Sa QPHN-QMC, ang iyong paningin ay aming pangangalagaan.
Mula sa komprehensibong pagsusuri hanggang sa paggamot, ang aming Ophthalmology Service ay dedikado sa pagbibigay ng malinaw na kinabukasan sa bawat mamamayan. Ang aming mga eksperto ay katuwang mo sa bawat hakbang, tungo sa mas maliwanag at mas makulay na paningin.
Para sa inquiries, tumawag sa (042) 717 6323 o makipag-ugnayan sa aming Facebook page.
QPHN-QMC
Alinsunod sa Presidential Proclamation Blg. 439, ipinagdiriwang tuwing buwan ng Mayo ang National Heritage Month o Buwan ng Pambansang Pamana na may temang “Preserving Legacles, Building Futures: Empowering Communities through Heritage”.
Sa pangunguna ng Quezon Provincial Tourism Office (QPTO) na pinamumunuan ni Mr. Nesler Louies C. Almagro ay ginanap ang PAMANANG QUEZONIAN Seminar/Workshop on Cultural Sensitivity Cultural Mapping and Heritage Inventory and Understanding the Flag And Heraldic Code of the Philippines ngayong araw ng Martes, Mayo 20 sa St. Jude Coop. Hotel and Event Center, Tayabas City, Quezon.
Sa ngalan ni Governor Doktora Helen Tan dinalunan ito nina Vice Governor Third Alcala at Executive Assistant Romano Talaga gayondin ang limampung (50) partisipante na nagmula sa iba’t ibang munisipalidad sa lalawigan ng Quezon.
Layunin ng naturang aktibidad na isulong ang pangangalaga at promosyon sa mayamang kulturang pamana ng Lalawigan ng Quezon gayondin ang teoretikal na kaalaman, praktikal na aplikasyon, at mga makabagong plano sa pangunahing haligi ng pamana at mas malalim na pag-unawa sa watawat at heraldikong simbolo ng ating bansa.
Kaugnay nito ang Republic Act No. 8491, o ang “Flag and Heraldic Code of the Philippines,” na isang batas ng Pilipinas na nagtakda ng mga alituntunin at panuntunan sa wastong paggamit, paghawak, at paglalagay ng Pambansang Watawat, Pambansang Awit, Pambansang Moto, Eskudo ng Pilipinas, at iba pang heraldikong sagisag ng bansang Pilipinas.
For more details, visit this link: https://www.facebook.com/share/p/19PwW3qfjw/
#SerbisyongTunayAtNatural
#HEALINGQuezon
#NationalHeritageMonth
Quezon PIO
STEP-UP PARA SA MSMEs ng Quezon!
Matagumpay na naisagawa ngayong araw ng Martes, Mayo 20, 2025, ang STEP-UP Orientation and Business Matching Activity para sa mga Micro, Small, and Medium Enterprises (MSMEs) sa conference room ng Pamahalaang Panlalawigan ng Quezon.
Ang aktibidad ay alinsunod sa adhikain ni Governor Doktora Helen Tan at ni PLGU Quezon Project Development Officer III Lawrence Joseph Velasco na mapataas ang antas ng pagnenegosyo sa lalawigan sa pamamagitan ng pagbibigay ng pagsasanay, kagamitan, at direktang koneksyon sa merkado. Isa rin sa mga layunin ang pagtulong sa mga negosyante na mairehistro ang kanilang produkto sa FDA, na magbubukas ng mas malalaking oportunidad sa lokal at internasyonal na merkado.
Pinangunahan ni Project Development Officer III Lawrence Joseph Velasco at Mr. Vincent Villasin ng Flavors of Quezon ang orientation, kung saan tinalakay ang kahalagahan ng inobasyon, digitalization, at networking sa iba’t ibang ahensya at pribadong sektor.
Samantala sa business matching activity naman ay nabigyang daan ang posibilidad na maipasok ang mga produktong Quezon sa mga kilalang establisyemento gaya ng SM City Lucena, Pacific Mall Lucena, Metro, LCC Malls, at 10 Walter Mart branches sa CALABARZON, sa pamamagitan ng mga Tan-kilik Hubs.
Nagkaroon din ng open forum upang direktang marinig ang pangangailangan ng ating MSMEs at kanilang mga mungkahi para sa mas angkop na pagsasanay.
Ang matagumpay na aktibidad na ito ay patunay ng patuloy na pagtutulungan ng Pamahalaang Panlalawigan ng Quezon para sa mas maunlad na kabuhayan at mas matatag na kinabukasan para sa bawat negosyante sa ating lalawigan.
For more details, visit this link: https://www.facebook.com/share/p/1FAX9W6k8B/
#StepUpOrientation
#HEALINGQuezon
#SerbisyongTunayAtNatural
Quezon PIO
Hatid ng Office of the Provincial Veterinarian sa mga kalalawigan natin sa Sampaloc, Quezon ang pagkakaloob ng mga veterinary services, gaya ng estrus synchronization, artificial insemination, deworming, at vitamin injection sa kanilang mga alagang kalabaw nitong Mayo 13,16-17, 2025,
May bilang na 48 na mga kalalawigan nating nag-aalaga ng 73 mga kalabaw ang naserbisyuhan sa naturang bayan.
Lubos na nagpapasalamat ang OPV Quezon sa mga katuwang na ahensya ng Pamahalaan upang mapalawig pa ang Ruminant Development Program sa lalawigan, gaya ng Department of Agriculture (PCC, BAI, PCA, NDA, DARFO4A), gayundin sa LGU Sampaloc.
For more details, visit this link: https://www.facebook.com/share/p/1HFsQkWNM6/
#Provetquezon
#ProvincialGovernmentofQuezon
#QuezonProvince
#HEALINGQuezon
#SerbisyongTunayAtNatural
Quezon ProVet
Bagong kasanayan ang hatid ng Office of the Provincial Veterinarian sa pamamagitan ng Meat Processing Training and Hands-on Demonstration para sa mga miyembro ng registered Livestock Farmers Association (LIGAMA) Livestock Growers Association sa Brgy. Malapad, Real Quezon nito lamang Mayo 16, 2025.
Nakatanggap rin ang mga dumalo sa nasabing pagsasanay ng start-up capital mula sa 20% Development Fund ng lalawigan na magagamit nila bilang panimula o karagdagang pagkakakitaan. Taglay ang bagong kaalaman ay handa nilang ibahagi sa iba pang mga miyembro ng samahan ang kanilang mga natutuhan upang makapagpasimula rin ng ganitong uri ng negosyo.
Nagsilbing mga tagapagsanay sina Gng. Maria Cecilia M. Casiño, Bb. Cheeyene San Agustin at Bb. Rocelou San Agustin mula sa tanggapan at sa pakikipagtulungan rin ng Office of the Municipal Agriculturist ng Real na pinangungunahan ni Gng. Filomena Azogue.
For more details, visit this link: https://www.facebook.com/share/p/1BXbtxBoau/
#Provetquezon
#ProvincialGovernmentofQuezon
#QuezonProvince
#SerbisyongTunayAtNatural
#HEALINGQuezon
Quezon ProVet
Nais mo bang maging isang abogado? Ito na ang pagkakataon mo!
Narito na ang Quezon Law Scholarship Program — isang programa ng Pamahalaang Panlalawigan ng Quezon katuwang ang San Pablo Colleges, Inc., para sa dalawang (2) karapat-dapat na Quezonian na makatatanggap ng full scholarship sa Juris Doctor Program.
Application Period: May 19–30, 2025
Isumite ang mga requirements sa Quezon Provincial Legal Office o mag-email sa: qplo.stan@gmail.com
Para sa iba pang detalye ng kwalipikasyon at requirements, basahin ang buong anunsyo.
#QuezonLawScholarship
#LibrengAbogasya
#SerbisyongTunayAtNatural
#QuezonProvince
#SanPabloCollegesInc
Quezon PIO
PANOORIN: Sa patuloy na hangaring makapagpa-abot ng dekalidad na serbisyo para sa mamamayang Quezonian, isang kalalawigan mula sa Candelaria, Quezon ang buong puso ang pasasalamat matapos mapabilang sa mga benepisyaryo ng libreng operasyon sa ginanap na Surgical Caravan 2025: Cholecystectomy nitong Abril 11-12, sa Quezon Provincial Hospital Network-Quezon Medical Center (QPHN-QMC).
Watch here: https://www.facebook.com/share/v/1CFs9DBdDk/
#SerbisyongTunayAtNatural
#HEALINGQuezon
#SurgicalCaravan2025
Quezon PIO / QPHN-QMC
Nitong Mayo 16, 2025 ay nagkaloob ang Office of the Provincial Veterinarian (OPV) ng native pigs sa mga miyembro ng Samahan ng (1) Sta. Maria Dao Pig Farmers Association, (2) Dahican Hog Raisers Association, at (3) Livestock Organization ng Catanauan, gayundin sa isang farmer mula naman sa Pitogo. Nagsagawa rin ng monitoring sa mga na native pigs na dati ng naipagkaloob sa mga bayan naman ng Padre Burgos at Pitogo.
Kaalinsabay nito ay nagsagawa rin ang tanggapan ng isang lecture-seminar upang ibahagi ang mahahalagang kaalaman patungkol sa wastong pag-aalaga ng mga native pigs upang mapanatili ang kanilang magandang kalusugan, pagiging produktibo, at maparami pa ang kanilang lahi. Bukod dito ay namahagi rin sila ng mga bitamina at babasahing may kaugnayan sa pag-aalaga ng baboy.
Ang aktibidad ay pinamunuan ni G. Leandro Julian Nuñez, Head ng Swine and Poultry Unit ng Livestock and Poultry Development Division, kasama si Bb. Mona Lisa Gragasin. Ito ay naisakatuparan sa pakikipag-ugnayan sa Office of the Municipal Agriculturist (OMA) ng Catanauan sa pangunguna ni Gng. Liwayway Pizarra at OMA Pitogo sa pamumuno ni G. German Candido.
Ang inisyatibang ito ay patunay na patuloy ang pagsisikap ng Pamahalaang Panlalawigan para suportahan hindi lamang ang kabuhayan ng mga mag-aalaga ng baboy kundi pati na rin ang pagpapanatili ng mga likas na yamang-lahi ng Quezon para sa kapakinabangan ng mga susunod na henerasyon.
For more details, visit this link: https://www.facebook.com/share/p/1C4jCgocYu/
#Provetquezon
#ProvincialGovernmentofQuezon
#QuezonProvince
Quezon PIO / ProVet
Pormal na ginanap ang ika-148 Pangkaraniwang Pulong ng Sangguniang Panlalawigan ngayong araw ng Lunes, Mayo 19 sa Sangguniang Panlalawigan Building Governor’s Mansion Compound, Lucena City.
Dumalo rito ang mga Board Member na kinatawan ng bawat distrito sa lalawigan kung saan naaprubahan ang mga Ordinansa, Resolusyon, Atas tagapag paganap at iba pang liham, alinsunod sa higit pang pagpapaunlad at pagpapatatag ng lalawigan ng Quezon.
Kaugnay nito, idineklarang wasto ang ordinansa na isinulong ni Board Member at Committee on Education Hon. Claro M. Talaga, Jr. ang liham mula kay Governor Doktora Helen Tan na humihiling ng pag-apruba sa isang resolusyon na nagbibigay pahintulot sa kanya na makipagkasundo sa isang Memorandum of Understanding (MOU) sa ngalan ng Pamahalaang Panlalawigan ng Quezon at Southern Luzon State University (SLSU) para sa pagpapatupad ng Rapid Appraisal Analysis ng Cities and Municipalities Competitiveness Index (CMCI).
Samantala, aprobado ang ordinansa na isinulong ni Board Member at Committee on Disaster Management Hon. Vinnette Alcala-Naca ang isang resolusyon na nagbibigay ng awtorisasyon sa Punong Lalawigan na makipagkasundo sa isang Memorandum of Understanding (MOU) sa ngalan ng Pamahalaang Panlalawigan ng Quezon, kasama ang iba’t ibang Lokal na Pamahalaan (LGUs), para sa layuning maisulong ang kapwa pagbabahagi ng teknikal na tulong at mapahusay ang bisa ng mga gawain kaugnay ng kahandaan, pagtugon, at pagbangon mula sa mga sakuna.
Ang mungkahing ito ay alinsunod sa mga probisyon ng Republic Act No. 10121, na mas kilala bilang Philippine Disaster Risk Reduction and Management Act of 2010.
For more details, visit this link: https://www.facebook.com/QuezonGovPh/posts/pfbid02LziiPboPCwBN5jvyTcVxyvwRpJr8FvrDzusygi4iQcxZ7Fhv3L4ze9hMkbMiPDG1l
#SerbisyongTunayAtNatural
#HEALINGQuezon
Quezon PIO
TINGNAN: Matagumpay na isinagawa ngayong araw ng Lunes, Mayo 19 ang Arteriovenous (AV) Fistula Caravan Screening sa QPHN- Quezon Medical Center, Lucena City.
Tinatayang mahigit 70 na pasyente mula sa iba’t ibang bayan sa Lalawigan ng Quezon ang sumailalim sa nasabing screening.
Samantala, asahan ang tuloy-tuloy na pakikipagbalikatan ng Pamahalaang Panlalawigan sa National Kidney Transplant Institute (NKTI) upang masiguro na nabibigyan ng angkop na serbisyong medikal ang bawat Quezonian na nangangailangan.
For more details, visit this link: https://www.facebook.com/share/p/1ExV1TXpG3/
#SerbisyongTunayAtNatural
#QuezonProvince
#HEALINGQuezon
#SurgicalCaravan2025
#AVFistula
Quezon PIO