Vice Mayors’ League of the Philippines Regional Meeting | January 30, 2024

Ginanap sa Provincial Government of Quezon ang 5th Regional Meeting ng Vice Mayor’s League of the Philppines Region IV-A CALABARZON Chapter ngayon araw ng Martes, Enero 30.

Nakiisa si Governor Doktora Helen Tan sa isang makasaysayang pulong panglehislatura kasama ang apat na pu’t isang (41) mga ikalawang punong bayan ng VMLP Quezon Chapter. Ito din ang ika-walong pulong ng mga namumuno sa sangguniang bayan ng lalawigan ng Quezon na layong mas mapaigting pa ang matatag na serbisyo at mas mapagtibay ang kahusayan pagdating sa mga usaping panglehislatura.

Binubuo ang lupon ng mga miyembro mula sa probinsya ng Cavite, Laguna, Batangas, Rizal at Quezon.

Source: Quezon PIO

Bridging Communities, Building Futures Forum | January 30, 2024

“Ang aking munting kahilingan, kayo’y maging matibay sa lahat ng gawain, tumulong lang tayo, magtulungan tayo.”

Ito ang sinabi ni Governor Doktora Helen Tan sa mga bagong halal na mga punong baranggay sa ginanap na forum at konsultasyon ng Department Interior and Local Government (DILG) at ng Pamahalaang Panlalawigan ng Quezon, ngayong araw ng Martes, Enero 30 sa Quezon Convention Center.

Dinaluhan ng 1,242 mga Kapitan ang aktibidad na layong maipabatid ang serbisyo at pamamaraan pagdating sa kalusugan, edukasyon, agrikultura, pangkabuhayan, imprastraktura, turismo at tamang paglilingkod sa mga barangay ng buong lalawigan ng Quezon.

Source: Quezon PIO

Kadiwa ng Pangulo sa Kapitolyo | January 30, 2024

Muling umarangkada ang Kadiwa ng Pangulo sa kapitolyo ngayong araw ng Martes, Enero 30.

Ang Kadiwa ng Pangulo ay binubuo ng iba’t ibang ahensya ng pamahalaan na naglalayong mailapit sa mamimili ang mga produkto sa murang halaga dahil ito ay direktang nanggagaling sa mga manufacturer o magsasaka.

Inaanyayahan ang mga mamimili na tangkilikin ang mga produktong gawang Quezon na mabibili sa Capitol Compound, Lucena City hanggang ala sais ng hapon ngayong araw.

Source: Quezon PIO

Ika-17 Pangkaraniwang Pulong ng Sangguniang Panlalawigan ng Quezon | January 29, 2024

Ginanap kahapon ang ika- 81 Pangkaraniwang Pulong ng Sangguniang Panlalawigan ng Quezon.

Sa unang bahagi ng sesyon, nagkaroon ng pagbibigay impormasyon at komprehensibong presentasyon si 85th Infantry Battalion Commander Lieutenant Colonel Joel R. Jonson bilang pagdiriwang ng ika isang taon na pagiging malaya sa impluwensya ng CPP-NPA-NDF o Insurgency- free anniversary celebration ng Lalawigan ng Quezon.

Samantala inaprubahan ang ilang mga atas tagapagpaganap at mga ordinansang bayan na higit na makakatulong sa kaayusan ng Lalawigan para sa bawat mamamayan.

Source: Quezon PIO

Provincial School Board Meeting | January 29, 2024

Sa pagsusumikap na mabigyang solusyon ang mga mag aaral ng lalawigan ng Quezon, ginanap ang Provincial School Board Meeting ng DepEd Quezon at Pamahalaang Panlalawigan ngayong araw ng Lunes, Enero 29.

Pinangunahan ni Governor Doktora Helen Tan ang pagpupulong patungkol sa usaping pang edukasyon, konsultasyon at pagbabahagi ng presentasyon ng mga kinatawan ng Department of Education- Division of Quezon na isang patunay ng pagbabalikatan para sa mas maayos na serbisyong pang edukasyon gayundin.

Samantala pinuri naman ng DepEd Quezon ang proyekto ng Pamahalaang Panlalawigan na Project Kid Bibo sa magandang gampanin at dulot nito sa mga mag-aaral ng Lalawigan.

Source: Quezon PIO

Let’s Support Ma. Ahtisa Manalo – Candelaria, Quezon

Mga Kalalawigan! Ating suportahan ang ating Kababayan na si Miss Ma. Ahtisa Manalo mula sa Bayan ng Candelaria sa darating na laban ng Miss Universe Philippines!

Tunay ngang sa husay at ganda ay hindi magpapahuli ang isang Quezonian!

Source: Quezon PIO

Local Health Board Meeting | January 29, 2024

Pinangunahan ni Gobernor Doktora Helen Tan ang 1st Provincial Health Board Meeting para sa taong 2024 kasama ang Provincial Health Office ngayong araw ng Lunes, Enero 29.

Ibinahagi ni Provincial Health Officer Kristin Mae-Jean Villaseñor ang ilang mga ulat patungkol sa usaping pangkalusugan ng Lalawigan ng Quezon. Aniya patuloy parin ang pagsusumikap ng PHO katuwang ang Pamahalaang Panlalawigan na makapaghatid ng iba’t-ibang programa at impormasyong pangkalusugan.

Nagbigay naman ng direktiba ang Gobernadora sa pamunuan ng PHO na bigyan siya ng direktang impormasyon patungkol sa kalagayan ng mga mamamayang nangangailangan ng komprehensibong gamutan, sa pagnanais na agarang masolusyonan ang nararanasan ng mga mamamayang may matinding karamdaman.

Sa pagpapatapos ng pulong hinikayat ng gobernadora ang mga punong bayan ng bawat munisipalidad na suportahan ang Municipal Health Unit at gawing miyembro ang mga mamamayan sa E-Konsulta program para sa ikabubuti ng mga ito sapagkat pangarap ng Pamahalaang Panlalawigan na mas mapalawak ang kaayusan at kagandahan ng serbisyong pangkalusugan para sa bawat Quezonian

Source: Quezon PIO

SPES Application 2024

WE’LL CATER TO 100 APPLICANTS PER DAY FOR THE INITIAL INTERVIEW AND SCREENING OF DOCUMENTARY REQUIREMENTS STARTING

FEBRUARY 1, 2024 UNTIL FEBRUARY 22, 2024

MONDAY TO FRIDAY 8:00 AM – 5:00 PM

SPES REQUIREMENTS

1) Photocopy of Birth Certificate or any document indicating date of birth or age (age must be 15-30)

2) Photocopy of latest Income Tax Return (ITR) of parents/legal guardian OR certification issued by the BIR that the parents/guardians are exempted from payment of TAX OR original Certificate of Indigence OR original Certificate of Low Income issued by the Barangay or DSWD/CSWD where the applicant resides; and

3) For students, any of the following, in addition to requirements no. 1 and 2:

a) Photocopy of proof of average passing grade such as (1) class card or (2) Form 138 of the previous semester or year immediately preceding the application; OR

b) Original copy of certification by the School Registrar as to passing grade immediately preceding semester/year if grades are not yet available.

4) For Out of School Youth (OSY), original copy of Certification as OSY issued by DSWD/CSWD or the authorized Barangay Official where the OSY resides, in addition to requirements no. 1 and 2.

For more information, you may call PESO Quezon Province (042) 373-4805 0933-868-5524 or leave us a message here at our Facebook page.

Source: PESO Quezon

2024 SGLG Initial Assessment | January 29, 2024

Ngayong araw ng Lunes, Enero 29 pinangunahan ni Gobernor Doktora Helen Tan ang 2024 Seal of Good Local Governance Coordination Meeting kasama ang iba’t-ibang tanggapan ng Pamahalaang Panlalawigan at ang Department of the Interior and Local Government – Quezon sa pangunguna ni DILG Quezon Provincial Director Abigail Andres.

Tinalakay sa nasabing pagpupulong ang ilang mga ulat patungkol sa mga aktibidad na naisagawa na, mga update sa 2024 SGLG Targets, mga napagkasunduang interbensyon, at ang iba pang mga kinakailangang hakbang tungo sa pagkamit ng nasabing parangal.

Nagpasalamat din ang Gobernadora sa mahusay na paggampan ng bawat pamunuan at hangad na mas maging organisado pa ang bawat departamento ng Pamahalaang Panlalawigan kung kaya’t kaniyang hinikayat ang bawat isa na gawin ng maaga at mabilis ang mga hakbang upang matagumpay na mapanatili ang maayos na pamamahala.

Source: Quezon PIO

Pagbigay Tulong ng Pamahalaang Panlalawigan ng Quezon sa mga Kalalawigang Biktima ng Nangyaring Sunog | January 26, 2023

TINGNAN: Agarang nagbigay tulong ang Pamahalaang Panlalawigan ng Quezon sa ating mga kalalawigang biktima ng nangyaring sunog kaninang madaling araw ng Biyernes, Enero 26 sa Brgy. 1, Lucena City.

Ayon sa ulat ng Bureau of Fire (BFP) – Lucena City nasa 15 kabahayan ang natupok, at 4 na katao ang nasawi sa nasabing sunog.

Ipinamahagi naman ang mga relief supplies sa 26 na pamilyang apektado, kung saan ay siniguro na magpapaabot din ng financial assistance ang pamahalaang panlalawigan gayundin ng burial assistance.

Source: Quezon PIO