Native Pig Dispersal | August 30, 2023

Ipinagkaloob ng Office of the Provincial Veterinarian ang dalawampu’t isang (21) ulo ng native pig sa Local Government Unit (LGU)-General Luna nitong ika-30 ng Agosto, 2023. Kasabay nito ay nakatanggap din sila ng mga butong pananim at halamang pamakain para sa naturang baboy.

Bahagi pa rin ito ng Quezon Native Pig Dispersal Program ng tanggapan na naglalayong maparami at mapanatili ang lahi ng Quezon Native Pig at upang matulungan ang ating mga kalalawigan na magkaroon ng panimula o dagdag na mapagkakakitaan.

Source: ProVet

Provincial Anti-Drug Abuse Council PADAC Special Meeting for Drug Clearing Program | August 30, 2023

Ginanap ngayong araw ng Miyerkules, Agosto 30 ang pagpupulong ng Provincial Anti-Drug Abuse Council (PADAC) na layong paigtingin sa buong lalawigan ang mga programa laban sa ilegal na droga.

Sa inisyatibo ni Governor Doktora Helen Tan, dinaluhan ang nasabing pulong ng mga punong Barangay na kabilang sa drug-free status, mga tagapangulo ng anti-drug council mula sa iba’t ibang bayan sa Quezon, at mga kawani ng PDEA, DILG, at QPPO.

Nagkaroon ng diskusyon patungkol sa anong aksyon ang kinakailangan hinggil sa “Resolution on the Drug-Cleared Status of Barangay” na inilabas ng Regional Oversight Committee for Drug Clearing Program.

Tinalakay rin ang ilang mga hakbangin na ipapatupad upang mapanatili at maging drug-free ang bawat bayan at lungsod sa Quezon para sa mas maunlad at ligtas na pamumuhay ng bawat mamamayan ng lalawigan.

Source: Quezon PIO

Turnover Ceremony of Imported Dairy Cattle | August 29, 2023

Nakibahagi si Provincial Veterinarian, Dr. Flomella A. Caguicla, kasama si G. Rommel Deapera ng Office of the Provincial Veterinarian, sa isinagawang “Turnover Ceremony of Imported Dairy Cattle” nitong ika-29 ng Agosto 2023 sa Brgy. Callejon, San Antonio, Quezon.

Napagkalooban ng anim (6) na ulo ng gatasang baka ang San Antonio Livestock Farmers Association (SALFA) at labing-dalawang (12) ulo naman sa Association of Ruminant Raisers of San Antonio, Quezon (ARRSAQ). Layunin niyo na maparami pa ang produksiyon ng gatas ng baka at mapaunlad pa ang industriya ng paggagatasan sa ating lalawigan.

Ang programang ito ay mula sa “Intensified Community-Based Dairy Enterprise Development Project” ng National Dairy Authority (NDA) -Regional Dairy Farmers Livelihood Center South Luzon katuwang ang Provincial Government of Quezon sa pamamagitan ng Office of the Provincial Veterinarian, Local Government Unit (OMA- San Antonio), DARFO-4A, Phil. Crop Insurance Company, Senator Villar Foundation, at Sangguniang Barangay ng Callejon.

Source: Quezon PIO

Ika-59 Pangkaraniwang Pulong ng Sangguniang Panlalawigan ng Quezon | August 29, 2023

Ika-59 Pangkaraniwang Pulong ng Sangguniang Panlalawigan ng Quezon.

Sa pagtatapos ng buwan ng Agosto, tuloy-tuloy ang Sangguniang Panlalawigan sa pangunguna ni Vice Governor Third Alcala sa pagpapasa at pagpapatibay ng mga ordinansa, executive orders, at mga resolusyon ng mga munisipalidad at pamahalaang panlalawigan ng Quezon.

Ilan sa mga tinalakay ay may kinalaman sa usaping pangkalusugan, kalikasan, edukasyon, agrikultura, Government properties, at budget na mapakikinabangan at makatutulong magpa-unlad sa bawat sektor sa ating lalawigan.

Samantala, binigyang pagkilala naman si Hershey Jacobson mula sa Gumaca, Quezon para ipaabot ang suporta ng Sangguniang Panlalawigan sa kanyang laban sa Miss Mandirigma Philippines sa darating ng oktubre.

Source: Quezon PIO

Pre-Disaster Risk Assessment (PDRA) ng Bagyong Goring | August 27, 2023

Binabantayan ng Provincial Disaster Risk Reduction Management Council (PDRRMC) ang paggalaw at pinsalang maaaring idulot ng bagyong Goring sa lalawigan ng Quezon sa isinagawang Pre-Disaster Risk Assessment (PDRA) ngayong hapon ng Agosto 27.

Sa huling ulat ng DOST-PAGASA, nakataas na ang Signal No. 1 sa Polillo Group of Islands kung kaya naman agarang inatasan ni Governor Doktora Helen Tan ang PDRRMO at mga MDRRMOs na gawing mas agresibo ang pagmomonitor at pagbabantay sa lagay ng panahon lalong-lalo na sa mga pamayanang malapit sa coastal areas. Kanselado na ang lahat ng biyahe para sa mga sasakyang pandagat sa POGI Area at kalapit na lugar at puspusan ang pagbabantay ng Coast Guard para na rin sa kaligtasan ng mga pasahero at mga lokal na mangingisda.

Nagbigay ng detalyadong ulat ng panahon si PDRRMO Head Dr. Melchor Avenilla, Jr. kung saan ay kanyang ipinaliwanag ang kasalukuyang paggalaw ng bagyo na naaapektohan ng isang malapit na Low Pressure Area at isang High Pressure Area sa nasasakupan ng bansang Taiwan. Sinundan ito ng pag-uulat ng kahandaan ng mga miyembro ng konseho kabilang ang PSWDO, Provincial Engineering Office, BFP, PNP, Coast Guard at mga punong bayan.

Bagamat walang nakataas na typhoon signal sa maraming bahagi ng lalawigan, patuloy pa rin ang malakas na pag-ulang dala ng bagyo na maaaring magdulot ng pagbaha, landslide at iba pang pinsala sa tao at ari-arian kung kaya’t pinag-iingat pa rin ang publiko. Inaasahang lalabas ang bagyong Goring sa Philippine Area of Responsibility sa Martes.

Manatiling ligtas.

Source: Quezon PIO

Kaunaunahang Governor Doktora Helen Tan Boxing at the Park 2023 | August 25, 2023

Napuno ng umaatikabong bakbakan sa Perez Park kagabi, ika-25 ng Agosto sa ginanap na kaunaunahang Governor Doktora Helen Tan Boxing at the Park 2023.

Lumahok ang 40 na boxingero mula sa iba’t-ibang bayan ng probinsya upang ipakita ang kanilang bilis at husay sa larangan ng boxing. Nakapaguwi naman ng 2 thousand pesos (P2,000) ang mga nanalo sa bawat bout at 1 thousand pesos (P1,000) naman para sa natalong katunggali.

Ang nasabing tournament ay naisakatuparan sa pangunguna ni Governor Doktora Helen Tan kasama si Executive Assistant II Carlo Villasin at ang Provincial Sports Office sa pangunguna ni Coach Aris Mercene.

Source: Quezon PIO

Turn Over Ceremony with the Farmers Beneficiaries | August 25, 2023

Nakibahagi si Provincial Veterinarian, Dr. Flomella A. Caguicla, kasama si G. Rommel Deapera ng Office of the Provincial Veterinarian, sa isinagawang “Turnover Ceremony of Imported Dairy Cattle” nitong ika-29 ng Agosto 2023 sa Brgy. Callejon, San Antonio, Quezon.

Napagkalooban ng anim (6) na ulo ng gatasang baka ang San Antonio Livestock Farmers Association (SALFA) at labing-dalawang (12) ulo naman sa Association of Ruminant Raisers of San Antonio, Quezon (ARRSAQ). Layunin niyo na maparami pa ang produksiyon ng gatas ng baka at mapaunlad pa ang industriya ng paggagatasan sa ating lalawigan.

Ang programang ito ay mula sa “Intensified Community-Based Dairy Enterprise Development Project” ng National Dairy Authority (NDA) -Regional Dairy Farmers Livelihood Center South Luzon katuwang ang Provincial Government of Quezon sa pamamagitan ng Office of the Provincial Veterinarian, Local Government Unit (OMA- San Antonio), DARFO-4A, Phil. Crop Insurance Company, Senator Villar Foundation, at Sangguniang Barangay ng Callejon.

Source: ProVet

Veterinary Medical Mission | August 25, 2023

Nitong ika-25 ng Agosto, ang Office of the Provincial Veterinarian ay nagsagawa ng anti-rabies vaccination kasama ang Rotary Club Lucena North kaakibat ang kanilang proyekto na may paksang: “Komunidad ay Pangalagaan, Alagang Aso at Pusa ay Bakunahan” na ginanap sa Ibabang Dupay Covered Court. May kabuuang bilang na 186 ang aso at pusang nabakunahan ng anti-rabies at 227 na hayop ang nakinabang sa iba pang serbisyong hatid ng tanggapan tulad ng free vitamins, deworming, at consultation. Ito ay bahagi pa rin ng patuluyang pagsusulong ng tanggapan sa isang malawakang kampanya ng impormasyon kung paano magiging responsableng amo kaakibat ang layuning maiwasan at makontrol ang pagkalat ng rabies virus sa lalawigan.

Source: ProVet

Groundbreaking Ceremony and Memorandum Agreement MOA Signing for construction of Bio-Secured and Climate controlled Finisher Operation Facility under DAs INSPIRE Program | August 24, 2023

Nakibahagi ang Office of the Provincial Veterinarian sa katauhan nina Dr. Milcah Valente at Gng. Jhody-Ner Mendania sa isinagawang Groundbreaking Ceremony at Memorandum of Agreement (MOA) Signing para sa itatayong Biosecured and Climate Controlled Finisher Operation Facility na ipagkakaloob naman sa Samahang Bigkis Magsasaka sa Brgy. Triumpo, Guinayangan, Quezon.

Ang proyektong ito ay pinondohan ng Department of Agriculture Regional Field Office III sa ilalim ng Integrated National Swine Production Initiatives for Recovery and Expansion Program (INSPIRE), at katuwang ang Provincial Government of Quezon sa pamamagitan ng Office of the Provincial Veterinarian at ng LGU Sariaya sa pamamagitan naman ng Office of the Municipal Agriculturist.

Kaalinsabay nito ay nagbigay rin ang tanggapan sa mga miyembro ng nabanggit na samahan, ng mga gamot, halamang pamakain, pananim na mga buto, at babasahing may kaugnayan sa tamang pag-aalaga ng baboy.

Source: ProVet

Pagbisita ng CHAROEN POKPHAND FOODS PHILIPPINES CORPORATION (CPF) | August 24, 2023

Pagbisita ng CHAROEN POKPHAND FOODS PHILIPPINES CORPORATION (CPF) upang iharap ang kanilang CPF Expansion Program sa South Luzon kabilang ang Lalawigan ng Quezon

Source: ProVet