Opisyal na pagbubukas ng 2025 Filipino Food Month na may temang “Sarap ng Pagkaing Pilipino: Yaman ng Ating Kasaysayan, Kultura at Pagkatao” | April 5, 2025

Sa opisyal na pagbubukas ng 2025 Filipino Food Month na may temang “Sarap ng Pagkaing Pilipino: Yaman ng Ating Kasaysayan, Kultura at Pagkatao”, ngayong araw ng Biyernes ika-04 ng Abril, muling ipinagdiwang ang mga pagkain at produktong Pilipino na may makulay at mayamang kultura at tradisyon.
Isang makasaysayang araw ito para sa Lalawigan ng Quezon sapagkat ito ang unang pagkakataon na dito ginanap ang kick-off ng nasabing selebrasyon. Ibinida ng lalawigan ang sari-saring produkto gaya ng mga sariwang gulay at prutas gayundin ang mga pampasalubong at kakanin na mula sa maliliit na negosyante at lokal na kooperatiba at samahan ng magsasaka.
Samantala, tampok ang masarap at katakamtakam na mga pagkain sa “Pamanang Lutuin Cooking Competition” kung saan ipinatikim ng labing-limang kalahok ang ipinagmamalaking lutuin na mula sa kani-kanilang mga bayan. Itinanghal na champion sa kompetisyon ang bayan ng Lucban, habang nakuha naman ng bayan ng Tagkawayan ang ikalawang puwesto at bayan ng Guinayangan para sa ikatlong puwesto.
Nagpamalas rin ng angking galing at talento ang mga Quezonian gaya ng Sariaya Community Rondalla, Duluyan Theater Organization at Terpsichorean Performing Arts Academy sa kanilang Cultural Performances and presentation.
Lubos ang pasasalamat ng Pamahalaang Panlalawigan partikular na ang Provincial Tourism Office na pinamumunuan ni PTO Nesler Louies Almagro at Office of the Provincial Agriculturist na pinamumunuan ni Doc. Liza Mariano sa pambansang ahensya ng Department of Agriculture (DA), Department of Tourism (DOT), National Center for Culture and Arts (NCCA), at Philippine Culinary Heritage Movement (PCHM) dahil sa pakikipagbalikatan nito upang tagumpay na maisagawa ang pagdiriwang sa lalawigan ng Quezon.
Mga kalalawigan, sama-sama nating tangkilikin at ipagmalaki ang mga pagkain na salamin ng ating pagkakakilanlan at repleksyon ng isang mayamang kultura at tradisyon ng Pilipinas.

#FilipinoFoodMonth2025
#NationalKickOffCelebrationsaQuezon
#QuezonProvince

Quezon PIO

Delivery of Anesthesia Machine to QPHN Atimonan (Dona Marta) and QPHN Guinyangan | April 4, 2,025

MAKABAGONG KAGAMITAN PARA SA LIGTAS AT EPEKTIBONG PAGPAPAGALING
Bilang bahagi ng pagsasaayos at pagpapaunlad ng mga serbisyong medikal ng mga pampublikong ospital sa lalawigan ng Quezon, naglaan ng pondo ang Pamahalang Panlalawigan para sa Anesthesia Machine na ibinahagi sa QPHN-Doña Marta (Atimonan) at QPHN-Guinayangan.
Ang anesthesia machine at iba pang bagong kagamitan ay lubos na makakatulong sa mas maayos na serbisyo para sa mga mamamayang Quezonians upang makapagsagawa ng surgical operations at hindi na kailangan pang ilipat sa ibang pampubliko o pribadong hospital.

#QuezonProvince

Quezon PIO

Shortlisted SPES Applicants na sasailalim sa Face-to-Face Interview | April 4, 2025

Heto na ang pinakahihintay n’yong araw mga kabataan ng Quezon
(Candelaria, Lucban, Lucena City, Sariaya, Tayabas City, Pagbilao)
Available na ang pang-apat na listahan ng mga Shortlisted SPES Applicants na sasailalim sa Face-to-Face Interview!
Maaari na ninyong ma-access sa link na makikita sa imahe o larawan sa ibaba ng posting na ito.
Ang listahan ay naglalaman ng mga sumusunod:
* Pangalan ng mga Aplikanteng pumasa sa initial screening
*Pangalan ng mga Aplikanteng may kulang na dokumento (na kailangang isumite sa araw ng interbyu o panayam kasama ang iba pang kinakailangang dokumento)
*Mga detalye ng Interbyu.
MAHALAGANG PAALALA: Ang pagkakasama sa listahan ay HINDI GARANTIYA na kabilang na bilang benepisyaryo ng programa. Ang lahat ng aplikante ay sasailalim pa rin sa interbyu at karagdagang beripikasyon.
Mga Kinakailangang Dokumento: (Kailangang magdala ng photocopy)
*Original Signed Copy of SPES Application Form
*Photocopy of Birth Certificate
*Patunay ng Kita ng Magulang/Guardian (ITR, BIR Certification o
Barangay/DSWD Certification)
***Ang Certificate of Indigency ay para lamang po sa mga magulang na walang sapat na hanapbuhay.
*Para sa mga Estudyante: Photocopy of Grades
*Para sa Out-of-School-Youth (OSY): Sertipikasyon bilang OSY mula sa DSWD / Barangay
*Photocopy ng anumang valid ID or School ID
Dalhin ang kumpletong requirements o kinakailangang mga dokumento sa araw ng iyong interbyu.
Salamat at inaasahan namin ang inyong pagdalo.
Goodluck mga bes!

#QuezonProvince

Quezon PIO

Kaganapan sa National Kick-off Celebration ng 2025 FILIPINO FOOD MONTH (FFM) | April 4, 2025

PANOORIN: Ang mga naging kaganapan sa National Kick-off Celebration ng 2025 FILIPINO FOOD MONTH (FFM) na pinangunahan ni Pangulong Ferdinand “Bongbong” R. Marcos Jr. kasama sina Quezon Governor Doktora Helen Tan at Department of Agriculture Secretary Francisco P. Tiu Laurel Jr. ngayong araw ng Biyernes ika-04 ng Abril sa Quezon Provincial Capitol Compound, Lucena City.

Link: https://www.facebook.com/share/r/16TrEFACjz/

#FilipinoFoodMonth2025
#NationalKickOffCelebrationsaQuezon
#QuezonProvince

Quezon PIO

Filipino Food Month National Kick-off Celebraition | April 4, 2025

FILIPINO FOOD MONTH 2025: “Sarap ng Pagkaing Pilipino: Yaman ng Ating Kasaysayan, Kultura at Pagkatao”
TINGNAN: Sa pangunguna ni Pangulong Ferdinand “Bongbong” R. Marcos Jr. kaisa si Quezon Governor Doktora Helen Tan at Department of Agriculture Secretary Francisco P. Tiu Laurel, Jr., tagumpay na naisagawa ang National Kick-off Celebration ng 2025 FILIPINO FOOD MONTH (FFM) na ginanap sa Quezon Provincial Capitol Compound, Lucena City ngayong araw ng Biyernes ika-04 ng Abril.
Ang selebrasyon na ito ay alinsunod sa Presidential Proclamation No. 469 series of 2018 kung saan idineklara ang buwan ng Abril bilang Filipino Food Month. Ito ay naglalayon na ipagdiwang ang mga pagkain bilang bahagi ng kultura at pagkakakilanlan ng mga Pilipino at ipakilala ang kontribusyon ng mga ito sa ekonomiya at turismo ng bansang Pilipinas.
Sa mensahe ni Pangulong Marcos kanyang binigyang-diin na sa pagdiriwang ng buwan ng kalutong Pilipino ay ginugunita ang mga kusina bilang sanktuwaryo ng kasaysayan, kultura at pagkatao ng mga Pilipino. Aniya, sa mga pagkain ay matutuklasan ang pagka-malikhain, matatag at pagkamalasakit sa kapwa ng mga Pilipino.
Sa huli, kanyang hinikayat ang lahat na ipagdiwang ang pagkaing Pilipino, panatilihin ang tradisyon at ipamana ito sa mga susunod pang henerasyon.
Samantala, ang pagdiriwang na ito ay inorganisa ng Department of Agriculture (DA), Department of Tourism (DOT), National Commission for Culture and Arts (NCCA), at Philippine Culinary Heritage Movement. (PCHM).

#FilipinoFoodMonth2025
#NationalKickoffCelebration
#QuezonProvince

Quezon PIO

Live Positive and Wellness Hub | April 4, 2025

🌟 Maging Proactive sa Kalusugan! 🌟
Libre at confidential ang HIV testing, counseling, at iba pang serbisyong pangkalusugan sa QPHN-QMC Live Positive and Wellness Hub! Huwag matakot, magpasuri—para sa mas ligtas at mas malusog na bukas!
📍 Para sa inquiries, tumawag sa (042) 717 6323, makipag-ugnayan sa aming Facebook page, o bisitahin ang QPHN-QMC Live Positive and Wellness Hub.

QPHN-QMC

2025 Filipino Food Month Nationwide Kick-Off Celebration | April 4, 2025

Officially marking the start of the country’s annual festivity of its rich culinary heritage, President Ferdinand R. Marcos Jr. leads the 2025 Filipino Food Month (FFM) Nationwide Kick-off Celebration at the Quezon Provincial Capitol in Lucena City on April 4, 2025.
Organized by the Department of Agriculture (DA), Department of Tourism (DOT), National Commission for Culture and the Arts (NCCA) and Philippine Culinary Heritage Movement (PCHM), this year’s celebration carries the theme ‘Sarap ng Pagkaing Pilipino, Yaman ng Ating Kasaysayan, Kultura at Pagkatao.’ The event highlights the importance of local agricultural produce in Filipino cuisine while strengthening partnerships between the public and private sectors.
Under Presidential Proclamation No. 469, series of 2018, FFM is observed every April to preserve and promote Filipino culinary traditions. A Memorandum of Understanding (MOU) signed in 2021 by the DA, DOT, NCCA and PCHM reinforces their continued collaboration in organizing this annual event.
The celebration brings together key government agencies, culinary experts and industry stakeholders in a unified effort to promote Filipino cuisine as a vital aspect of national identity and cultural pride.

Facebook Live: https://www.facebook.com/share/r/15LaggUkbH/

Quezon PIO

Paghahanda sa nalalapit na Semana Santa at Summer Vacation | April 3, 2025

Bilang paghahanda sa nalalapit na Semana Santa at Summer Vacation, isinagawa ang “#Love the Philippines: An Enjoyable, Safe Holy Week and Summer Vacation 2025” seminar ng Department of Tourism CALABARZON ngayong ika – 3 ng Abril 2025 na dinaluhan ng mga Tourism Stakeholders ng lalawigan ng Quezon.
Pormal na pinasimulan ang nasabing aktibidad sa pamamagitan ng pagpapakita ng suporta sa layon ng pambungad na pananalita ni DOT IV-A Regional Director Marites Castro. Kasunod nito’y tinalakay naman ni G. Reyan Derrick C. Marquez, Division Chief ng The Philippine Disaster Risk Reduction Management System ang kahalagahan ng pagiging handa sa mga posibleng sakuna at agarang pagtugon dito, tinalakay naman ni PMAJ Delilah L. Tapulayan Deputy Chief, Provincial Operation and Management Unit (POMU) ang patungkol sa OPLAN SUMVAC 2025, dito ay binigyang-diin niya ang pagpapanatili at prayoridad ng peace and order sa lalawigan. Pinangunahan naman ni Ms. Karen May E. Bartolome, mula pa rin sa Department of Tourism Region IV-A, ang isinagawang Gender and Development orientation.
Kaya TARA NA! NGAYONG SEMANA SANTA AT SUMMER VACATION 2025 ATING PASYALAN ANG NATATANGING GANDA NG LALAWIGAN NG QUEZON!

#TAraNasaQuezon
#LovethePhilippines
#LoveCALABARZON
#QuezonProvince

Quezon PIO

Ang Buwan ng Abril ay Buwan ng Panitikan | April 3, 2025

Ang buwan ng Abril ay Buwan ng Panitikan!
Ang Pamahalaang Panlalawigan ng Quezon ay nakikiisa sa pagdiriwang ng Pambansang Buwan ng Panitikan alinsunod sa Proklamasyon Bilang 968 na nilagdaan noong 2015 na may temang “Sikad Panitikan: Kultura at Panitikan ng Kaunlaran.”
Ngayong taon, isang dekada simula nang malagdaan ang proklamasyon, binibigyang-diin ang pagsikad ng panitikan bilang mahalagang salik sa paghubog ng ating pagkakakilanlan. Higit pa sa sining ng pagsulat, ang panitikan ay nagsisilbing tulay sa mas malalim na pag-unawa sa mga isyung panlipunan, pang-ekonomiya, at pampulitika. Ito rin ay nagbibigay-daan sa pagbasag ng mga makalumang pananaw at sa pagpapalawak ng kaisipan para sa mas makabago at progresibong lipunan.
Bisitahin ang https://ncca.gov.ph/nlm2025/ para sa iba pang impormasyon.

#NLM2025 #SikadPanitikan
#QuezonProvince

Quezon PIO

Financial Risk Protection in Quezon Provincial Network | April 3, 2025

Dumalo ngayong araw, ika- 3 ng Abril, 2025, ang ating Provincial Health Officer II, Kristin Mae-Jean Villaseñor, sa pagpupulong ng mga kawani ng QPHN-Mauban, kung saan ibahagi niya ang tungkol sa “Financial Risk Protection in Quezon Provincial Network”. Ang patakarang ito ay idinisenyo upang matiyak na ang bawat Quezonian ay tumatanggap ng komprehensibong pangangalagang pangkalusugan nang walang bigat sa pananalapi. Ang mga patakarang ito ay ginawa upang magarantiya ang pagiging karapat-dapat para sa pangangalagang panlipunan, tulong medikal, at tulong pinansyal, partikular para sa mga pasyenteng may kakulangang pinansyal.
Sa pagbisita, binigyang-diin ang hanay ng mga serbisyong makukuha sa pamamagitan ng Provincial Health Office, kabilang ang makabagong Refer Quezon at Quezon Telemedicine. Bukod pa rito, sinamantala rin ang pagkakataong libutin ang pasilidad, na naglalayong suriin at pagbutihin ang mga pamantayan ng mga serbisyo sa pangangalagang pangkalusugan na ibinibigay sa lahat ng Quezonians.

#QuezonProvince

Quezon PIO