Muling kinikilala ang QPHN-Quezon Medical Center bilang isang certified rHIVda Confirmatory Laboratory!
Ang muling pagpapatunay na ito ay nagpapatibay sa ating pangako na magbigay ng maayos at maaasahang resulta sa pagsusuri ng HIV, at nagpapalakas sa ating kakayahan na suportahan ang ating komunidad sa laban kontra sa sakit na ito. Patuloy ang QPHN-QMC sa paglilingkod nang may integridad at kahusayan.
QPHN-QMC
PANOORIN: Ang labis na pasasalamat ng isang kalalawigan natin mula sa bayan ng Plaridel Quezon, matapos siyang maging benepisyaryo ng libreng operasyon sa bato sa apdo sa ginanap na Surgical Caravan 2025: Cholecystectomy, nitong nakaraang Abril 11 sa Quezon Provincial Hospital Network – Quezon Medical Center (QPHN-QMC) Lucena City.
Watch here: https://www.facebook.com/share/v/16DAJDCJDo/
#SerbisyongTunayAtNatural
#HEALINGQuezon
#SurgicalCaravan2025
Quezon PIO / QPHN-QMC
Noong Mayo 9, 2025, matagumpay na naisagawa ng Provincial Health Office (PHO) ang Kilatis Kutis at STI-HIV/AIDS screening sa Bureau of Jail Management and Penology (BJMP) Lucena City. Bahagi ito ng pinaigting na kampanya ng Leprosy at STI-HIV/AIDS Prevention and Control Program na layuning matukoy ang mga kaso sa pinakamaagang yugto.
Bukod sa pagsusuri, nagsagawa rin ang PHO ng health education sessions para palawakin ang kaalaman ng mga Persons Deprived of Liberty (PDL) ukol sa mga sintomas, pag-iwas, at paggamot sa leprosy at HIV/AIDS—kasama na rin ang pagbibigay-diin sa kahalagahan ng pag-unawa at pagtanggap sa mga may ganitong kondisyon.
Muling pinatunayan ng aktibidad na ang kalusugan ay karapatan ng lahat—anuman ang estado sa buhay—at sa tulong ng pagtutulungan ng mga institusyon, maaari tayong makabuo ng isang lipunang may malasakit at pagkakapantay-pantay.
Quezon PIO / QPHO
Ngayong ika-16 ng Mayo, 2025, isang araw ng pag-asa at kagalingan ang hatid ng ikatlong Surgical Caravan ng QPHN-Quezon Medical Center!
Ang ating mga dedikadong doktor, nars, at buong surgical team ay walang pagod na naglilingkod sa ating mga kababayan. Bawat operasyon na isinasagawa ay hindi lamang pagtanggal ng sakit, kundi pagbibigay din ng bagong pagkakataon para sa mas malusog at masaganang buhay dito sa ating probinsya ng Quezon.
Ang bawat pasyenteng tinutulungan ngayon ay sumasalamin sa diwa ng tunay na serbisyo publiko at malasakit ng QPHN-QMC. Ang araw na ito ay patunay ng ating kolektibong pagsisikap na maabot ang mga nangangailangan at magbigay ng de-kalidad na pangangalagang pangkalusugan. Sama-sama nating ipagdiwang ang tagumpay ng bawat operasyon at patuloy na suportahan ang ganitong mga makabuluhang programa para sa ating komunidad!
QPHN-QMC
𝐈𝐬𝐬𝐮𝐞𝐝 𝐚𝐭: 𝟐:𝟓𝟒 𝐏𝐌, 𝟏𝟔 𝐌𝐚𝐲 𝟐𝟎𝟐𝟓(𝐅𝐫𝐢𝐝𝐚𝐲)
Katamtaman hanggang sa malakas na pag-ulan na may kasamang pagkidlat at malakas na bugso ng hangin ang nararanasan sa Quezon (Quezon, Gumaca, Plaridel, Atimonan, Unisan, Pitogo, Agdangan, Padre Burgos, General Nakar, Pagbilao) na maaaring magpatuloy sa susunod na dalawang oras at makaapekto sa mga karatig na lugar.
Pinapayuhan ang lahat na mag-ingat at maging alerto sa posibleng panganib ng pagbaha at pagguho ng lupa.
Patuloy na mag-monitor sa mga karagdagang updates.
Quezon PDRRMO
Nitong Mayo 15, 2025, sa kahilingan ng St. Peter II (Pag-ibig) Subdivision Homeowner’s Association, Inc. na pinangunahan ng kanilang presidente na si G. Ben N. Gedrano, ay nagsagawa ng Veterinary Medical Mission ang Office of the Provincial Veterinarian sa pamamagitan ni Dr. Camille Calaycay kasama ang mga technical personnel ng tanggapan. Ang naturang aktibidad ay ginanap sa Pag-ibig Covered Court, Brgy. Gulang Gulang, Lucena City.
Nagbigay ang OPV ng libreng veterinary services kung saan 96 na mga kalalawigan natin ang libreng naserbisyuhan at 203 na mga aso at pusa ang nabakunahan laban sa rabies, napurga, nasuri, at nabigyan ng bitamina.
More details, visit this link: https://www.facebook.com/share/p/15ZQWndb37/
#Provetquezon
#ProvincialGovernmentofQuezon
#QuezonProvince
Quezon ProVet
TINGNAN: Tuloy-tuloy ang pagbibigay ng dekalidad at abot-kayang gulay at ready-to-eat na pagkain, hatid ng Kadiwa ng Pangulo (KNP) sa Kapitolyo ngayong araw ng Biyernes, ika-16 ng Mayo, sa Quezon Capitol Grounds, Lucena City.
Ang Katuwang sa Diwa at Gawa para sa Masaganang Ani at Mataas na Kita (KADIWA) ng Pangulo ay isang programa ng Pambansang Pamahalaan na inisyatibo ni Pangulong Ferdinand “Bongbong” R. Marcos Jr. na layuning magbigay ng murang mga produkto tulad ng bigas, gulay, isda, at karne sa mga mamimili, ito ay hakbang upang matulungan ang mga mamamayan na makuha ang mga pangunahing pangangailangan sa mas abot-kayang halaga.
Iba’t-ibang farm owners mula sa Lalawigan ng Quezon ang nakilahok sa KNP, hatid dito ang sariling aning bigas, gulay, organic eggs, at mushrooms, mga lutong pagkain tulad ng: siomai, burgers, salads at processed products gaya ng: chips, buko pie, suka, cacao and coconut products, at marami pang iba.
For more details, visit this link: https://www.facebook.com/share/p/19mZz7Mxaf/
#KadiwaNgPangulo
#AbotKayangPagkain
#SerbisyongTunayAtNatural
#HEALINGQuezon
#QuezonProvince
Quezon PIO
Isang kalalawigan natin mula sa Catanauan, Quezon ang naoperahan ng libre sa kanyang iniindang Bato sa Apdo o “Gallstone” matapos maging benepisyaryo ng Surgical Caravan 2025 Cholecystectomy na isinagawa sa Quezon Provincial Hospital Network – Quezon Medical Center (QPHN-QMC) nitong nakaraang May 9-10, 2025.
Panoorin dito: https://www.facebook.com/share/v/1ALDVp16Ly/
#SerbisyongTunayAtNatural
#HEALINGQuezon
Quezon PIO / QPHN-QMC
Thunderstorm Advisory No. 23
Issued at: 8:25 AM, 16 May 2025 (Friday)
Katamtaman hanggang sa malakas na pag-ulan na may kasamang pagkidlat at malakas na bugso ng hangin ay inaasahan sa Quezon sa loob ng susunod na dalawang oras.
Pinapayuhan ang lahat na mag-ingat at maging alerto sa posibleng panganib ng pagbaba at pagguho ng lupa.
Patuloy na mag-monitor sa mga karagdagang updates.
Quezon PDRRMO
“GAWING SAFE ANG FUR BABIES SA RABIES” Facebook Reel Making Contest Sponsor’s Choice na Handog ng Apostol Petshop and Animal Care ♥️🐾
Congratulations at maraming maraming salamat po sa ating sponsor! 💕
#RabiesAwarenessMonth2025
#GawingSafeAngFurBabiessaRabies
#FBReelMakingContest
#provetquezon
#ProvincialGovernmentofQuezon
Quezon ProVet