Fisherfolks General Assembly

Kasabay ng Medical Mission na isinagawa sa bayan ng Pitogo, nakipagpulong din si Gov. Doktora Helen Tan sa mga mangingisda ng nasabing bayan para sa Fisherfolks General Assembly ngayong araw, Abril 19.

Layunin ng pagpupulong na talakayin ang mga problema at suliraning kinakaharap ng mga mangingisda upang makapagbigay ng naaayong proyekto at programa sa kanilang hanay.

Katuwang sina Cong. Reynante Arrogancia, Vice Governor Third Alcala, Board Member JJ Aquivido at buong Sangguniang Panlalawigan, patuloy ang pamahalaang panlalawigan sa pagbibigay ng tulong para sa ikauunlad ng mga mangingisda sa ating lalawigan.

Source: Quezon PIO

Lingap sa Mamamayan, Libreng Gamutan Day 1: Pitogo, Quezon

Muling umarangkada ngayong araw ng Miyerkules, Abril 19 ang Medical Mission para sa ating mga kalalawigang lubos na nangangailangan ng medikal na tulong, kung saan ay una nang isinagawa ngayong araw sa bayan ng Pitogo at magpapatuoy naman sa iba’t-iba pang bayan sa Bondoc Peninsula.

Matatandaang matagumpay na naihatid noong Marso 2023 ang naturang programa sa mga bayan sa Polillio Group of Islands na pinangunahan ni Gov. Doktora Helen Tan katuwang ang mga kawani ng lokal at panlalawigan na pamahalaan, mga doktor, nurse, at espesyalista.

Sa mga susunod na araw bahagi pa rin ng medical mission ang mga libreng serbisyong medikal, tulad ng pagpapatuli, medical check-up, bunot ng ngipin, laboratory examination, anti-pneumonia vaccination, at pagpapaopera ng may mga bukol sa kanilang katawan.

Bukod sa mga nasabing hatid na serbisyo ay mayroon ding mga doktor na malalapitan para sa mga alagang hayop, kung saan ay may libreng animal consultation at pagpapabakuna ng anti-rabies.

Asahan pa ang patuloy na pagsusumikap ng pamahalaan upang mailapit ang bawat serbisyong makatutulong sa ating mga kalalawigan.

Source: Quezon PIO

MR OPV SIA Orientation

Kaugnay ng isasagawang malawakang Measles-Rubella and Oral Polio Vaccine Supplemental Immunization Activity (MR OPV SIA) ay nagkaroon ng oryentasyon para sa mga BHW ng iba’t ibang bayan ng lalawigan ng Quezon mula Abril 17 hanggang 18 na isinagawa sa Audio-Visual Room ng Quezon Convention Center.
Ang aktibidad na pinangunahan nina HEPU Department Head Unit Mr. Allan Valencia, RN at HEPU Designate Ms. Melanie Dela Roca RM, RN, BSN, ay nagsilbing introduksyon sa vaccination program ng DOH sa MR OPV SIA na may layuning hikayatin ang mga magulang na pabakunahan ang kanilang mga anak laban sa mga Vaccine-Preventable Diseases o VPDs tulad ng measles, pneumonia, polio, chicken pox, atbp.
Tinalakay rin dito ang kahalagahan ng pagbabakuna para sa HERD immunity at kung paano mahihikayat ang mga tao lalo’t higit ang mga kabataan para magpabakuna laban sa iba’t ibang mga sakit tulad ng polio at measles.
“Kung kayo po ay salat na sa pinansyal, tapos hindi niyo pa pababakunahan ang iyong mga anak, mas lalo po talagang lalaki ang gastos ninyo.” ayon sa isang dumalong BHW na nagbahagi ng kanyang karanasan. Libre ang malawakang pagpapabakunang ito kaya’t hinihikayat ang lahat ng mga magulang na makiisa upang maprotektahan ang buong pamilya.

Source: Quezon PIO

Pagbibigay ng Maayos at Agarang Pagtugon sa Pangangailangan ng Bawat Quezonian Pagdating sa Kalusugan | April 18, 2023

Pagbibigay ng maayos at agarang pagtugon sa pangangailangan ng bawat Quezonian pagdating sa kalusugan ay ang isa sa layunin ng Pamahalaang Panlalawigan ng Quezon.

Upang maisakatuparan ang dekalidad na serbisyong medikal na ito, minarapat ni Gov. Doktora Helen Tan ang patuloy na pagbabago at pagsisigurado na may malinis na pasilidad para sa lahat ng pasyente na mag-tutungo sa Quezon Medical Center (QMC), Lucena City.

Sa unti-unting hakbangin na ito, asahan na hindi titigil ang pamahalaan sa pagpapabuti ng kalalagayan ng kalusugan sa ating probinsya.

40th Regular Session of the Sangguniang Panlalawigan | April 17, 2023

Ika-40 na Pangkaraniwang Pulong ng Sangguniang Panlalawigan ng Quezon | Abril 17, 2023

Napagtibay ngayong araw ng Lunes, Abril 17 ang mga resolusyon na naglalayong makatulong upang patuloy na maisaayos at matugunan ang bawat pangkalusugan na suliraning kinahaharap ng ating mga kalalawigan.

Isa na rito ang mga resolusyon para sa kung saan mabibigyan ng donasyon mula sa Aboitiz Foundation Inc. at Therma Luzon Inc. ng mga medikal na pangangailangan ang pamahalaang panlalawigan. Kabilang din pinagtibay ang Health Facility Enhancement Program (HFEP) ng DOH na layong magtayo ng mga pang-medikal na pasilidad.

Kasabay namang naaprobahan ngayong araw ang implementasyon para sa programang Strengthening Institutions and Empowering Localities Againts Disasters and Climate Change (SHIELD).

Samantala, nagkortesiya si PNP Maritime Unit 4A Regional Chief, Police Colonel Ariel N. Quilang ukol sa pagsuporta ng pamahalaang panlalawigan sa patuloy na pangangalaga ng karagatan sa lalawigan.

Flag Raising Ceremony Hosted by the Nutrition Sector Under the Provincial Health Office & Provincial Multi-sectoral Nutrition Council | April 17, 2023

Ngayong araw ng Lunes, Abril 17 pinangunahan ng Nutrition Cluster ng Lalawigan ng Quezon sa ilalim ng Provincial Health Office, at Provincial Nutrition Multi-Sectoral Council ang regular na pagtataas ng watawat ng Pilipinas.

Ibinahagi ni Provincial Nutrition Action Officer, Ms. Joan Maricel Decena ang kalagayang pang-nutrisyon ng lalawigan ng Quezon. Sa bagong Philippine Fund of Action for 2023 ay inihayag ng mga ito na saklaw ng nutritional program ng lalawigan ang pangangalaga sa kalusugan ng mga Quezonian mula sa tiyan pa lamang hanggang sa mag senior citizen.

Masayang ibinahagi ng tanggapan na bumaba na ang bilang ng mga malnourished na mga bata, underweight and severely underweight, at pagkabansot ng mga bata at ipinagmamalaki din ng ating pamahalaan na nakamit na ang national target para sa buong lalawigan. Hangad nila na mas mapaganda pa ang mga nutritional program para sa mas magandang imahe ng nutritional status ng buong probinsya tulad ng programang Tamang Aksyon sa Nutrition, Nutribun ang Solusyon.

Ipinaabot naman ni Provincial Administrator Manuel M. Butardo ang mensahe ng ina ng lalawigan, Gov. Doktora Helen Tan para sa mga board members, mga puno ng tanggapan, mga kawani at lahat ng bumubuo ng Nutrition Sector ng lalawigan. Kanya ring inilahad ang isinagawang Pre-Retirement seminar noong April 14 na isinagawa sa pagtutulungan ng Provincial HRMO at GSIS.

Sa huli ay isinagawa ang paggagawad ng parangal sa mga piling tanggapan para sa kanilang pagsunod sa Solid Waste Management Program ng pamahalaang panlalawigan, kasabay ang pagpaparangal sa mga nagwagi sa Responsible Pet Ownership Contests ng Office of the Provincial Veterinarian. Bilang pangwakas, namahagi ng mga sariwang gulay mula sa mga magsasaka ng Tiaong at Candelaria na siya namang nagpasaya sa mga kawani.

Source: Quezon PIO

MPBL 2023 Regular Season – Eliminations

Panalo muli tayo Quezonians – QuezonHuskers!

NGCP UPDATE | April 16, 2023

Fully restored power transmission services in parts of Quezon province at 5:52 PM of 16 April 2023.

Affected: QUEZELCO I

Reason: Woodpole replacement, preventive maintenance, and other critical activities were first completed at 4:15PM along Gumaca-Pitogo 69kV Line and thereafter along Pitogo-Mulanay 69kV Line prompting the full re-energization of the line.

Source: National Grid Corporation of the Philippines

NGCP UPDATE | April 15, 2023

Restored power transmission services in parts of Quezon at 5:37PM, 15 April 2023.

Affected: QUEZELCO I

Reason: Woodpole replacement and preventive maintenance along Gumaca-Lopez-Tagkawayan 69kV Line at 6:00AM

Source: National Grid Corporation of the Philippines

Meeting with the IPHO & Municipal Health Offices | April 14, 2023

Sa pagsisiguro ng kalidad at mabisang serbisyong medikal para sa bawat mamayang Quezonian, isinagawa ngayong araw ng Biyernes ika-14 ng Abril ang isang pagpupulong sa pangunguna ni Governor Doktora Helen Tan at Provincial Health Officer Dr. Kristine Villaseñor kasama ang mga Municipal Health Officers mula sa apat na distrito ng Quezon upang mapag-usapan ang mga naging proyekto at serbisyo ng Integrated Provincial Health Office, gayundin ang kasalukuyang estado ng bawat Municipal Health Offices sa Quezon.

Isa sa pangunahing tinalakay sa nasabing pulong ay ang pagsasagawa ng Pamahalaang Panlalawigan ng Medical Mission sa buong lalawigan, kung saan una nang naisagawa sa mga bayan sa Pollio Group of Islands.

Layon nitong maihatid ang libreng gamutan para sa mga mamamayang Quezonian, upang mapalakas ang mga pasilidad at pagdadagdag ng mga doktor sa bawat Provincial Hospitals na maaring mapakinabangan ng libo-libong Quezonian.

Inalam din ni Governor Doktora Helen Tan at IPHO Head Dr. Kristine Villaseñor ang kasalukuyang kinakaharap na suliranin ng bawat Rural Health Unit sa lalawigan at kung paano pa mapapabuti ang paghahatid ng epektibo at kalidad na serbisyong medikal.

Source: Quezon PIO