Pagbibigay ng mga kagamitang pang-agrikultura | January 31, 2025

Labis na kasiyahan ang bakas sa 76 na kinatawan ng iba’t-ibang samahan sa kanilang natanggap na mga kagamitang pang-agrikultura nitong ika-30 ng Enero, 2025 sa Brgy. Talipan, Pagbilao, Quezon, hatid ng Tanggapan ng Panlalawigan Agrikultor sa Quezon.

Personal na nakiisa rito sina Bise-Gobernador Third Alcala, Bokal Jj Aquivido at Panlalawigang Agrikultor Liza Mariano, kung saan malugod na nagbahagi ng ilan sa mga programa ng Pamahalaang Panlalawigan sa pangunguna ni Gov. Helen Tan kabilang ang pagkakaroon ng Trading Post sa bayan ng Lopez para sa mas malapit at abot-kayang presyo ng mga bilihin pagdating sa ikatatlo at ika-apat na distrito, pagsasaayos ng data management system tungo sa mas mabilis at akmang pagtugon sa mga pangangailangan ng mga magsasaka at mangingisda. Dagdag pa rito ang patuloy na pagbabalangkas ng Quezon Agricultural & Fisheries Code, at lokalisasyon ng Sagip Saka Act of 2019 na pinangunahan ni Sen. Kiko Pangilinan, na magbibigay-gabay sa libu-libong kinatawan ng sektor ng agrikultura para sa mas ligtas, at sistematikong pagtugon at transaksyon sa pagitan ng mga local traders, sellers at stakeholders.

Ang mga benepisyaryo ay binubuo ng organisasyon na kilala sa larangan ng pangisdaan, pangsakahan at agri-turismo. Ilan sa mga kagamitang ipinamahagi ay mga pataba, pananim, farm tools tulad ng kalaykay, pala, regadera, grasscutter, at knapsack sprayer, gayundin ang ilan sa mga solutions na makakatulong sa pagkakaroon ng magandang lupa gaya ng: agriculture lime, potash, duofos at wood vinegar. Isang set naman ng pangkabuhayan ang ipinamahagi sa mga grupo ng mga mangingisda sa Tayabas City at Pagbilao kabilang na dito ang grouper fish cage na makapaglalaan ng karagdagang pangkabuhayan sa bayan ng Plaridel at mga karatig bayan nito. Ilan din sa mga ipinamahaging kagamitan ay ang mga life vests, snorkeling gears, at display racks para sa patuloy na pagpapaigting ng mga serbisyong higit na makapagpapalawak sa sektor ng agri-turismo sa Quezon.

#OPAQuezon #opaquezonfitscenter #quezonagriculture

Quezon PIO

Pagsasanay sa mga bagong Municipal Animal Rabies Vaccinators sa bayan ng San Antonio, Quezon | January 31, 2025

Nagsagawa ang Office of the Provincial Veterinarian (OPV) sa pamamagitan ni Dr. Philip Augustus Maristela, Head ng Animal Health and Welfare Division (AHWD), ng dalawang araw na pagsasanay para sa mga bagong Municipal Animal Rabies Vaccinators ng bayan ng San Antonio, nitong January 23-24, 2025.

Katuwang ang Office of the Municipal Agriculturist ng nasabing bayan, sa pamumuno ni MA Jennifer Lindo Cusi, ang mga participants ay sumailalim sa lectures patungkol sa Rabies Awareness, Responsible Pet Ownership at Animal Welfare Act.

Ang mga nasabing municipal rabies vaccinators ay sumailalim rin sa hands-on training sa pagbabakuna ng mga aso at pusa.

Ang ganitong aktibidad ay naglalayon na madagdagan ang mga trained technicians ng bayan-bayan upang makatulong na mas palawigin pa ang programa laban sa sakit na rabies.

Quezon PIO

SEA TRAVEL ADVISORY NO. 20 | January 31, 2025

Issued at 5:00 AM, 31 January 2025 (Friday)

Sea travel is suspended for all trips of vessel and small crafts with 250 Gross Tonnages and below plying the route within Northern Quezon (Real, Infanta, General Nakar) including Polillo Islands due to Strong to Gale Force Winds associated with the Northeast Monsoon.

Source: Philippine Coast Guard – Coast Guard Station Northern Quezon

Philippine Coast Guard – Coast Guard Station Northern Quezon

Provincial School Board Meeting | January 30, 2025

Dahil isa sa pangunahing prayoridad ng Pamahalaang Panlalawigan ang edukasyon ng bawat kabataang Quezonian, ginanap ngayong araw ng Huwebes, ang Provincial School Board Meeting sa pagitan ng Provincial Government of Quezon at mga kinatawan mula sa Department of Education- Division of Quezon.

Nagbigay ng presentasyon si Curriculum Implementation Division (CID) Chief Education Supervisor Dr. Lorena S. Walangsumbat, ukol sa Project Kid Bibo Year 3 na may temang “Empowering Early Learners Through a Creative Curriculum For Kindergarten Success”. Ang proyektong ito ay may layunin na itaas ang antas ng pang-unawa at pagkatuto ng kabataan sa pamamagitan ng integrasyon ng Creative Curriculum sa kindergarten. Sa nasabing curriculum, bibigyang-tuon ang exploration at project-based learning at magbibigay ng mga aktibidad na maghihiyakat sa mag-aaral upang maging malikhain at magkaroon ng kritikal at malalim na pag-iisip sa mga bagay-bagay.

Samantala, iminungkahi naman ni Provincial Treasurer’s Head, Rosario Marilou M. Uy na mahalagang magkaroon ng komprehensibong programang pang edukasyon mula early childhood pa lamang upang maagang mabuo at mahasa ang pondasyon ng pagkatuto ng bawat kabataan.

Kaakibat nito, asahang patuloy na tutugon at aagapay ang Pamahalaang Panlalawigan sa pangunguna ni Governor Doktora Helen Tan, sa mga proyekto na makakapagpabuti sa sistema ng edukasyon sa lalawigan.

Quezon PIO

1st Provincial Health Board Meeting for the year of 2025 | January 30, 2025

Sa patuloy na pagsusumikap na makapaghatid ng dekalidad na serbisyong pangkalusugan sa lalawigan, ginanap ang 1st Provincial Health Board Meeting sa taong 2025 ngayong Huwebes, Enero 30.

Pinangunahan ni Acting Provincial Health Officer II Dr. Kris Conrad M. Mangunay ang pagpupulong at tinalakay ang adaptasyon ng Province-wide Health Information System kung saan ipinaliwanag ang Bizbox HIS para sa mas madali at organisadong pagtatala ng datos ng mga ospital. Nagkaroon din ng presentasyon ng Quezon Universal Health Care Ordinance 2024 kung saan naipakita at naipaliwanag ang nilalaman ng nasabing ordinansa.

Sa pagtatapos, isinaad ang mga agenda, key agreement, at target date sa susunod na pagpupulong na isasagawa.

Quezon PIO

Governor Doctora Helen Tan’s interview in the program “Dos Por Dos” of DZRH regarding the wide roads of Maharlika Highway, Pagbilao, Quezon | January 30, 2025

PANOORIN: Ang naging panayam ni Governor Doktora Helen Tan sa programang “Dos Por Dos” ng DZRH patungkol sa malubak na kalsada ng Maharlika Highway, Pagbilao, Quezon.

Link: https://www.facebook.com/share/v/15ZrSBqqby/

Quezon PIO

Quezon Police Provincial Office New Year’s Call | January 30, 2025

Tagumpay na naisagawa ang ikatlong taon ng tradisyonal na New Year’s Call kay Governor Doktora Helen Tan ng mga kapulisan mula sa Quezon Police Provincial Office (QPPO) sa pangunguna ni Provincial Director PCOL Ruben B Lacuesta, ngayong Huwebes, Enero 30, sa 3rd floor Provincial Capitol Building, Lucena City.

Sa unang bahagi ng naturang aktibidad, ipinakita ng QPPO ang kanilang Annual Accomplishment sa nakalipas na taong 2024. Kabilang sa mga ito ang mga parangal na nakuha ng kapulisan, mga imprastukturang naipatayo, at laban kontra terorismo, ilegal na droga, sugal, at iba pang krimen at ilegal na gawain na patuloy na nilalabanan ng buong kapulisan sa lalawigan. Dagdag pa rito, ibinahagi rin ng QPPO ang mga proyekto at programang isasagawa sa taong 2025 na naglalayong mas pag-ibayuhin pa ang pagbibigay ng serbisyo para sa kaligtasan ng buong lalawigan ng Quezon.

Sa mensahe ni Governor Doktora Helen Tan, kanyang binigyang-diin ang mahalagang responsibilidad na gagampanan ng kapulisan sa darating na halalan. Inaasahan ng Gobernadora na mananatiling patas, malinis, at tapat sa tungkulin ang mga pulis upang mapanatili ang maayos na daloy ng eleksyon sa Mayo.

Sa huling bahagi ng aktibidad pinangunahan ni Governor Tan ang Ceremonial toast na sumisimbolo sa patuloy na pagpapatibay ng seguridad at kapayapaan sa buong lalawigan.

Samantala, ang nasabing aktibidad ay dinaluhan din nina Executive Assistant John Francis Luzano, Provincial Administrator Manny Butardo, Provincial at Special Staff ng QPPO at mga Hepe ng kapulisan mula sa apat na distrito sa Lalawigan ng Quezon.

Quezon PIO

Unity Walk and Signing of Peace Covenant | January 30, 2025

TINGNAN: Maulan man ang panahon matagumpay na giginanap ang Unity Walk and Signing of Peace Covenant sa pangunguna ng Commission on Election (COMELEC), Philippine National Police (PNP), at Armed Forces of the Philippines (AFP) na dinaluhan ni Governor Doktora Helen Tan, ngayong araw ng Huwebes, Enero 30 sa Lucena City.

Ang nasabing aktibidad ay ang paglalakad ng mga kakandidato mula Lucena Philippine National Police (PNP) Station patungong Pacific Lucena City, bilang pakikiisa sa paparating na halalan ngayong Mayo, 2025 para sa ligtas, tama, malaya at patas na eleksyon.

Bahagi rin ng aktibidad ang pagpirma at pamamanata ng mga kandidato bilang “Panata para sa malinis, marangal at may dignidad na kampanya sa halalan 2025.”

Kasama ring pinalipad ang ibong kalapati na sumisimbolo at nagsisilbing paalala na ang isang Secure, Accurate, Free, and Fair na halalan ay mahalaga sa tunay na demokrasya.

Samantala, dinaluhan ito ng mga Bureau of Fire Protection (BFP), Bureau of Jail Management and Penology (BJMP), at Philippine Drug Enforcement Agency (PDEA) ng Quezon, na laging susuporta para sa kasiguraduhan ng kaligtasan tungo sa mapayapa at ligtas na pag-usad ng Lalawigan ng Quezon.

Quezon PIO

PNP AND COMELEC Unity Walk and Peace Covenant Signing for NLE 2025 | January 30, 2025

Lucena City, Quezon

Recorded Live

Live Link: https://www.facebook.com/share/v/1KbiYyoMjR/

Quezon PIO

Free Flu Vaccination in Partnership with Department of Health (DOH) – Lucban and Mauban | January 29, 2025

Sakit ay Iwasan, Kalusugan ating Pangalagaan

Nakapagbigay ng tinatayang humigit 1,600 na libreng Flu Vaccine sa pangunguna ni Governor Doktora Helen Tan katuwang ang Department of Health (DOH) ngayong araw Enero 29, sa mga bayan ng Mauban at Lucban.

Ang flu vaccine ay isang bakuna na nagpoprotekta laban sa influenza o trangkaso. Nakakatulong ito upang maiwasan ang malubhang sintomas, komplikasyon, at pagkalat ng sakit. Inirerekomenda itong kunin taon-taon, lalo na para sa mga bata, matatanda, buntis na anim na buwan pataas, at mga may mahinang immune system.

Ibinahagi naman ni Governor Tan na bukod sa flu vaccine ay naghahandog din ang Pamahalaang Panlalawigan sa mga mamamayan ng Quezon ng mga serbisyo sa pamamagitan ng mga medical mission, kapartner na drugs store, diagnostic center, pampublikong ospital at mga Satellite offices na tutugon sa mga pangangailangang pangkalusugan ng mga Quezonian.

Gayundin, pinasalamatan din ni Governor Tan ang mga Medical Team na galing sa bayan ng Gumaca sa kanilang dedikasyon sa pagtulong na maprotektahan ang kalusugan ng mga mamayang Quezonian.

Samantala, abangan ang mga susunod na schedule ng medical mission na bababaan ng gobernadora upang maiabot sa mamamayan ang serbisyong pangkalusugan.

Quezon PIO