon Provincial Public Employment Service Office katuwang ang Foodsphere, Inc. sa ika-4 ng Marso, 2025 (Martes) na idaraos sa Bulwagang Kalilayan, Governor’s Mansion Grounds sa ganap na ika-8:00 ng umaga hanggang ika-4:00 ng hapon. Sa nasabing aktibidad ay magbubukas ang mga sumusunod na posisyon:

SUPERVISING POSITIONS:

• Reliability Supervisors

• Project Supervisors

• Production Supervisors

TECHNICAL POSITIONS:

• Audit Checkers

• Billing Assistants

• SAP Encoders

• Inventory Staff

• Operations Assistant

ENGINEER/ SPECIALISTS

• Junior Industrial Engineers

• Learning and Development Specialists

CLERICAL

• Junior Auditors

• Human Resource Staff

• Administrative Staff

SKILLED WORKERS

• Production Staff

• Production Crews

• Forklift Operators

• Utilities Technicians

• Motorpool Mechanics

WORK LOCATION: MALVAR BATANGAS

Para sa mga interesadong makibahagi sa aktibidad, i-scan ang QR na makikita sa ibaba para sa link ng Pre-Registration. Magdala ng RESUME, ID at panulat.

FB Post: https://www.facebook.com/share/p/1FxrmqtPzi/

Quezon PIO

Artificial Insemination for Cattle and Carabao | February 26, 2025

Sa patuloy na pagbibigay ng veterinary services at sa pagpapaunlad ng lahi ng mga alagaing hayop ay nagsagawa ang Office of the Provincial Veterinarian (OPV) ng Estrus Synchronization / Artificial Insemination and Other Animal Health Services para sa mga kalabaw, baka, at kabayo sa mga Barangay ng Catanauan, Quezon gaya ng San Vicente Kanluran, San Vicente Silangan, Doongan Ilaya, at Santa Maria Dao. nitong Pebrero 18-19, 2025.

Ang bilang ng mga hayop na nabigyang serbisyo ay ang mga sumusunod:

Kalabaw – 278, baka – 74, at kabayo – 8 na pag-aari ng 292 na kalalawigan natin mula sa nasabing bayan.

Ang naturang aktibidad ay naisakatuparan sa tulong ng Department of Agriculture (PCC, NDA, BAI, RFO 4A) at ng Office of the Municipal Agriculturist ng Catanauan.

Quezon PIO

Consultative Meeting of High Value Crops Development Program | February 26, 2025

Matagumpay na isinagawa noong Pebrero 25, 2024, ang consultative meeting ng High-Value Crops Development Program (HVCDP) sa pangunguna ng Department of Agriculture Region 4A, katuwang ang Office of the Provincial Agriculturist (OPA) Quezon at ang HVCDP Unit ng OPA Quezon. Dinaluhan ito ni Engr. Redelliza Gruezo, Regional Technical Director for Operations and Extension / HVCDP Coordinator, at ni Ma. Leonelie G. Dimalaluan, Assistant Provincial Agriculturist, kasama ang mga kinatawan mula sa 26 bayan, 55 HVCDP Agricultural Extension Workers (AEWs).

Tinalakay sa pagpupulong ang mahahalagang usapin sa sektor ng agrikultura, kabilang ang Disaster Risk Reduction Management (DRRM) upang mapalakas ang kahandaan sa sakuna, ang pag-update sa Registry System for Basic Sectors in Agriculture (RSBSA) para sa mas epektibong pagbibigay ng suporta sa mga magsasaka. Inisa-isa rin ang proyekto at CSO accreditation process, kung saan hinimay ang mga kinakailangang dokumento at proseso para sa mga organisasyong nais makatanggap ng tulong mula sa DA.

Bukod dito, ibinahagi rin ang mga plano para sa four-wheel tractor, solar-powered irrigation, fertigation systems, at iba pang makabagong teknolohiya sa pagsasaka upang mapataas ang ani at kita ng mga magsasaka. Patuloy ang pagtutulungan ng iba’t ibang ahensya at stakeholders, kabilang DA ng OPA Quezon, upang mapalakas ang sektor ng agrikultura sa probinsya ng Quezon.

Quezon PIO

« Previous Page