Amended Schedule of Voter Registration | July 11, 2025

Voter Registration to resuem on August 1-10, 2025

The Commission on Elections has rescheduled the Resumption of the System of Continuing Registration of Voters to August 1 to 10, 2025.

The following applications will be accepted:

• Registration
• Change/correction of Entries in the Registration Records
• Reactivation of Registration Records
• Inclusion of Registration Records and Reinstatement of Name in the List of Voters
• Updating of Records of PWD, Senior Citizen, and members of IP and ICC

Registration hours will be from 8:00AM to 5:00PM, Mondays to Fridays, including Saturdays, Sundays, and Holidays, except when declared otherwise by the COMELEC.
Meanwhile, the Register Anywhere Program (RAP) shall be conducted in the National Capital Region (NCR) and select areas in Region III and Region IV-A from August 1-7, 2025.

#COMELEC
#VoterRegistration2025

COMELEC

Unang batch ng Cholecystectomy Caravan | July 11, 2025

Bilang bahagi ng patuloy na hangarin ng Pamahalaang Panlalawigan ng Quezon na mapalawak at matugunan ang mga pangunahing pangangailangang medikal ng mga mamamayan, matagumpay na naisagawa ang unang batch ng Cholecystectomy Caravan mula Hulyo 9 hanggang Hulyo 13 sa Quezon Provincial Hospital Network – Quezon Medical Center (QPHN-QMC), Lucena City.

Umabot sa dalawampu’t limang (25) Quezonians ang nabigyan ng libreng operasyon sa ilalim ng programang ito, na layuning mapagaan ang pasanin ng mga pasyenteng may kondisyon sa gallbladder o apdo habang pinapalakas ang akses sa dekalidad na serbisyong medikal sa lalawigan.

#SerbisyongTunayAtNatural
#QuezonProvince
#HEALINGQuezon

Quezon PIO / QPHN-QMC

Admission para sa Cholecystectomy Caravan | July 11, 2025

ISINAGAWA ANG ADMISSION PARA SA CHOLECYSTECTOMY CARAVAN

Matagumpay na isinagawa ang admission ng mga pasyenteng sasailalim sa Cholecystectomy Caravan — isang hakbang na layuning mapabilis at mapagaan ang pag-access sa serbisyong medikal, partikular sa mga pasyenteng may gallbladder concerns.

Ang programang ito ay bahagi ng patuloy na adbokasiya ng QPHN-Quezon Medical Center na maghatid ng dekalidad at abot-kayang serbisyong medikal para sa bawat Juan sa lalawigan ng Quezon.

#QMCCholeCaravan
#SerbisyongMayPuso
#KalusuganParaSaLahat

QPHN-QMC

Training on Wood Vinegar Production | July 11, 2025

Pasasalamat ang handog ng mga magsasakang mula sa bayan ng Lucban, Tayabas, Padre Burgos, at Pagbilao sa kaloob na pagsasanay ng Tanggapan ng Panlalawigang Agrikultor sa ilalim ng Agricultural Support Services Division ukol sa “Wood Vinegar Production” nitong ika-9 ng Hulyo, taong 2025 sa Quezon Agricultural Demo Farm.

Layunin ng pagsasanay na ito na maibahagi ang benepisyo, paraan ng paggawa, paggamit, at kahalagahan ng wood vinegar para sa sustenable at ligtas na paghahalaman, lalo na sa mga nagsipagdalo na nagsusulong ng organikong pamamaraan ng pagtatanim.

‎#QuezonProvince
‎#HEALINGQuezon
‎#SerbisyongTunayAtNatural

Quezon PIO

AQUATECH, Nagsagawa ng pagsasanay sa “Capacity Development for Extension Officers” sa Tagkawayan, Quezon | July 11, 2025

AQUATECH, Nagsagawa ng pagsasanay sa “Capacity Development for Extension Officers” sa Tagkawayan, Quezon
Isinagawa ng Association of Quezon Aquaculture and Technologists (AQUATECH) ang isang pagsasanay noong Hulyo 8, 2025 sa bayan ng Tagkawayan, Quezon, na dinaluhan ng mga Fisheries Extension Officers mula sa iba’t ibang munisipalidad sa lalawigan. Pinangunahan ang aktibidad ng Tanggapan ng Panlalawigan Agrikultor sa pinangasiwaan ni AQUATECH President Mr. Randy B. Mendoza, na nangakong patuloy na isusulong ang pagpapalakas ng kakayahan ng mga extension personnel sa larangan ng aquaculture.

Ito ay nakatuon sa temang “Capacity Development for Extension Officers,” na layuning iangat ang antas ng kaalaman, kasanayan, at koordinasyon ng mga extension workers upang mas epektibong maihatid ang mga programa’t serbisyo sa mga mangingisda at aquaculture stakeholders sa kani-kanilang mga lokalidad.

Bilang panimulang bahagi ng programa, nagbigay ng Paunang Pagbati si Tagkawayan Municipal Agriculturist Mr. Juanito S. Panganiban, kung saan pinasalamatan niya ang AQUATECH sa pagpili ng kanilang bayan bilang host municipality. Iginiit din niya ang kahalagahan ng extension work bilang tulay sa pagitan ng pamahalaan at ng mga nasa sektor ng pangisdaan.

Tinalakay dito ang kasalukuyang estado ng mga programa at proyekto ng dibisyon para sa taong 2025, kabilang na ang mga interbensyong ipinatutupad sa ilalim ng Fishery Industry Development Program.

Gayundin, ang Mid-Year Accomplishment Report ng mga extension officers mula Enero hanggang Hunyo 2025.
Ang nasabing pagtitipon ay patunay ng masiglang kooperasyon at dedikasyon ng mga Aquaculture Extension Officers sa Quezon upang matugunan ang mga hamon ng panahon, mapaunlad ang lokal na aquaculture, at makapaghatid ng mas makabuluhang serbisyo sa mga komunidad ng pangisdaan.

#OPAQuezon
#Fisheries
#FisheriesDivision
#QuezonAgriculture
#QuezonProvince

Quezon PIO

2025 Static Display and Photo Exhibit kaugnay ng pagdiriwang ng National Resilience Month | July 11, 2025

TINGNAN: Ang unang araw ng 2025 Static Display and Photo Exhibit kaugnay ng pagdiriwang ng National Resilience Month sa pangunguna ng Provincial Disaster Risk Reduction and Management Office (PDRRMO) sa ilalim ng pangangasiwa ni PDRRMO Head Dr. Melchor Avenilla Jr. katuwang ang mga ahensya ng gobyerno sa lalawigan ng Quezon.

Tampok sa naturang aktibidad ang mga kasanayan sa emergency response at mga kagamitan sa pagsagip ng buhay na naglalayong magbigay-kaalaman at magsilbing paalala sa mamamayang Quezonian sa kahalagahan ng pagiging handa sa panahon ng sakuna.

#NationalResilienceMonth2025
#PDRRMO
#QuezonProvince
#SerbisyongTunayAtNatural
#HEALINGQuezon

Quezon PIO

Newborn Screening Caravan | July 10, 2025

Kalusugan at kaligtasan ng mga sanggol ang hatid ng programang Newborn Screening Caravan sa pangunguna ng Department of Health (DOH) ngayong araw ng Huwebes, Hulyo 10 sa Southern Quezon Convention Center, Gumaca.
‎
‎Sa unang 1000 Days o “Golden Window of Opportunity” mahalaga na mapangalagaan ang nutrisyon at kalusugan ng mga sanggol dahil sa sinapupunan pa lang ng ina ay nagsisimula na ang pag-develop ng pisikal at mental ng mga ito.
‎
‎Matapos isilang ang sanggol, ang Newborn Screening ay kinakailangang gawin upang masuri at maagang matukoy kung may malalang sakit ito. Layunin nito na maagapan ang mga posibleng kapansanan o pagkawala ng buhay sa pamamagitan ng maagang gamutan.
‎
‎Sa programa, tinatayang 39 na sanggol ang sumailalim sa libreng newborn screening, na nag mula sa iba’t ibang bayan ng Quezon. Ipinaabot naman ng kanilang magulang ang taos-pusong pasasalamat sa mga Department of Health (DOH), GMA Kapuso Foundation Inc., Quezon Provincial Health Office (QPHO), Rural Health Unit (RHU), at Local Goverment Units (LGU’s) na nagbalikatan upang maging matagumpay ang nasabing programa.
‎
‎Samantala, patuloy na makikipag-ugnayan ang Pamahalaang Panlalawigan sa pangunguna ni Governor Doktora Helen Tan sa mga nasyonal na ahensya para sa mas malusog at ligtas na lalawigan ng Quezon.
‎
‎#QuezonProvince
‎#HEALINGQuezon
‎#SerbisyongTunayAtNatural

Quezon PIO

OPA-Fisheries, Nagdaos ng Seminar para sa Pag-unlad ng Tilapia Farming sa Tagkawayan | July 10, 2025

Ang mga kinatawan ng OPA-Fisheries Division ng Tanggapan ng Panlalawigang Agrikultor ay matagumpay na nagsagawa ng isang araw na seminar para sa mga fish pond operators sa bayan ng Tagkawayan, Quezon noong Hulyo 9, 2025. Layunin ng aktibidad na palalimin ang kaalaman at kasanayan ng mga lokal na operator sa larangan ng aquaculture upang mapaunlad ang kanilang produksyon at mapalakas ang kanilang kakayahan sa harap ng mga hamon ng nagbabagong klima.

Umabot sa dalawampu’t limang (25) fish pond operators mula sa iba’t ibang barangay ng Tagkawayan ang lumahok sa seminar na may temang “Sustainable Freshwater Aquaculture for Changing Climates.” Ang pagsasanay ay ginanap sa Training Hall ng bayan at dinaluhan ng mga masigasig na kalahok na nagnanais matuto ng mga makabago at napapanatiling pamamaraan sa pag-aalaga ng isdang-tabang, partikular na ang tilapia.

Nagsilbing mga tagapagsalita sa seminar sina Mr. Aprileon Rufo, Mr. Randy Mendoza, at Mr. Alex Del Carmen mula sa OPA-Fisheries Division. Kabilang sa mga pangunahing paksa na kanilang tinalakay ay ang mga sumusunod:

• Sustainable Freshwater Aquaculture for Changing Climates – kung saan ipinaliwanag ang kahalagahan ng adaptibong pamamahala sa palaisdaan sa gitna ng epekto ng pagbabago ng klima;
• Gabay sa Pagpapalaki ng Tilapia sa Palaisdaan – na tumalakay sa mga teknikal na aspeto tulad ng tamang pagpapakain, water quality management, stocking density, at disease prevention; at
• Cost and Return Analysis – kung saan tinuruan ang mga kalahok kung paano suriin ang kanilang gastusin at kita upang matiyak ang pagiging kapaki-pakinabang ng kanilang operasyon.

Ayon kay Aquacultural Center Chief Ma’am Francia Astejada, ang naturang pagsasanay ay bahagi ng patuloy na inisyatibo ng Pamahalaang Panlalawigan ng Quezon upang isulong ang modernisasyon at pagpapaunlad ng industriya ng pangisdaan. Dagdag pa niya, mahalaga na ang mga fish pond operators ay maging handa sa mga epekto ng pagbabago ng klima at matutong gumamit ng mga makabagong teknolohiya at pamamaraan na makakatulong sa kanilang kabuhayan.

Ang nasabing seminar ay bahagi ng mas malawak na programa ng OPA-Fisheries Division na naglalayong suportahan ang mga maliliit na mangingisda at aquaculturists sa lalawigan sa pamamagitan ng pagbibigay ng edukasyon, teknikal na tulong, at iba pang interbensyon para sa napapanatiling pag-unlad ng sektor ng pangisdaan.

#SerbisyongTunayAtNatural
#HEALINGQuezon
#QuezonProvince

Quezon PIO / Agriculture

Duck Raiser’s Consultative Meeting 2025 | July 10, 2025

Pinangunahan ng Office of the Provincial Veterinarian ang isang Duck Raiser’s Consultative Meeting noong Hulyo 8, 2025 sa OPV Conference Hall sa Brgy. Talipan, Pagbilao, Quezon na dinaluhan ng mga Duck Raiser’s mula sa iba’t ibang bayan ng Quezon. Ang layunin nito ay mas mapalawak ang kaalaman ng mga kalahok kaugnay ng biosecurity, pagsunod sa mga regulasyon, at pagpapaunlad ng industriya ng pagpapalahi ng itik sa Quezon.

Sa kanyang pambungad na mensahe, binigyang-diin ni Dr. Adelberto Ambrocio ang kahalagahan ng pagtutulungan ng pamahalaan at ng mga duck raiser’s upang makamit ang isang maayos, ligtas, at progresibong industriya.

Tinalakay ni Dr. Arlene Vytiaco mula sa Bureau of Animal Industry (BAI) ang proseso ng Registration of Duck Farms, na mahalagang hakbang upang maitala ang mga lehitimong poultry operators sa lalawigan. Sinundan ito ni Ms. May Basilan na nagbahagi ng impormasyon tungkol sa Animal Disease Monitoring Compliance Certificate, na nagsisilbing patunay ng pagsunod ng mga farm sa pamantayan ng kalusugan ng hayop.

Nagbigay naman si Dr. Glenn Reyes ng teknikal na kaalaman tungkol sa Biosecurity for Duck Farms, kung saan binigyang-diin ang mga paraan upang mapanatiling ligtas sa sakit at kontaminasyon ang mga alagang itik.

Naging daan ang pagpupulong sa pagpapalakas ng ugnayan sa pagitan ng mga duck raiser at iba’t ibang ahensya, gayundin sa pagbabahagi ng kaalaman para sa ikauunlad ng kanilang kabuhayan. Isa itong patunay ng patuloy na suporta ng Pamahalaang Panlalawigan ng Quezon sa sektor ng paghahayupan.

#ProVetQuezon
#SerbisyongTunayAtNatural
#HEALINGQuezon
#QuezonProvince

Quezon PIO / ProVet

Veterinary Medical Mission | July 10, 2025

Magkita-kita tayong muli tuwing UNANG LUNES ng buwan!

Handog ng Provincial Government of Quezon sa pamamagitan ng Office of the Provincial Veterinarian – Quezon, Veterinary Medical Mission simula AUGUST 04, 2025 sa LUCENA, PEREZ PARK

FREE Consultation
FREE Anti-rabies Vaccination
FREE Deworming

Provision of veterinary medicine.

#VeterinaryMedicalMission
#ProVetQuezon
#SerbisyongTunayAtNatural
#HEALINGQuezon
#QuezonProvince

Quezon PIO / ProVet