WORLD HEALTH DAY: “Healthy beginnings, hopeful futures” | April 7, 2025

WORLD HEALTH DAY: “Healthy beginnings, hopeful futures”.
Ipinagdiriwang ngayong araw ng Lunes, Abril 07, ang WORLD HEALTH DAY na may temang “Healthy Beginnings, Hopeful Futures”. Ito ay nakatuon sa higit na pangangalaga sa bawat ina at sa kaniyang sanggol. Layunin nito na itaas ang pangkalusugang kamalayan na may kinalaman sa pagbubuntis hanggang panganganak ng isang ina at magtaguyod ng kolektibong aksyon na tutugon at susuporta sa kanilang mga pangangailangan.
Ayon sa tala ng World Health Organization nitong taong 2023, tinatayang nasa 700 kada araw o katumbas ng halos 260, 000 kada taon ang kababaihan na namamatay dahil sa pagbubuntis at panganganak.
Ang nakakaalarmang datos na ito ay isang paalala na bigyang-pansin ang kalusugan at maglaan ng panahon upang alamin ang mga pamamaraan na mag-aangat ng kalusugan ng bawat mamamayan.
Mga kalalawigan, tayo ay makiisa sa pagtataguyod ng mga epektibong pamamaraan upang pangalagaan ang kalusugan ng mga kababaihan at mga sanggol.

#WorldHealthDay
#QuezonProvince

Quezon PIO

Skills Training on Cacao Processing sa Quezon Food & Herbal Processing Center | April 7, 2025

Isinagawa nitong Abril 2-3, 2025, ang Skills Training on Cacao Processing sa Quezon Food & Herbal Processing Center, na pinangunahan ng Food Processing Unit ng Tanggapan ng Panlalawigang Agrikultor.
Dinaluhan ito ng Alabat Cacao and Coconut Farmers Agriculture Cooperative, isang kooperatibang kasalukuyang gumagawa ng tablea upang higit pang palawakin ang kanilang kaalaman sa tamang pagpoproseso ng cacao at makapaglaan ng karagdagang bagong produkto sa kanilang linya ng negosyo.
Sa pagsasanay, itinuro ng Food Processing Unit ang tamang proseso ng paggawa ng tablea, sweetened cacao niblets, at cacao brittle. Tinalakay rin ang Good Manufacturing Practices (GMP), food safety, packaging at labelling upang matiyak ang kalidad at kaligtasan ng mga produkto. Ang Sweetened Cacao Niblets ay isang masarap na snack na maaari ring gawing topping sa mga dessert o panghimagas. Ang Cacao Brittle, naman, ay isang matamis at malutong na candy na pwedeng gawing meryenda o bilang token ng pasasalamat sa mga espesyal na okasyon.
Patuloy na magsusulong ang Office of the Provincial Agriculturist sa pangunguna ng Food Processing Unit ng Agricultural Support Services Division ng mga ganitong uri ng pagsasanay upang mapalawak ang oportunidad sa agrikultura at food processing sa lalawigan ng Quezon. Sa pamamagitan ng mga programang ito, inaasahang mapapalago ang industriya ng cacao at mapapalakas ang kakayahan ng mga lokal na magsasaka sa paggawa ng mga produkto mula sa cacao.

#cacaoprocessing
#agribasedproductdevelopment
#OPAQuezon
#QuezonProvince

Quezon PIO / Agriculture

“𝐆𝐚𝐰𝐢𝐧𝐠 𝐒𝐚𝐟𝐞 𝐚𝐧𝐠 𝐅𝐮𝐫𝐛𝐚𝐛𝐢𝐞𝐬 𝐬𝐚 𝐑𝐚𝐛𝐢𝐞𝐬” 𝐅𝐚𝐜𝐞𝐛𝐨𝐨𝐤 𝐑𝐞𝐞𝐥 𝐌𝐚𝐤𝐢𝐧𝐠 𝐂𝐨𝐧𝐭𝐞𝐬𝐭 | April 7, 2025

Nitong buwan ng Marso 2025, bilang bahagi ng pagdiriwang ng Rabies Awareness Month, isinagawa ng Office of the Provincial Veterinarian (OPV) ang “𝐆𝐚𝐰𝐢𝐧𝐠 𝐒𝐚𝐟𝐞 𝐚𝐧𝐠 𝐅𝐮𝐫𝐛𝐚𝐛𝐢𝐞𝐬 𝐬𝐚 𝐑𝐚𝐛𝐢𝐞𝐬” 𝐅𝐚𝐜𝐞𝐛𝐨𝐨𝐤 𝐑𝐞𝐞𝐥 𝐌𝐚𝐤𝐢𝐧𝐠 𝐂𝐨𝐧𝐭𝐞𝐬𝐭. Layunin ng patimpalak na ito na palaganapin ang kaalaman ukol sa rabies prevention at hikayatin ang publiko sa responsableng pag-aalaga ng mga alagang hayop.
Narito ang mga nagwagi:
𝟏𝐬𝐭 𝐏𝐥𝐚𝐜𝐞
𝘌𝘯𝘵𝘳𝘺 #14: 𝐅𝐮𝐫𝐛𝐚𝐛𝐢𝐞𝐬 𝐈𝐛𝐚𝐫𝐫𝐚, 𝐁𝐚𝐦𝐛𝐚𝐦, 𝐚𝐧𝐝 𝐁𝐞𝐫𝐭𝐨
𝘍𝘶𝘳 𝘗𝘢𝘳𝘦𝘯𝘵: 𝐉𝐨𝐬𝐚𝐧 𝐀𝐛𝐫𝐢𝐠𝐨
𝟐𝐧𝐝 𝐏𝐥𝐚𝐜𝐞
𝘌𝘯𝘵𝘳𝘺 #11: 𝐅𝐮𝐫𝐛𝐚𝐛𝐲 𝐁𝐨𝐧𝐧𝐢
𝘍𝘶𝘳 𝘗𝘢𝘳𝘦𝘯𝘵: 𝐀𝐧𝐠𝐞𝐥𝐚 𝐍𝐢𝐤𝐤𝐨𝐥𝐞 𝐀. 𝐆𝐫𝐞𝐳𝐮𝐥𝐚
𝟑𝐫𝐝 𝐏𝐥𝐚𝐜𝐞
𝘌𝘯𝘵𝘳𝘺 #12: 𝐅𝐮𝐫𝐛𝐚𝐛𝐢𝐞𝐬 𝐋𝐮𝐢, 𝐍𝐚𝐦𝐢, 𝐚𝐧𝐝 𝐓𝐨𝐨𝐭𝐡𝐥𝐞𝐬𝐬
𝘍𝘶𝘳 𝘗𝘢𝘳𝘦𝘯𝘵: 𝐊𝐫𝐲𝐳𝐭𝐢𝐧𝐞 𝐀𝐧𝐧𝐞 𝐌𝐨𝐧𝐟𝐞𝐫
Bukod sa mga pangunahing nagwagi, nagkamit rin ng 𝘼𝙥𝙤𝙨𝙩𝙤𝙡 𝙋𝙚𝙩𝙨𝙝𝙤𝙥 𝙖𝙣𝙙 𝘼𝙣𝙞𝙢𝙖𝙡 𝘾𝙖𝙧𝙚 𝘽𝙚𝙨𝙩 𝙁𝘽 𝙍𝙚𝙚𝙡 𝘾𝙝𝙤𝙞𝙘𝙚 𝘼𝙬𝙖𝙧𝙙 si:
𝗘𝗻𝘁𝗿𝘆 #𝟱 – 𝗙𝘂𝗿𝗯𝗮𝗯𝗶𝗲𝘀 𝗖𝗵𝗼𝗰𝗼 𝗮𝗻𝗱 𝗟𝘂𝗹𝘂
𝗙𝘂𝗿 𝗣𝗮𝗿𝗲𝗻𝘁: 𝗭𝗮𝗿𝗮𝗵 𝗠𝗮𝗲 𝗖𝘂𝗮𝘀𝗮𝘆
Lubos ang pasasalamat ng OPV sa lahat ng mga kalahok at mga sponsors na aktibong nakiisa at sumuporta sa adbokasiyang ito para sa kaligtasan ng ating mga alagang hayop at ng komunidad.
Makikipag-ugnayan ang OPV sa mga nagwagi at lahat ng mga lumahok para sa iba pang mga detalye.
Muli, maraming salamat sa inyong partisipasyon! Sama-sama nating isulong ang responsableng pag-aalaga ng hayop at ang layunin para sa isang Ligtas sa Rabis na Lalawigan.

#QuezonProvince

Quezon PIO / ProVet

Kadiwa ng Pangulo – April 7, 2025

MARK YOU CALENDARS!
Your one-stop shop is near the corner. This April 15, 2025 at Capitol Compound, Lucena City, Quezon.
✅ Budget-friendly items
✅ Good Quality harvest
✅ Safe, healthy and delicious snacks and drinks
Only at Kadiwa ng Pangulo sa Kapitolyo.
See you all mga KADIWA!

#KadiwangPangulo2025 #QuezonProvince

Quezon PIO / Agriculture

2025 INTERNATIONAL DAY OF SPORT FOR DEVELOPMENT AND PEACE | April 6, 2025

Ang isport ay hindi lamang isang paligsahan o kompetisyon, ito ay isang plataporma para sa inklusibong lipunan kung saan bawat isa ay may kalayaang makiisa ano man ang edad, kasarian, lahi, relihiyon, kultura, at estado sa buhay.
Ipinagdiriwang ngayong araw ng Linggo, Abril 06, ang 2025 INTERNATIONAL DAY OF SPORT FOR DEVELOPMENT AND PEACE na may temang “Leveling the Playing Field: Sport for Social Inclusion”, kung saan kinikilala ang mahalagang papel na ginagampanan ng isport sa paghubog ng isang maunlad at payapang komunidad para sa lahat.
Sa tema ng pagdiriwang na ito binibigyang-tuon ang “Social Inclusion”, layunin nito na tuldukan at labanan ang hindi pantay na pagtingin sa mga marginalisadong grupo at magbigay ng pantay na oportunidad sa lahat ng uri ng mamamayan pagdating sa larangan ng isport.
Kaya’t mga kalalawigan, ating ipagdiwang ang kontribusyon ng lahat ng uri ng isport sa labas man o loob ng bansa. Gayundin, ating isabuhay na ang tunay na tagumpay sa bawat laro o laban ay hindi masusukat sa dami ng medalya at sertipiko, kundi sa pagkakaisa na nabuo sa isang inklusibong lipunan kung saan lahat ay may pagkakataong makilahok at magtagumpay.

#2025InternationalDayofSportforDevelopmentandPeace
#LevelingthePlayingFieldSportforSocialInclusion
#QuezonProvince

Quezon PIO

Opisyal na pagbubukas ng 2025 Filipino Food Month na may temang “Sarap ng Pagkaing Pilipino: Yaman ng Ating Kasaysayan, Kultura at Pagkatao” | April 5, 2025

Sa opisyal na pagbubukas ng 2025 Filipino Food Month na may temang “Sarap ng Pagkaing Pilipino: Yaman ng Ating Kasaysayan, Kultura at Pagkatao”, ngayong araw ng Biyernes ika-04 ng Abril, muling ipinagdiwang ang mga pagkain at produktong Pilipino na may makulay at mayamang kultura at tradisyon.
Isang makasaysayang araw ito para sa Lalawigan ng Quezon sapagkat ito ang unang pagkakataon na dito ginanap ang kick-off ng nasabing selebrasyon. Ibinida ng lalawigan ang sari-saring produkto gaya ng mga sariwang gulay at prutas gayundin ang mga pampasalubong at kakanin na mula sa maliliit na negosyante at lokal na kooperatiba at samahan ng magsasaka.
Samantala, tampok ang masarap at katakamtakam na mga pagkain sa “Pamanang Lutuin Cooking Competition” kung saan ipinatikim ng labing-limang kalahok ang ipinagmamalaking lutuin na mula sa kani-kanilang mga bayan. Itinanghal na champion sa kompetisyon ang bayan ng Lucban, habang nakuha naman ng bayan ng Tagkawayan ang ikalawang puwesto at bayan ng Guinayangan para sa ikatlong puwesto.
Nagpamalas rin ng angking galing at talento ang mga Quezonian gaya ng Sariaya Community Rondalla, Duluyan Theater Organization at Terpsichorean Performing Arts Academy sa kanilang Cultural Performances and presentation.
Lubos ang pasasalamat ng Pamahalaang Panlalawigan partikular na ang Provincial Tourism Office na pinamumunuan ni PTO Nesler Louies Almagro at Office of the Provincial Agriculturist na pinamumunuan ni Doc. Liza Mariano sa pambansang ahensya ng Department of Agriculture (DA), Department of Tourism (DOT), National Center for Culture and Arts (NCCA), at Philippine Culinary Heritage Movement (PCHM) dahil sa pakikipagbalikatan nito upang tagumpay na maisagawa ang pagdiriwang sa lalawigan ng Quezon.
Mga kalalawigan, sama-sama nating tangkilikin at ipagmalaki ang mga pagkain na salamin ng ating pagkakakilanlan at repleksyon ng isang mayamang kultura at tradisyon ng Pilipinas.

#FilipinoFoodMonth2025
#NationalKickOffCelebrationsaQuezon
#QuezonProvince

Quezon PIO

Delivery of Anesthesia Machine to QPHN Atimonan (Dona Marta) and QPHN Guinyangan | April 4, 2,025

MAKABAGONG KAGAMITAN PARA SA LIGTAS AT EPEKTIBONG PAGPAPAGALING
Bilang bahagi ng pagsasaayos at pagpapaunlad ng mga serbisyong medikal ng mga pampublikong ospital sa lalawigan ng Quezon, naglaan ng pondo ang Pamahalang Panlalawigan para sa Anesthesia Machine na ibinahagi sa QPHN-Doña Marta (Atimonan) at QPHN-Guinayangan.
Ang anesthesia machine at iba pang bagong kagamitan ay lubos na makakatulong sa mas maayos na serbisyo para sa mga mamamayang Quezonians upang makapagsagawa ng surgical operations at hindi na kailangan pang ilipat sa ibang pampubliko o pribadong hospital.

#QuezonProvince

Quezon PIO

Shortlisted SPES Applicants na sasailalim sa Face-to-Face Interview | April 4, 2025

Heto na ang pinakahihintay n’yong araw mga kabataan ng Quezon
(Candelaria, Lucban, Lucena City, Sariaya, Tayabas City, Pagbilao)
Available na ang pang-apat na listahan ng mga Shortlisted SPES Applicants na sasailalim sa Face-to-Face Interview!
Maaari na ninyong ma-access sa link na makikita sa imahe o larawan sa ibaba ng posting na ito.
Ang listahan ay naglalaman ng mga sumusunod:
* Pangalan ng mga Aplikanteng pumasa sa initial screening
*Pangalan ng mga Aplikanteng may kulang na dokumento (na kailangang isumite sa araw ng interbyu o panayam kasama ang iba pang kinakailangang dokumento)
*Mga detalye ng Interbyu.
MAHALAGANG PAALALA: Ang pagkakasama sa listahan ay HINDI GARANTIYA na kabilang na bilang benepisyaryo ng programa. Ang lahat ng aplikante ay sasailalim pa rin sa interbyu at karagdagang beripikasyon.
Mga Kinakailangang Dokumento: (Kailangang magdala ng photocopy)
*Original Signed Copy of SPES Application Form
*Photocopy of Birth Certificate
*Patunay ng Kita ng Magulang/Guardian (ITR, BIR Certification o
Barangay/DSWD Certification)
***Ang Certificate of Indigency ay para lamang po sa mga magulang na walang sapat na hanapbuhay.
*Para sa mga Estudyante: Photocopy of Grades
*Para sa Out-of-School-Youth (OSY): Sertipikasyon bilang OSY mula sa DSWD / Barangay
*Photocopy ng anumang valid ID or School ID
Dalhin ang kumpletong requirements o kinakailangang mga dokumento sa araw ng iyong interbyu.
Salamat at inaasahan namin ang inyong pagdalo.
Goodluck mga bes!

#QuezonProvince

Quezon PIO

Kaganapan sa National Kick-off Celebration ng 2025 FILIPINO FOOD MONTH (FFM) | April 4, 2025

PANOORIN: Ang mga naging kaganapan sa National Kick-off Celebration ng 2025 FILIPINO FOOD MONTH (FFM) na pinangunahan ni Pangulong Ferdinand “Bongbong” R. Marcos Jr. kasama sina Quezon Governor Doktora Helen Tan at Department of Agriculture Secretary Francisco P. Tiu Laurel Jr. ngayong araw ng Biyernes ika-04 ng Abril sa Quezon Provincial Capitol Compound, Lucena City.

Link: https://www.facebook.com/share/r/16TrEFACjz/

#FilipinoFoodMonth2025
#NationalKickOffCelebrationsaQuezon
#QuezonProvince

Quezon PIO

Filipino Food Month National Kick-off Celebraition | April 4, 2025

FILIPINO FOOD MONTH 2025: “Sarap ng Pagkaing Pilipino: Yaman ng Ating Kasaysayan, Kultura at Pagkatao”
TINGNAN: Sa pangunguna ni Pangulong Ferdinand “Bongbong” R. Marcos Jr. kaisa si Quezon Governor Doktora Helen Tan at Department of Agriculture Secretary Francisco P. Tiu Laurel, Jr., tagumpay na naisagawa ang National Kick-off Celebration ng 2025 FILIPINO FOOD MONTH (FFM) na ginanap sa Quezon Provincial Capitol Compound, Lucena City ngayong araw ng Biyernes ika-04 ng Abril.
Ang selebrasyon na ito ay alinsunod sa Presidential Proclamation No. 469 series of 2018 kung saan idineklara ang buwan ng Abril bilang Filipino Food Month. Ito ay naglalayon na ipagdiwang ang mga pagkain bilang bahagi ng kultura at pagkakakilanlan ng mga Pilipino at ipakilala ang kontribusyon ng mga ito sa ekonomiya at turismo ng bansang Pilipinas.
Sa mensahe ni Pangulong Marcos kanyang binigyang-diin na sa pagdiriwang ng buwan ng kalutong Pilipino ay ginugunita ang mga kusina bilang sanktuwaryo ng kasaysayan, kultura at pagkatao ng mga Pilipino. Aniya, sa mga pagkain ay matutuklasan ang pagka-malikhain, matatag at pagkamalasakit sa kapwa ng mga Pilipino.
Sa huli, kanyang hinikayat ang lahat na ipagdiwang ang pagkaing Pilipino, panatilihin ang tradisyon at ipamana ito sa mga susunod pang henerasyon.
Samantala, ang pagdiriwang na ito ay inorganisa ng Department of Agriculture (DA), Department of Tourism (DOT), National Commission for Culture and Arts (NCCA), at Philippine Culinary Heritage Movement. (PCHM).

#FilipinoFoodMonth2025
#NationalKickoffCelebration
#QuezonProvince

Quezon PIO