𝐈𝐬𝐬𝐮𝐞𝐝 𝐚𝐭: 𝟓:𝟎𝟓 𝐀𝐌, 𝟐𝟑 𝐉𝐮𝐧𝐞 𝟐𝟎𝟐𝟓(𝐌𝐨𝐧𝐝𝐚𝐲)
Katamtaman hanggang sa malakas na pag-ulan na may kasamang pagkidlat at malakas na bugso ng hangin ay nararanasan sa 𝐐𝐮𝐞𝐳𝐨𝐧 (𝐏𝐨𝐥𝐢𝐥𝐥𝐨) na maaring magpatuloy sa susunod na dalawang oras at makaapekto sa karatig na lugar.
Pinapayuhan ang lahat na mag-ingat at maging alerto sa posibleng panganib ng pagbaha at pagguho ng lupa.
Patuloy na mag-monitor sa mga karagdagang updates.
Quezon PDRRMO
Matagumpay na ginanap ang Circumcision Caravan, ngayong araw ng Sabado, Hunyo 21 sa Quezon Provincial Hospital Network-Quezon Medical Center (QPHN-QMC) Lucena City.
Sa pagtutulungan ng mga doktor, nurse at staff ng ospital, tinatayang 50 na kabataan ang libreng natulian sa nasabing programa na lubos na ipinagpasalamat ng kani-kanilang magulang.
Samantala, tuloy-tuloy ang serbisyong medikal ng Pamahalaang Panlalawigan sa inisyatibo ni Governor Doktora Helen Tan para sa kagalingan ng mga mamamayang Quezonian.
#LibrengTuli
#SerbisyongTunayAtNatural
#HEALINGQuezon
#QuezonProvince
Quezon PIO / QPHN-QMC
Kaugnay ng mas masusing paghahanda para sa nalalapit na selebrasyon ng Niyogyugan Festival 2025, isinagawa ang Congressional Competition ng CocoZumba Dance Contest at Lambanog Mixology ngayong araw ng Biyernes, Hunyo 20 sa Calauag Quezon.
Nangibabaw sa bulwagan ang sigla at bigay todong pag hataw ng mga Quezonian mula sa Ika-apat na Distrito para sa Cocozumba at nagpamalas ng kakaibang estilo sa pagbuo ng timpla ng dekalidad na inumin para sa Lambanog Mixology.
Layunin ng naturang aktibidad na maitampok ang kahalagahan ng NIYOG sa kultura, turismo, at pang araw-araw na kabuhayan ng mga mamamayang Quezonian.
Samantala, karangalan para sa mga nagwagi at magrerepresenta ng Ika-apat na Distrito sa Niyogyugan Festival 2025.
COCOZUMBA:
Atimonan Quezon
LAMBANOG MIXOLOGY:
Quezon, Quezon
Lalawigan ng Quezon, pakatutukan ang umaatikabong kompetisyon at paghaharap ng Una, Ikalawa, Ikatlo at Ika-apat na Distrito sa pinananabikang Niyogyugan Festival 2025!
#TaraNaSaQuezon
#SerbisyongTunayAtNatural
#HEALINGQuezon
#QuezonProvince
Quezon PIO / Tourism
Magandang Balita, mga kalalawigan!
Opisyal nang kabalikatan ng Pamahalaang Panlalawigan ng Quezon ang Carlos SuperDrug sa paghahatid ng serbisyong STAN Kalinga ng Kapitolyo para sa bawat Quezonian na nangangailangan ng tulong.
Tumatanggap na ng Guarantee Letters ang CARLOS SUPERDRUG CITY CENTER BRANCH (LUCENA) at ATIMONAN BRANCH para sa mga nangangailangan ng Medical Assistance at Gamot.
#SerbisyongTunayAtNatural
#HEALINGQuezon
#QuezonProvince
Pagsasanay sa Value Formation at Parliamentary Procedure, Inilunsad para sa mga Magniniyog sa Quezon
Sa pangunguna ng Office of the Provincial Agriculturist – Coconut Development Division ay matagumpay na inilunsad ang isang makabuluhang pagsasanay ukol sa Value Formation at Parliamentary Procedure para sa 20 farm leaders mula sa Pederasyon ng Samahan ng mga Magniniyog sa Quezon (PSMQ), nitong ika-11 ng Hunyo 2025 sa Cortijo de Palsabangan Resort, Pagbilao, Quezon.
Ang layunin ng programa ay malinaw: maisulong ang maayos at sistematikong daloy ng pagpupulong, mapanatili ang kaayusan at disiplina sa loob ng samahan, at maisakatuparan ang demokratikong proseso ng pagpapasya. At higit sa lahat, palalimin ang kanilang kaalaman sa mga pagpapahalagang dapat isabuhay ng isang tunay na pinuno – integridad, malasakit, respeto, at pagiging huwaran sa komunidad.
Sa pamamagitan ng serye ng mga talakayan, workshops, at aktwal na pagsasanay, mas naunawaan ng mga kalahok ang kahalagahan ng parliamentary procedure bilang pundasyon ng isang maayos at makatarungang organisasyon. Bukod dito, naging sentro rin ng diskusyon ang kahalagahan ng pagkakaroon ng disiplina, pagkakaisa at pananagutan—mga katangiang kailangang-kailangan ng mga lider sa panahon ngayon.
Marami sa mga dumalo ang nagpahayag ng kanilang pasasalamat at inspirasyon matapos ang pagsasanay. Para sa kanila, hindi lamang ito isang seminar kundi isang paalala ng kanilang misyon bilang mga lider na ang kanilang pamumuno ay may kakambal na responsibilidad na magsilbing ilaw at gabay sa kanilang mga miyembro.
#coconutproduction #capacitybuilding #OPAQuezon
Quezon PIO / Prov. Agri
Pagsasanay sa Buko Pie Processing ng mga Kooperatibang Magniniyog, Isinagawa
Sa layuning itaas ang antas ng kabuhayan ng ating mga magsasaka at bigyang halaga ang yaman ng niyog sa ating lalawigan, ay masusing pinaghandaan at naisakatuparan ng Office of the Provincial Agriculturist – Coconut Development Division ang “Skills Training on Buko Pie Processing” sa Brgy. Ilayang Talim, Lucena City nitong ika-18 ng Hunyo 2025.
Dalawampung (20) mga kalahok na mga miyembro ng Tayabas Coconut Farmers Agriculture Cooperative at San Nicolas Farmers Agriculture Cooperative ang buong puso nagsipagdalo at nakibahagi sa makabuluhang pagsasanay. Pinangunahan ito ng mga miyembro mula sa Ilayang Talim Agriculture Cooperative, na bukas-palad ring nagbahagi ng kanilang kaalaman at karanasan sa paggawa ng Buko Pie.
Bilang karagdagang suporta, ang mga kalahok ay tumanggap din ng mga pangunahing sangkap at kagamitan para sa paggawa ng Buko Pie—mga munting hakbang na may malaking ambag sa pag-angat ng kanilang kabuhayan.
Ito ay hindi lamang isang pagsasanay, kundi isang pag-asa.
Isang paalala na sa sipag, tiyaga, at pagtutulungan, kayang buuin ang mga produktong hindi lang masarap, kundi may kasamang kwento ng pagbangon at pag-unlad.
#productdevelopment #OPAQuezon #coconutbyproducts
Quezon PIO / Prov. Agri
Nagtungo ang Office of the Provincial Veterinarian, sa pamamagitan ni Dr. Milcah Valente at G. Julian Nuñez na mula sa OPV-Livestock and Poultry Development Division (LPDD), sa bayan ng Mulanay, Quezon noong Hunyo 17, 2025 upang pangunahan ang “Lecture on Native Pig Management” para sa tatlumpu’t limang (35) miyembro ng Barangay Bagupaye Coconut Farmers Association.
Layunin ng aktibidad na bigyan ng karagdagang kaalaman ang mga miyembro ng nasabing samahan tungkol sa tamang pamamaraan ng pag-aalaga ng native pigs. Bukod dito, naglalayon din ang programa na magkaroon ng dagdag na pagkakakitaan ang napiling benepisyaryo. Nagbahagi rin sila ng mga babasahing gabay sa pag-aalaga ng naturang hayop.
Samantala, isinigawa rin nila ang profiling at validation para sa mga piling asosasyon at agri-tourism sites na mula sa mga bayan ng Macalelon, Pitogo, San Andres at Agdangan mula Hunyo 17-18, 2025. Ito ay bahagi ng pagpapalakas ng koordinasyon ng OPV sa mga samahan ng magsasaka at agri-tourism sites sa lalawigan Ang aktwal na pagsusuri na isinagawa ay mas magpapatibay ng konkretong batayan sa kung anong uri ng suporta at proyekto ang angkop para sa pagpapaunlad ng kanilang kabuhayan.
#Provetquezon
#ProvincialGovernmentofQuezon
#QuezonProvince
Quezon PIO / ProVet
Ipinagpatuloy ngayong araw ng Biyernes, Hunyo 20 ang ikalawang araw ng Cataract Caravan sa Quezon Provincial Hospital Network – Quezon Medical Center (QPHN-QMC) Lucena City.
Ipinaabot naman ng 26 na benepisyaryo ang taos-pusong pasasalamat sa Pamahalaang Panlalawigan dahil sa libreng operasyon para sa mamamayan na may layuning maibalik ang linaw ng kanilang paningin na nagsilbing bagong pag-asa para sa kanila.
Samantala, para sa kabataang Quezonian, gaganapin ang Tuli Caravan ngayong darating na Sabado, Hunyo 21 sa QPHN-QMC ganap na ika-7 ng umaga.
#SerbisyongTunayAtNatural
#HEALINGQuezon
#QuezonProvince
Quezon PIO / QPHN-QMC
Ang QPHN – Quezon Medical Center (Out Patient Department) ay magkakaroon ng Libreng Tuli (Circumcision Caravan) ngayong darating na Hunyo 21, 2025.
Magsisimula po ang Registration sa ganap na 7:00AM.
FIRST COME, FIRST SERVE!
#QuezonProvince
#SerbisyongTunayAtNatural
#HEALINGQuezon
Quezon PIO / QPHN-QMC
Nag-uumapaw ang kasiyahan ng mga nagwaging kalahok na magsisilbing kinatawan ng Ikatlong Distrito mula sa Bayan ng Unisan Quezon sa CocoZumba Dance Contest, at mula naman sa bayan ng Agdangan Quezon para sa Lambanog Mixology matapos silang tanghaling kampeon sa isinagawang Congressional Competition na ginanap nitong araw ng Huwebes, Hunyo 19 sa Agdangan Quezon.
Bilang tinaguriang Coconut Capital of the Philippines, muling pinatunayan ng mga Quezonian ang taglay na yaman sa kultura, kahusayan sa sining, at likas na pagkamalikhain sa pamamagitan ng paggamit ng NIYOG sa iba’t ibang pamamaraan gaya ng inumin, mga kasuotan at props bilang bahagi ng pagtatanghal.
Matagumpay itong naidaos sa pangunguna ng Quezon Provincial Tourism Office (QPTO) sa ilalim ng pangangasiwa ni Nesler Louies Almagro, katuwang ang mga masisigasig na Tourism Officer mula sa bawat bayan ng lalawigan na naglaan ng buong pusong dedikasyon para sa nalalapit na Niyugyugan Festival 2025.
Samantala, abangan ang susunod na yugto ng kompetisyon kung saan ipapamalas ng mga kalahok mula sa Ika-apat na Distrito ang kanilang natatanging talento at pagkamalikhain sa larangan ng galing sa pag indayog at pagtitimpla ng lambanog.
#SerbisyongTunayAtNatural
#HEALINGQuezon
#TaraNaSaQuezon
#QuezonProvince
Quezon PIO/ Tourism