Groundbreaking Ceremony – Perez Super Health Center & 2-Storey 10-Classroom Building at Perez National High School | August 17, 2023

Isang pangarap para sa mamamayan ng Perez ang magkaroon ng sariling pagamutan at karagdagang silid-aralan na maisasakatuparan na sa isinagawang Groundbreaking Ceremony nitong Huwebes Agosto 17.

Sa pakikipagtulungan ni Governor Doktora Helen Tan at Cong. Atorni Mike Tan ng ika-4 na distrito ng Quezon sa Department of Health (DOH), itatayo na ang Super Health Center sa Barangay Pinagtubigan Weste na may sukat na 28 meters by 15 meters kung saan mayroon itong Birthing Room, Xray, Minor Operating Room, Laboratory, Pharmacy, Ward at iba pa na magpapalawig sa serbisyong pangkalusugan at hindi na kinakailangang tumawid ng isla ng mamamayan rito para maabot ang basic health services.

Habang 2-storey 10-classroom naman ang itatayo sa Perez National High School na mas maayos at komportableng silid aralan na mapakikinabangan ng aabot sa 500 estudyante.

Kaisa ang lokal na pamahalaan sa pangunguna ni Mayor Charizze Marie Escalona upang patuloy na maiangat ang sektor ng bawat mamamayang Perezians.

Samantala, pasinayaan din ang Covered Court sa Barangay Montaña Quezon, Quezon kasama sina Board Member Harold Butardo at Mayor Juan Escolano. Ito ay may mataas na bakod, Comfort Room, at Stage na kayang mag accomodate ng mahigit 500 katao kapag may mga okasyon. Gayundin din ang pagbibigay ng mga gamot sa lahat ng mga Barangay sa mga nasabing bayan.

Source: Quezon PIO

Coordination Meeting Association of Municipal Accountants of Quezon (AMAZON) | August 17, 2023

Ngayong araw ng Huwebes, Agosto 17 nagsagawa ng pagpupulong para sa mga miyembro ng Association of Municipal Accountants of Quezon (AMAZON) na ginanap sa Conference Room ng Capitol Building, Lucena City.

Sa pangunguna ng Office of the Provincial Accountant na pinamumunuan ni Mr. Alberto S. Bay, Jr. ay kanilang tinalakay ang kahalagahan ng serbisyo na nabibigay ng mga municipal accountants upang mapanatiling tapat at maayos ang paggamit ng pondo ng bayan.

Samantala, kinilala naman sa pagpupulong ang mga local government unit (LGU) na nakatanggap ng mataas na audit rating o Unmodified Opinion mula sa Commission on Audit (COA).

Source: Quezon PIO

Gawad Kalasag Seal Reguinal Field Validation | August 17, 2023

“Ang accomplishment ng PDRRM ay accomplishment ng bawat isang miyembro.” Ito ang pahayag ni Quezon Provincial Disaster Risk Reduction & Management Office head Doc. Melchor Avenilla sa ginanap na Gawad Kalasag Validation kahapon ng Huwebes, Agosto 17 sa Queen Margarette Hotel, Lucena City.

Matatandaang tumanggap ng pagkilala ang Quezon PDRRM bilang “Beyond Compliance” sa Gawad Kalasag Seal for Excellence in Disaster Risk Reduction and Management noong 2021 at 2022. Dumalo sa isinagawang validation ang mga miyembro ng validation committee na sina CDO IV Kelvin John Reyes CDO I Patricia Beatrice Porte mula sa Office of the Civil Defense 4A, at Ma Christina Tatoy – Social Welfare Officer mula sa DSWD 4A.

Ipinaabot naman ni Provincial Administrator Manny Butardo ang mensahe at pagbati ni Governor Doktora Helen para sa kanilang husay at galing sa paglilingkod upang maiwasan ang mga panganib na idinudulot ng mga kalamidad sa buhay ng bawat Quezonian.

Source: Quezon PIO

Gabi ng Kulturang Quezonian – August 17, 2023

Maaliw sa himig awitin ng Oroquieta Chamber Singers mamaya sa Gabi ng Kulturang Quezonian.
#TAraNasaquezon
#niyogyuganfestival2023

Source: Quezon Tourism

Tagayan Ritual Dance Competition | August 16, 2023

Na’ay po! Pakinabanggan po!

Upang mapanatili ang tradisyon at kultura ng mga taga-Quezon, idinaos kahapon ng Miyerkules, Agosto 16 sa Quezon Convention Center, Lucena City ang Tagayan Ritual Dance Competition na nilahukan ng 23 bayan sa lalawigan.

Bawat grupong kalahok ay may sari-sariling pakulo sa pagpapakita ng kagandahan ng tradisyonal na sayaw na ito.

Nagwagi namang makuha ng mga sumusunod ang gantimpala ng kompetisyon:

*1st Place – Atimonan (50k)

*2nd Place – Lucban (40k)

*3rd Place – Infanta (30k)

#TaraNaSaQuezon

#NiyogyuganFestival2023

Source: Quezon PIO

On-The-Spot Painting Contest | August 16, 2023

Mas binigyang kulay ng mga talentadong pintor na Quezonian ang pagdiriwang ng Niyogyugan Festival 2023 sa isinagawang On-the-Spot Painting Contest kahapon, Agosto 16 sa Perez Park, Lucena City.

Naglaban-laban ang mga bago at beteranong pintor sa paglikha ng kani-kanilang obra maestra na may temang “Kapistahan ng mga bayan sa lalawigan ng Quezon” kung saan kanya-kanyang bersyon at interpretasyon ang kanilang mga ipininta.

Nakatanggap naman ng tropeo at cash prizes ang mga nanalo sa dalawang kategorya ng kompetisyon;

Bracket A (Amateur Category)

*1st Place – Dan Paolo Villaverde (Polillo)

*2nd Place – Ivan Del Espiritu Santo (Calauag)

*3rd Place – Art Dave D. Calusin (Pagbilao)

Bracket B (Professional Category)

*1st Place – Joyce B. Glorioso (Pagbilao)

*2nd Place – Julius Caezar L. Panganiban (Dolores)

*3rd Place – Elmer Envento (San Andres)

#TaraNaSaQuezon

#NiyogyuganFestival2023

Source: Quezon PIO

Niyogyugan 2023 Jobs and Business Fair | August 16, 2023

“I wish you the best, I wish you goodluck.” Ito ang sabi ni DOLE Quezon Provincial Head Mr. Edwin T. Hernandez sa ginanap na Niyogyugan 2023 Jobs and Business Fair ngayong Miyerkules, Agosto 16 sa Quezon Convention Center, Lucena City

Sa pakikipagbalikatan ng Pamahalaang Panlalawigan sa pangunguna ni Governor Doktora Helen Tan at ng Department of Labor and Employment (DOLE) Quezon katuwang ang TESDA Quezon at PESO Quezon Province ay nabigyang katuparan ang pagnanais ng ating mga kalalawigan na naghahanap ng trabaho.

Apatnapu’t dalawang (42) pribadong kumpanya at ilang ahensya ng gobyerno ang nagbigay ng oportunidad para sa mga dumating na aplikante. Tiniyak naman ng mga employer na nakiisa sa aktibidad na mabibigyan ng pantay-pantay na pagkakataon ang mga kwalipikadong indibidwal, anuman ang kanilang edad.

Ang aktibidad na ito ay dinaluhan ni DOLE Regional Office IV-A Regional Director Atty. Roy L. Buenafe, DOLE Quezon Provincial Head Mr. Edwin T. Hernandez, TESDA Regional Office IV-A Mr. Baron Jose L. Lagran, TESDA Quezon Provincial Director Gerardo Marasigan, Quezon Provincial Administrator Manny Butardo at Provincial PESO Manager Atty. Melojean Puache.

Pangako ng Pamahalaang Panlalawigan katuwang ang DOLE na walang maiiwan, lahat ay mabibigyan ng pagkakataong maiangat ang mga sarili at maiahon ang bawat pamilyang Quezonian sa kanilang estado sa buhay.

#TaraNaSaQuezon

#NiyogyuganFestival2023

Source: Quezon PIO

Declamation & Oration Contest – August 16, 2023

Isinagawa kahapon, Agosto 16 ang Niyogyugan Festival 2023 Declamation & Oration Contest na ginanap sa Agri-tourism Stage na matatagpuan sa harap ng Quezon Convention Center, Lucena City.

Sa pakikipagtulungan ng Pamahalaang Panlalawigan sa DepEd Quezon ay naipamalas ng mga kabataan mula sa iba’t- ibang distrito ng Quezon ang kanilang angking galing sa larangan ng deklamasyon at talumpati.

Ang bawat piyesa ay tungkol sa buhay ni Manuel L. Quezon at mayroong tatlong kategorya. Deklamasyon para sa Elementary level, talumpati para sa highschool level, at talumpati para sa college level kung saan ay may limang minuto sila upang ihayag ang kanilang mga piyesa.

Sa mga ganitong patimpalak, hangad ng pamahalaang panlalawigan katuwang ang DepEd Quezon na ang bawat mag aaral na may angking galing at potensyal sa mga larangan na ito ay mabibigyan ng sapat na pagkilala.

Congratulations sa mga nagwagi, mabuhay ang mga mag- aaral ng lalawigan ng Quezon.

#TaraNaSaQuezon

#NiyogyuganFestival2023

Source: Quezon PIO

Pagbisita sa Sampaloc Medicare Center at Candelaria Municipal Hospital | August 15, 2023

Sa pagsusumikap ng pamahalaang panlalawigan na makapaghatid ng magandang serbisyo medikal, binisita ni Governor Doktora Helen Tan ngayong Martes, Agosto 15 ang Sampaloc Medicare Center at Candelaria Municipal Hospital upang personal na inspeksyonin at malaman ang mga kinakailangang ayusin sa mga nasabing ospital.

Ang Sampaloc Medicare Center ay mayroong dalawang palapag at matatagpuan sa unang palapag ang Emergency Room, Administrative Office, Doctor’s Quarter, Wards and Laboratory. Mayroon ring Mobile X-Ray na ilalagay sa harapan ng ospital mula sa IPHO.

Samantala, ang Candelaria Municipal Hospital naman ay mayroong dalawang gusali, ang Phase 1 na may tatlong palapag at ang Phase 2 na may dalawang palapag.

Sa ngayon ay under construction pa rin ang mga ito ngunit tinitiyak ng pamahalaang panlalawigan katuwang ang Integrated Provincial Health Office (IPHO) at Provincial Engineering Office (PEO) na matatapos ang mga bagong pasilidad sa lalong madaling panahon upang higit pang mapagsilbihan ang mga nangangailangan ng serbisyo medikal sa nasasakupan nito.

Source: Quezon PIO

Congratulations, Polillo Dragonboat Team!!

Pagbati at pagpupugay sa Polillo Dragonboat Association na nag-uwi ng apat na Bronze Medals mula sa ginanap na 16th IDBF World Dragon Boat Racing Championships sa Thailand nitong Agosto 16 hanggang 13.

Isang malaking karangalan para sa lalawigan at sa bawat Quezonian ang inyong tagumpay!

Source: Quezon PIO