NEWS AND UPDATE

Medical Mission – General Nakar | June 18, 2024

Kasabay ng Medical Mission sa bayan ng General Nakar, ginanap rin ang pamamahagi ng Educational Assistance sa Central Elementary School kung saan 90 mag-aaral ng kolehiyo ang nabigyan ng tulong pinansyal ngayong araw ng Lunes, Hunyo 18.

Patuloy ang suporta ni Governor Doktora Helen Tan sa mga kabataang nagsusumikap na makaahon sa kahirapan at ang isang susi nito ay ang pagpapahalaga sa kanilang pag aaral at pagpapaigting ng mga programang makakatulong sa kanilang edukasyon.

Source: Quezon PIO

Lingap Sa Mamamayan Libreng Gamutan | June 18, 2024

TINGNAN: Ang ilang kaganapan sa isinagawang libreng serbisyong gamutan sa bayan ng General Nakar ngayong araw, Hunyo 18 sa pangunguna ni Governor Doktora Helen Tan kasama ang mga doktor at espesyalista na mula sa Maynila at iba’t-ibang parte ng lalawigan ng Quezon.

Source: Quezon PIO

Tara Basa! Tutoring Program | June 15, 2024

Muling isinagawa ang TARA BASA Tutoring Program Capability Building of Tutors and Youth Development Workers kahapon, Hunyo 15 sa St. Jude Cooperative Hotel, Tayabas City.

Buo ang suporta ni Governor Doktora Helen Tan sa programang TARA BASA ng Department of Social Welfare and Development (DSWD) katuwang ang Department of Education na layung mapalawak pa ang pagtuturo na makabasa ang mga grade school student na nahihirapan sa pagbasa sa kanilang mga tahanan.

Dinaluhan ito ng 193 Youth Development Workers mula sa Southern Luzon State University ng mga bayan ng Lucban, Tiaong, at Tagkawayan na hahasain upang makapagbagi ng development session sa mga magulang kung saan matuturuan sila sa tamanag paggabay sa kanilang mga anak na ganahang magbasa at mag-aral ng mahusay.

Sa kasalukuyan, meron ding kaparehong programa ang pamahalaang panlalawigan na tinatawag na Project Kid Bibo na isa sa pangunahang programa ng ina ng lalawigan.

Source: Quezon PIO

Environment Month Celebration Coastal Clean-up Activity | June 14, 2024

“Our Environment, Our Future.”

Bilang pakikiisa sa selebrasyon ng World Environment Month, ginanap ang Coastal Clean-Up Activity ngayong araw ng Biyernes, Hunyo 14 sa Brgy. Ransohan, Lucena City.

Pinangunahan ng Water Quality Management Area Board of Iyam and Dumacaa System na kinabibilangan ng Provincial Government – Environment and Natural Resources Office (PG-ENRO) kasama ang lokal na pamahalaan ng Tayabas, Lucban, Lucena at iba’t- ibang organisasyon sa Lalawigan ng Quezon ang aktibidad na layong mapangalagaan ang ating baybay ilog at dagat.

Ang mga basura na nanggagaling sa lungsod ng Tayabas at Lungsod ng Lucena partikular ang Iyam at Dumacaa river ay dumidiretso sa baybay dagat ng Brgy. Barra at Brgy. Ransohan kung kaya’t hinihikayat ang komunidad na nasasakupan ng mga nasabing ilog na manguna at makiisa sa pagpapanatili ng kalinisan ng mga ito upang maprotektahan ang natural na ganda at mapakinabangan pa ng mga darating na henerasyon.

Nagpasalamat naman si PGENRO Head, Mr. John Francis Luzano sa suporta ng mga namumuno sa Brgy. Ransohan at Brgy. Barra sa paghihikayat sa mga mamamayan nito na makiisa sa mga ganitong klaseng aktibidad para sa kalikasan at panawagan din nito na magkaroon ng tamang pamamahala ng basura upang maiwasan ang pagkasira ng ating mga ipinagmamalaking ilog at karagatan.

Source: Quezon PIO

KADIWA ng Pangulo sa Kapitolyo | June 14, 2024

Ginanap ang ika-anim na KADIWA ng Pangulo sa Kapitolyo ngayong araw ng Biyernes, Hunyo 14 sa Perez Park, Lucena City.

Ito ay pagkakataong mabili ang mga produktong lokal gaya ng bigas, itlog, gulay, prutas at iba pa sa murang halaga.

Ang Pamahalaang Panlalawigan ay palagiang nakasuporta at nakikiisa sa programang ito ng Nasyunal na nagbibigay ng malaking tulong sa mga kababayang Quezonian upang makapamili ng mga bilihing bagsak presyo gayundin sa mga mamamayang pangunahing hanapbuhay ay ang paggawa at pagbenta ng mga lokal na produkto.

Abangan ang muling pagsasagawa ng proyektong inisyatibo ni Pangulong Ferdinand “Bongbong” Marcos Jr. sa mga sumusunod na petsa:

• July 16, 2024 (Tuesday

• August 15, 2024 (Thursday)

• September 13, 2024 (Thursday)

• October 15, 2024 (Tuesday)

• November 15, 2024 (Friday)

• December 13, 2024 (Friday)

Source: Quezon PIO

Ginoo at Binibining Niyogyugan 2024 Sashing Ceremony | June 13, 2024

“It will be an experience of a lifetime and we hope that you enjoy the journey.”

Ito ang pahayag ni Provincial Tourism Officer Mr. Nesler Louies Almagro sa opisyal na pagpapakilala sa mga kalahok ng Ginoo at Binibining Niyogyugan 2024 ngayong araw ng Huwebes, Hunyo 13 sa Queen Margarette Hotel, Lucena City.

Tatlumpung bayan ng lalawigan ang magiging kalahok sa nalalapit na makulay at masayang timpalak na bahagi ng Niyogyugan Festival kung saan 28 ang magtutunggali para sa Ginoo at 26 naman para sa Binibini.

Dinaluhan naman ang aktibidad ni Provincial Administrator Manuel P. Butardo, mga tourism officers at ilang mga punong bayan ng lalawigan na labis ang pagsuporta para sa kanilang mga pambato.

Sa huling bahagi ay nagkaroon ng pagbibigay ng mga opisyal na numero at oryentasyon ang mga kalahok kasama ang kanilang mga handlers para sa paghahanda at pagpapaliwanag ng tuntunin sa nalalapit na Ginoo at Binibining Niyogyugan 2024.

Source: Quezon PIO

Quezon Province Peace Summit 2024 | June 12, 2024

Sa pagdiriwang ng Ika-126 anibersaryo ng kalayaan ng Pilipinas ngayong araw ng Hunyo 12, isinagawa ang Quezon Province Peace Summit 2024 na dinaluhan ni Governor Doktora Helen Tan kasama si Senate of the Philippines Majority Floor Leader – Senator Francis Tolentino.

Bukod sa ito’y bilang pakikiisa sa pagdiriwang ng Araw ng Kalayaan, ang nasabing programa ay bilang selebrasyon din ng unang anibersaryo ng pagkakadeklara ng SIPS o Stable Internal Peace and Security sa buong lalawigan ng Quezon.

Ibinahagi ng Air Force of the Philippines (AFP) ang mga accomplishments na naisakatuparan, isang taon matapos maging insurgency free ang lalawigan.

Sa pakikipagbalikatan sa nasyonal na ahensya at pamahalaan, naninindigan si Governor Tan na matutugunan ang idinadaing na kahirapan ng ating kalalawigan na isa sa mga pangunahing dahilan sa kanilang pagtalikod sa pamahalaan.

Samantala, naibigay rin sa ginanap na programa ang awarding ceremony ng Enhanced Comprehensive Local Integration Program (ECLIP) para sa mga kalalawigan nating nagbalik-loob. Kabilang na ang karinderya package na magsisilbing tulong para sa kanilang muling pagsisimula.

Nakatanggap naman ng pagkilala at plake o SIPS seal ang mga Local Government Units (LGUs), at sama-samang nagpalipad ng kalapati ang bawat kawani mula sa lokal at nasyonal pamahaalanan na dumalo bilang simbolo ng kapayapaan sa lalawigan ng Quezon.

Source: Quezon PIO

Pakikiisa ng Pamahalaang Panlalawigan ng Quezon sa Ika-126 Anibersaryo ng Kalayaan ng Pilipinas | June 12, 2024

TINGNAN: Bilang pakikiisa ng Pamahalaang Panlalawigan ng Quezon sa ika-126 anibersaryo ng kalayaan ng Pilipinas, masiglang isinagawa ngayong araw, Hunyo 12 ang pagtataas ng watawat at ang pag-aalay ng bulaklak sa monumento ni Rizal.

Dinaluhan ni Governor Doktora Helen Tan ang nasabing seremonya kung saan nakiisa si Senate of the Philippines Majority Floor Leader – Senator Francis Tolentino, gayundin ang iba’t-ibang punong opisyal ng lokal at nasyonal na pamahalaan.

Source: Quezon PIO

Pagbisita sa Tanggapan ni Governor Doktora Helen Tan ang Academic Cluster Chairperson ng Mapua University | June 11, 2024

TINGNAN: Bumisita sa tanggapan ni Governor Doktora Helen Tan ang Academic Cluster Chairperson ng Mapua University na si Dr. Heidee Buenaventura ngayong araw ng Martes, Hunyo 11 upang ipresenta ang inilalapit na potensiyal na learning partnership agreement sa pagitan ng Pamahalaang Panlalawigan at ng nasabing unibersidad sa ilalim ng kanilang School of Medicine program.

Source: Quezon PIO

Child Development / Daycare Workers Provincial Convention 2024 | June 11, 2024

Mabuhay ang Child Development Day Care Workers ng Lalawigan ng Quezon!

Bilang paggunita sa Daycare Worker’s Day, ginanap ang Child Development / Day Care Workers’ Convention ngayong araw ng Martes, Hunyo 11 sa Quezon Convention Center, Lucena City.

Dinaluhan ng 1,491 Child Development Workers mula sa mga bayan ng apat na distrito ng Lalawigan ng Quezon ang taunang aktibidad, kung saan 1,450 dito ay mga daycare workers at 41 naman ang city and municipal social workers and development officer.

Nagkaroon ng tagisan sa talento ang mga CDW sa isinagawang mga patimpalak gaya ng Zumba Dance Challenge, Singing Contest at Mutya ng Child Development Workers 2024 na mas nagbigay naman ng sigla sa nasabing programa.

Tumanggap rin ang bawat isa ng 12,000 pesos bilang insentibo sa kanilang libreng serbisyo para sa mga batang Quezonian at sa huli ay ginawaran ang 268 Child Development Workers ng Lalawigan ng Quezon ng parangal at karagdagang insentibo para sa kanilang dedikasyon, mahusay na pagseserbisyo at paglilingkod ng mahigit 25 years sa kanilang nasasakupan.

Layunin ng taunang aktibidad na kilalanin ang mahalagang papel ng mga child development worker sa paghubog ng buhay ng mga bata at pagtataguyod ng kanilang pangkalahatang kagalingan at pakikilahok sa mga pampublikong gawain.

Source: Quezon PIO