Fisherfolks Consultation & Distribution of Agricultural Inputs | March 18, 2024

Dahil sa ang pangunahing hanap-buhay ng mga naninirahan sa islang bayan ng Jomalig ay pagsasaka at pangingisda, minabuti ni Governor Doktora Helen Tan na madinig ang mga kinahaharap na suliranin ng mga ito sa ginanap na pagtitipon nitong nakaraang ng Lunes, Marso 18.

Ito’y bahagi pa rin sa hangarin ng Pamahalaang Panlalawigan ng Quezon na maibibigay ang sapat na solusyon at tulong upang mas maingat ang mga nasabing sektor, lalo’t itong ang lubos na inaasahan at pinagkukunan nilang sa pang araw-araw na buhay.

Kasabay nito ay naipamahagi ang 100 helmets para sa mga mamamayan ng Jomalig na ang pangunahing transportasyon sa buong isla ay motorsiklo, kung kaya’t mahalagang tulong ito upang masigurong ligtas ang nagmomotorsiklo sa nasabing bayan at kabilang na rin ang mga turista.

Samantala, kasabay namang isinagawa sa parehong araw ang oryentasyon para sa mga kasama sa programang TUPAD ng DOLE.

Source: Quezon PIO

Rusi Vehicle Service Turn-over Ceremony | March 18, 2024

Sa mainit na pagsalubong ng mga mamamayan ng Jomalig kay Governor Doktora Helen Tan kasama si Vice Governor Third Alcala gayundin ang buong Medical Team, masayang tinanggap ng nasabing bayan ang bagong apat na Rusi Vehicle Service sa ginanap na turn-over ceremony nitong nakaraang araw ng Lunes, Marso 18.

Labis ang pasasalamat ng mga residente sapagkat malaking tulong ito upang mas mapadali ang pagdadala ng mga mabibigat na kagamitan sa buong isla kung saan ang pangunahing transportasyon ay motorsiklo.

Nakiisa rin sa isinagawang maiksing seremonya sin Mayor Nelmar Sarmiento, Vice Mayor Charito Manlangit, at ang lokal na pamahalaan ng Jomalig.

Source: Quezon PIO

Congratulations to Dra. Maureen Bernadette O. Aceron, MD, DPPS & Dr. Maria Joriselle Origenes Manalo, MD, DPPS

Congratulations sa ating dalawang magiting na doktor na si Dra. Maureen Bernadette O. Aceron, MD, DPPS at Dra. Maria Joriselle Origenes Manalo, MD, DPPS. sa pagkapasa sa ginanap na oral examination noong Marso 15 – 17, 2024

Ang Quezon Provincial Hospital Network – Quezon Medical Center (QPHN-QMC) ay nagagalak sa inyong pagpasa.

Source: QPHN-QMC

Dried Squid Processing Equipment para sa Jomalig Rural Improvement Club | March 17, 2024

Malugod na ipinagkaloob ni Governor Doktora Helen Tan ang bagong Dried Squid Processing Equipment para sa Jomalig Rural Improvement Club sa ginanap na seremonya nitong nakaraang araw ng Linggo, Marso 17.

Ang nasabing kagamitan ay naglalayon mas mapagaan pa ang proseso ng paggawa ng produktong nagbibigay hanap buhay sa mga mamamayan ng Jomalig na kanila ring ibinebenta.

Kasama namang nakiisa sa ginanap na programa sina Vice Governor Third Alcala, Provincial Agriculturist Dr. Lisa Mariano, Mayor Nelmar Sarmiento, at ang lokal na pamahalaan ng Jomalig.

Source: Quezon PIO

Congratulations, Board member Ireneo ‘Boyong’ Boongaling

Congratulations!

Board Member IRENEO ‘BOYONG’ BOONGALING

NEWLY ELECTED,ABC REGIONAL PRESIDENT

REGION 4A CALABARZON and

MEMBER OF NATIONAL EXECUTIVE BOARD (NEB)

Source: Quezon PIO

Turn-over ng Solar Irrigation System para sa mga Mamamayan ng Isla ng Jomalig | March 17, 2024

Matapos maghatid ng iba’t-ibang serbisyong mapakikinabangan ng mga mamamayan sa isla ng Patnanungan, agarang pinaunlakan ni Governor Doktora Helen Tan ang isinagawang Turn-over ng Solar Irrigation System para sa mga mamamayan ng isla ng Jomalig na ginanap nitong nakaraang araw ng Linggo, Marso 17.

Nakiisa naman sa nasabing programa sina Vice Governor Third Alcala, Provincial Agriculturist Dr. Lisa Mariano, Mayor Nelmar Sarmiento, at ang lokal na pamahalaan ng Jomalig, Quezon.

Source: Quezon PIO

Women’s Consultation and Assembly | March 17, 2024

Walang sinayang na oras si Governor Doktora Helen Tan sa pagbaba sa Bayan ng Patnanungan kung saan kaniyang pinaunlakan ang Women’s Consultation and Assembly kasabay ng isinasagawang Medical Mission sa nasabing Bayan nitong araw ng Linggo, Marso 17.

Kasama rin dumalo sina Vice Governor Third Alcala, Patnanungan Mayor Marie Claire Larita-Natividad, Vice Mayor Reynaldo Anonuevo at iba pang myembro ng Sangguniang Bayan.

Hangad ng Gobernadora na sa paglaon ng panahon ay patuloy na maging kabahagi ang mga kababaihan sa pagtataguyod ng kanilang pamilya at makatulong sa kagalingan ng kapwa babae at ng kanilang buong komunidad.

Nagkaroon rin ng talakayan patungkol sa Violence Against Women and their Children Act (VAWC) upang makadagdag sa kaalaman ng mga kababaihan patungkol sa kanilang karapatan sa pangunguna ni Acting Provincial Legal Officer Atty. Jette Salvacion mula sa Provincial Legal Office.

Namahagi rin ng food packs para sa bawat isang kababaihan na handog ng Department of Social Welfare and Development sa pamamagitan ni DSWD Secretary Rex Gatchalian, gayundin ang raffle draw na hatid naman ng Gobernadora bilang dagdag pampasaya sa mga kababaihang dumalo sa maikling programa.

Source: Quezon PIO

Medical Mission sa Polillo Group of Islands | March 17, 2024

Kasabay ng ikaapat na araw ng isinasagawang Medical Mission sa Polillo Group of Islands (POGI Area), personal na pinaunlakan ni Governor Doktora Helen Tan ang mga Barangay Tanod sa Bayan ng Patnanungan nitong araw ng Linggo, Marso 17.

Kasamang nakibahagi sina Vice Governor Third Alcala, Patnanungan Mayor Marie Claire Larita-Natividad, Vice Mayor Reynaldo Anonuevo at iba pang miyembro ng Sangguniang Bayan.

Nagpaalala ang Gobernadora sa mga Barangay Tanod na maging mas aktibo sa pagbabantay sa kanilang nasasakupan, huwag mag-aatubiling isumbong kung may makitang ka-barangay na gumagamit ng ilegal na droga upang masiguro ang mas ligtas, masaya at malusog na pamayanan.

Nagbahagi rin ng dagdag kaalaman sina LDRRM Officer I Neil Parco mula sa Provincial Disaster Risk Reduction and Management Office at Atty. Monique Loria mula naman sa Provincial Legal Office.

Bilang panghuli, nagbahagi rin ng Food Packs mula sa Department of Social Welfare and Development at ilang Raffle Draw na handog ng Gobernadora na nagbigay ngiti at dagdag sigla naman sa mga Barangay Tanod ng Bayan ng Patnanungan.

Source: Quezon PIO

Fisherfolks & Consultation, TUPAD Orientation & Distribution of Agricultural Inputs | March 17, 2024

Nagtipon-tipon nitong nakaraang araw ng Linggo, Marso 17 ang 100 na mangingisda at magsasaka na mula sa bayan ng Patnanungan upang magkaroon ng talakayan kasama si Governor Doktora Helen Tan.

Ito’y upang maiparating sa Pamahalaang Panlalawigan ng Quezon ang mga suliraning kinahaharap ng nasabing mga sektor na lubos na nakaaapekto sa kanilang hanap-buhay kung saan naman siniguro ng gobernadora na pagsusumikapan na matutugunan ito.

Nakapamahagi naman ng mga Agri-Fishery equipment gaya ng drums, fertilizers, vegetable seeds, seaweeds seedlings and planting materials, sumerge cage, at motorized fiberglass boat.

Samantala, kasabay namang ginanap sa parehong araw ang TUPAD Orientation sa pakikipagtulungan sa Department of Labor and Employment (DOLE).

Source: Quezon PIO

Rusi Motorcycle Service sa Bayan ng Patnanungan | March 17, 2024

Masayang tinanggap ng mga mamamayan ng bayan ng Patnanungan ang ipinagkaloob na bagong Rusi Motorcycle Service na ginanap nitong nakaraang araw ng Linggo, Marso 17.

Makatutulong naman ito para sa mas mabilis at maayos na transportasyon ng mga residente ng nasabing bayan kung kaya’t lubos ang pasasalamat ng mga ito.

Nakasama rin sa pamamahagi ng bagong behikulo sina Vice Governor Third Alcala, Mayor Marie Claire Larita-Natividad, at Vice Mayor Renaldo Anonuevo.

Source: Quezon PIO