April 18, 2025 (Good Friday) partial number of submitted tourist arrivals by LGU’s (City/Municipal Tourism Office) as of April 19, 2025 / 12nn = 85,596
To be updated on future events, kindly like and follow the Tourism Quezon Province Facebook page.
More Details: https://www.facebook.com/share/p/19UmrpQW2D/
#LentenSeason2025
#LoveThePhilippines
#LoveCALABARZON
#TaraNaSaQuezon
Quezon Tourism
Walang Nanay ang Dapat Mamatay sa Pagbibigay Buhay!
Noong Abril 14–16, 2025, matagumpay na naisagawa ang Intensive Pregnancy Tracking sa Brgy. Ilaya, Plaridel; Brgy. Tagbacan, Catanauan; at Brgy. Cawayan II, San Francisco, Quezon.
Bahagi ito ng Barangay Bantay Buntis strategy ng DOH–Center for Health Development CALABARZON, na aktibong ipinatutupad sa lalawigan sa pangunguna ng Quezon Provincial Health Office, katuwang ang mga Barangay Health Workers, Midwife Supervisors, Municipal Health Offices, Safe Motherhood Coordinators, at HRH-NDP Nurses.
Layunin ng aktibidad na matiyak ang maayos na pagtukoy, pag-monitor, at pag-refer ng mga buntis sa tamang pasilidad, upang maisulong ang ligtas at malusog na pagbubuntis.
#QuezonProvince
Quezon PIO
TINGNAN: Ang sitwasyon ng mga byahero patungo sa Marinduque, Romblon at Masbate City sa Port of Lucena City, ngayong araw ng Miyerkules Abril 16.
Ayon kay Port Manager Auroa Mendoza, marami na ang pasahero sa nasabing pantalan na patungo sa iba’t ibang destinasyon upang gunitahin ang SEMANA SANTA sa kani-kanilang probinsya. Tinatayang 16,000 na ang pasahero mula pa ng Linggo at inaasahan pa ang pagdami nito sa mga susunod na araw.
Samantala, nakatutok at binabantayan 24 oras ang Port ng mga Moriones Port Services, Philippine Cost Guard (PCG), Philippine Drug Enforcement Agency (PDEA), Philippine National Police (PNP) Maritime Group, at Local Goverment of Lucena upang siguraduhin ang kaligtasan ng mga pasahero.
Pinag-iingat at pinapaalalahanan naman ang lahat ng pasahero sa kanilang kagamitan sapagkat siksikan na sa pantalan.
#PORTADVISORY
#SEMANASANTA2025
#QUEZONPROVINCE
Quezon PIO
TINGNAN: Ang kasalukuyang sitwasyon sa Lucena Grand Central Terminal ngayong alas 9 ng umaga, Miyerkules, Abril 16.
Ayon kay Supervisor of Lucena Grand Central Terminal Vivencio J. Lusanta, kakaunti pa ang pasahero at hindi pa siksikan ang biyahe papuntang South ngayong umaga, ngunit inaasahan itong dadagsa mamayang hapon hanggang bukas, Abril 17. Siniguro naman niya na kaya itong i-accommodate ng tinatayang 200 bus na bibyahe papuntang South at pabalik ng North sa darating na Sabado at Linggo.
Tiniyak din niya na patuloy silang nakikipag-ugnayan sa kapulisan upang mapanatili ang seguridad at kaligtasan ng mga biyahero. Kasabay nito ay pinaalalahanan niya ang pasahero na huwag nang magdala ng mga gamit na ikaantala ng biyahe gaya ng mga patalim, gayundin maging maingat at manatiling alerto sa paligid.
#SEMANASANTA2025
#QuezonProvince
Quezon PIO
Sa pagpapaunlad ng mas malusog na mga komunidad, ang Quezon Provincial Health Office sa pakikipagtulungan ng Center for Health Development IV-A, ay nakatuon sa pagpapahusay ng kapakanan ng mga Quezonians sa pamamagitan ng estratehikong pagpapaunlad ng Healthy Public Open Spaces (HPOS) sa buong lalawigan ng Quezon.
Sa kadilahilanang ito, isinagawa ang “Training Workshop for the Development and Maintenance of Healthy Public Open Spaces” noong ika-10 hanggang ika-11 Abril, 2025 sa Nawawalang Paraiso, Resort and Hotel, Barangay Camaysa, Tayabas City, at dumalo dito mga kawani ng mga munisipalidad sa buong lalawigan.
Ang workshop na ito, sa pakikipagtulungan ng mga iginagalang na resource speakers mula sa University of the Philippines – College of Architecture (UPCA), ay naglalayon na mapaunlad ang HPOS, sa pamamagitan ng pag-sunod sa prinsipyo sa pagpaplano, paglikha ng mga disenyo para sa pagsulong ng kalusugan at epektibong pakikipag-ugnayan sa komunidad. Tiyak na makakatulong ang aktibidad na ito sa paglikha at pagpapanatili ng mga pampublikong espasyo na nakakatulong sa kalusugan at sigla ng ating komunidad.
#QuezonProvince
Quezon PIO
TINGNAN: 143rd Sangguniang Panlalawigan Regular Session.
Pormal na ginanap ang ika-143 Pangkaraniwang Pulong ng Sangguniang Panlalawigan ngayong araw ng Lunes, Abril 14 sa pangunguna ni Vice Governor at Presiding Officer Third Alcala kasama ang mga Board Member na kinatawan ng bawat distrito sa lalawigan ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa higit pang pagpapaunlad at pagpapatatag ng lalawigan ng Quezon.
Kaugnay nito, idineklarang wasto ang ordinansang na isinulong ni Board Member at Committee on Investment, Trade and Industry Vinnette Alcala-Naca patungkol sa Ordinansa Blg. 25-03 ng Lungsod ng Tayabas, na pinamagatang: “Isang ordinansang nagpapasakop sa pornal na pagpapatupad ng katuwang sa Diwa at Gawa para sa masaganang ani at mataas na kita (Kadiwa) ng pangulo at para sa layuning ito ay inaangkop ang mga naaangkop sa probisyon ng Department of the Interior and Local Government (DILG) MEMORANDUM CIRCULAR BLG. 2024-003.
Samantala, aprobado sa ikalawang pagbasa ang liham na humihiling ng pagpasa ng isang resolusyon na nagbibigay pahintulot sa Punong Lalawigan na lumagda sa isang Memorandum of Understanding sa ngalan ng Pamahalaang Panlalawigan ng Quezon, kasama ang mga kinikilalang kumpanya at ahensya para sa pagpapadali ng konsultasyong medikal at patungkol sa mga kagamutan.
#143rdPangkaraniwangPulong
#QuezonProvince
Quezon PIO
Pamahalaang Panlalawigan ng Quezon at OWWA, Mananatiling Kapit-bisig sa Pag-alalay sa mga Bayaning Masigasig
Nagsagawa ang Overseas Workers Welfare Administration (OWWA) sa pakikiisa ng Pamahalaang Panlalawigan ng Quezon sa pamamagitan ng Quezon Provincial Public Employment Service Office ng isang aktibidad na nakatuon sa pamamahagi ng test permit sa mga mag-aaral na anak ng mga Overseas Filipino Workers na nangangailangan ng tulong pinansyal. Isinakatuparan ito alinsunod sa Education Development Scholarship Program/ Congressional Migrant Worker Scholarship Program ng OWWA na ginanap noong ika-18 ng Marso, 2025 sa ikatlong palapag ng Main Capitol Building, Lucena City, Quezon.
Pinangunahan ang nasabing aktibidad ng mga kinatawan ng OWWA Regional Office 4A kabilang na sina Ms. Avelina Sheryl Briton-Caya, OWWO III-Education and Training Unit Head; Mr. Paul Jordan C. Prado at Ms. Gracielle B. Corpuz mula sa Education and Training Unit; Ms. Stephanie Banasihan mula sa Finance Unit; at si Ms. Lyka Janelle Llaga, Family Welfare Officer.
Ang layunin ng aktibidad ay makapagbigay ng tulong pinansyal sa pamamagitan ng Welfare Assistance Program (WAP) ng tanggapan. Sa kabuuan ay mayroong siyamnapu’t dalawang (92) Quezonians ang nabigyan ng iba’t ibang programa/serbisyo: limampu’t tatlong (53) mga iskolar na tumanggap ng assistance, dalawampu’t lima (25) na pinagkalooban ng medical assistance, tatlo (3) ang tumanggap ng bereavement assistance, siyam (9) para sa Balik Pinas Hanap Buhay, isa (1) naman ang pinagkalooban ng Insurance Claim Fund (ICF), at isa (1) rin ang hinandugan ng Immediate Financial Assistance.
Patuloy ang hangarin ng OWWA at ng Pamahalaang Panlalawigan ng Quezon katuwang ang Quezon Provincial PESO na makapagbigay ng mga programa at serbisyong nakatuon sa kapakanan ng mga itinuturing na mga modernong bayani at sa kanilang mga mahal sa buhay. Sa kabila ng mga pagsubok ay hindi matatawaran ang dedikasyon ng mga nabanggit na tanggapan upang matumbasan ang sakripisyong inilalaan ng mga OFW upang makamit ang maginhawang buhay at maging daan tungo sa maunlad na ekonomiya ng bansa.
Quezon PIO
Muling isinagawa ang Kadiwa ng Pangulo sa Kapitolyo na may temang “Katuwang sa diwa at gawa para sa masaganang ani at mataas na kita (Kadiwa) ng pangulo” ngayong araw ng Martes, Abril 15 sa Quezon Capitol Compound, Lucena City.
Ang naturang programa ay inisyatibo ng Pambansang Pamahalaan katuwang ang iba’t ibang ahensya gaya ng Department of Agriculture at Department of Trade and Industry (DTI) kung saan ito ay buwanang isinasagawa sa Pamahalaang Panlalawigan upang direktang mailapit sa mga konsyumer ang mga dekalidad at sariwang produkto sa mas abot-kayang halaga.
Sa gitna ng pagtaas ng presyo ng mga pangunahing bilihin, malaking bagay ang hatid ng ganitong programa na nag-uugnay sa mga lokal na produkto at mamimili gayundin na naipapakita ang tunay na diwa ng bayanihan sa pagitan ng pamahalaan at mga mamamayan. Isa rin itong konkretong hakbang upang patuloy na itaguyod ang lokal na agrikultura at kabuhayan sa lalawigan ng Quezon.
#KadiwaNgPangulo
#QuezonProvince
Quezon PIO
Heartfelt congratulations to Miko Jardin (Ginoong Niyogyugan 2024 Tourism) on being crowned King of the World Philippines 2025 CULTURE. Your dedication, poise, and embodiment are truly commendable.
#KingoftheWorldPhilippines
#QuezonProvince
#TaraNaSaQuezon
Quezon Tourism
Mahalaga ang tulog! Bawasan ang paggamit ng cellphone o tablet bago matulog para sa masarap na pahinga. 😴
QPHN-QMC