NEWS AND UPDATE

Blessing & Turnover of Medical Equipment | July 5, 2024

Pormal nang ipinagkaloob sa Quezon Provincial Hospital Network – Quezon Medical Center (QPHN-QMC) ang bagong Leica Cryostat Machine 1860 na mula kay San Miguel Corporation (SMC) President and Chief Executive Officer, Mr. Ramon S. Ang.
Sa ginanap na programa ngayong araw ng Biyernes, Hulyo 5, taos-pusong pinasalamatan ni Governor Doktora Helen Tan si Mr. Ramon S. Ang sa walang sawang pagkikipagbalikatan upang makapagbigay ng iba’t-ibang tulong sa buong lalawigan ng Quezon.
Ang Cryostat ay ginagamit upang ipreserve ang mga tissue samples gamit ang mababang temperatura, at para rin ito sa mas mabisang pagsusuri ng iba’t-ibang sakit partikular na ang cancer.
Ayon naman kay QPHN-QMC Chief of Hospital Dr. Juan Eugenio Fidel Villanueva, ang makinang ito ay malaking tulong upang mapalawak pa ang kanilang kakayahan na magbigay ng tamang diagnosis sa mga pasyente. Magsisilbi rin itong mahalagang hakbang upang mag-apply ng accreditation training program sa kanilang Department of Pathology.
Samantala, matatandaan ring naibigay sa nasabing ospital ang Fujifilm Supria 128 Slice CT-Scanner at Mammogram Machine nito lamang nakaraang ika-23 ng Enero 2024.

Source: Quezon PIO

Emergency Shelter Assistance Payout | July 4, 2024

Magkakasunod na naihatid ngayong araw ng Huwebes, Hulyo 4 ang tulong pinansyal para sa mga mamamayan na naapektuhan ng Bagyong Aghon.
Sa pangunguna ni Governor Doktora Helen Tan katuwang ang nasyonal at lokal na pamahalaan ay matagumpay na natanggap ng 1,223 benepisyaryo mula sa bayan ng San Antonio, 334 benepisyaryo sa bayan ng Sampaloc, at 3,357 benepisyaryo sa bayan ng Mauban ang nasabing tulong o ang Emergency Shelter Assistance (ESA).
Ang natangagp na tulong ay magsisilbing bagong panimula upang maipaayos ng mga napinsalang Quezonian ang kanilang mga bahay na nasira dahil sa malakas na paghagupit ng Bagyong Aghon nitong nakaraang buwan ng Mayo.
Ipinaaabot ng Pamahalaang Panlalawigan ng Quezon ang pasasalamat sa tanggapan ni Senator Loren Legarda dahil ibinaba rin nilang tulong na AIC o Assistance to Individual in Crisis Situation.
Pinasasalamatan din ang Department of Social Welfare and Development (DSWD), Provincial Social Welfare and Development Office (PSWDO), at Provincial Treasurer’s Office (PTO) na parating maaasahan sa pagpapaabot ng mga serbisyong lubos na mapakikinabangan ng bawat mamamayan sa lalawigan.

Source: Quezon PIO

Ms. Leira Mae A. De Luna, Top 9 ng Physical Therapists Licensure Examination – National Level na mula sa Bayan ng Catanauan. | July 3, 2024

TINGNAN: Nagkortesiya nitong araw ng Miyerkules, Hulyo 3 sa tanggapan ni Governor Doktora Helen Tan si Ms. Leira Mae A. De Luna, Top 9 ng Physical Therapists Licensure Examination – National Level na mula sa Bayan ng Catanauan.
Nakasama sa pagbisita ang kanyang mga magulang na sina Mr. Ariel De Luna at Mrs. Esperanza De Luna gayundin ang mga pinuno ng St. Anne College Lucena, Inc. kung saan nagtapos ang nasabing topnotcher sa pangunguna ni Dr. Marlon Malilay, Director of the School of Allied Health Sciences.
Nagpupugay ang Pamahalaang Panlalawigan sa muling pagpapamalas ng husay at angking talino ng isang Quezonian! Congratulations!

Source: Quezon PIO

Provincial Health Board Meeting | July 03, 2024

Para sa mas progresibo at malusog na kinabukasan ng lalawigan ng Quezon, masusing isinagawa ang ika-anim na Provincial Health Board Meeting kahapon, Hulyo 3 sa 3rd Floor ng Quezon Provincial Capitol.

Pinangunahan ni Governor Doktora Helen Tan ang pagpupulong kung saan ay pinagtuunang pansin ng mga miyembro ng Health Board ang programang Konsulta na nais pang mas pataasin ang bilang ng first patient encounter sa bawat bayan sa lalawigan.

Napag-usapan rin ang paggawa ng Mental Health Ordinance na mas magpapatibay sa hangarin na matugunan ang mga pangangailangan ng mga Quezonian na apektado ng anumang uri ng mental illness.

Aprubado naman ng Health Board ang pagpapalakas pa ng navigation at referral system ng pasyente sa lalawigan sa pamamagitan at tulong ng mga Barangay Health Navigators.

Samantala, natanggap ng ilang RHU at pagamutan mula sa iba’t-ibang bayan sa Quezon ang insentibong lubos na kanilang mapakikinabangan para sa serbisyong pangkalusugan, gayundin ay nai-turnover ang mga bagong medical equipment tulad ng microscope, hearing test machine, at cardiac monitor.

Source: Quezon PIO

Pagbisita at Nilibot ni Governor Doktora Helan Tan sa Quezon Provincial Hospital Network – Quezon Medical Center | July 03, 2024

TINGNAN: Masigasig na binisita at nilibot ni Governor Doktora Helan Tan ang Quezon Provincial Hospital Network – Quezon Medical Center (QPHN-QMC) kahapon, Hulyo 3 upang personal na inspeksyonin ang mga isinasaayos na mga pasilidad sa nasabing ospital, gayundin ay kanyang kinamusta ang kalagayan ng mga naka-admit na pasyente.

Source: Quezon PIO

Panatilihing Ligtas ang Inyong mga Alaga Laban sa Q-Fever

Link: https://www.facebook.com/QuezonGovPh/posts/pfbid0VNk8VD8B3H9mzu1psRbHp1bWmVHwJFWsLXpx6xegjDDG36WrG1v71Hj5j2SsKq8xl?rdid=Ktqq63Bsll4AM5xX

Source: Quezon ProVet

Pagkortesiya kay Governor Doktora Helen Tan ng Charge d’Affaires of the Embassy of India | July 02, 2024

TINGNAN: Nagkortesiya kay Governor Doktora Helen Tan si Charge d’Affaires of the Embassy of India Dr. Sadre Alam nitong nakaraang linggo sa Old Capitol Building, Lucena City.

Natalakay ang mga posibleng investment at partnership sa pagitan ng Indian Government at Pamahalaang Panlalawigan ng Quezon pagdating sa usapang agrikultura.

Source: Quezon PIO

Pagkortesiya sa Tanggapan ni Governor Doktora Helen Tan ng Development Bank of the Philippines (DBP) | July 02, 2024

Nagkortesiya sa tanggapan ni Governor Doktora Helen Tan ang Development Bank of the Philippines (DBP) sa pangunguna ng kanilang Pangulo at Chief Executive Officer na si Mr. Michael O. De Jesus ngayong araw ng Martes, Hulyo 2.

Tinalakay at ibinahagi ng kawani ng DBP ang nilalaman ng programang DBP Forest na handog ng naturang bangko sa ilalim ng Corporate Social Responsibility (CSR) program kung saan magmumula ang pondo sa Green Climate Fund (GCF).

Ang programang ito ay naglalayong suportahan ang layunin ng Nasyonal na Pamahalaan na mapanumbalik ang sakop ng kagubatan ng bansa kabilang ang mga lugar sa baybayin, itaguyod ang pakikipagtulungan sa mga pampubliko at pribadong organisasyon na may parehong pananaw, mag-ambag ng 7,500 ektarya sa konserbasyon ng kagubatan sa taong 2030, mapagaan ang epekto ng Climate Change alinsunod sa UN Sustainable Development goal no. 13 – Climate action at makapagtanim ng mga puno sa kagubatan, mga prutas na may mataas na halaga at ilang mga kapaki-pakinabang na species tulad ng kawayan, ilang-ilang at bakawan.

Samantala, kasama rin na dumalo sa talakayan ang mga kinatawan mula sa tanggapan ng Environment and National Resources ng Lalawigan.

Source: Quezon PIO

46th National Disability Rights Week Celebration | July 02, 2024

Sa pangunguna ng Provincial Social Welfare and Development Office (PSWDO), malugod na ginanap ngayong araw ng Martes, Hulyo 2 ang 46th National Disability Rights Week Celebration sa Quezon Convention Center, Lucena City.

May temang “Promoting Inclusion: Celebrating Abilities and Advocating Access” ang pagdiriwang ngayon taon, at dinaluhan ng tinatayang 1,000 Quezonian PWDs ang nasabing programa na naglalayong bigyang halaga at pagkilala ang kanilang sektor.

Masaya ring nakiisa at nagpakita ng pagsuporta si Governor Doktora Helen Tan, at kanya namang binigyang-diin na hindi dahilan ang kapansanan upang magkaroon ng access sa mga nararapat na serbisyo, at tulong kung kaya’t naibahagi ng gobernadora na sa pamamagitan ng Sangguniang Panlalawigan sa pamumuno ni Vice Governor Third Alcala ay kanilang isusulong ang ordinansang poprotekta sa bawat PWD sa lalawigan ng Quezon.

Naisagawa rin sa parehong araw ang Oath Taking Ceremony ng mga bagong halal na opisyal ng Quezon Province Alliance of Persons with Disability Affairs (QPAP), at nakatanggap ng nagkakahalagang P20,000 na insentibo ang Municipal Association of Persons with Disability.

Samantala, nakasama sa ginanap programa si National Council on Disability Affairs (NCDA) Regional Program Coordinator – Mr. Mike P. Limon na nagsilbi bilang panauhing pandangal.

Nakadagdag saya rin sa ating mga PWD na kalalawigan ang patimpalak sa pagkanta at pagsayaw, gayundin ang mga papremyo sa raffle draw.

Source: Quezon PIO

SPES Orientation & Life Skills Training | July 02, 2024

Upang makamit ang mithiing masuportahan ang mga estudyante na may kinahaharap na problemang pinansyal habang nag-aaral, ginanap ngayong araw ng Martes, Hulyo 2 ang Special Program for Employment of Students (SPES) Orientation & Life Skills Training sa pangunguna ng Public Employment Service Office (PESO) ng lalawigan katuwang ang Department of Labor and Employment (DOLE) Quezon Provincial Office.

Sa programang ito, makikinabang ang 100 na estudyante mula sa iba’t-ibang bahagi ng lalawigan gayundin ang 100 na estudyante mula sa lungsod ng Tayabas na dumalo via Zoom meeting, na papasok bilang SPES sa loob ng 20 araw.

Binigyang-diin ni DOLE Provincial Director Engr. Edwin T. Hernandez ang mahalagang kontribusyon ng pagkakaroon ng ganitong programa na nakatutulong sa mga estudyante upang matugunan ang kanilang pag-aaral.

Pinaliwanag naman ni PESO Manager Ms. Genecille P. Aguirre ang mga alituntunin at layunin ng programa. Lubos din ang kanyang pasasalamat dahil sa pagsuporta ni Governor Doktora Helen Tan ay maraming estudyante ang matutulungan na mabawasan ang kanilang pasanin pagdating sa edukasyon.

Samantala, nagkaroon din ng Life Skills Training na ibinahagi ng PESO kung saan ito’y may siyam (9) na modyul na nakatuon sa kung paano gagamitin ng mga estudyante ang kanilang kakayanan sa pagpasok sa SPES.

Source: Quezon PIO