Coast Guard Station Southern Luzon 17th Founding Anniversary | July 31, 2024

HAPPY 17TH FOUNDING ANNIVERSARY, COAST GUARD STATION SOUTHERN QUEZON!

Bilang pakikiisa sa pagdiriwang ng ika-17 taong anibersaryo ng pagkakatatag ng Coast Guard Station Southern Quezon, nagsagawa ng programa ngayong araw ng Miyerkules, Hulyo 31 sa pangunguna ng nasabing pamunuan na may temang “Charting our course: Continuing to expand and overcome maritme challenges.”

Malugod naman itong dinaluhan ni Governor Doktora Helen Tan at nagsilbing Guest of Honor and Speaker. Pinasalamatan din ng gobernadora ang mga kawaning patuloy na pumoprotekta sa mga nasasakupang karagatan ng lalawigan ng Quezon.

Samantala, ibinahagi ng Coast Guard Station Southern Quezon ang kanilang accomplishment reports mula Hulyo 2023 hanggang Hulyo 2024. Ginawaran din ng plake at sertipiko ang mga Outstanding Personnel na nagpakita ng dedikasyon at maayos na paggampan ng kanilang mga tungkulin gayundin ang ilang punong bayan sa lalawigan.

Pagpulong ni Governor Doktora sa Pamunuan ng QPHN-Candelaria | July 31, 2024

TINGNAN: Nakipagpulong ngayong araw ng Miyerkules, Hulyo 31 si Governor Doktora sa pamunuan ng QPHN-Candelaria kasama sina PHO Head Dr. Kristin Mae-Jean Villaseñor at PSWDO Head Ma’am Sonia Leyson.

Layunin ng ginanap na pagpupulong na magkaroon ng talakayan ukol sa maayos na pamamalakad ng nasabing ospital lalo’t malapit na matapos ang rehabilitasyon nito.

Nagbigay paalala at suhestiyon din ang gobernadora kung ano pa ang maaaring gawin ng mga kawani ng ospital upang maibigay ang maasahang serbisyong pangkalusugan para sa mga nangangailangang Quezonian.

Masayang pagkumusta ni Governor Doktora Helen Tan kay Tatay Alexander Bandojo | July 31, 2024

Masayang kinumusta ni Governor Doktora Helen Tan si Tatay Alexander Bandojo (52 years old) mula sa bayan ng Tiaong nang bumisita ito sa Pamahalaang Panlalawigan ngayong araw ng Miyerkules, Hulyo 31.

Isang dialysis patient si Tatay Alexander na kasamang binisita ng Gobernadora sa kaniyang paglilibot sa QPHN-Candelaria nitong nakaraang Hulyo 23. Ngayong araw ay pormal na iniabot ang tulong pinansiyal mula sa Sariling Sikap Program ni Governor Doktora Helen Tan na magagamit pandagdag pantustos sa pangangailangan ni Tatay Alexander sa araw-araw sapagkat mas naging mahirap sa kanya ang paghahanapbuhay nang manakaw ang kanyang tricycle kasama ang mga kagamitan na ginagamit sana sa pag-aayos ng mga sirang refrigerator at aircon.

Saludo ang Pamahalaang Panlalawigan sa mga katulad ni Tatay Alexander na sa kabila ng hirap at karamdaman ay patuloy na nagsisikap para sa pamilya. Isa ito sa mga dahilan kung bakit malaki rin ang pagsusumikap ng lokal na pamahalaan na makapaghatid ng iba’t-ibang serbisyo upang mapunan ang mga pangunahing pangangailangan, mapagaan ang hirap at suliranin pagdating sa kalusugan ng bawat pamilyang Quezonian.

African Swine Fever (ASF) at Paano Ito Maiiwasan?

ALAMIN: Ano nga ba ang AFRICAN SWINE FEVER (ASF) at paano ito maiiwasan?
Para sa karagdagang impormasyon, makipag-ugnayan sa:
● Office of the Provincial Veterinarian – Quezon
● Quezon Provincial Agriculture Office
Bisitahin naman ang aming official website page (https://quezon.gov.ph/) para sa karagdagang kaalaman sa mga serbisyong aming hatid sa lalawigan ng Quezon.

Link:

https://www.facebook.com/QuezonGovPh/posts/pfbid02KxpLc5hB56ag71EQLJFoQYK6HHpm6mSrke8U9HALgUayFAKTKBU6mgnbD9WEK2WEl?rdid=yhB7aesaZMu0RGco

Niyogyugan Festival 2024 Schedule of Activities

𝙏𝙖𝙧𝙖 𝙣𝙖 𝙨𝙖 𝙌𝙪𝙚𝙯𝙤𝙣, 𝙉𝙞𝙮𝙤𝙜𝙮𝙪𝙜𝙖𝙣 𝙣𝙖!

𝘔𝘢𝘬𝘪𝘪𝘴𝘢 𝘴𝘢 𝘮𝘢𝘴𝘢𝘺𝘢𝘯𝘨 𝘱𝘢𝘨𝘥𝘪𝘳𝘪𝘸𝘢𝘯𝘨 𝘩𝘢𝘣𝘢𝘯𝘨 𝘱𝘪𝘯𝘢𝘨𝘮𝘢𝘮𝘢𝘴𝘥𝘢𝘯 𝘢𝘯𝘨 𝘭𝘪𝘣𝘰-𝘭𝘪𝘣𝘰𝘯𝘨 𝘬𝘶𝘭𝘢𝘺 𝘯𝘨 “𝘊𝘖𝘊𝘖𝘓𝘈𝘕𝘋𝘐𝘈” 𝘯𝘢 𝘣𝘪𝘯𝘶𝘣𝘶𝘰 𝘯𝘨 𝘭𝘢𝘩𝘢𝘵 𝘯𝘨 41 𝘯𝘢 𝘣𝘢𝘺𝘢𝘯 𝘢𝘵 𝘴𝘪𝘺𝘶𝘥𝘢𝘥 𝘯𝘨 𝘭𝘢𝘭𝘢𝘸𝘪𝘨𝘢𝘯 𝘯𝘨 𝘘𝘶𝘦𝘻𝘰𝘯!

𝘐𝘵𝘰 𝘢𝘯𝘨 𝘮𝘨𝘢 𝘨𝘢𝘸𝘢𝘪𝘯 𝘴𝘢 𝘱𝘢𝘨𝘥𝘪𝘳𝘪𝘸𝘢𝘯𝘨 𝘯𝘨 𝘕𝘪𝘺𝘰𝘨𝘺𝘶𝘨𝘢𝘯 𝘍𝘦𝘴𝘵𝘪𝘷𝘢𝘭 𝘯𝘨𝘢𝘺𝘰𝘯𝘨 𝘵𝘢𝘰𝘯. 𝘐𝘴𝘢𝘮𝘢 𝘯𝘢 𝘢𝘯𝘨 𝘣𝘶𝘰𝘯𝘨 𝘱𝘢𝘮𝘪𝘭𝘺𝘢 𝘢𝘵 𝘮𝘢𝘬𝘪-𝘯𝘪𝘺𝘰𝘨𝘺𝘶𝘨𝘢𝘯 𝘯𝘢!

Ika-107 Pangkaraniwang Pulong ng Sangguniang Panlalawigan ng Quezon | July 29, 2024

Sa patuloy na pagsulong ng mga batas, at mga programang magpapaunlad sa lalawigan ng Quezon, ginanap ngayong araw ng Lunes, Hulyo 29 ang ika-107 na Pangkaraniwang Pulong ng Sangguniang Panlalawigan ng Quezon.
Isa sa mga naaprubahan sa pagpupulong ang ordinansa mula sa bayan ng Calauag na layong magbigay ng mga benepisyo sa mga atletang nagkamit ng hanggang ikatlong pwesto sa kanilang mga larangan sa anumang pambansa o internasyonal na kumpetisyon.
Kasama rin sa mga napagtibay na ordinansa ay mula sa bayan ng Mulanay kung saan ay naglalayong lumikha ng bagong Children’s Welfare Code na mag-aamyenda sa Municipal Ordinance No. 01, Series of 2013, na kilala bilang “An Ordinance Enacting the Mulanay Children’s Welfare Code.”
Sa patuloy na pagsusuri at pag-apruba ng Sanggunian sa mga bagong kautusan, ordinansa, at resolusyon, asahan ang walang humpay na pagsisikap para sa pag-unlad at kaligtasan ng kabataan at mamamayan ng lalawigan ng Quezon sa mga susunod na sesyon.

Congratulations Provincial Government of Quezon for Receiving the Unmodified Opinion Remarks from the Commission of Audit (COA) for 2 Consecutive Years

TINGNAN: Sa ikalawang pagkakataon, muling nakatanggap ng ‘Unmodified Opinion’ remarks mula sa Commission on Audit (COA) ang Pamahalaang Panlalawigan ng Quezon.
Ang nasabing remarks ay natanggap ng Lalawigan sa dalawang magkasunod na taon. Ito ay naglalarawan ng maayos na pamamahala ng limitadong pondo na ginagamit ng Pamahalaang Panlalawigan sa paghahatid ng iba’t-ibang serbisyo na ang pangunahing layunin ay maingat ang antas ng buhay at mapunan ang mga pangangailangan ng bawat mamamayang Quezonian.
Congratulations! Patuloy na magsisikap ang Pamahalaang Panlalawigan na makapaghatid ng tunay, tapat at maaasahang serbisyo para sa lahat!

2024 Quezon’s Mid-Year Assessment & Strategic Planning | July 26, 2024

TINGNAN: Para sa mas maayos at organisadong pagbibigay ng serbisyo sa mga mamamayan ng lalawigan ng Quezon, nagtipon-tipon ang bawat punong tanggapan ng Pamahalaang Panlalawigan upang isagawa ang Mid-Year Assessment and Strategic Planning mula Hulyo 25-28.
Masigasig na napag-usapan sa nasabing pagpupulong ang mga matatagumpay na programa, proyekto, at serbisyong naisakatuparan ng bawat tanggapan sa nakalipas na unang anim na buwan ngayong taon. Gayundin ay naibahagi ang mga susunod na plano para sa patuloy na pag-unlad ng lalawigan ng Quezon.

Visitation of President Ferdinand ‘Bongbong’ R. Marcos, Jr. – Mauban, Quezon | July 26, 2024

TINGNAN: Personal na nagtungo ngayong araw ng Biyernes, Hulyo 26 sa bayan ng Mauban si Pangulong Ferdinand “Bongbong” Marcos Jr. kasama si Governor Doktora Helen Tan gayundin ang iba’t-ibang opisyal ng nasyonal at lokal na pamahalaan upang inspeksyonin ang Sea Wall Project at Port ng nasabing bayan matapos manalasa ng Bagyong Carina at ng Hanging Habagat.
Pinangunahan din ni Pangulong Marcos ang isinagawang situation briefing sa paglalayon na matukoy ang mga naging epekto ng bagyo sa lalawigan ng Quezon, at napag-usapan naman ang mga proyektong isasakatuparan bilang tugon para sa pangangailangan ng mga naapektuhang pamilya.

Walang Pasok – July 25, 2024 Thursday

PABATID:

WALANG PASOK BUKAS (July 25) sa lahat ng antas ng paaralan at mga tanggapan ng pamahalaan sa lalawigan dulot ng tuloy-tuloy na pag-ulang dala ng southwest monsoon at ng Bagyong Carina.

Source: PDRRMC Memorandum Circular no. DHT-04

Memorandum Link:
https://www.facebook.com/QuezonPDRRMO/posts/pfbid07nfRggH6U6sZwr14MuPzCvUvQweCkkPgy3vcuW6fmRF7Er8cqTXx2FsCw2TBwQxvl?rdid=HNKvyugqzDRzRlBu