Orientation workshop on Strategic Performance Management System (SPMS) | May 19, 2023

“Gawing lingkod bayani ang bawat kawani”

Upang masiguro ang mabisang implementasyon ng pagpapanatili, promosyon at pamamahagi ng insentibo para sa mga kawaning gumagampan sa kanilang tungkulin, isinagawa ngayong araw, May 19 ang pagsasanay para sa Strategic Performance Management System (SPMS) sa pangunguna ng Provincial Human Resource Management Office (PHRMO) katuwang ang Civil Service Commission (CSC) sa St. Jude Coop Hotel & Event Center, Tayabas City.

Naging pangunahing tagapagsalita CSC Field Office Quezon Director Jacinto Mateo III na nagbahagi ng mga panuntunan para sa wastong gawi bilang mga lingkod bayan. Aniya, nararapat lamang na wasto at mabisa ang paggampan ng mga kawani sa tungkulin upang masigurong natatanggap ng mga mamamayan ang serbisyong dapat nilang matanggap mula sa pamahalaan.

Dumalo rin sa aktibidad si Gov. Doktora Helen Tan at nagpaabot ng pasasalamat sa mga pinuno at kawani ng iba’t ibang tanggapan para sa kanilang buong-pusong pakikiisa sa layunin ng ina ng lalawigan na maipaabot ang serbisyo ng pamahalaang panlalawigan.

Source: Quezon PIO

Mainit na Tinanggap ni Gov. Doktora Helen Tan si Regional Director PBGEN Carlito M Gaces sa Isinagawang Courtesy Call | May 18, 2023.

Kasunod nito, isinagawa rin ang Memorandum of Understanding para sa Declaration of Stable Internal Peace and Security (SIPS) sa lungsod ng Lucena na dinaluhan ng ina ng lalawigan.

Sa pagtutulungan ng lahat, mapapanatili natin ang kaligtasan at mapayapang komunidad.

Source: Quezon PIO

Benchmarking Activity / Learning Visit – Brgy. Novaliches Proper, District V and Brgy. Sikatuna Village, Quezon City in Quezon’s GAD Best Practices | May 17, 2023

Kilala ang pamahalaang panlalawigan ng Quezon sa buong bansa bilang isang modelo ng maayos at mabisang tagapagpatupad ng mga programa at proyekto para sa Gender and Development.

Nitong ika-17 ng Mayo ay bumisita ang pamunuan ng Brgy. Novaliches Proper, District V at Brgy. Sikatuna Village ng Quezon City para sa isang Benchmarking/Learning Visit upang pag-aralan at obserbahan ang GAD Best Practices ng pamahalaang panlalawigan.

Naging makabuluhan ang nasabing benchmarking activity kung saan ay masusing ibinahagi nina Dr. Lorelie G. Salonga, MD, FPOGS, MHA Provincial Health Officer I, Ms. Glenda E. Alpuerto, 4K Focal Person, PGO-PACSEDU at Mr. Sanny D. Cortez, Program Officer, PGO-PACSEDU ang mabisang implementasyon ng kani-kanilang mga programa at proyekto para sa gender and development.

Source: Quezon PIO

Pagmamatyag at Tuluy-tuloy na Pagsasagawa ng Malawakang Checkpoint Operations ng Quezon Police Provincial Office | May 17, 2023

Upang masiguro ang pananatili ng kapayapaan sa lalawigan, mas pinaigting ng Quezon Police Provincial Office ang pagmamatyag at tuluy-tuloy na pagsasagawa ng malawakang checkpoint operations at pagpapatrolya sa iba’t-ibang bahagi ng probinsya.

Pinaalalahanan naman ang lahat na hangga’t maaari ay makipag-ugnayan sa mga awtoridad upang mas maging maayos ang pagpapalaganap ng katiwasayan para sa bawat mamamayan ng Quezon.

Quezon Provincial Police Office Contact Number: 09209796911

Source: Quezon PIO

National Heritage Month 2023 – Invitation to all aspiring Quezonian Vloggers

The Province of Quezon partakes in celebration of the National Heritage Month 2023, The Provincial Government of Quezon Through the Provincial Tourism Office encourages all cultural organizations, schools, and private institutions in the province to be aware of Quezonian Heritage.

In view of this, we would like to encourage/invite all aspiring Quezonian Vloggers to apply to be one of the 30 vloggers that will participate on a tour of the heritage sites and landmarks of Quezon Province (Kapitolyo Heritage Tour – Heritage Houses of Sariaya, Quezon – Historical Sites of Tayabas, City) on May 25 to 26, 2023.

Free Transportation, Accommodation and meals.

You may create/do a vlog/content of the heritage, history and culture of the province.

For those interested, you may apply thru this link: https://docs.google.com/…/1FAIpQLSenwCfg8EMAwx…/viewform

Application period is until May 21, 2023

We will contact the 30 participants on May 22, 2023

For other details kindly contact Mr. RJ SALIENDRA or Mr. Marvic Valonzo at 0947 836-9861 / (042) 373-7510 or email us at tourismquezon@yahoo.com.ph

Source: Quezon Tourism

Wildlife Assistance – Quezon Provincial Veterinary Health Center | May 15, 2023

Isinangguni ng PENRO-Quezon at CENRO-Tayabas sa Quezon Provincial Veterinary Health Center ang isang Green Iguana at dalawang Burmese Python nitong Mayo 15, 2023.

Sa pagsusuri ni Dr. Philip Maristela, Veterinarian III, ang mg naturang hayop ay tila malusog at aktibo na may magandang kondisyon ng katawan. Ang mga ito ay inirekomenda na madala sa Rehabilitation Wildlife Center na matatagpuan sa Calauan, Laguna.

Source: Provincial Vet

Happy Fiesta, Gumaqueños! | May 15, 2023

Hindi nagpaghuli sa magarbong pagdiriwang ng kanilang kapistahan ang bayan ng Gumaca kahapon, Mayo 15, bilang pasasalamat sa masaganang ani ng mga magsasaka at pag-alala sa patron na si San Isidro De Labrador.

Tampok sa Araña’t Baluarte Festival ang mga nagagandahang baluartes na ginawa mismo ng mga Gumaqueños, na sinabitan ng mga arañas na puno ng mga gulay at prutas.

Labis na kinagiliwan ng mga mamamayan sa nasabing bayan ang huling araw na mga ginanap na aktibidad, tulad ng parada, street dancing competition, at ang pinakaaabangan ng lahat, ang agawan ng mga gulay at prutas.

Source: Quezon PIO

Happy Fiesta, San Isidro Labrador!

Ipinakita ng mga dekorasyon ng kiping, palamuti at Grand Parade ng Pahiyas Festival ang saya at sigla ng pagdiriwang ng kapistahan sa bayan ng Lucban.

Tampok ang mga banda, streetdance at iba pa ang siyang kinagiliwan ng mga residente at turistang nanood. Ibinida rin ang mga disenyong gulay upang pagkilala sa kanilang patron at masaganang ani.

Source: Quezon PIO

August 13 – Opisyal na Araw ng Kalayaan ng Lalawigan ng Tayabas Mula sa mga Kastila | May 15, 2023

Turismo, edukasyon, at usapin sa peace and order ang ilan sa mga naging paksa at usapin ng Sangguniang Panlalawigan ng Quezon kasabay ng pagbasa at pag-aapruba sa mga ordinansa at kautusan sa ika-44 regular session na isinagawa sa Kalilayan Hall ngayong ika-15 ng Mayo.

Unang tinalakay ni Committee on Tourism, Culture and Arts Chairperson BM JJ Aquivido ang panukalang provincial ordinance upang kilalanin ang August 13 bilang opisyal na araw ng kalayaan ng lalawigan ng Tayabas mula sa mga Kastila. Ang isinaad na petsa ay magiging isang malaking bahagi rin ng nalalapit na pagdiriwang ng Niyogyugan Festival ngayong 2023.

Sunod namang tinalakay ang usaping edukasyon sa pangunguna ni BM Claro M. Talaga, Jr. – Committee on Education Chairperson, kung saan kanyang ipinasa ang isang ordinansa para sa mga bagong panuntunan sa scholarship program ng Quezon Science High School. Layon nitong gawing mas ‘pro poor’ ang nasabing scholarship program para sa sa mga mag-aaral ng nasabing paaralan.

Bilang panghuli ay isinaad naman ni BM Atty. Bong Talabong ang pagkabagabag sa sunod-sunod na patayang nagaganap sa lalawigan at napagpasyahan na kausapin ng sanggunian ang pamunuan ng PNP sa lalawigan upang pag-usapan ang isinasagawang hakbang ng pulisya upang maresolba ang suliraning ito.

Source: Quezon PIO

Bidang Bida ang Makulay at Masayang Bayan ng Sariaya sa Ginaganap na Agawan Festival | May 15, 2023

Labis ang tuwa ni Mayor Marcelo “Marcing Gayeta” sa muling pagbabalik ng kanilang festival na talaga namang binuhay ng makukulay na mga kabahayan at mga nakangiting Sariayahin.

Ngayong araw ay nagkaroon ng Grand Parade ang mga Publiko at Pribadong Organisasyon at institusyon, Mindalang Bayan o mas kilala bilang meryendahan ng bawat mamamayan sa Plaza. Mayroon ding Home Decor Competition o labanan ng mga munting kabahayan na dinesenyuhan ng mga produktong gawa sa Payas at mga agrikultural na produkto. Harapan ng Banda ng mga eskwelahang mula sa munisipalidad at mga karatig bayan.

Mamayang hapon ay abangan ang Agawan ng mga kagamitan na isinabit sa mga punong kawayan upang makapag bigay ngiti sa mga mamamayan ng Sariaya.

Source: Quezon PIO