Restored power transmission service in parts of Quezon province today, 15 July 2023 at 5:57PM.
Affected: QUEZELCO I
Reason: Preventive maintenance and testing of high voltage equipment at Mulanay Substation, simultaneous with upgrading and corrective maintenance works along Pitogo-Mulanay 69kV line at 6AM today.
Source: National Grid Corporation of the Philippines
Panalo tayo mga Quezonian!
Source: Quezon PIO
Isinagawa kahapon, Hulyo 14 ang unang araw ng ENT (Ears, Nose, and Throat) Barangay Lecture at Medical Mission na ginanap sa Esplanade Sports Complex Brgy. Matandang Sabang Silangan, Catanauan, Quezon.
Sa inisyatibo ni Governor Doktora Helen Tan katuwang ang Rizal Medical Center, nabigyang serbisyo upang mapatingnan ang kanilang mata, ilong at lalamunan ang 145 na residente mula sa nasabing bayan.
Nagkaroon naman ng talakayan kasama ang 128 na Barangay Health Workers (BHW) at kawani mula sa Rural Health Unit (RHU) kung saan sila’y aktibong naglahad ng mga katanungan ukol sa mga paksang may kaugnay sa kalusugan. Ilan sa mga ito ay patungkol sa bukol sa leeg, oral cavity cancer, trauma sa mukha, bingot, at iba pa.
Magpapatuloy namang lumibot sa ilang bayan sa Bondoc Peninsula ang nasabing programa upang maihatid ang medikal na tulong sa ating mga kalalawigan.
Source: Quezon PIO
Nagsagawa ng Provincial Youth Development Forum and Assembly ang Local Youth Development Office sa pangunguna ni Quezon Panlalawigang Pederasyon ng mga Sangguniang Kabataan (PPSK) President, Iris Armando at Executive Assistant John Carlo Villasin ngayong araw ng Biyernes, Hulyo 14 na ginanap sa St. Jude Cooperative Hotel and Event Center, Tayabas City.
Tinalakay sa nasabing pagpupulong ang iba’t ibang concern ng Sangguniang Kabataan kaisa ang mga pangulo ng PPSK at Local Youth Development Officer ng mga bayan sa lalawigan.
Bilang mga kabataang lider na may malaking papel sa lipunan at huhubog sa kinabukasan ng bawat kabataan, layunin nitong maisaayos ang mga programa at proyekto na direktang mapakikinabangan ng mga kabataang Quezonian.
Nais din ng pamahalaang panlalawigan na palakasin ang SK sa lalawigan para maiangat ang sektor ng kabataan tungo sa mas maraming oportunidad at pag-unlad ng bawat kabataan sa ating lalawigan.
Source: Quezon PIO
Pinasinayaan ngayong araw ng Biyernes, Hulyo 14 ang karagdagang gusali sa Mauban District Hospital na dinaluhan ni Governor Doktora Helen Tan kasama sina 1st District Congressman Mark Enverga at Mayor Ninong Erwin Pastrana.
Ang nasabing gusali ay inisyatibo ni Cong. Enverga kung saan mas matibay at malawak upang mas maging epektibo ang pagbibigay ng serbisyong medikal sa mga mamamayan ng Mauban at karatig bayan.
Matatagpuan sa bagong gusali ang Emergency Room (ER), Out-Patient Department (OPD), at Admin Offfice.
Sa pakikipagbalikatan mula sa nasyunal hanggang lokal na pamahalaan, maayos na naibababa ang serbisyo sa mamamayan at asahan na palaging nakasuporta at nakaalalay ang pamahalaang panlalawigan sa mga proyektong lubos na mapakikinabangan ng bawat Quezonian.
Source: Quezon PIO
Nagtungo si Governor Doktora Helen Tan sa isinagawang Tulong Panghanapbuhay sa Ating Disadvantaged/Displaced Workers (TUPAD) Payout kasama si 1st District Congressman Mark Enverga at Mayor Ninong Erwin Pastrana sa Mauban, Quezon ngayong araw, Hulyo 14.
Ang tulong pinansyal sa 291 benepisyaryo ng TUPAD na nagkakahalagang 4,700 bawat isa ay makatutulong sa kanila upang maibsan ang kanilang pang araw-araw na gastusin.
Patuloy naman ang pamahalaang panlalawigan sa pagbibigay ng assistance sa mga kalalawigan nating lubos na nangangailangan sa ilalim ng programang Aid to Individual in Crisis Situation (AICS) ng Provincial Social Welfare and Development Office (PSWDO).
Source: Quezon PIO
Scheduled power interruption in parts of Quezon province on Saturday, 15 July 2023.
Time: 6:00 AM – 6:00 PM
Affected: QUEZELCO I
Reason: Preventive maintenance and testing of high voltage equipment at Mulanay Substation, simultaneous with upgrading and corrective maintenance works along Pitogo-Mulanay 69kV line.
Specific affected areas are determined by the Electric Cooperative. NGCP will exert all efforts to restore power earlier or as scheduled.
Source: National Grid Corporation of the Philippines
Isa sa tinututukan ng pamahalaang panlalawigan ay maipagkaloob ang mga matitibay na imprastraktura para sa maayos na edukasyon ng mga kabataang Quezonian, kung kaya’t ngayong araw ng Huwebes, Hulyo 13 pinangunahan ni Governor Doktora Helen Tan ang Groundbreaking Ceremony ng 4-Storey Education Center for Division of Quezon (Phase 1) na ginanap sa Brgy. Talipan, Pagbilao, Quezon.
Ang school division office building na may kabuuang sukat na 3,079 square meters ay layong magbigay ng mas maayos na pasilidad para sa mga empleyado ng DepEd sa lalawigan, at nagkakahalaga ng P50 million na magmumula sa Special Education Funds (SEF). Mayroon ding fire protection system, solar panel system, water tank, CCTV, bagong transformer, public address system, bagong furnitures, at modular partition.
Sa unang palapag ay mayroong parking space para sa mga service vehicle ng DepEd Quezon at sa mga bisita. Mas magiging organisado at mabilis naman ang operasyon ng tanggapan sapagkat magkakasama na sa ikalawa at ikatlong palapag ang iba’t ibang sections and units. Magsisilbi namang training center ang ika-apat na palapag na magagamit ng mahigit 19K empleyado ng DepEd Quezon. Magiging mas maayos din ang kanilang pagsasanay sapagkat magiging dormitory din ang bahagi ng 4th floor para sa mga dadalo sa mga pagsasanay.
Samantala, pinasalamantan naman sina Provincial Engineer Johnny Pasatiempo at Consultant Engineer Cely Francia para sa kanilang masusing pagplaplano sa nasabing proyekto. Dumalo rin sa isinagawa seremonya si Mayor Gigi Fortez upang ipakita ang kanyang suporta.
Source: Quezon PIO
Restored power transmission service in parts of Quezon province at 8:28PM today, 12 July 2023.
Affected: QUEZELCO I
Reason: Tripping of Gumaca-Lopez-Tagkawayan 69kV Line at 4:19PM. Root cause still to be determined.
Source: National Grid Corporation of the Philippines (NGCP)
Bumisita ngayong araw, Hulyo 12 si Governor Doktora Helen Tan sa Aurora Central Annex 1 Elementary School sa bayan ng San Francisco, Quezon upang alamin ang kasalukuyang estado ng itinatayong multi-purpose building (covered court).
Layon nitong magbigay ng karagdagang pasilidad na magagamit at mapagsisilungan ng mga mag-aaral ng nasabing paaralan. Ito naman ay may sukat na 15 meters by 25 meters, na nagkakahalaga ng P4.9 million at nagmula sa Special Education Funds (SEF).
Hangad naman ng ina ng lalawigan ay makapaghandog din ng mga silid aralan para sa mas komportableng pag-aaral ng mga estudyante.
Source: Quezon PIO