Congratulations, Board member Ireneo ‘Boyong’ Boongaling

Congratulations!

Board Member IRENEO ‘BOYONG’ BOONGALING

NEWLY ELECTED,ABC REGIONAL PRESIDENT

REGION 4A CALABARZON and

MEMBER OF NATIONAL EXECUTIVE BOARD (NEB)

Source: Quezon PIO

Turn-over ng Solar Irrigation System para sa mga Mamamayan ng Isla ng Jomalig | March 17, 2024

Matapos maghatid ng iba’t-ibang serbisyong mapakikinabangan ng mga mamamayan sa isla ng Patnanungan, agarang pinaunlakan ni Governor Doktora Helen Tan ang isinagawang Turn-over ng Solar Irrigation System para sa mga mamamayan ng isla ng Jomalig na ginanap nitong nakaraang araw ng Linggo, Marso 17.

Nakiisa naman sa nasabing programa sina Vice Governor Third Alcala, Provincial Agriculturist Dr. Lisa Mariano, Mayor Nelmar Sarmiento, at ang lokal na pamahalaan ng Jomalig, Quezon.

Source: Quezon PIO

Women’s Consultation and Assembly | March 17, 2024

Walang sinayang na oras si Governor Doktora Helen Tan sa pagbaba sa Bayan ng Patnanungan kung saan kaniyang pinaunlakan ang Women’s Consultation and Assembly kasabay ng isinasagawang Medical Mission sa nasabing Bayan nitong araw ng Linggo, Marso 17.

Kasama rin dumalo sina Vice Governor Third Alcala, Patnanungan Mayor Marie Claire Larita-Natividad, Vice Mayor Reynaldo Anonuevo at iba pang myembro ng Sangguniang Bayan.

Hangad ng Gobernadora na sa paglaon ng panahon ay patuloy na maging kabahagi ang mga kababaihan sa pagtataguyod ng kanilang pamilya at makatulong sa kagalingan ng kapwa babae at ng kanilang buong komunidad.

Nagkaroon rin ng talakayan patungkol sa Violence Against Women and their Children Act (VAWC) upang makadagdag sa kaalaman ng mga kababaihan patungkol sa kanilang karapatan sa pangunguna ni Acting Provincial Legal Officer Atty. Jette Salvacion mula sa Provincial Legal Office.

Namahagi rin ng food packs para sa bawat isang kababaihan na handog ng Department of Social Welfare and Development sa pamamagitan ni DSWD Secretary Rex Gatchalian, gayundin ang raffle draw na hatid naman ng Gobernadora bilang dagdag pampasaya sa mga kababaihang dumalo sa maikling programa.

Source: Quezon PIO

Medical Mission sa Polillo Group of Islands | March 17, 2024

Kasabay ng ikaapat na araw ng isinasagawang Medical Mission sa Polillo Group of Islands (POGI Area), personal na pinaunlakan ni Governor Doktora Helen Tan ang mga Barangay Tanod sa Bayan ng Patnanungan nitong araw ng Linggo, Marso 17.

Kasamang nakibahagi sina Vice Governor Third Alcala, Patnanungan Mayor Marie Claire Larita-Natividad, Vice Mayor Reynaldo Anonuevo at iba pang miyembro ng Sangguniang Bayan.

Nagpaalala ang Gobernadora sa mga Barangay Tanod na maging mas aktibo sa pagbabantay sa kanilang nasasakupan, huwag mag-aatubiling isumbong kung may makitang ka-barangay na gumagamit ng ilegal na droga upang masiguro ang mas ligtas, masaya at malusog na pamayanan.

Nagbahagi rin ng dagdag kaalaman sina LDRRM Officer I Neil Parco mula sa Provincial Disaster Risk Reduction and Management Office at Atty. Monique Loria mula naman sa Provincial Legal Office.

Bilang panghuli, nagbahagi rin ng Food Packs mula sa Department of Social Welfare and Development at ilang Raffle Draw na handog ng Gobernadora na nagbigay ngiti at dagdag sigla naman sa mga Barangay Tanod ng Bayan ng Patnanungan.

Source: Quezon PIO

Fisherfolks & Consultation, TUPAD Orientation & Distribution of Agricultural Inputs | March 17, 2024

Nagtipon-tipon nitong nakaraang araw ng Linggo, Marso 17 ang 100 na mangingisda at magsasaka na mula sa bayan ng Patnanungan upang magkaroon ng talakayan kasama si Governor Doktora Helen Tan.

Ito’y upang maiparating sa Pamahalaang Panlalawigan ng Quezon ang mga suliraning kinahaharap ng nasabing mga sektor na lubos na nakaaapekto sa kanilang hanap-buhay kung saan naman siniguro ng gobernadora na pagsusumikapan na matutugunan ito.

Nakapamahagi naman ng mga Agri-Fishery equipment gaya ng drums, fertilizers, vegetable seeds, seaweeds seedlings and planting materials, sumerge cage, at motorized fiberglass boat.

Samantala, kasabay namang ginanap sa parehong araw ang TUPAD Orientation sa pakikipagtulungan sa Department of Labor and Employment (DOLE).

Source: Quezon PIO

Rusi Motorcycle Service sa Bayan ng Patnanungan | March 17, 2024

Masayang tinanggap ng mga mamamayan ng bayan ng Patnanungan ang ipinagkaloob na bagong Rusi Motorcycle Service na ginanap nitong nakaraang araw ng Linggo, Marso 17.

Makatutulong naman ito para sa mas mabilis at maayos na transportasyon ng mga residente ng nasabing bayan kung kaya’t lubos ang pasasalamat ng mga ito.

Nakasama rin sa pamamahagi ng bagong behikulo sina Vice Governor Third Alcala, Mayor Marie Claire Larita-Natividad, at Vice Mayor Renaldo Anonuevo.

Source: Quezon PIO

Lingap sa Mamamayan Libreng Gamutan | March 17, 2024

Hindi naging handlang kay Governor Doktora Helen Tan ang malakas na alon patungo sa islang bayan ng Patnanungan sa hangarin na maihatid lamang ang libreng serbisyong gamutan na ginanap nitong nakaraang araw ng Linggo, Marso 17.

Katuwang ang mga doktor, espesyalista, at ospital na parating handang magbigay serbisyo ay umabot sa 2,871 na mamamayan ang naging benepisyaryo ng iba’t-ibang serbisyong medikal gaya ng libreng check-up, dental extraction, tuli, minor surgery sa may maliit na bukol, check-up sa buto (Orthopedic), derma, eye check-up, ENT, FBS/RBS, Ultrasound, Cervical Cancer Screening, X-ray, ECG, CBC, Urinalysis, gayundin ng pagpapabakuna ng PCV 23 at HPV.

Nakapamahagi rin ng iba’t-ibang libreng gamot para sa bawat Barangay ng Patnanungan na magsisilbing pantawid na tulong sa mga may karamdaman gaya ng sakit sa ulo, tiyan, at iba pa.

Nagpakita ng suporta sa nasabing programa sina Vice Governor Third Alcala, Mayor Marie Claire Larita-Natividad, at Vice Mayor Renaldo Anonuevo sapagkat malaki ang kahalagahan na naiaabot sa mga malalayong bayan ganitong serbisyo kabilang na ang Patnanungan.

Dinagsa naman ng mga may alagang hayop ang isinagawang Veterinary Medical Mission ng Office of the Provincial Veterenarian Office, kung saan umabot sa 1,579 ang naging benepisyaryo.

Handog din ng Provincial Social Welfare and Development Office (PSWDO) at Provincial Treasurer’s Office (PTO) ang medical assistance sa 356 na pasyenteng hindi available ang kinakailangan nilang gamot.

Source: Quezon PIO

NGCP Update | March 17, 2024

𝐑𝐄𝐒𝐓𝐎𝐑𝐄𝐃 𝐏𝐎𝐖𝐄𝐑 𝐓𝐑𝐀𝐍𝐒𝐌𝐈𝐒𝐒𝐈𝐎𝐍 𝐒𝐄𝐑𝐕𝐈𝐂𝐄𝐒: Early completion of maintenance activity in Quezon today, 17 March 2023

Power transmission service was restored in QUEZON I (Pitogo 5MVA transformer) at 7:52AM, more than 1 hour ahead of scheduled completion.

Specific areas are determined by the electric cooperatives or distribution utilities.

We appreciate your patience and understanding during the power interruption.

Source: Quezon PIO

Barangay Tanod Workers Assembly | March 16, 2024

Kasabay ng ikatlong araw ng isinasagawang Medical Mission sa Polillo Group of Islands (POGI Area), personal na pinaunlakan ni Governor Doktora Helen Tan ang Barangay Tanod Worker Assembly ngayong araw ng Sabado, Marso 16 sa Bayan ng Burdeos.

Kasama rin sa dumalo sina Vice Governor Third Alcala, Burdeos Mayor Freddie Aman at iba pang myembro ng Sangguniang Bayan ng Burdeos.

Nagbigay paalala ang Gobernadora sa mga Barangay Tanod na mas maging aktibo at sensitibo sa mga pangangailangan ng kanilang pamayanan, upang mas maging matiwasay ang bawat barangay ng naturang bayan.

Nagbahagi rin ng dagdag kaalaman ang Provincial Legal Office sa pangunguna ni Atty. Monique Loria, gayundin ang tanggapan ng Quezon Provincial Disaster Risk Reduction and Management Office na pinangunahan ni LDRRM Officer 1 Niel Parco.

Sa huli, namahagi ng mga bagong uniporme at flashlight sa bawat Barangay pati na rin ng food packs na handog ng Department of Social Welfare and Development (DSWD) sa pangunguna ni DSWD Secretary Rex Gatchalian.

Source: Quezon PIO

Women’s Consultation and Assembly | March 16, 2024

Hindi pinalagpas ni Governor Doktora Helen Tan ang pagkakataon na makibahagi sa Women’s Consultation and Assembly na ginanap sa Bayan ng Burdeos nitong Sabado, Marso 16.

Kasama ring dumalo sina Vice Governor Third Alcala at Burdeos Mayor Freddie Aman.

Giit ng Gobernadora na mahalagang punuuin ng kababaihan ang kanilang sarili ng mga kaalaman, hindi upang makipag-kumpitensya kundi upang maingat ang sarili sa oras ng pangangailangan. Dagdag pa niya na nawa’y gawin kultura ang pagdadamayan, at sa kahit na anong paraan ay makapagbahagi ng tulong sa kapwa babaeng may pinagdaraanan.

Nagkaroon rin ng talakayan patungkol sa Violence Against Women and their Children Act (VAWC) sa pangunguna ni Acting Provincial Legal Officer Atty. Jette Salvacion mula sa Provincial Legal Office.

Sa huli, namahagi ng food packs mula sa Department of Social Welfare and Development Office sa pangunguna ni DSWD Secretary Rex Gatchalian, gayundin ang ilang raffle draw na handog ng Gobernadora na nakadagdag saya naman sa mga kababaihan ng Bayan ng Burdeos.

Source: Quezon PIO