TINGNAN | Ipinamahagi ang apat na 4×4 Multi-Purpose Service Vehicle mula sa Kabalikatan Foundation Inc. para sa Brgy. Banugao, Brgy. Ilog, Brgy. Magsaysay at Brgy. Pilaway na magagamit ng mga namumuno nito para sa kapakinabangan ng kanilang mga nasasakupan ngayong araw ng Miyerkules, Hunyo 19
Source: Quezon PIO
TINGNAN: Ang ilang kaganapan sa isinagawang libreng serbisyong gamutan sa bayan ng Infanta ngayong araw, Hunyo 19 sa pangunguna ni Governor Doktora Helen Tan kasama ang mga espesyalista at mga doktor na mula sa Maynila at iba’t-ibang parte ng lalawigan ng Quezon.
Source: Quezon PIO
Muling nagsagawa ng programang “Lingap sa mamamayan, Libreng Gamutan” sa bayan ng General Nakar ngayong araw ng Lunes, Hunyo 18.
3,481 na residente ng nasabing bayan ang nabigyan ng libreng medical check-up, dental extraction, minor surgery sa may maliit na bukol, eye check- up, ENT, UTZ, X-RAY, ECG,, FBD/RBS, Cholesterol, uric acid, urinalysis, CBC, tuli, cervical cancer and breast screening, at PCV-23 vaccination.
Nagbigay naman ang Provincial Social Welfare and Development (PSWDO) at Provincial Treasurer’s Office (PTO) ng medical assistance sa mga pasyenteng hindi available ang mga iniresetang gamot.
Samantala, umabot sa 1,101 ang nakapagpakonsultang may alagang hayop sa Office of the Provincial Veterinarian habang 32 ang nakapagbakunahan ng anti-rabies.
Kasabay nito ay naibahagi sa bawat barangay ng General Nakar ang mga gamot na magsisilbing pantawid tugon sa mga residenteng may iniindang sakit.
Source: Quezon PIO
Walang sinayang na sandali si Governor Doktora Helen Tan sa Bayan ng General Nakar kung saan masaya niyang pinaunlakan ang Barangay Tanod Assembly kasabay ng isinagawang libreng gamutan ngayong araw ng Martes, Hunyo 18.
Kasamang nakipag-kumustahan sina Vice Governor Third Alcala, Bokal Julius Luces, mga myembro ng Sangguniang Bayan at ang kinatawan ni Mayor Eliseo Ruzol na si Kuya Ambet Rozul.
Nagpasalamat ang Gobernadora sa pagsisikap at dedikasyon ng mga Barangay Tanod sa pagpapanatili ng kaayusan at katahimikan sa bawat Barangay ng naturang Bayan.
Samantala, nagbahagi naman ng dagdag kaalaman sina Dr. Mel Avenilla, Jr. mula sa Provincial Disaster Risk Reduction and Management Office gayundin si Atty. Monique Loria na kinatawan naman mula sa Provincial Legal Office.
Sa huli, malugod na tinanggap ng mga Barangay Tanod ang mga bagong uniporme, heavy duty flashlights, at raffle draw mula sa Gobernadora at ang foodpacks na hatid naman ni DSWD Sec Rex Gatchalian.
Source: Quezon PIO
Para sa pagpapalawig ng sektor ng Agrikultura sa lalawigan ng Quezon, ginanap ang konsultasyon at pamimigay ng agri-fishery inputs para sa mga mangingisda at magsasaka sa bayan ng General Nakar ngayong araw, Hunyo 18.
Ipinamahagi sa isandaang miyembro mula sa Samahan ng mga Magniniyog, SIPAG Gen. Nakar at Municipal Fisheries and Aquatic Resource Management Council ang mga kagamitang pangsaka, pandagat at mga pananim gaya ng PCV Hose, seedling trays, fertilizers, knapsack sprayer, grass cutter, iba’t- ibang uri ng pananim na gulay at 5,000 Tilapia Fingerlings.
Source: Quezon PIO
Sa muling pagbabalik ni Governor Doktora Helen Tan sa bayan ng General Nakar naisakatuparan ang hiling ng Brgy. Maigang at Brgy. Lumutan na magkaroon ng 4×4 Multi-Purpose Service Vehicle mula sa Kabalikatan Foundation Inc. na lubos na mapapakinabangan ng mga nasasakupan nito ngayong araw ng Lunes, Hunyo 18.
Source: Quezon PIO
Sa pakikipagtulungan ng Philippines Business for Social Progress (PBSP) sa Provincial Disaster Risk Reduction and Management Office (PDRRMO) ay naisakatuparan ang pagpupulong ng TWG for the Enterprise Risk Management for Economic Resilience ng SHIELD Program kahapon, Hunyo 18.
Ito ay alinsunod sa programang Strengthening Institution and Empowering Localities Against Disaster and Climate Change (SHIELD) Program na layuning mapaghusay pa ang kaunlaran pang-ekonomiya sa buong lalawigan ng Quezon.
Dinaluhan ito ng mga kinatawan mula sa PDRRMO, Office of the Provincial Agriculturist (OPA), Southern Luzon State University (SLSU), Philippine Fiber Industry Development Authority, (PhilFIDA), at RHUDARDA Multi-purpose Cooperative Polillo.
Masayang sinimulan ang Cocolympics 2024 na unang ginanap sa ikalawang distrito ng Quezon nitong Hunyo 18 sa Mayao Parada, Lucena City.
Bahagi ng mga patimpalak ang Coconut relay, Lambanog relay, Bangus Deboning, Gen Z: Cooking Contest, at Quezon Game KNB? na masigasig na pinagsikapan mapanalunan ng mga kalahok mula sa Lucena, Sariaya, Candelaria, Tiaong, at San Antonio.
Samantala, nagpatuloy ang Cocolympics 2024 nitong Hunyo 20 para sa district preliminary sa ika-unang distrito ng Quezon kabilang ang Tayabas, Pagbilao, Lucban, Sampaloc, Mauban, Real, Infanta, at General Nakar.
Ang aktibidad na ito ay parte ng pagdiriwang sa darating na Niyogyugan Festival 2024 na layong ipakita ang angking galing at talento ng mga mangingisda at magsasakang Quezonian habang pinapalakas ang samahan at pagkakaisa.
Source: Quezon PIO
Tryouts for Quezon’s new Women’s Volleyball Team that will be competing in the MPVA.
DATE: JUNE 24, 2024 (MONDAY)
PLAYER REQUIREMENTS:
– FEMALE /
– VOLLEYBALL ATHLETE
– 18 years old or above
– FROM QUEZON PROVINCE
DETAILS:
Registration time (Call time): 11:00 am
Start time: 1:00 pm
End time: 4:00 pm
*First Impressions last, please don’t be late*
VENUE:
Quezon Convention Center
WHAT TO BRING?
– ID or Certification proving you are from Quezon Province
– Jersey with Last Name on the back
– Water
– Ballpen
– Your Very Best Game
Source: Quezon PIO
TINGNAN: Sa pagtungo ni Governor Doktora Helen Tan sa bayan ng General Nakar ngayong araw, Hunyo 18 ay binisita rin ng gobernadora ang itinatayong Evacuation Center na magsisilbing tuluyan at proteksyon ng mga mamamayan ng nasabing bayan tuwing may bagyo o anumang sakuna.
Source: Quezon PIO